夫婦情感今日: 0|主題: 42774

收藏本版

發帖

返回列表

跳至頁

樓主: oguh

(11月29日update)繼續寫下我家癲佬Bruce同我之間的趣事

[複製鏈接]

25 262728 29...42

252

me920

珍珠宮

積分: 47199

馬年勳章 2024年龍年勳章

521^#

發表於 12-10-15 10:27 |只看該作者

我老公都會一上網就soccer.net個D website............
佢又係會睇波睇得好緊張，不過而家好D，唔會好似以前咁激動。

私人傳訊

果凍‧獅子

複式洋房

積分: 278

522^#

發表於 12-10-15 11:28 |只看該作者

私人傳訊

oguh

子爵府

積分: 11575

523^#

發表於 12-10-15 22:37 |只看該作者

本帖最後由 oguh 於 12-10-15 22:37 編輯

中醫

Bruce之前比我捉佢睇過一次中醫咁大把，食中藥對佢來講簡直「慘過死」，所以食左幾次藥佢就無再食，又無戒口，總之係用「失敗」來形容係最好。

最近佢因為好多煩事心情暴躁，返到屋企成日話自己「攰喇喇」無晒力，打波時又話自己腳根痛，放假係屋企，果頭起身食完早餐，果頭就再走返上床瞓足一日，無晒精神，我出盡九牛二虎之力再捉佢睇多次中醫。佢好唔願意，主要都係因為中藥好臭好苦，所以今次搵左個中醫係食藥丸仔，同埋係開水飲一支支已煲好既中藥，應該無咁苦。

上到去有幾個人係度等緊，大家見到個鬼佬眼望望，Bruce又生得高高大大，診所地方唔大，一入去等候室果度即刻好似迫左好多咁。幫佢登記，聽到有個女人係電話講：「鬼佬都睇中醫......」百無聊賴等左一陣，Bruce有D唔耐煩想投訴之際，終於到佢。

入去一坐低，女中醫一邊幫佢把脈，一邊問佢有咩問題，Bruce自己答下，但又講唔到時就講英文，我再幫佢翻譯。

女中醫把下右手脈，又把下左手脈，突然皺晒眉、搖晒頭咁嘆左一口氣：「我都唔知幫你醫咩先好。」Bruce同我對望左一下，個女中醫開始話佢有咩問題，基本上，佢五臟六腑都無一個器官係正常，個個都有問題，Bruce皺眉，問：「咁係咪唔洗醫，等死就得？」女中醫幫佢量下血壓、睇下條脷，又講問下佢生活習慣，飲食習慣。

當中醫聽到佢「唔食飯，主要食薯片薯條、三文治、漢堡包、沙律同埋勁鍾意食雪糕、飲啤酒，有食煙，經常性都夜瞓，瞓5個鐘就起身」真係眼都突埋，佢話：「你個肝好弱，肺好熱，腎好虛，仲食咁多生冷野，又唔食飯，個人無『米氣』呀，唔得架。」然後講左一大輪佢身體點點點差，我都聽到一額汗，Bruce聽到一頭霧水，猛咁打斷人地問：「咩係『米氣』？我食risotto有無米氣？」
「點解個胃又會頂住個膽、個肝又頂住其他器官？我身體裡面有咁迫咩？」
「咩係寒涼？係咪好似天氣寒冷果D？」
「肚痛關個腎咩事？唔係關腸事咩？」
「唔食得牛肉同薯仔？咁我不如餓死算喇。」
總之，搞到個女中醫都無佢符，話佢：「我開一個星期藥比你食，你戒到口、早D瞓就自然有好轉，一星期後睇下點啦。」
我問：「洗唔洗覆診？」
女中醫：「有好轉咪返來囉。」語氣上好似唔想Bruce覆診咁。

下午睇完，晚飯時，Bruce懶乖咁望住個menu話：「我要戒口，睇下食乜先......」望左好耐，好似溫書咁困難咁，佢終於揀左豬扒，伴菜有薯仔，懶乖咁比晒我食。我食燒雞，suppose雞佢都唔食得，我食唔晒，剩左少少，佢問都唔問，一手伸支差過來吉左舊雞食，懶好心話：「唔好浪費食物呀，我為左你破戒，你要多謝我喇。」我睇你戒口可以維持幾耐。

當晚開始食藥，第二朝又食，到第二日晚上再食。第三日晨早，當我起身時，佢係佢個廁所裡面大叫：「Selina！你入來！」救命，好似呼喚工人咁，到底我係咪阿四，你無廁紙要我幫你換？
我：「乜事呀！晨早流流叫得咁大聲。」
佢：「你睇下！飲左D中藥之後，我D屎黑媽媽！」佢指住個馬桶叫我睇，我心諗，你有無咁痴線呀！就算兩夫妻，相處左咁多年，都唔應該叫另一半去睇自己D屎呀？？？
我：「唔睇！好臭！快D沖左佢啦！」
佢：「你睇下先啦！真係好黑！我保證你未見過咁黑既屎！」
我：「我睇左又唔會叻D！痴線！」然後我衝門而出。

之後，每朝，Bruce都同我報告佢D屎既「狀況」，有時黑，有時無咁黑，有時正常，唔知點解，我無諗過佢身為一個受過高等教育既gentlemen，會咁大大方方咁講自己既「屎」，我教過佢講「大便」，但佢成日唔記得都係「屎屎屎」激死。佢覺得D中藥有效，佢瞓得好左，精神好左，可能D黑屎係佢平時身體內所有既毒素一次過排出來。

暫時都未知佢會唔會有改善，因為今晚佢已經唔記得要戒口，食左牛肉乾同埋雪糕，仲食得好滋味。我估下次去覆診，個中醫一把脈又會搖頭嘆氣。