影視娛樂

跳至

首頁

尾頁
   144


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


541#
發表於 12-9-17 09:40 |只看該作者
關仁隱事:「狂躁」臭史

狂躁臭史1:陰招蝦細路
「狂躁」虐待女藝人單嘢揚咗之後,佢嘅臭史陸續有來。原來狂躁除咗蝦大人之外,就連細路仔都唔放過。聽聞有啲小演員拍喊戲喊唔出,狂躁就出陰招捏佢哋,捏到佢哋喊。小演員啲家長喺現場通常坐喺個mon前面睇住自己啲小朋友拍戲,狂躁每次捏小演員,就會用背脊遮住攝影機鏡頭,家長睇住個mon只係見到狂躁背脊,完全睇唔到自己仔女點被狂躁虐待。

狂躁臭史2:玩殘老演員
狂躁鍾意蝦細路同新人,就連老牌演員都受害,好似演戲多年嘅「柯德莉」,都曾經試過俾狂躁玩殘。柯德莉一向粗口橫飛,個個都冇面畀,狂躁當年未升職,係負責演員通告嘅嘢,柯德莉唔抵得狂躁咁乞人憎,於是成日幫人爆粗鬧佢,點知狂躁懷恨在心,試過特登編排柯德莉凌晨一點先至開廠,跟住晨早7點再出外景,等佢老人家冇時間休息。

狂躁臭史3:平樓益高層
狂躁有高層包庇所以橫行無忌,盛傳狂躁係高層親戚之外,聽聞狂躁女友係內地樓盤營業部高層,06年狂躁為咗巴結高層,叫女友用成本價賣咗內地一個出名樓盤一個3千呎單位畀高層,貪得無厭嘅高層再叫狂躁用同樣價錢賣咗另一個單位畀自己一位老死,而狂躁同女友就買咗同一幢大廈嘅單位,等平時放假約埋高層一齊返內地度假聯絡感情。

「狂躁」= tbb狂躁導演張永豪
「柯德莉」= 夏萍

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


542#
發表於 12-9-17 09:42 |只看該作者
關仁隱事:「滴滴仔」周街爆粗失禮

名人「滴滴仔」官仔骨骨,仲天生一副明星相㖭,唔怪得咁多女黐埋身,呢頭離婚冇耐嗰頭又結婚,好在佢同第二任老婆都幾恩愛,呢幾年都冇聽過佢再傳緋聞,以為佢老婆執到一個又靚仔又有錢又知書識禮嘅筍盤啦!點知前排關仁有朋友喺中環見到佢兩公婆,滴滴仔揸住架靚車停咗喺度,同一個貨車阿伯嗌交,仲炒蝦拆蟹粗口橫飛㖭,真係聽到關仁朋友O晒嘴,估唔到一個上流人,竟然可以咁爛口,完全唔顧自己嘅身份。關仁朋友坐住架保母車,咁啱喺度等車位,即時較低車窗睇戲,原來滴滴仔同貨車佬爭位,估唔到為咗咁小事就爆粗,真係失禮人。

「滴滴仔」= 大劉個仔劉明煒??
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


543#
發表於 12-9-18 09:54 |只看該作者

關仁隱事:
「姐姐」冇得升要脅辭職

最近包庇下屬嘅女高層「姐姐」一向好識耍手段,當年佢嘅老頂「旺旺」退休之後,姐姐一心以為自己終於可以坐正,做部門話事人。點知嗰時嘅老細「圓圓」諗縮數,唔肯升姐姐,原因係旺旺人工高,如果升咗姐姐坐旺旺個位,即係要畀旺旺份人工姐姐,圓圓算過度過之後,決定加小小人工去升姐姐嘅下屬「湯湯」,等湯湯同姐姐同一級數,可以互相制衡。姐姐知道自己冇得升職,一怒之下曾經遞信辭職玩嘢,但到頭來都係留番低冇走。

「姐姐」= 曾勵珍
「旺旺」= 汪岐
「圓圓」= 方逸華
「湯湯」= 梁家樹

點評

connielamyee    發表於 12-9-18 11:17
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


544#
發表於 12-9-19 09:55 |只看該作者
關仁隱事:
「阿爆」喪鬧辣㷫「偏鋒」

「阿爆」俾人話拍劇時向女演員「小小」動粗,其實受害人點止一個?聽講阿爆N年前已經得罪過監製「偏鋒」,當年偏鋒好睇佢,每次開劇都預埋佢一份,但有次阿爆唔知係咪前一晚飲完酒宿醉未醒,竟然大膽到喺錄影廠入面指住偏鋒嚟鬧,當時好多台前幕後都在場,搞到偏鋒咁冇面,梗係即時嬲爆趕佢出去,仲話明以後都唔用呢個人。但小小就慘啲,冇權冇勢梗係唔敢出聲,而另一個原因,係小小覺得家自己上緊位,寧願喺朋友面前日喊夜喊,但都話要忍一時之氣。

「阿爆」= 張永豪
「小小」= 劉蔚萱
「偏鋒」= ??

點評

IgnatiusWong  入嚟say個hi  發表於 12-9-20 09:15

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


545#
發表於 12-9-20 09:32 |只看該作者
關仁隱事:「高妹」靠大師搵食

單親媽咪「高妹」雖然同身家億億聲嘅「大蟲」生咗個女,但從冇來往,原本有個有米媽咪照住,但聽聞佢同阿媽反咗面,所以早排咪同個女回流香港,惟有再拍番嘢努力搵錢養女囉!初時高妹返嚟都叫做有啲新鮮感,大婆台都畀咗一堆工作佢做,可以食老本買番間屋同乖女相依為命,都過咗一段唔錯嘅日子。但係好景不常,新鮮感過咗,大婆台漸漸冇乜嘢畀佢撈,咁又係,佢咁鬼高拍劇都幾難搵小生襯到佢,加上啲戲又唔係特別好,好快就越嚟越少嘢做,錢搵少咗都咪話唔閉翳,好在佢之前個老頂「大師」轉咗去做大氣電波台,大師搵佢做節目主持,總算有固定收入冇咁騰。

「高妹」= 唔綺莉
「大蟲」= 成蟲
「大師」= 陳志暈


很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


546#
發表於 12-9-21 09:40 |只看該作者
關仁隱事:
「粥粉嫂」佈線眼箍實男友

「粥粉嫂」初出道時都好多機會,拍住「雪茄導演」拍戲,不過都係冇乜人識,佢就賴劇本差,又話記者寫衰佢。粥粉嫂之後入咗大台,叫做有得撈,但佢最大成就係同浪子「粥粉哥」拍得成拖,所以粥粉哥認定佢係女友嘅時候,佢就死咬住唔放。聽講粥粉嫂份人好勢利,佢嘅前度「公仔佬」,就係因為冇出色而被飛。為咗箍實粥粉哥,粥粉嫂除咗24小時全天候實外,仲喺男友身邊佈滿自己線眼,又一改以往鬧記者嘅習慣,對同粥粉哥老友嘅記者不知幾好,等記者可以幫佢講多啲好說話,今次咪畀佢求仁得仁囉。

「粥粉嫂」= 蒙+慧
「雪茄導演」= 杜其瘋
「粥粉哥」= 鄭E麵

點評

bb123321  粥粉嫂嘅前度「公仔佬」= ??  發表於 12-9-21 14:58
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


547#
發表於 12-9-24 09:43 |只看該作者
關仁隱事:
「擂沙」扮超然人人叫苦

做得影后影帝大明星,自然要求高兼非常自我。女星「擂沙」以氣質獨特見稱,估唔到真人都一樣係咁「超然物外」,完全唔理個世界點運行!

全部要改
話說有次擂沙收咗錢影靚相,事前各方都溝通好兼度好拍攝形象。點知擂沙去到現場,一時話個形象好悶,一時又話要改衫,終於樣樣都要改,畀晒錢嘅客戶都由得佢大小姐忽然要試新嘢,客客氣氣冇拒絕。不過一班髮型、化妝、背景佈置的工作人員,全部要大執,本來拍兩、三個鐘,最終拍到半夜12點先收工,人人叫苦連天。

「擂沙」= 湯唯??
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


548#
發表於 12-9-24 09:46 |只看該作者
關仁隱事:
「友友」刻意高調箍男友

「友友」同「玩具王」拍拖咁耐,大家都睇好佢哋會步入教堂,但聽聞玩具王太愛自由,一直唔想被困。友友人前人後都話唔恨嫁,其實係死要面。早排玩具王開騷,友友撐足咁多場,仲好刻意一早喺觀眾席坐定,平時啲藝人例必熄晒燈先蒲頭,以免觀眾爭住影合照,友友喺燈光仍好猛嘅時候現身,其實想過萬觀眾睇到佢,力保正印位置。

「友友」= 蒙+胃Yoyo
「玩具王」= 鄭E麵
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


549#
發表於 12-9-24 09:47 |只看該作者
關仁隱事:
「肥妹」派帖請飲得把口

講開近期女模婚嫁事件,以「肥妹」去外國搞婚禮嗰單最神秘。話說一向脾氣麻麻嘅肥妹換咗咁多個男人,終於結婚,女模兼好友都替佢開心。不過,自從肥妹近兩年黐咗幾個圈中明星,自行升格做明星,就更加招積。本來公關好友諗住去飲,但遲遲冇收到帖,只係得肥妹懶social咁搵把口話請人,但帖就唔見,關仁聽到唔少女模都不是味兒,仲話唔請慳番!

「肥妹」= 周汶奇
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


550#
發表於 12-9-24 09:48 |只看該作者
關仁隱事:「白面書生」甘做馬騮戲

喺二奶台歌唱比賽成名嘅「白面書生」,雖然唔靚仔唔高大威猛,唱歌唔係特別好聽,但鬼整佢真係有好多粉絲,模、阿嬋都有齊,可能白面書生自恃有才華啦,加上喺二奶台有咁多粉絲又的確幾巴閉,所以嗰陣佢做二奶台嘅活動,都零舍意見多多,呢樣又話唔做得,嗰樣又話影響形象,搞到二奶台嘅工作人員唔多like佢。
咁有性格又點呀,前排白面書生簽咗間同三色台關係超好嘅唱片公司,咪又係好似其他歌星仔咁,要上嗰啲極富娛樂性嘅綜藝節目做馬騮戲,以前受過佢氣嘅工作人員喺電視見到佢個慘樣,都不知幾心凉。

「白面書生」= 羅力威
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


551#
發表於 12-9-25 09:30 |只看該作者
關仁隱事:「大支嘢」扮大佬丟架

「大支嘢」恃住自己入行幾十年,人人都畀面叫佢做大佬,佢就當正自己一日大佬一世大佬咁,無時無刻都要人聽佢支笛,好似早排有個衣香鬢影嘅派對,主人家請咗位來自外地嘅資深歌手做表演嘉賓,等班賓客可以坐喺台下,一邊食嘢一邊睇騷,不過,當台上熄晒燈預備資深歌手出場前,大支嘢竟然走上台攞住支咪講:「大家坐低唔好周圍走,專心欣賞節目。」可惜台下嘅貴客見台上黑麻麻,都睇唔清佢係邊個,冇人騷佢,大支嘢即刻發老脾走返後台,叫工作人員開燈射住佢,再出嚟講多次:「希望大家朋友坐低,唔希望外國朋友表演時有人行嚟行去。」仲用日文、普通話、英文、廣東話各講一次,死都要人乖乖坐番埋位。

「大支嘢」= 成虫
很想知道,追夢的人是如何踏出第一步?


水晶宮

積分: 51457

2025勳章蛇年勳章 2024年龍年勳章 2023年兔年勳章 牛年勳章 好媽媽勳章 醒目開學勳章 畀面勳章


552#
發表於 12-9-25 17:29 |只看該作者
22May 發表於 12-9-25 09:30
關仁隱事:「大支嘢」扮大佬丟架

「大支嘢」恃住自己入行幾十年,人人都畀面叫佢做大佬,佢就當正自己一日 ...

真係慳d~
我搞下笑架咋, 唔好插我呀!!!!!!!!!!


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


553#
發表於 12-9-26 09:30 |只看該作者
關仁隱事:「獅子」「神油」鐵竇開餐

「獅子」同外籍傭工「神油」都係出身電視框,以搞笑出名搵食,前者有個固定女友「點心妹」,後者就已經結婚生埋仔。睇落佢哋好似冇乜共通點,亦都好似冇合作過,但係原來佢哋friend過打band,兩兄弟仲一齊拍住搵食。所謂搵食當然唔係開工嗰種啦,當然係背住屋企嗰件蒲吧媾女。佢哋為咗玩得開心食得安心,仲夾錢喺老尖山林道租咗間唐樓,邊個有需要搵到食咯就帶上去。佢哋為咗唔會喺上面撞口撞面咁尷尬,開餐前後都會電話知會對方,為防出錯仲會喺門口放埋暗號,咁就萬無一失啦。

「獅子」= 你C捷
「神油」= 橋寶寶

點評

newcook  點心妹係咪春卷?  發表於 12-9-26 12:50
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


554#
發表於 12-9-27 09:29 |只看該作者
關仁隱事:「奶茶」遭強吻啞忍

「小小」俾人又推又鬧,好彩有二五仔幫佢出頭,有片有真相,最終博到好多人同情,仲做埋場大龍鳳打圓場。對新人嚟講,其實呢啲只係冰山一角,有好多俾人恰完都唔敢開口還擊。好似小小個老友「奶茶」,關仁聽講佢早前拍劇試過俾人強吻,原本場戲只係叫個五、六、七線男演員輕輕錫一啖,點知埋位俾人激咀,仲要伸埋條脷入喉嚨咁狼,但導演一直唔嗌cut機,奶茶惟有死忍頂硬上。奶茶唔係冇諗過投訴,但諗咗好耐,發現投訴無門,知道導演同個男演員好熟,見到都當睇唔到,奶茶又知自己人微言輕,即使投訴到高層都只會俾人話麻煩同多事,最終咪不了了之囉,認真慘情。

「小小」= 劉蔚萱
「奶茶」= 陳蔚而 (味之天使)

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


555#
發表於 12-9-28 09:30 |只看該作者
本帖最後由 22May 於 12-9-28 09:31 編輯

關仁隱事:「之之」出揦鮓招冇品

內地乳牛「丫丫」因為夠博夠寸嘴,呢排走出嚟宣傳電影,佢雖然只係大茄,但次次都谷爆胸攝正中間位搶鏡,近日終於辣㷫同片嘅另一新人「司機」,不過司機都唔係儍妹,關仁知道司機好唔忿氣同經理人「之之」投訴,有次之之親眼見到自己個女藝人俾人蝦,立即上前推開丫丫,丫丫尷尬到飛起,關仁覺得大家爭上位雖然競爭好大,但都唔可以出埋啲揦鮓招,咁樣好冇品啫。

0靚毛冇興趣!!

「丫丫」 = 張暖丫 「司機」 = ??
「之之」 = ??






很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


556#
發表於 12-10-2 10:19 |只看該作者
關仁隱事:
「大富貴」茶記包枱顯霸氣

唔好以為「大富貴」日日都要去飯堂開餐,其實都有例外,關仁早排去中環一間茶餐廳食嘢,見到大富貴同咗佢嘅大肚女友開餐,嘆奶茶同雞扒麪,真係估佢唔到!大富貴有成班保鑣同行,聲勢浩大,又撞正係中午食飯時間,所以好多人都眼望望。

食客一肚氣
不過,最爆係關仁聽到有保鑣同侍應講,話要攞埋大富貴旁邊嘅幾張枱,唔准人坐,仲話畀番錢佢哋,咁霸道,等緊位嘅食客自然一肚氣啦,但侍應最終都順大富貴意,畀佢包埋其他枱。關仁記得大富貴當年同「減分」一齊,試過睇戲時都買埋前後左右嘅位,以免俾人聽到佢哋傾偈,估唔到大富貴連食飯都要咁做法。

「大富貴」= 大劉

點評

simple430  大富貴只不過係一條老粗   發表於 12-10-3 09:32
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


557#
發表於 12-10-2 10:21 |只看該作者
關仁隱事:
「牛神」寸舊公司冇面畀

「牛神」之前喺大婆台咁多年都冇被重用,即使做過幾個熱爆角色,始終都做唔到公司嘅親生仔,搞到佢去年離巢。牛神外闖發展認真唔錯,之前幫大婆台演嗰套劇最近播出街又爆紅,連帶人氣急升。大婆台今次怕再流失人才,所以急急同牛神傾合約。不過,牛神一向寸嘴,經常都數臭大婆台,佢除咗喺公開場合暗寸舊公司製作有問題,同記者做訪問時都忍唔住口,好似佢之前去到人哋公司做訪問,眼見有大大個泳池,佢就即刻彈大婆台嘅設施差,仲話如果大婆台肯放啲資源搞好啲員工設施,相信大家會更加有歸屬感,拍劇時都會投入啲喎。

「牛神」= 馬不忠
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


558#
發表於 12-10-2 10:22 |只看該作者
關仁隱事:
「射皮」獅子開口斷米路

同唱片公司分咗手嘅「射皮」,之前一直傳有好多公司都想斟佢過檔,搞到佢好似好搶手咁,實情係點?大家都有眼睇,咪好似家咁,一直未有着落,關仁聽聞,最大可能性咪係同佢老公同一間公司囉。其實圈中人都知射皮嘅幕後班底麻煩兼獅子開大口,所以嚇到某公司高層原本有興趣都卻步,要仔細考慮先決定係咪同佢哋合作。結果射皮一於先下手為強,早排爆響口話會同某公司合作,實行整濕人哋個頭,至於嗰間公司係咪真係中招,咁就要放長雙眼睇吓喇。

「射皮」= 射安皮
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


559#
發表於 12-10-2 10:24 |只看該作者
關仁隱事:「紋身佬」人搖福薄

「紋身佬」未婚生女後同女友結埋婚,成個人轉晒性,變得鬼咁專心做嘢,仲頻頻返內地拍戲賺人仔,好努力咁養妻活兒,之前仲搞到吊威吔扭親頸㖭,最近佢拍完戲返香港,有日關仁個朋友喺跑馬地茶餐廳,見到佢約咗麻甩佬食嘢吹水,以前鬼咁花心嘅佢,家真係修心養性,冇偷雞媾女,不過,身為太子爺嘅佢,雖然周身都係名牌,但行為就冇嚟貴格囉。事關紋身佬坐喺度係咁un,似乎唔知道有句俗語叫人搖福薄,我朋友坐正佢後面,紋身佬成餐飯就係咁un住食,真係話佢唔好意思嬲佢唔知囉。

「紋身佬」= 鄭中機
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


560#
發表於 12-10-2 10:27 |只看該作者
關仁隱事:
「猛猛」舊電腦益「文文」

今時今日,唔少藝人都大方承認拍拖,無謂再扮純情呃fans,好似「猛猛」就對女友「文文」鬼咁好,佢哋唔單只公開咗拍拖,仲成日一齊去街,猛猛嘅性格好不羈,有時得閒佢鍾意話飛就飛,拉埋女友陪佢去外地兩、三日玩吓休息吓,可能以前佢去過台灣發展,所以佢最鍾意就係飛台灣逍遙幾日,文文亦樂於做跟得女友陪玩,不過,千祈唔好誤會文文貪威識食,其實佢對猛猛死心塌地,關仁聽講有次文文部電腦壞咗,猛猛屋企有幾部手提電腦,就求其畀部舊機女友用,文文都冇嫌棄,仲鬼咁開心㖭,呢啲咪叫真心相愛囉。

「猛猛」= 反少黃
「文文」= jj

點評

girlbear  唔係孫耀威同MACY咩  發表於 12-10-4 20:42
很想知道,追夢的人是如何踏出第一步?

首頁

尾頁

跳至
Presslogic Logo
Baby Kingdom Logo