早個星期我去灣仔中央圖書館之前，剛好差不多12點，咪打算食左飯先，行左幾間食店都無乜好食，剛好在灣仔某學校對面有間食店叫＜sxe you see me＞，見午飯套餐有個牛柳絲炒烏冬，連餐湯野飲都係廿幾三十蚊，價錢大眾化，門面亦幾乾淨，咪入去試下囉，初時入去都覺得無乜野，係冷氣照頭吹，凍了點，勉強都可以忍受，但係點完餐之後，個仕應拿湯給我時，好明確地讓我看到佢將幾個湯玩（碟）羅漢，好在我個湯在最上面，但湯碗底就（痴）住其他碗的湯，這時已經覺得不對勁。跟住仲過份，飲完湯，餐飲都黎埋，但係個牛柳炒烏冬就遲遲未到，等了又等，遲我10分鐘入黎的老伯叫完餐，食完個餐坐多陣至走，我個烏冬依然未到，催左不下3次都係未到，睇住其他遲黎的客人，有些叫完個外賣走人，有的落完單不足兩分鐘已上主菜，我就繼續等，等左成半個鐘，最後由一個看似是老闆的阿叔幫我追單，我慶到問佢係咪無烏冬，係我就轉過其他餐好過繼續等，點知佢一追單就即有，不過佢拎住兩碟烏冬，一碟我的，另一碟唔知係邊個可憐客人的，點解我會咁講呢？因為呢碟要我等左成半個鐘的烏冬，內容少到出汁，烏冬又少又煮到淋過頭，勁易斷，牛柳絲更少，又無味，而且都唔係牛柳絲，而係一條條幼到無倫的牛肉條，個廚房佬都幾好刀工，我懷疑佢係用美工刀去切牛肉的，呢餐真係好唔開心，完全有被騙的感覺，食即食面都好過佢。
發表於 
返回列表
