mandy78093 發表於 13-10-24 07:14 
終於睇完 ! 但點解個結局好似草草收場, 又無解釋施琪後來同少征是怎樣了, 他們發生了咩事 ? 張曉和少征又 ...
1）施明德施琪父女入主恒瑞後想進一步賺大錢，當時恒瑞有好多問題，少征同至信好不容易清理好所有瘀血，接住就係點樣將公司喺逆境求生，因為當時調控及中央政策都對恒瑞百上加斤，施氏父女提出將恒瑞分拆賣出，當中就可以撈一筆錢。喺賺錢角度睇，少征理應贊成，但佢自己都唔知點解就係唔捨得，明知呢個係一個燙手山芋，偏偏自己就係唔想賣恒瑞，佢白手興家剛剛上市嘅泓匯發展正如日中天，同恒瑞千瘡百孔有待整頓比，賣出恒瑞套取資金再投入泓匯係最賺錢最理智嘅做法，但少征就係不捨，最後同施氏換股，將自己喺泓匯嘅股票換施氏喺恒瑞嘅股票，表面上就如將泓匯送咗俾施氏父女，我估去到呢步，施琪同少征都應該分手啦。少征當然唔會白白將舊肥豬肉送俾佢地，後記中借至信帶出少征一定係做咗手腳，但要問題浮上檯面要時間，後來問題出現，施明德查到係少征之前部署，仲買凶搵人殺少征，如施琪同少征之前未分手，去到呢度都一定唔會再一齊，施明德可以買凶殺人，施琪同少征都應心裡有數，況且施琪對少征都唔係可以拋棄一切嘅愛，施琪都係以利同權行先，施明德貪心，只要有錢賺就做，包括幫黑道駛黑錢，少征搵人告密去廉政公署，搞到施氏一身蟻，股價大跌，已無暇再去麻煩少征，少征於是將恒瑞交托俾至信，自己走去黃山同張曉生活，平時只係通過網上視頻同公司人開會，背後幫助至信，而且佢相信老父只係行動不便但頭腦依然精明，一定會做至信軍師。
2）少征去黃山搵張曉，果個種太平猴魁嘅茶園主人就係少征。張曉喺黃山山腳下做鄉村老師，少征就陪佢留喺果度，兩人未結婚，但劫實地兩個人相處相守，之前少征叫張曉信佢等佢，就係等佢處理好晒所有嘢之後，就可以兩個人喺埋一齊。
3）至信係好，但呢個係宿命，張曉只當佢係好兄弟好朋友，永遠都唔係果種刻骨銘心至死不渝嘅感情，係好人唔係好人都冇關係，唔係所愛嘅人點好都冇機會。
呢個故事都幾特別，其他故仔未提過原來若曦嘅魂魄，今次轉世多咗一個若曦實在令到場面更複雜。另外，應少征叫做報咗仇但始終血濃於水，少征唔係冇人性，佢吞咗恒瑞之後，反而救咗呢間公司，就同以前四爺一樣為大清犧牲自我，不過而家科技發達，已經唔駛再困喺紫禁城都可以處理到工作，今世無疑係幸福好多。我都幾鍾意作者番外寫到前世種種因結成今日果，如果作者結尾寫得豐富一D就更好。
花旗太太生活在花旗國，留意時差，你問我未必即時答到。
發表於 
，而且唔係唱離騷
，好迷人
！
返回列表
