吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 2015年媽媽會› 預產期15年4月8日報到 - 歡迎交流心得，心情，孕婦食譜 ...

2015年媽媽會今日: 0|主題: 2943

收藏本版

發帖

返回列表

跳至頁

樓主: k1210

[4月] 預產期15年4月8日報到 - 歡迎交流心得，心情，孕婦食譜 [複製鏈接]

1 23

k1210

別墅

積分: 707

41^#

發表於 14-11-18 13:31 |只看該作者

尋日喺公立照完結構，已經知性別啦！

其實之前早一個月喺私家度照都話九成係........等大家估下。

由懷孕至而家20周共重咗7kg。個肚都幾大，自己無肥到。姑娘叫食小啲，同以前差唔多加多幾百卡路里得啦。

其實都係多咗飲湯之嘛.........

私人傳訊

k1210

別墅

積分: 707

42^#

發表於 14-11-20 20:21 |只看該作者

回覆：預產期15年4月8日報到 - 歡迎交流心得，心情，孕婦食譜

今晚整營養豐富嘅牛尾羅宋湯

食材( 4 人份)

橄欖油適量

牛尾 400 g
番茄 400 g (2顆)
洋蔥 1/4顆
芹菜 2 支
馬鈴薯大顆1顆
牛肉高湯 1000ml
紅蘿蔔 1支
高麗菜 1/4個
巴西里PARSLEY 1/2大匙
月桂葉 BAY LEAVES 3片
鹽,胡椒適量
番茄醬 3-5大匙

做法

1. 所有材料切小塊

2. 在鍋裡熱橄欖油, 到稍稍冒煙的時候放洋蔥炒香, 到邊緣有一咪咪焦黃

3. 放牛尾, 四面都用大火煎過到微微金黃, 這樣肉久煮也不易散, 還可以增加湯的香味

4. 接著加番茄, 稍微拌炒

5. 倒牛肉高湯

6. 一口氣把紅蘿蔔, 高麗菜, 芹菜和馬鈴薯塊都丟下去, 到水至蓋過食材

7. 放番茄醬, 巴西里和月桂葉, 大火煮滾後轉中小火燉2小時或至牛尾軟爛

8. 起鍋前加鹽和胡椒粉調味

私人傳訊

PeggyK

別墅

積分: 857

43^#

發表於 14-12-1 12:37 |只看該作者

回覆：預產期15年4月8日報到 - 歡迎交流心得，心情，孕婦食譜

4月8！！！！

私人傳訊

要快樂的我

大宅

積分: 2183

44^#

發表於 14-12-9 22:10 |只看該作者

我都係4月8日開刀，第二胎😄

私人傳訊

k1210

別墅

積分: 707

45^#

發表於 15-1-7 11:49 |只看該作者

已決定開刀，日子亦已定於3月25日。

菲傭會今個月到，唔知各位有無姐姐工作表分享給我呢?

私人傳訊

joyceJC

複式洋房

積分: 478

46^#

發表於 15-1-7 19:01 |只看該作者

410

私人傳訊

EuniceNgan

大宅

積分: 1216

47^#

發表於 15-1-20 08:17 |只看該作者

回覆：預產期15年4月8日報到 - 歡迎交流心得，心情，孕婦食譜

我都係4月8日第2 胎~~~

私人傳訊

shachan039

複式洋房

積分: 339

48^#

發表於 15-2-2 00:05 |只看該作者

回覆：預產期15年4月8日報到 - 歡迎交流心得，心情，孕婦食譜

我都係4月8，第一胎

私人傳訊

羊媽媽tata

民房

積分: 29

49^#

發表於 15-2-8 12:11 |只看該作者

k1210 發表於 14-9-12 16:48
預產期15年4月8日預產報到第一個小朋友，應該會開刀。
歡迎交流心得，心情，孕婦食譜
...

你好呀我都係4月8號喺法國開刀. 第一胎. 你嗰個係仔仔定囡囡呀? 我走佬袋同BB用品都未準備⋯ 好多野唔知買咩牌子同型號好

私人傳訊

k1210

別墅

積分: 707

50^#

發表於 15-2-9 12:45 |只看該作者

恭喜，恭喜。

我第一胎，係仔，會喺第38周喺養和開刀。

其實你可以去荷花望望，都有一set set賣。

我無特別搵牌子，唔係big6做就ok。

私人傳訊

KS115

複式洋房

積分: 273

51^#

發表於 15-2-16 18:05 |只看該作者

回覆：lazysheepsheep 的帖子

me2，開刀嗎？係邊間E院？

私人傳訊

HoYin_MaMa

別墅

積分: 840

52^#

發表於 15-2-21 14:47 |只看該作者

引用：430穿梭機

原帖由 lazysheepsheep 於 14-09-15 發表
430穿梭機

我都係430吖，第2胎
第1胎我介得好清，第2胎反而冇咩介口

私人傳訊

k1210

別墅

積分: 707

53^#

發表於 15-4-7 13:42 |只看該作者

回覆：預產期15年4月8日報到 - 歡迎交流心得，心情，孕婦食譜

今日我要分享廿四小時陪月嘅故事。先旨聲明，係一個勞氣兼長氣嘅故事，而且仲發生緊。請放杯冰水在旁降溫。

早於有咗四個月左右，就經朋友介紹呢個陪月俾我，無耐就約佢出嚟見工。見工時並無唔對路。我同老公亦實話實說，大前提我哋有三隻狗，間屋一定有狗味，因為有隻十五歳嘅金毛，我哋係唔會唔要啲狗。如果你介意，我哋就此結束對話。佢話佢都有養狗，唔怕。跟住我哋就話，我哋地方唔大，如果要瞓，就會瞓喺BB房，只會提供牀褥。佢話無問題，因為佢做過之前嘅家庭都係咁樣安排，再者，佢話每日都係瞓兩、三個鐘，無問題，有張椅洽下都OK。我哋心諗你有冇咁勁？再問佢攞reference睇，有一大疊，跟著佢就sell自己:
「佢話佢好有經驗，湊過好多有錢人及醫生BB,他們要求很嚴格。佢亦湊過多國BB,有去美國、台灣、韓國、日本、加拿大、杭州做陪月等等。而且說得一口流利英語，可幫我教工人。佢話佢煮飯一流，一定食到我舐舐脷。她很標榜自己懂英語, 還說很多陪月也及不上她。那刻我沒說什麽，心想請陪月同工人也是一樣撞手神.只要她湊得好便是我走運了。」呢段說話似曾相識，原來曾有家庭喺2009年用過佢。所講嘅嘢一模一樣。可惜我今日先至見到:

http://www.baby-kingdom.com/forum.php?mod=viewthread&tid=2091227&extra=&page=1

原來就係傳說中嘅魔鬼陪月！咁都俾我哋遇到！！！

啱啱三月廿一日，我個仔終於出世啦。故事就由住院第五日返到屋企開始。

本來BB係喺廿五號安排開刀，但早咗四日出嚟。不過都係開刀。一開完刀就即刻通知個陪月。其實如果佢唔可以早啲返工，我認命；如果佢可以早到返工，我當bonus。好彩，佢話可以喺我出院嗰日早上9:30開始到屋企準備工作，例如買定餸煮好飯，一返到屋企就可以開飯。

出院之前幾日，我同老公已經同菲律賓工人交待出院日會有陪月嚟屋企並且叫工人當日帶佢參觀屋企所有房間(間屋有四間房:主人套房、衣帽房、BB房、工人房)，包括BB房同廚房一切物品放置嘅地方，好使佢唔使拿手唔成勢。

出院時已經係傍晚六點幾七點，因為接受醫生意見等埋BB打完針。我老公大概喺五，六點期間返屋企先攞啲嘢再返醫院。我老公返到去見到佢大模斯樣咁坐在響疏化睇電視。我老公都不以為意，打聲招呼，攞完嘢就即刻返醫院接我同BB。

臨上車返屋企，就打電話俾陪月話我哋宜家返屋企，叫佢準備開飯。

10分鐘後，終於返到屋企，放好啲嘢。我老公就第一時間問陪月啲奶樽準備好未，因為差唔多時間要餵BB。陪月話無準備喎。但完全無打算行動去準備。我老公開始著火，因為佢先前返到屋企見個陪月大模斯樣咁坐喺疏化睇電視。我老公就拿拿臨再將奶咀同奶樽再蒸多次。跟著個陪月話佢唔記得咗。但就問我老公做咩買咁多衫俾BB。我老公頂佢唔順啲語氣，就回佢：見到有咪買囉。

我老公之前每晚都喺醫院陪我過夜，已經瞓得唔好。俾佢先嚟激一激已經食唔落飯。食飯期間個陪月就開始百彈齋主上身，先話個廚房無地方，跟手就話做咩間房(有間房係衣帽間)咁多衫，問我哋點解咁多狗。

由於我哋同工人關係都幾好，佢就滙報話個陪月問佢點解有牀瞓，點解工人有間房。又問工人點解雪櫃咁多可樂，並且將可樂全部抽出雪櫃。可樂係我老公飲，你話我老公興唔興！仲話俾我工人知佢唔鍾意狗，仲話啲狗臭㖭!

當時心諗:
[1]失禮講句，間屋假假地都有成千呎，個廚房都唔會細得去邊，你同我講個廚房細，無地方擺嘢?
[2]我有間房放衫，多衫又與你何干?又話同啲有錢佬做過?咁我只不過蚊同牛比!
[3]狗一早已經講咗有，有味都一早講咗，你又話有養狗，你宜家嚟嫌三嫌四唔鍾意狗?
[4]有牀我都先俾個工人先啦，佢閒閒地至少做幾年，你先至做嗰個半月就亞之亞咗，你咁問工人，係咪想叫佢俾間房你?況且，你喺我朋友度做，地方仲要細，都係瞓床褥，你一嚟到就咁樣?
[5]唔只個雪櫃，係成個廚房啲擺位rearrange過。我老公見到，更火上加油，唔係唔俾你擺過哂啲嘢，你問咗個屋主先呀，呢啲禮貌連個菲律賓工人都識啦!

我老公塊面黑過玄壇，但個陪月繼續講。我老公拍枱就開佢波:「間屋成千呎都話無地方，咁使唔我搬出去俾你住先夠地方?」跟住我老公入咗房就無出過嚟。

咁樣唔係辦法，於是食完飯，趁個陪月要同BB餵奶換片就喺BB房友善地宣示主權。
[1] 間屋係咁細，我都無辦法。有兩個option你選擇：a)照喺BB房瞓床褥，b)出廳瞓疏化，張疏化喺我大肚時成日都瞓(事實)，都幾舒服。況且，BB可以瞓喺highchair。
陪月:哦~ 無問題，我之前喺X太度都係瞓牀褥，地方都無咁大，我慣㗎啦。
我心諗:咁得啦，唔好又嫌我無得俾你選擇。但你係咁嫌我無地方，你想點?

[2] 我對我啲狗就如仔女一樣。我好錫佢哋㗎。
陪月:我個女都有狗…不過唔好俾佢哋入BB房…我鼻敏感。之前都有人買部空氣清新機…
我心諗:你玩嘢呀，見工時講得清清楚楚，你同我嚟呢一套?以為你唔俾啲狗入到房係擔心會影響BB，原來係因為怕影響你。仲想我買部空氣清新機俾你!?

[3] 我有三袋藥材你之前叫我買定用嚟坐月煲湯用，宜家喺BB房呢到，麻煩你得閒放入廚房。
陪月:你廚房無位，要掉唒啲舊煎pan，食咗會生癌。
我心諗: 就算你出於好心，根據之前對話嘅邏輯，其實都係原來係因為怕影響你同埋方便你喺廚房做嘢啫。好難免出現小人之心度君子之腹。

講到呢到都已經知道呢個陪月嘅為人，完全只從自己嘅諗法及完全方便自己嘅方式做嘢嘅人，簡單啲講，係自私。我老公打咗個比喻，你會唔會因為你要影印而叫你老闆特登買部影印機放喺你公司張枱隔離?

如果佢話各樣都係為BB好，我老公同我都唔會介意。但嗰種語氣同態度，根本正常人係未必頂得順。

我哋個菲律賓工人都係新做，做咗兩個月，相處融洽。我老公見佢第一日已有思鄉病，第二日個工人問邊度可以上網同屋企聯絡。我老公二話不說就是幫佢用電話上屋企個wifi。我老公見佢太悶都有叫佢出嚟睇電視，佢都唔敢。我生喺醫院嘅時候無人喺屋企，叫佢出廳坐疏化睇電影台，佢又唔敢，只係喺望台望下景，你哋話香港地邊樹有僱主會對工人咁自由?當然個工人做嘢快手快腳又自律先會咁自在啦。

個工人見到我老公玄壇咁嘅面色都覺得非常出奇，因為佢做咁耐都未見過我老公咁嘅樣。第一晚上未完個工人就報串話俾我老公知個陪月唔鍾意我老公。可想而知，呢個陪月真係完全無interpersonalcommunication skill。一開始想搞分化都唔該先摸幾日底先啦。

我哋喺醫院未返到嗰陣，即我老公返屋企攞之前。個工人仲話個陪月叫佢開電視俾佢睇同一齊坐疏化㖭。個工人開咗電視俾佢之後就答佢Iam not supposed to sit here. 跟住就行開咗。論規矩高下立見。

講咗咁多，只不過係第一晚。我老公嗰晚俾佢激到失眠。成晚𥄫住BB房。

第二朝，我老公塊面依舊黑色，佢晨早無出聲就同隻金毛沖涼，因為個陪月話臭，又落街買咗個BB audio monitor。可想而知，呢個陪月俾我老公嘅第一個印象真係非常差。

搞咗成朝早，我老公買完BB audio monitor返到屋企都未有機會見到BB，個陪月又出聲。佢話要掉咗個用咗十年嘅生鐵鑊，佢話因為煎魚，炒蛋痴底，炒米時會燶。由於廚房所有用品一直以嚟都係我老公搞，連個生鐵鑊新買返嚟時都係佢開鑊。所以，我老公聽到後塊面由黑色變成紅色，又由紅色變到深黑色。

我老公嘅廚藝不錯，今次嘅薑醋都係佢煮。用咗個鑊咁耐都無事。經我老公訓練班後連菲律賓工人煎雞翼，叉燒炒蛋無用到痴鑊。

結果，喺個陪月嘅堅持下個陪月就無啦啦買咗個易潔鑊……方便佢煮嘢。

講到呢度，開始眼瞓，晏啲再繼續。
因為仲有口沫遮攔，煮餸名過其實，過被吹噓，什麼馬來西亞護士秘技冷敷通奶......

不過順帶講一講，四月一日喺養和婦產科睇醫生嘅夫婦曾經同我哋傾想請我哋嘅陪月。

我哋唔想累人，呢對夫婦見字勿用!!

私人傳訊