影視娛樂 今日: 22 | 主題: 16078

積分: 28097

41^#

發表於 15-10-2 10:07 |只看該作者

rose-mag 發表於 15-10-2 00:06
無錯，好反感d人話呢套係基情片基情小說，第二個討論區日日有人cap圖cap海報上去講宗主同班男角色點點點， ...

我記得呢本書的書粉之間有一個共識，就是唔可以將佢“腐向”理解。系佢地的書吧裡面，是禁腐的。我都無見過關於呢本書BL版本的同人文。

我想起而家流行的一句網絡詞“腐眼看人基”，人地明明講“兄弟之情，君臣之義”，都唔明D人點解要將佢理解成是基情。難道劉關張3兄弟又是基情？唐太宗同魏征又是基情？

人與人（男女，男男，女女）之間的關係有好多種，如果簡單理解為基情，愛情，確實是狹隘了。

另外，我覺得電視劇版的感情線，唔算喺“加”上去，只是明確左。我睇小說的時候，我覺得宗主是一直愛郡主、一直守護郡主的，她被水軍圍困，他派人去幫。她招親，他安排百里奇入去攪局。郡主話要幫佢雪冤，但佢都無動用過郡主的力量，佢唔想郡主卷入呢個漩渦裡面。郡主返雲南之後，無論佢情況幾嚴重，佢都瞞住郡主，怕她擔心。我最印象深刻的是太奶奶死的時候，郡主從雲南寄左一封信返黎，入面得4個字“望兄珍重”，宗主都拿住封信睇左半日，最後燒左，仲同飛流話“有些字，可以刻在心裡的。”真是好心疼宗主，他對郡主的愛好深沉含蓄，不求她回應只求她平安幸福。

電視劇的改編令我好滿意，除左宗主的愛得到左回應，更重要的是，終於有人可以心疼下宗主了，終於有人可以令宗主放鬆一下了，雖然時間很短。

PS：拍攝的時候，胡歌同編劇海晏提了2個建議。一個是加多一點宗主和郡主的感情戲，被海晏拒絕左。另一個是刪除宗主和飛流在書里的那些互動，海晏接受了。我覺得海晏是一個好有主見的作者。第一個要求，如果再加感情戲，宗主就唔捨得去死了。第二個要求，如果不刪減那些對手戲，呢套戲難免被腐化。她應該唔想觀眾注意力被其他野吸引。

私人傳訊

積分: 28097

42^#

發表於 15-10-2 10:18 |只看該作者

本帖最後由 hugoma2015 於 15-10-2 10:25 編輯

我唔抗拒BL小說噶，如果40樓的姐妹有瑯琊榜KISS版，我都想開下眼界啊！哈哈，我睇左咁多個版本的瑯琊榜，都無見過…其中網絡版本裡面仲保留有當年海晏更文時寫下的記錄和心得想法，真是唔覺得是BL。

關於在晉江連載的事,有一說法是海宴當初連載時搞錯分類,還有一說法是因為他裡面的言情部分太少了,不符合耽美的要求,後來她就轉到起點了

另外我覺得39樓的姐妹意思應該是覺得”將人同人之間的感情簡單理解為基情，愛情“，呢種思想比較狹隘，而唔是話男男本身低人一等啦。無需太敏感。

我地不如將焦點放返喺電視劇本身啦。

私人傳訊

積分: 174135

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

43^#

發表於 15-10-2 11:41 |只看該作者

引用：我都幾滿意電視劇對霓凰呢條線改動，但係我

原帖由牛子於 15-10-02 發表
本帖最後由牛子於 15-10-2 07:05 編輯

我都幾滿意電視劇對霓凰呢條線改動，但係我唔同意海晏反感d人話 ...

唔係覺得男男低人一等，係電視版本明明已講宗主霓凰感情戲，係要講宗主同靖王，飛流，蒙統領係基情，唔可以有君臣義，兄弟情仲唔係思想狹窄？就算最初作者真係寫bl, 而家大陸電視上，點可以寫bl?一定出唔到街，既已改寫，就應該以電視版本作討論根據，明明係臣子聽罷靖王肺腑言下拜表示願意追隨效忠，而靖王感謝長蘇傾力幫助拜謝，但就被講成夫妻交拜，咁嘅理解都算奇特。

花旗太太生活在花旗國，留意時差，你問我未必即時答到。

私人傳訊

積分: 28097

44^#

發表於 15-10-2 17:35 |只看該作者

我想贊下胡歌。

睇翻第11集，他摸炭自殘。我發覺他真是摸到舊炭噶！舊炭郁左一下。真是好敬業啊

私人傳訊

積分: 28097

45^#

發表於 15-10-2 17:35 |只看該作者

rose-mag 發表於 15-10-2 11:41
唔係覺得男男低人一等，係電視版本明明已講宗主霓凰感情戲，係要講宗主同靖王，飛流，蒙統領係基情，唔可以 ...

完全同意你的講法

私人傳訊

heiheikwok

侯爵府

積分: 22787

BK Milk勳章

46^#

發表於 15-10-3 10:06 |只看該作者

回覆：有無人睇琅琊榜？

已經update到28集，真係好緊張。

私人傳訊

積分: 174135

47^#

發表於 15-10-3 13:28 |只看該作者

全劇54集，後面都仲有廿幾集，見到長蘇身體日差真係心傷。
其中一個劇透話結局長蘇冇死，只係同藺晨先生同飛流隱居，
雖然我都唔想長蘇死，但如果咁嘅結局好似唔合理，寒毒為天下至毒，
加上長年憂慮用神，根本藥石難靈，靜妃係醫女都知道，
雖然藺晨同晏先生醫術好，但始終冇可能起死回生，而且如果長蘇在生，
而唔同霓凰一齊，以郡主性格一定終生不嫁，長蘇既愛佢又情何以憾？
遠離朝堂對長蘇係好事，但要佢捨棄眾人，倒不如以林殊身份戰死沙場更合佢理想。

花旗太太生活在花旗國，留意時差，你問我未必即時答到。

私人傳訊

積分: 28097

48^#

發表於 15-10-3 21:32 |只看該作者

rose-mag 發表於 15-10-3 13:28
全劇54集，後面都仲有廿幾集，見到長蘇身體日差真係心傷。
其中一個劇透話結局長蘇冇死，只係同藺晨先生同 ...

製片方強調過，“宗主死透了…… ”呢個是原話

私人傳訊

積分: 174135

49^#

發表於 15-10-3 23:34 |只看該作者

hugoma2015 發表於 15-10-3 05:32
製片方強調過，“宗主死透了…… ”呢個是原話

我始終都覺得冇可能係冇死，唔死就極唔合理，本身宗主之前對抗譽王同太子兩班人都已經係過份神，再可以唔死就太神化啦，雖然係架空小說都不能太超乎常人。由海宴自己改編，如果改到面目全非就過份啦，好似花千骨咁，果果有份參與編劇都改到套劇不知所謂，所以琅琊榜同期比較係極有良心之作。其實加番條感情線俾長蘇同郡主，將套劇軟化一D，冇咁剛陽味已經好好，結局宗主過世係好合情理，係主觀意願想有情人終成眷屬。

花旗太太生活在花旗國，留意時差，你問我未必即時答到。

私人傳訊

積分: 28097

50^#

發表於 15-10-3 23:54 |只看該作者

rose-mag 發表於 15-10-3 23:34
我始終都覺得冇可能係冇死，唔死就極唔合理，本身宗主之前對抗譽王同太子兩班人都已經係過份神，再可以唔死 ...

我睇小說個陣就覺得，如果佢唔死，呢套只不過是優秀的權謀小說。但是佢以林殊的方式去保衛自己的國家，去犧牲，就令呢本小說成為經典了。

雖然我覺得宗主是有自毀傾向的，佢一直都奮不顧身，用近乎自殺的方式去實現自己的目標，郡主愛上其他人的時候，佢就無曬求生的念想了，我一直預感是悲劇結局。但是最後海晏安排的結局，真是將成個故事升華左好多。

私人傳訊

積分: 174135

51^#

發表於 15-10-4 14:17 |只看該作者

hugoma2015 發表於 15-10-3 07:54
我睇小說個陣就覺得，如果佢唔死，呢套只不過是優秀的權謀小說。但是佢以林殊的方式去保衛自己的國家，去犧 ...

十三年前林殊已死過一次，個天俾多次機會佢去伸冤，沉冤得雪可以公開拜祭之後宗主已無牽掛，愛嘅人唔再愛自己，要扶持嘅亦已上位，宗主都講過，過去十二年佢一直係梅長蘇，林殊再回歸已不可能，為國出征戰死對佢嚟講係一個最完美結局，試想心願已了，十三年多面人嘅生活，為求目的，長蘇做過幾多違心之事？同當初一片赤誠嘅林殊已有距離，佢仲可以以一個咩嘅身份去行將來嘅路？

你講得好啱，宗主根本生無可戀，一直硬撐以一種燃燒生命嘅方式去行事，一方面係想盡早完成心願，幫靖王踏上皇位之路，另方面又係將自己盡快推向生命終結，即使出征不戰死，宗主都不可能高壽，生活越長，佢嘅痛苦越多，靖王知道佢嘅身份後，宗主可以用一個咩嘅身份面對佢？作為臣子又有謀士之才，好難唔繼續扶助靖王，但偏偏林殊其實不屑呢種算計他人不光明磊落嘅行為，要佢繼續花心力站喺靖王身邊，亦非他所願。愛情已離他而去，即使話有宮羽對佢情深義重又如何？莫講話宗主嘅心已經容不下愛情，就算可以，佢又豈會誤人終生！

目前宗主以林殊身份死喺戰場上嘅結局我已經覺得係最好最完美，令林家少帥嘅故事成為經典。

花旗太太生活在花旗國，留意時差，你問我未必即時答到。

私人傳訊

積分: 28097

52^#

發表於 15-10-4 14:52 |只看該作者

rose-mag 發表於 15-10-4 14:17
十三年前林殊已死過一次，個天俾多次機會佢去伸冤，沉冤得雪可以公開拜祭之後宗主已無牽掛，愛嘅人唔再愛自 ...

我仲漏講左一樣，其實以佢後期的身體狀況，苟延殘喘拖時間，咪仲痛苦。尤其宗主是咁驕傲的人，如果唔喺為左平反，為左證明自己的清白，佢都唔會撐咁耐。死亡，對佢未嘗唔喺一種解脫。日日吃藥，醫生圍住佢轉，拖個一年半載，不如吃冰續草上戰場，馬甲裹尸還！

仲有，宗主唔單只面對唔到靖王，面對唔到曾經認識佢的舊人（靜妃，言侯，紀王呢D長輩，景睿這些同輩），佢其實仲面對唔到自己，面對唔到為左平反，為左扶持靖王上位，玩弄甘多陰謀手段，害左唔少無辜人既自己。所以死亡，喺佢必然的結局。

海晏真是好錫佢，為佢安排左一個甘樣的結局，將軍是應該死喺戰場上的！

不過電視劇版，他上戰場前面有少少改動，我覺得唔喺咁好。聽說皇帝穩佢傾，暗示如果皇帝親自幫佢翻案，佢就要死，佢應承左皇帝。

私人傳訊

積分: 174135

53^#

發表於 15-10-4 15:12 |只看該作者

hugoma2015 發表於 15-10-3 22:52
我仲漏講左一樣，其實以佢後期的身體狀況，苟延殘喘拖時間，咪仲痛苦。尤其宗主是咁驕傲的人，如果唔喺為左 ...

我見到果段係話：
梁帝无言以对，答应旧案可重审，但林殊决不可再活在朝堂之上。
　　梅长苏应允了梁帝的要求，表示与梁帝死生不复相见。梁帝望着他的背影，高喊自己是受了小人蒙骗，还说起了当年与林殊的种种美好回忆。梅长苏含泪哽咽，转身离开。

我覺得意思係宗主唔可以再以林殊身份喺朝堂出現，並唔一定係要宗主死，而且其實林殊細個時梁帝及其他長輩都好錫佢，梁帝係面對唔到自己嘅自私，事實係佢怨死自己長子，又謀殺咗一個扶佢上帝位嘅好兄弟，只因為佢自己都係謀朝篡位，登位後好驚歷史重演，於是少少風吹草動寧願鐵了心去令親骨肉摯友冤死換取一刻安寧。多年後佢同靜妃講自己冇夢到宸妃，自己何嘗唔係心知肚明，當日其實事實係點，但佢選擇一直逃避，一直活喺自己建造嘅虛假世界入面，佢嘅世界只有猜疑冇真心，或者呢D就係謀朝篡位要付出嘅代價。

花旗太太生活在花旗國，留意時差，你問我未必即時答到。

私人傳訊

積分: 28097

54^#

發表於 15-10-4 15:27 |只看該作者

rose-mag 發表於 15-10-4 15:12
我見到果段係話：
梁帝无言以对，答应旧案可重审，但林殊决不可再活在朝堂之上。
　　梅长苏应允了梁帝的要 ...

我認識一D國內的網友，參加了北京舉行的試影會，佢地返黎講是皇帝暗示佢用死來換取皇帝幫赤焰軍平反。至於喺唔喺佢地理解錯，就到時睇下就知道。

我唔想他最後上戰場，喺為左任何交易咯。所以希望唔好咁改。

唉，皇帝既陰影，又何嘗唔喺宗主的陰影呢？所以佢不停提醒靖王，要讓庭生遠離宮廷，佢都怕庭生大左之後，知道自己身世之後會搞事。父子相爭，君臣猜忌，兄弟相殘，謀朝篡位呢D，宗主都好大陰影的。老實講人喺會變噶，皇帝後生果陣都英明神武，否則林帥言侯都唔會扶持佢。所以難保以後靖王唔會變，難保宗主推薦果D純良之臣唔會變。

私人傳訊

積分: 174135

55^#

發表於 15-10-4 15:46 |只看該作者

本帖最後由 rose-mag 於 15-10-4 19:16 編輯

hugoma2015 發表於 15-10-3 23:27
我認識一D國內的網友，參加了北京舉行的試影會，佢地返黎講是皇帝暗示佢用死來換取皇帝幫赤焰軍平反。至於 ...

姣兔死走狗烹，從來朝堂之上，伴君如伴虎，裡面嘅高湛係人精，點樣看風駛利又不動聲色，不亢不卑又保持中立至長久，不過呢D處於風高浪尖嘅位置，長年處於戒備狀態，想長命都難。歷代君主有幾多個係真正仁義道德兼備，如今嘅靖王幾有魄力都好，總會去到要立太子，到時佢教到D點嘅仔出嚟無人能料，人心總係最難明最複雜。我都希望唔係以命來換赤焰軍洗脫冤情，主觀意願喺一個理想國中希望有真人情真正義，此乃讀書睇戲對人心鼓動作用。

花旗太太生活在花旗國，留意時差，你問我未必即時答到。

私人傳訊

積分: 28097

56^#

發表於 15-10-4 16:12 |只看該作者

rose-mag 發表於 15-10-4 15:46
姣兔死走奇烹，從來朝堂之上，伴君如伴虎，裡面嘅高湛係人精，點樣看風駛利又不動聲色，不亢不卑又保持中立 ...

老實講拉，我唔睇好靖王是個好皇帝噶。小說版仲好D，電視劇版王凱可能理解錯角色，佢演得有問題。我而家覺得靖王喜怒無常，疑心大，衝動無腦。

歷代君主好多都是前期英明，後期昏庸啦，唐明皇咪一樣臨老過唔到世。官員都一樣，而家好清廉，未必以後都清廉。當年共黨喺延安的時候，都好正派啦。有美國記者問宋美齡點睇，宋美齡話：“佢地而家仲未嘗過權力的滋味而已。”

小說版，宗主是去見皇帝，對皇帝進行左一次道德上，親情上的審判，皇帝最後算喺有D醒悟……我比較希望甘樣，起碼，佢最後的平反都是真心的。

私人傳訊

rainbowworld

子爵府

積分: 11272

57^#

發表於 15-10-5 07:45 |只看該作者

回覆：有無人睇琅琊榜？

我想請問有冇人知呢套劇係咪都有分\'删減版\'同埋\'未删減版\'架？

幻術構成的曲譜裏
　盡是人世的辛酸與苦澀
　　心之逆旅　華胥為引

私人傳訊

積分: 174135

58^#

發表於 15-10-5 08:43 |只看該作者

rainbowworld 發表於 15-10-4 15:45
我想請問有冇人知呢套劇係咪都有分\'删減版\'同埋\'未删減版\'架？

係，有兩個版本，一個衛視版，較為短，有時36分鐘多D，有時去到40分鐘，一個未刪減版，多數都係40分鐘有多，我冇特別去比較有幾大分別，不過我係睇未刪減版嘅。一般大陸劇電視版或網絡版都有分別，所謂電視版因為廣告多會刪剪或每集播少D，騰出時間插廣告，有時會比未刪減版集數多出幾集。

花旗太太生活在花旗國，留意時差，你問我未必即時答到。

私人傳訊

積分: 174135

59^#

發表於 15-10-5 10:10 |只看該作者

hugoma2015 發表於 15-10-4 00:12
老實講拉，我唔睇好靖王是個好皇帝噶。小說版仲好D，電視劇版王凱可能理解錯角色，佢演得有問題。我而家覺 ...

我都主觀希望梁帝只係不能在朝堂上面對林殊，而唔係以生死要脅翻案，電視劇呢幾集都有伏筆，講到梁帝年紀大，開始會感覺到親情可貴，亦有掛念宸妃，其實佢又何嘗冇後悔當年做法過份，只係唔能夠面對天下人，承認自己係個自私自利嘅小人。

王凱固然拿掐唔到靖王性格上嘅強項同弱點，小說都唔好得幾多，靖王冇梅長蘇幫助，根本唔可以坐上皇位，佢無錯係做得事，軍功建於戎馬上，相對比太子同譽王受得苦，但做人唔圓滑唔細心唔識睇風頭火勢，好聽係性格率直不矯情，直白D講句，佢連朝堂上都可以說話唔深思，有個咁多疑又鍾意人拍馬屁嘅父皇，去到三十歲都未死得已經係好彩。第一次見梅長蘇，當時庭生俾長蘇接咗去雪籚，果度係一品侯爺府，雖則佢係皇子，無通傳下去要人，問罪起上嚟，佢又點走得甩。

我今日一口氣睇咗網上小說版琅琊榜26章，好啱我口味，唔故作高深，冇矯揉造作，冇賣弄文筆，我會睇落去，不過作者自己講咗霓凰鍾意咗聶鐸係命運，當中聶鐸明知霓凰係自己少帥未婚妻依然去追，出於機心妒忌心都會有，但唔希望讀者只依呢個方向去睇，我自己睇完都覺得聶鐸係呢一方面卑鄙咗D，雖則冇人逼霓凰愛上佢，但道義上聶鐸就唔係一個光明正大嘅人，霓凰在不知情之下另愛他人，不竟佢以為林殊已死，生活要向前看，但聶鐸在知情下有意無意去接近就有問題，長蘇變得幾陰險都好，佢最低限度冇乘人之危去達到自己私心，佢要為赤焰雪冤為主，但以實現理想國為目的，情操實在高尚好多。電視劇嘅改動，取消聶鐸呢個角色，讓霓凰在長蘇生命最後一兩年有點寄托，亦都對霓凰呢個角色增加光環。

花旗太太生活在花旗國，留意時差，你問我未必即時答到。

私人傳訊