吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我嬲到就爆血管啦!!!!!!!!!!!!!!!!!

夫婦情感今日: 4|主題: 42728

收藏本版

發帖

返回列表

跳至頁

樓主: yenho

我嬲到就爆血管啦!!!!!!!!!!!!!!!!! [複製鏈接]

1 23

小美人

禁止訪問

積分: 2437

41^#

發表於 04-7-8 15:16 |只看該作者

Re: 我嬲到就爆血管啦!!!!!!!!!!!!!!!!!

提示: 作者被禁止或刪除內容自動屏蔽

私人傳訊

tt2001

大宅

積分: 1111

42^#

發表於 04-7-8 16:00 |只看該作者

Re: 我嬲到就爆血管啦!!!!!!!!!!!!!!!!!

yuenwa，
你又係自已亞媽呀？不過我唸我媽真係贏晒(衰野方面)，嗰條屎片係............冇包好架！仲有好多好多衰野講吾晒.....

小美人：(我多口講句)我都同意if一樣半樣老人家吾聽係好少事黎gar，不過好多時係老人家整體性的態度問題，無樣野聽人講，令人放心不下、頂住條氣..........lor。我真係好善慕有D mami同自已亞媽有商有量點樣揍好BB架。

私人傳訊

薯仔阿ME

複式洋房

積分: 463

43^#

發表於 04-7-8 17:46 |只看該作者

Re: 我嬲到就爆血管啦!!!!!!!!!!!!!!!!!

tt2001,

我見你咁寫就覺得自己好幸福, 我個仔由滿月至到而家6歲幾都係我阿媽湊(係Monday to Firday日夜), 放假先返屋企. 點解唔俾奶奶湊, 因為一早我已估俾奶奶湊有物嘢問題發生, 佢唔係太企理同乾淨架.

tt2001 寫道:
我真係好善慕有D mami同自已亞媽有商有量點樣揍好BB架。

《常聽說世界愛沒長久，哪裡會有愛無盡頭？》
《而我卻確信愛是恆久，碰到了你已無別求。》

私人傳訊

yenho

子爵府

積分: 10816

44^#

發表於 04-7-8 23:07 |只看該作者

Re: 我嬲到就爆血管啦!!!!!!!!!!!!!!!!!

今晚我打電話比奶奶, 我嬲到想死....我真係唔知自己做錯d 咩, 係唔係我唔係佢個女, 佢就可以咁樣駡我? 我都有呀媽生架, 使唔使咁樣? 佢自己都有2 個女, 如果將來佢個女又比個奶奶咁樣對, 佢又會點呀????我好聲好氣同佢講, 唸住大家將來唔會面左左, 點知.....

我: 我知你同老公昨晚講果d 野, 佢話咗比我知, 我知道咗之後都覺得好唔開心, 成晚訓唔著, 因為我無唸過會攪到咁.
奶奶: 係咩你成晚訓唔著咩?
我: 可能我太緊張個仔啦, 你自己都有兒女, 你都會成日擔心佢地, 所以我好多野都係緊張個仔, 我嫁得入嚟, 我叫得你做呀媽, 我就當你係自己呀媽咁, 唔會講野轉彎活角, 所以有時我講野可能唔識避, 令你聽到會唔開心啦, 以為我唔專重你, 你唔好怪我呀.不過, 我們昨晚商量過之後, 唸住我們晚上自己湊番, 因為我們都想多d見個仔. 我媽日頭出去時會幫我接bb番佢到, 我們晚上接番佢, 咁你覺得會唔會好d 呀?
奶奶: (發晒皮氣) 個仔係你既, 你鐘意點就點! 我做奶奶可以做既都已經做晒, 你老公番工咁辛苦, 個仔係到佢點訓呀? 你打電話嚟都係想話我啫! 話我唔用床圍呀麻!!
我: 我唔係咁意思, 呢d 野係我們睇書學架, 用咗無咁危險.
奶奶: 你跟本就係同我作對, 唔係書講d 野一定對架, 你整床圍, 我又離遠睇唔到你個仔, 你個仔又睇唔到我地, 只係可以望天花板......
我聽到呢到, 我已經拎開電話, 由佢自己駡, 跟住, 再拎番個電話聽...
奶奶: 我咁比心機湊你個仔, 你竟然唔信我! 佢嘔奶嘔得咁利害, 我梗係開d熱d 既奶比佢飲啦, 你知唔知我一日要同佢換幾多件衫呀?? 個仔你架麻, 你幾時嚟接番佢? 你早d 講呀! 我執番晒所有野比你, 呢d 野放係我到無用架, 你全部攞番走.
我: 我明晚嚟接番佢啦, 我唔攞d 野啦, 我地都會番嚟同你飲荼, 食飯架, 放係你到啦!
奶奶: 唔使我湊就全部攞走!
我: 老公星期日嚟攞張bb床, 其他唔攞啦, 我們都會帶bb 番嚟架!
奶奶: 好! 你鐘意啦! 我無所謂架, 到有一日你話好辛苦, 你咪攞番嚟囉, 佢係我個孫, 我一定會湊架! 我對你們咁好, 你話我唔識湊, 個個人湊仔方法唔同, 可能我真係太老土啦... (全部晦氣說話)
我: 咁我明晚上嚟啦!
奶奶: 你鐘意點就點啦!
我講完個電話之後, 我係到哭, 我自己呀媽都未咁樣駡過我, 如果佢唔係我老公個呀媽, 我唸我唔會咁低聲下氣同佢講比佢落台, 比佢駡到一臉屁. 佢一d 常識都無, 就算你日日開d 咁熱既奶比佢飲, 佢都係嘔, 咁即係唔關事, 點解仲要咁做?? 係咪要燙到佢喉嚨唔舒服, 你先比d無咁熱既奶?? 佢講到好似我錯咁, 我無常識, 佢湊大咁多個都無事, 使咩我教佢點做...我真係嬲到不停哭....佢係咪癲架?? :-( :-( :-( :-(

我叫祉延, 係2004年4月18日出世啦~~2004年8月10日, 我第一次識反身啦!! 2004年12月25日, 我識坐啦!!2005年9月1日, 我有16 隻牙啦!!
18/4/04 2.675kgs 29/7/04 5.5 kgs 61cm23/1/05 9.55 kgs 70 cm28/3/05 10 kgs 72 cm6/5/05 10 kgs 74 cm26/10/05 11.1 kgs 79 cm

私人傳訊

ronleung

大宅

積分: 3720

45^#

發表於 04-7-9 01:40 |只看該作者

Re: 我嬲到就爆血管啦!!!!!!!!!!!!!!!!!

係咪呢?! 叫你唔好火紅火綠咁打電話比佢啦, 而家受完氣仲要無聲出添呀.(講真,你老公呢頭先做晒不孝子咁攞番個仔, 唔通又要為個電話同佢亞媽又炒過咩) anyway, 最終目的係確保亞仔的安全, 而家目的已經逹到了, 你唔好再理你奶奶住了. 有時你都要認清對手, 環境先出動架, 如果佢係聽人講的就唔駛拎亞B番來啦, 但比著我都會諗, 彩你就攞左了, 仲打來贈興咩?! 跟本上就無可能兩全其美, 因為大家睇法同位置都唔同, 你已經做左D佢最唔鐘意的事, 唔通你仲想佢話,"好呀, 我都明我湊得唔好, 你拎返BB走都好岩的, 你遲D帶BB返來呀?! 你真係好新抱了."
有D野針無兩頭利, 但自己又一定要咁做顧唔到其他人咁多, 我最多都係講句 sorry 就算, 我唔會再去做埋D多餘動作例如解釋之類, 有時越描越黑咪仲衰.

私人傳訊

yenho

子爵府

積分: 10816

46^#

發表於 04-7-9 10:15 |只看該作者

Re: 我嬲到就爆血管啦!!!!!!!!!!!!!!!!!

我唔係想打電話比佢同佢解釋, 今日係星期五, 我要去湊番個仔(因為我星期六放假), 而且我老公都無同佢媽講過我們會唔比佢湊, 而我老公已經唔知點同佢講好, 因為之前果晚我老公打電話番去, 佢已經係用同我講呢段說話去駡完我老公啦, 我已經唸住唔使佢湊, 所以我唔會再同佢講關於點湊既問題, 只係想大家將來好過d.

私人傳訊

yuenwa

男爵府

積分: 5774

47^#

發表於 04-7-9 10:22 |只看該作者

Re: 我嬲到就爆血管啦!!!!!!!!!!!!!!!!!

tt2001,

我亞媽只係得這一樣野過份d, 其他都ok。當然有很多事都未能符合我的標準(衛生), 我就當給我囡增加抵抗力, 托賴我個囡都冇病過。

私人傳訊

yuenwa

男爵府

積分: 5774

48^#

發表於 04-7-9 10:42 |只看該作者

Re: 我嬲到就爆血管啦!!!!!!!!!!!!!!!!!

yenho,

看見你和奶奶的對話, 你實在盡心盡力顧著她的感受。你的說話在我們第三者看來是很平常, 但你奶奶聽後便一點也不平常。她很嬲的時候(尤其嬲你), 你對她說你當佢係媽媽, 她會很反感的。試問有誰會認自己不喜歡的人做女？

所以你以後和她說話，只要當自己是後輩，用一般尊重老人家的語氣便可，不要說那些當她是自己媽媽（你的心真係當她是媽媽便可），她根本不是你媽媽，始終有分別！

私人傳訊

tt2001

大宅

積分: 1111

49^#

發表於 04-7-9 10:54 |只看該作者

Re: 我嬲到就爆血管啦!!!!!!!!!!!!!!!!!

係就係鋪排得吾好架la，不過要鋪排得好比佢落台，係要同你老公夾得好好架，一個人做獨腳戲吾容易。你都好好品架la，比係我，佢未講第2句我已經還拖，喊嗰個肯定係佢。問心無(kui)就算la，遲D慢慢修補關係。我當年都使埋我哥，同我夾左條吾知咩屎Q，都係話我冇良心架la，但叫做好睇小小。我媽都重angry我架，不過我吾care lo，我仔見親佢，我都要佢叫婆婆先，飲茶坐婆婆隔離.....做就照做，受吾受都吾到我要求la。

私人傳訊

Mummy

男爵府

積分: 5874

50^#

發表於 04-7-9 13:33 |只看該作者

Re: 我嬲到就爆血管啦!!!!!!!!!!!!!!!!!

靠人不如靠自己, 我生兩個BB我從來都唔要我奶奶, 甚至自己阿媽幫, 我老公都同我一樣諗法, 一來佢好怕放工返到屋企會見到一個自己唔想 "成日見到" 既人, 所以我地第一次生個仔時, 用左 "錢" 去解決呢個問題, 請左個陪月返黎, 過埋夜果隻。老人家 (奶奶, 阿媽) 你地上黎探下個孫就得勒, 幫手?? 免勒, 免得過你地 (其實係我) 操勞辛苦吧。

唔好話自己奶奶, 阿媽黎陪坐月, 生完之後佢地黎得密左, 睇我又好, 睇BB又好, 我都覺得佢地好煩, 一人一句, 點點點湊BB, 講埋d out左成個世紀既方法, 例如用尿布, 而家邊有人用尿布, 衛生問題嘛, 煲開奶茶開奶...個B無事無干又初生, 其實使鬼開奶茶咩, 見到BB條痢有少少奶漬, 又話佢生乾精, 熱氣, 見到d屎綠綠地色, 又話個BB嚇親, 見到個BB patpat紅少少, 講到好似你特登整到佢咁樣樣, 總之佢地一上黎, 我就頭痛.... 諗起都驚。

可以的話, 千祈千祁唔好叫佢地幫手, 佢地熱心話要幫你的話, 最好既藉口係唔想佢地辛苦, 話自己會攪得掂就算。

美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE

私人傳訊

HoWangMami

子爵府

積分: 11655

51^#

發表於 04-7-9 14:10 |只看該作者

Re: 我嬲到就爆血管啦!!!!!!!!!!!!!!!!!

YENHO

見到你老公咁體量你都好好,你奶奶那邊就暫時不要再火上加油了,你只要好似平時一樣便可以,不要刻意再講BB的事,有時老人家係咁架啦,你同佢講D野本來冇心的,但經她們個腦一轉就有好多唔同你本來意思的事就走出黎,我都身同感受,我重要同埋一齊住,你話可以點.
總之暫時解決了BB的問題便可以了,俾D時間佢冷靜O下,會好D

私人傳訊

亞Yan

複式洋房

積分: 397

52^#

發表於 04-7-9 15:09 |只看該作者

Re: 我嬲到就爆血管啦!!!!!!!!!!!!!!!!!

依家總算攪掂件事,奶奶果面有得佢先{比佢冷靜"下"}!
最重要自已一家人開開心心,
HAVE A NICE DAY

私人傳訊

lovelypig2004

複式洋房

積分: 405

53^#

發表於 04-7-13 12:41 |只看該作者

Re: 我嬲到就爆血管啦!!!!!!!!!!!!!!!!!

我坐月時,湊仔己經辛苦,重要做家務,我奶奶放工之後唔會理屋企D家務,個孫有時喊得厲利,佢唔會理個孫自已係度睇電視當個孫透明,我兩星期返一次我媽咪個邊食飯,佢都唔鍾意黑口黑面唔出聲,佢重投訴比我老公聽夜晚個孫喊嘈住佢訓覺(我老公返通宵班)夜晚得我同奶奶,佢咁講係話我湊唔掂個仔,佢重話以前佢一個人湊三個,話我一個都湊唔掂,邊個第一次做人媽咪就識湊仔,火滾! :evil: :evil:

囝囝文軒2004年5月21日在瑪嘉烈醫院出世重3.46公斤

私人傳訊

mcc88

複式洋房

積分: 226

54^#

發表於 04-7-13 19:09 |只看該作者

Re: 我嬲到就爆血管啦!!!!!!!!!!!!!!!!!

我阿媽都會用幾十年前的方法湊我個囝, 我唔會同佢嘈,每次bb去健康院或睇醫生,我都會同她一齊去,當她面問醫生同姑娘, 她先會信.另外我仲會放一些湊bb的書在家,她睇完亦會照做.

私人傳訊

DorothyBBB

別墅

積分: 633

55^#

發表於 04-7-14 00:56 |只看該作者

Re: 我嬲到就爆血管啦!!!!!!!!!!!!!!!!!

我都打算明天同我奶奶講話自己湊返個仔喎，不過我無諗過同我奶奶解釋點解唔洗佢湊，因為之前佢話辛苦，話個孫唔係佢生，自己又有大把錢，洗咩咁辛苦（係佢當初晒手段搶個孫自己湊，仲湊到個ｂ對我好反感，而家識講好多野，就係唔識叫媽媽），我唔理佢啦，因為我老公都嬲左佢，由我老公出黎做開始，比左１８年家用佢，仲係５位數字，而家反轉豬肚就係屎．話比ｄ錢唔係我老公比到先咁多，佢未做過野，那裡來的錢？點解奶奶你身在福中不知福呢？我個人無機心，你對我好我會雙倍對你好，而且事實亦焉！做人奶奶的，真的希望你地能夠知道，時代變啦，你唔變，就唔好叫ｄ後生倒退，你地知唔知我地後生呢代，又要顧四個老人家，又要顧細，又要顧份工，又要顧層負資產既樓（自住）　，因為你地自私，要權，要面，若我地無左份工，係咪一家大細食樹皮？而家ｄ細路生活唔同左，我地細個，家家戶戶都係窮的多，無比較，又何來生活質素？一個湊幾個，住公屋，家庭負擔都唔會去到幾萬啦！而家∼比唔到個仔一定的質素，個細路自卑，怨言，我地又怎面對個佢地？

Our Baby is 2 years old

私人傳訊

yenho

子爵府

積分: 10816

56^#

發表於 04-7-14 14:18 |只看該作者

Re: 我嬲到就爆血管啦!!!!!!!!!!!!!!!!!

DorothyBBB,

你簡直講晒我心入面既說話:
************************
我個人無機心，你對我好我會雙倍對你好，而且事實亦焉！做人奶奶的，真的希望你地能夠知道，時代變啦，你唔變，就唔好叫ｄ後生倒退，你地知唔知我地後生呢代，又要顧四個老人家，又要顧細，又要顧份工，又要顧層負資產既樓（自住）　，因為你地自私，要權，要面，若我地無左份工，係咪一家大細食樹皮？
*************************
我係就算佢對我唔好, 我都對佢好呀! 現在我唔比個仔佢湊, 佢仲以為我好開心, 我特登咁! 老公同佢講, 佢就哭, 我同佢講, 佢就鬧到我pk, 昨晚又叫佢家姐打電話比我老公, 又話我唔想比佢湊, 想比自己呀媽湊都唔好屈佢湊得唔好! 我已經呢幾日為咗搵工人而煩 (因我媽媽身體唔好, 無辦法一個人湊), 如果佢係我未番工前話我知, 佢一定要用佢30幾年前湊bb 既方法嚟湊我個仔, 就唔使攪到我現在又要番工, 又要煩邊個可以暫時幫我湊bb, 最慘係我無啦啦要搵個工人番嚟湊要用多一筆錢, 我人工已經唔多, 再請多個人d 錢都未必夠, 但為咗唔想個仔有事, 我自己都要節衣縮食, 咁啱我老公間公司又cut ot, 佢仲以為我好開心, 仲可以話佢買咗好多野比bb 浪費佢d 錢, 我同老公講, 叫佢呀媽唔好再作大啦, d 野全部都係我買架, 除咗佢自己話行過覺得d 衫仔靚要買之外! 我未真正見過一個咁識做戲既奶奶, 係個仔面前就好似好慘, 係個新抱面前又另一套, 如果唔係唔想個老公難做, 我唸我唔會再咁忍, 我d EQ 無咁高! :evil: :evil: :evil: