＋
Baby Kingdom - 親子王國 香港 討論區 › 首頁 › 婆媳關係› 對母親心存芥蒂

婆媳關係

收藏本版
發帖
返回列表
跳至頁

首頁
12345...7

尾頁
   16
可貓兒


大宅

積分: 2975


41#
發表於 16-2-3 19:09 |只看該作者

引用：其實我都覺得我媽咪好怪，我唔响到佢就會唔

原帖由 Sandy太 於 16-02-03 發表
其實我都覺得我媽咪好怪，我唔响到佢就會唔捨得我

細個時試過某年暑假我跟咗我嫲嫲住一段好短日子，一黎我 ...
你有小朋友未？可能有小朋友的會有些理解到，始終你媽媽湊3個，好辛苦的，又咁啱你喺中間又或者你媽媽比較慣左有少少不如意，就向你發脾氣（唔好怪我咁講）但都睇得出你媽媽都緊張你的
私人傳訊

llssisi


公爵府

積分: 28384

2018復活節勳章 最關心BB問題熱投勳章 hashtag影視迷勳章 畀面勳章 陪月勳章 BK Milk勳章


42#
發表於 16-2-3 20:23 |只看該作者

引用：Quote:原帖由+llssisi+於+16-02-03+發表你

原帖由 Sandy太 於 16-02-03 發表
其實我細個時都好中意我妹，佢係BB時我已經好中意佢，會儲定d我自己覺得好珍貴嘅野送比佢(例如貼紙&#128539 ...
好可憐阿樓主我會以後都唔理佢囉
私人傳訊

Sandy太


複式洋房

積分: 195


43#
發表於 16-2-3 20:28 |只看該作者

引用：Quote:原帖由+Sandy太+於+16-02-03+發表呢

原帖由 可貓兒 於 16-02-03 發表
你嘅故事令我諗起自己，我有兩個女，一個兩歲半，一個歲半，可能始終係家姐，所以對大女嘅要求係會嚴格啲， ...
我都希望我個遭遇可以提醒倒已為人母嘅jm

jm其實你好好，會自覺係對大女較嚴咗，對細女就呵護多d，唔似好多上一輩嘅母親偏心都唔知/唔認。

不過如果唔介意我都想問吓jm一個問題，一個我咁多年都好想知道答案嘅問題。以jm兩個囡囡為例，其實佢地只係爭一年，點解你覺得妹妹要呵護多d呢？好多人仲覺得應該要大讓細添，點解呢？其實兩個都係小朋友黎咖咋啵，點解細個個到10歲20歲都係細個，大果個兩歲半就已經係大個呢？

其實偏心真係對仔女好大影響，冇咁被關心果個固之然會唔開心，被偏心果個亦唔見得會好受，因為兄弟姐妹間嘅感情都好受影響。。。jm問到我有小朋友未，係未，其實都唔打算有，因為我覺得自己唔識做一個好媽媽，因為我都唔知好媽媽係點嘅。。。
私人傳訊

ET19


大宅

積分: 3849


44#
發表於 16-2-3 20:49 |只看該作者

回覆：Sandy太 的帖子

Sis,我同妳有啲似，總係唔得佢地歡心，唔止媽咪，連老豆都係。
媽咪要錢或有事相求咪叫聲阿女囉，其他時間。。。老豆都仲好少少，起碼終於明白我絕對比他個仔更生性。
我的經驗係，同媽咪講係無用的。
因為我有講過，結果她咪聽完就算。
仲記得講的時候她都有話返對唔住令我咁hard feeling，但無耐她有一次無端端睇我唔順眼，咪又指住我罵，話妳有咩好而家講埋佢啦，有野就好講啦，唔好第時幾時同我講返妳幾咁委屈受氣凄涼呀！

自此，我開始學抽離角色，同自己講她依然係我媽，我要尊重她，但我唔係她女，我唔使再寄望她的關心愛護。

私人傳訊

lazywife


侯爵府

積分: 24263


45#
發表於 16-2-3 22:30 |只看該作者

引用：Quote:原帖由 可貓兒 於 16-02-03 發表你嘅

原帖由 Sandy太 於 16-02-03 發表
我都希望我個遭遇可以提醒倒已為人母嘅jm

jm其實你好好，會自覺係對大女較嚴咗，對細女就呵護多d，唔似好 ...
我答你。。

我同我細佬正正年紀差一年咁大把。。但由細開始，我阿媽就係一句：做大既，讓下個細佬啦。。做大既。。幫下個細佬啦。。做大既。。錫多d個細佬啦。。反正大一年就好很大。。咩都係我可以做到，細我一年既就咩都做唔到。。。我考中學，我阿媽連表都係我填，我細佬考中學，係叫我去問學校老師點準備面試。。每年買校服，書薄，買完抬返屋企果個亦係我。。我會考，我阿媽連我考幾分都無興趣，考唔考到亦唔在乎。。我細佬會考，佢緊張到就黎借錢都俾佢出國留學咁誇張。。

我十幾歲果時，真心憎我細佬，明知屋企無咩錢，我細佬要手提電話有電話，要千幾蚊單車有單車，我心痛我父母辛苦，但我口係好硬，我好少主動去嗲父母，我都係自己死掂佢。。我出黎做野，再委屈再辛苦，都無同父母講過一句我辛苦 ...我大左好明白，我呢種性格真係唔得人鍾意，但我係好自豪我獨立成熟，亦好感激我阿媽訓練，我先有咁強。。到依家我阿媽都仍然會有時激到我當街喊。。但無所謂啦。。過去左，佢亦係做曬做父母既責任，無佢無我。。佢亦俾足愛我。。我好感激。。

依家做左阿媽，就多d提自己，唔好再要求大果個要讓細，我俾佢地打架，睇下邊個強咪有囉，做咩係要大讓細，細豪俾大。。
私人傳訊

小明粉絲


複式洋房

積分: 342


46#
發表於 16-2-3 23:04 |只看該作者

回覆：對母親心存芥蒂

估唔到咁多jm都係同自己媽媽有芥蒂。我都係媽媽偏心阿哥, 由細到依家都係，但阿媽自己從來唔覺自己偏心果隻。

其中一個最傷我的事例, 係我哥當年會考成績一般, 父母就拿左阿嫲過身剩下的錢供我哥出國讀書, 5年後到我會考, 等放榜時我媽不但無安慰過我, 只係丟下一句“唔好諗住考得唔好可以去外國讀書呀！我地無錢供你, 你一係重讀一係出來做嘢啦！”就走開。幸好我當年考得不錯, 原校直升，後來亦在本地讀大學。

的確係無佢地無我, 他們亦盡晒供養責任。只是每每想起這些言語上的傷害, 真是很很難忘記。所以樓主, 我很明白你的感受。
私人傳訊

mychungyi


大宅

積分: 4476


47#
發表於 16-2-3 23:12 |只看該作者

回覆：對母親心存芥蒂

樓主，你算唔錯了，起碼你媽媽現在有改變。我媽到宜家都係咁，成日用言語傷害我，每次都去到好盡。我個心同傷口一直冇好過，但又唔忍心唔理佢。
私人傳訊

clippy


大宅

積分: 2141


48#
發表於 16-2-3 23:19 |只看該作者

引用：樓主，你算唔錯了，起碼你媽媽現在有改變。

原帖由 mychungyi 於 16-02-03 發表
樓主，你算唔錯了，起碼你媽媽現在有改變。我媽到宜家都係咁，成日用言語傷害我，每次都去到好盡。我個心同 ...
人大了，要學識對別人狠一點，對自己好一點
人生好短，我話過我唔會再比人折磨我，無論嗰個係咩人
父母又點? 對我唔好，都係閒人一個
只有咁樣，自己先會心安一啲
私人傳訊

MCEsc


男爵府

積分: 6959


49#
發表於 16-2-4 00:48 |只看該作者

回覆：對母親心存芥蒂

追晒成個post,喊左！
感覺上，你地三母女情感糾結，媽媽好似相見好，同住難咁，見少左感情好左！10隻手指有長短，媽咪確係偏心，只能怪人夾人緣。

你也可同媽媽講下，但不要寄望她有什麼反應。

反而同妹妹傾下。本來是好姊妹，因為大家小時心存介蒂而做小學雞互相傷害好唔抵。約下佢食飯行街吧。

父母一離去，原生家庭只剩下兄弟姊妹，不要做陌路人。
私人傳訊

MCEsc


男爵府

積分: 6959


50#
發表於 16-2-4 00:48 |只看該作者

引用：Quote:原帖由+mychungyi+於+16-02-03+發表

原帖由 clippy 於 16-02-03 發表
人大了，要學識對別人狠一點，對自己好一點
人生好短，我話過我唔會再比人折磨我，無論嗰個係咩人
父母又點 ...
認同。
私人傳訊

RockMusicLover


男爵府

積分: 6081


51#
發表於 16-2-4 01:09 |只看該作者

引用：不如搵日同媽咪兩個坐低傾下講出自己多年嘅

原帖由 placesday 於 16-02-03 發表
不如搵日同媽咪兩個坐低傾下
講出自己多年嘅感受
聽下佢背後會唔會係有d咩原因
係呀，同佢講下啦，一世人流流長，你媽媽仲健在同埋終於明白你對佢好，已經係好好既結局，我頭先邊睇邊喊，因為有d情節好似我細個，我屋企得我一個女，其餘都係仔，阿媽成日搵我出氣，同埋錫自己同人湊果個都仲多過我，我考第一佢好開心獎我禮物，但一激嬲佢佢就丟哂，講好多說話傷害我自尊，成日發癲（因為爸爸要工作所以不同住，佢一個湊幾個，老公唔嚮身邊都好大壓力）發癲既可怕程度係到我家陣都仲間中發夢見返以前既野。

我亦係入大學後佢才對我講野溫柔多左，畢業後佢更改變多左，可能我同我哥都出左身，佢經濟壓力細左好多，自然情緒好左識諗左，到我嫁時佢唔捨得到有點抑鬱症狀。

而家我同佢關係好好，好在我幸運地媽媽仲健在，而大家關係仲好好，過去左既就算，只要媽媽仍在同埋知你對佢好，現在大家修補返過去失去的。祝福你！

私人傳訊

Sandy太


複式洋房

積分: 195


52#
發表於 16-2-4 12:31 |只看該作者

回覆：對母親心存芥蒂

見倒好幾位jm都話睇到喊/有相似經歷，但講d說話都好正面好鼓勵，我覺得好感動。

其中一樣令我感動嘅係，覺得原來有人明白我。因為我從來都冇認識好似我咁遭遇嘅人，我以前d同學朋友都有媽咪錫，見到人地母女好親密咁我真係好羡慕。。。

記得中學最好的幾個朋友，一個係獨生女，佢生日時佢父母為佢搞生日會，好多親戚朋友到賀，我仲記得佢媽媽好溫柔，又比我地睇帶佢去旅行d相(我都係廿幾歳先第一次搭飛機。。。)。講開我朋友幼稚園已經學琴，佢媽媽同我地講，希望佢有一技之長，第時嫁咗都可以教吓琴(我讀書時期咩都冇學過，連游水都唔識)，我就覺得呢個媽媽真係好。

另一個朋友係兩兄妹中做人妺妺，父母都好錫佢，有一次放學我朋友發現唔記得帶鎖匙，我陪佢一齊去搵佢媽媽(佢媽媽响附近停車場收費亭到做)，佢媽媽就笑笑口話佢大頭蝦，我心諗如果係我，我媽實黑口黑面單打或鬧。

又有朋友係兩姐妹做家姐果個，我都見過佢媽媽對佢講野都好溫柔。

又有朋友係五兄弟姐妹做阿二，佢話父母較錫大家姐，但佢同父母都親密，因為佢父母都對佢地好，我都見過佢媽媽，好慈祥嘅。

小學都有朋友係兩姐弟中做家姐，小息時佢媽媽會帶佢細佬黎探我朋友，我有時都會跟埋去，佢媽媽超溫柔，我朋友都會拖佢手。我想起我媽出街只會拖我妹，嗌我拖哥哥。。。

所以一直一直以黎我都覺得冇人明白，就算係親如C6我都冇提過自己心裡面對媽咪嘅心結(因為99對兩兄弟都差不多，甚至因為C6成就高d會有d偏向C6)。

而家睇到jm們嘅回覆，我確實寬心咗唔少，多謝你地。
私人傳訊

mrschocolate


珍珠宮

積分: 31074


53#
發表於 16-2-4 13:18 |只看該作者
從你字裡行間，都睇到你重視你媽媽，希望得到佢的愛。
依家，如果你願意放下執著，你就可以得到你一直想要的野，開開心心。
如果你仍然執著回想已發生無法改變的野，你只會唔開心，一直得唔到想要的野。
私人傳訊

holidaywife


大宅

積分: 3463


54#
發表於 16-2-4 14:27 |只看該作者
你細個真係十級慘,睇到都鄧你陰公,但如果佢真心想修補關係就比個機會大家~雖然心結唔係一朝一夕可解開,但慢慢黎啦~加油
私人傳訊

klleunh01


別墅

積分: 882


55#
發表於 16-2-4 15:24 |只看該作者
Sandy太 發表於 16-2-4 12:31
見倒好幾位jm都話睇到喊/有相似經歷，但講d說話都好正面好鼓勵，我覺得好感動。

其中一樣令我感動嘅係，覺 ...
我明白樓主你感受...我媽媽都係一個偏心嘅人 (呢點係我爸爸同其他親戚都睇得出, 但佢堅決否認), 雖然我嘅童年未至於好似樓主你咁唔開心, 但同樣都有好多深刻嘅事令我記得, 甚至有D 不公平事係發生喺我長大成人之後仍然發生緊...

我媽係偏心我阿哥, 因而造就到我阿哥以為自己大晒, 認為我做妹嘅一定要聽佢話...咁又當然我係啋佢都有味, 事關喺我心目中, 佢只係一個無腦死要面擺大佬款嘅人...正正係以上原因, 形成一個惡性循環 --- 我阿哥自以為是 > 我啋佢都有味 > 阿媽偏心阿哥, 覺得阿哥乜都係啱 = 兩兄妹三十幾年嚟, 除咗血緣關係, 毫無感情可言

我長大咗之後, 同樣係頂唔順我阿媽兩母子成日為小小野單打我 (例如有時我做D 野唔係跟我阿媽旨意, 佢嬲咗我...我阿哥就會借機踩多兩腳, 講埋晒D 咩: 讀咁多書有乜用呀? 對屋企人唔好etc)...同男朋友 (即係而家老公) 搬出去住...
曾經, 我經歷過幾次心灰意冷...唔想再理佢, 唔想再踏入呢個屋企, 但我始終做唔出...忍氣吞聲都要繼續理佢 (亦好大原因係我爸爸其實好錫我, 只係佢喺屋企無發言權...)

但原來...日久見人心呢句說話係真, 我阿哥同阿嫂為錢同我父母反面...
我阿媽諗都無諗過, 一個平日滿口仁義道德, 又最疼錫嘅仔...可以為錢反面唔認人, 任由老婆擺佈
當時我媽真係喊到眼淚都乾晒...佢自己都話: 估唔到最錫嗰個, 原來先係最攞命嗰個...
嗰件事之後, 反而我阿媽主動親近我多咗...我亦有趁機講返好多陳年往事, 我覺得受委屈嘅事比佢知...
你問我, 咁我地嘅感情係咪修補咗...我唔可以話完全係, 但最少我覺得自己終於攞返一啲公道...
而且, 父母無得揀...只要自己拎個真心出嚟對待, 已經無愧...同埋, 時間係最好嘅工具去證明一切

加油!



私人傳訊

penpenvivi


子爵府

積分: 12822

畀面勳章


56#
發表於 16-2-4 18:13 |只看該作者

回覆：對母親心存芥蒂

我睇你個post 睇到喊，好似我2個女嘅寫照，個個都話我偏心細女，其實我大女好硬頸，每件事都會反駁，經常多多藉口，叫佢做東會去西，好似黎對抗我咁但細女就順順攤攤，善解人意，但有點唔同，我都會經常同大女分享感覺，希望話完佢後會明白我。
多謝你吖樓主，希望你有日解開心結，用人用事對得起自己就可以。
私人傳訊

LittleMrsChan


別墅

積分: 705


57#
發表於 16-2-6 11:18 |只看該作者

引用：Sis睇到你回覆我真係忍唔住流淚。。。我有

原帖由 Sandy太 於 16-02-03 發表
Sis睇到你回覆我真係忍唔住流淚。。。我有時都諗如果我媽同我講聲對唔住我諗我會好過d，但事實係我覺得佢唔 ...
搞成咁最大問題係你媽，唔係你姐妹。父母公道就唔會有咁多麻煩。我都係兩姐妹，細個成日打交嗌交，大個都有時嗌交。但我媽由細到大都唔會偏心，可能內心有，但收得好好。宜家兩姐妹感情仲好過細個。
私人傳訊

Fongfong-yu


大宅

積分: 1008


58#
發表於 16-2-6 23:59 |只看該作者
你都好過我啦，我都系排中間對上有兩個家姐仲有個細妹同細佬。我歲半左右就俾咗婆婆湊直到中學先同返媽咪一齊，所以我童年回憶好少有爸爸媽媽。
私人傳訊

KIMBERLEY0902


大宅

積分: 3108


59#
發表於 16-2-7 10:18 |只看該作者

回覆：對母親心存芥蒂

睇到我喊，由其貼紙個度，幸慶我同我細佬妹感情都幾好
自從我嫁左之後就好懷念係娘家既日子，會好掛住媽咪，試過幾次偷偷地係被入面喊，但我嫁左先2個月未夠
私人傳訊

Twlm


大宅

積分: 1979


60#
發表於 16-2-7 11:49 |只看該作者

回覆：對母親心存芥蒂

係呢個post見到好多人大個咗同媽咪關係都好返啲, 好羨慕....

我自己係大家姐，不嬲好硬頸，所以一直同阿媽關係都唔好。小學個時，阿爸包二奶，阿媽問我哋幾姊弟，如果離婚會跟阿爸定係跟阿媽，啲細佬妹全部都話跟阿媽，我嗰陣心諗，阿爸出去滾，如果離婚佢唔使湊細路，咁咪益左佢？所以我話跟阿爸。

唔知係咪因為咁，自此阿媽好似見到我就唔順眼，又或者可能我青春期開始叛逆，個段時間關係真係好差，我試過因為同佢嗌交，嬲到反鎖係房入邊用cutter界手，要阿爸送我入院。

到我讀大學住宿舍，再過咗幾年結婚就搬埋出去，關係先好啲⋯⋯所以我好同意相見好同住難呢個道理，雖然而家關係都唔係話非常好......因為佢成日突然打電話黎就講細佬妹激嬲佢，我知佢想我哄佢，但我冇咁做，我都係客觀分析返件事，佢聽落銀耳，就會鬧我，最後都係不歡而散。但過幾日又冇事又打黎呻（可能我太得閒先聽到佢電話haha)

父母子女呢d 真係睇緣分，我唔強求佢要對我好，只要唔好愈黎愈差就得
私人傳訊


首頁
12345...7

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy