吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我同左c6講左啦

婆媳關係今日: 0|主題: 27782

收藏本版

發帖

返回列表

跳至頁

樓主: carly.c

我同左c6講左啦 [複製鏈接]

1 234

Amanda2025

男爵府

積分: 9786

2018復活節勳章畀面勳章 BK Milk勳章 hashtag影視迷勳章

41^#

發表於 08-11-5 12:21 |只看該作者

已經開咗火今晚就唔去，今晚早D"訓"。等佢心平氣和同你講嘢時，你講自己D辛苦嘢俾佢聽，千其唔好講佢亞媽D不是，因為C6實會同佢媽，而佢亞媽實數你，到時你先落藥話佢媽點解咁樣"林"你到時未大哭一場羅，先數返佢媽D衰嘢，如果C6真係緊你應該會掂

私人傳訊

carylce

大宅

積分: 2015

42^#

發表於 08-11-5 13:00 |只看該作者

carly.c
對住你老公和他的屋K人.你真系唔可以下下就曬他地...哩種人真系得寸進尺..
雖然你今次系沖動左的...(真系好危險)
但你發脾氣得0岩架...得你老公明白你既感受.
你都有自己既想法...就系佛都有火..
你唔想返去時,咪學下上面的媽咪建議
擺暈.擺唔舒服...
你對住他家人.真系需要長期作戰...

私人傳訊

carmenlook

大宅

積分: 4539

43^#

發表於 08-11-5 13:10 |只看該作者

唔好唔開心,同老公慢慢傾,最緊要小心身體

私人傳訊

KiuShaBB

珍珠宮

積分: 31492

44^#

發表於 08-11-5 13:22 |只看該作者

今晚一於唔好返去. 有得一次就有下次, 越來越少就最好.

上嚟呢度睇多咗野, 知道真係唔係話忍吓就可以風平浪靜, 我地d做老婆既諗住忍吓就吓個c6同佢的屋企人, 但佢地唔識倒返轉頭諗, 以為呢d係應份, "次次都係咁架啦, 有咩問題?". 而且要相就既係c6對咗3x年的屋企人, 但係果d唔係老婆的至親喎, 因為個c6至識佢地咋. 所以喺呢d程況真係唔駛太就, 顧住自己身體同bb先, 一定要多d休息. 你改為1個禮拜同c6去99屋企1次, 1個禮拜返自己呀媽屋企1次就最好. 有時d野, 唔駛吓吓等佢批准至做既.

私人傳訊

火星撞地球

洋房

積分: 241

45^#

發表於 08-11-5 14:21 |只看該作者

嘩.樓主如果我係妳"一定唔返去食飯"有咩理由要個大肚婆咁辛苦呀,仲要妳c6車埋佢地返屋企

私人傳訊

carly.c

子爵府

積分: 14671

46^#

發表於 08-11-5 15:55 |只看該作者

食完飯c6打黎同我傾..
本身都冇乜野, 大家都冇火, 我又冇乜野
但後尾又攪到不如快收場
我唔明, 我話99唔會聽我講野
c6點都唔信, 講左d例子俾佢, 又話係佢亞媽誤會姐, 點解佢唔肯應係佢亞媽唔聽我講, 點解佢唔肯應佢亞媽反轉我個意思, 點解佢都係覺得我所受既"為屈"係我既誤會而唔係佢亞媽既問題, 點解下下都要我就我忍佢亞媽, 佢話你米當佢老人家囉~~ 點解佢唔肯應佢亞媽唔對, 我又冇叫佢亞媽要點做, 我只要我個c6明我地發生d乜野事而點解我會唔開心, 點解佢咁都唔去唸同接受, 唔通佢亞媽冇做過一件錯事,!? 佢仲話打後我想返米返羅, 唔想返佢米自己返羅~~佢口口聲聲話乜都為我著想, 但我唔覺既.. 佢又話, 如果佢哥同家姐有車, 都一家會車埋我地返屋企, 一定會等埋我地返屋企, 咁係米話我小家呀佢..!! 我話你咁講, 我仲可以講d乜,..冇野好講..又係大家唔開心收場..

其實我可以點做.. 再同佢講落去, 定唔再提好..
好似大家都講唔通大家咁..

私人傳訊

beagledog

大宅

積分: 3828

47^#

發表於 08-11-5 16:10 |只看該作者

一個星期去一次啦, 累都係一晚, 唔好為左呢d事傷感情喇.

你自己多d返娘家吃飯囉.

至於話99錯與否,唔好理你c6點講啦. 你自己識分就ok.

[ 本文章最後由 beagledog 於 08-11-5 16:14 編輯 ]

私人傳訊

小寶貝兒

珍珠宮

積分: 30295

48^#

發表於 08-11-5 16:15 |只看該作者

原文章由 carly.c 於 08-11-5 15:55 發表
食完飯c6打黎同我傾..
本身都冇乜野, 大家都冇火, 我又冇乜野
但後尾又攪到不如快收場
我唔明, 我話99唔會聽我講野
c6點都唔信, 講左d例子俾佢, 又話係佢亞媽誤會姐, 點解佢唔肯應係佢亞媽唔聽我講, 點解佢唔肯應佢亞媽反轉我個意思,點解佢都係覺得我所受既"為屈"係我既誤會而唔係佢亞媽既問題, 點解下下都要我就我忍佢亞媽, 佢話你米當佢老人家囉~~ 點解佢唔肯應佢亞媽唔對,我又冇叫佢亞媽要點做, 我只要我個c6明我地發生d乜野事而點解我會唔開心, 點解佢咁都唔去唸同接受, 唔通佢亞媽冇做過一件錯事,!?佢仲話打後我想返米返羅, 唔想返佢米自己返羅~~佢口口聲聲話乜都為我著想, 但我唔覺既.. 佢又話, 如果佢哥同家姐有車,都一家會車埋我地返屋企, 一定會等埋我地返屋企, 咁係米話我小家呀佢..!! 我話你咁講,我仲可以講d乜,..冇野好講..又係大家唔開心收場..

其實我可以點做.. 再同佢講落去, 定唔再提好..
好似大家都講唔通大家咁..

你有冇兜口兜面直接同老公講過:"我冇要求你為我做任何野, 只係想你了解我既處景?"

因為我之前同我老公呻99點點點, 我老公又話我誤會99, 又話佢係老人家就下佢囉, 又話係我自己情緒有問題(係99逼到我有問題架!), 最後問我, 我想佢點做!

我咪直接講, 我從來冇諗過, 亦無需要佢幫我做d乜野, 如果你為左我去鬧99, 更會將我放係一個尷尬的境地! 我只係想你聽下我講, 了解我的感受同諗法!

跟住我老公就收聲了!

男人就係咁, 你唔同佢講到清清楚楚明明白白, 差左未搵律師寫份合約, 佢係唔會明架!!

我99對我夠衰啦掛, 我老公一直都好清楚明白知道佢阿媽d衰野, 有時都會同我呻99 d麻煩野!!

但當我地嘈交時, 又係為左去唔去99度食飯, 佢就話:"家陣阿媽度係咪有野咬你呀, 死都唔想過去! 我媽有咩對你唔住呀!"
我一聽到最後果句, 本來只係嬲, 而家直頭火燒心呀!
我冷冷咁回返佢一句:"你阿媽點樣對我, 心照啦!"

男人就係咁, 一發起癲上黎, 就剩係識得保護阿媽, 傷害老婆!

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

小小太陽

大宅

積分: 2301

49^#

發表於 08-11-5 16:21 |只看該作者

咁樓主你真係唔好再提, 唔好再令大家唔開心

但亦都要用對腳話比佢聽自己既堅持囉!

私人傳訊

KiuShaBB

珍珠宮

積分: 31492

50^#

發表於 08-11-5 16:23 |只看該作者

原文章由 carly.c 於 08-11-5 15:55 發表
佢仲話打後我想返米返羅, 唔想返佢米自己返羅~~佢口口聲聲話乜都為我著想, 但我唔覺既.. 佢又話, 如果佢哥同家姐有車, 都一家會車埋我地返屋企, 一定會等埋我地返屋企, 咁係米話我小家呀佢..!! 我話你咁講, 我仲可以講d乜,..冇野好講..又係大家唔開心收場..
...

咁咪就係食住佢呢句, "係你話想返至返, 唔想返咪唔返囉". 唔好咁辛苦自己, d男人一日個腦未通, 你點同佢講都唔會明你感受, 要等佢自己慢慢接受呢個事實至得. 你99將來講d咩都唔好理, 見少d佢地自然同c6感情都好d. 千祈唔好再同c6拗佢d屋企人係衰人, 佢本人都唔覺, 點認同你呢? 對住佢開心d歡容d, 佢自然會掛住你多d, 早返d. 你就可以早d

私人傳訊

carly.c

子爵府

積分: 14671

51^#

發表於 08-11-5 16:29 |只看該作者

其實我冇話要佢點做, 我只係想佢知我同99當中有乜野發生, 有時99口出果的都唔係我講既意思, 佢都有問我,我想佢點做, 我話冇~ 只係想佢知, 但佢聽左都有好多藉口幫99解畫..

私人傳訊

小寶貝兒

珍珠宮

積分: 30295

52^#

發表於 08-11-5 16:45 |只看該作者

原文章由 carly.c 於 08-11-5 16:29 發表
其實我冇話要佢點做, 我只係想佢知我同99當中有乜野發生, 有時99口出果的都唔係我講既意思, 佢都有問我,我想佢點做, 我話冇~ 只係想佢知, 但佢聽左都有好多藉口幫99解畫.. ...

嗯嗯~~

其實之後我再講99d野比佢聽, 講我感受比佢聽, 佢都會嬲, 不過唔會再發癲~

但為免被99影響2公婆感情, 所以我後尾就同佢講, 我唔會再同佢講我對99的感受, 但請佢都盡量幫我, 一齊食飯可以, 但盡量唔好去99度食, 而且我上網同網友呻, 你不得干涉!

同埋叫佢做人公平d, 我同99食一次飯, 你都要同我媽食一次飯!

做唔到就唔好要求多多!!

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

53^#

發表於 08-11-5 16:47 |只看該作者

原文章由 carly.c 於 08-11-5 16:29 發表
其實我冇話要佢點做, 我只係想佢知我同99當中有乜野發生, 有時99口出果的都唔係我講既意思, 佢都有問我,我想佢點做, 我話冇~ 只係想佢知, 但佢聽左都有好多藉口幫99解畫.. ...

佢同亞媽一齊成30年, 佢真係唔會明白點解你覺得佢亞媽唔好架. 所以唔好咁執著要老公即刻明白你地嘅難處, 唔好同你老公話99不是, 亦唔好奢望佢會認自己亞媽唔好. 總之, 只係講facts, 唔好加任何opinion. 讓時間証明一切. 同時你有咗bb, 唔好勞氣, 對bb唔好架. 平時盡量扮睇唔到聽唔到, 得閒返外家食飯, 最緊要保持自己開心.

私人傳訊

cy101

象牙宮

積分: 214664

2025勳章蛇年勳章 2024年龍年勳章牛年勳章 2018復活節勳章育兒性格勳章好媽媽勳章醒目開學勳章畀面勳章環保接龍勳章大廚勳章 BK Milk勳章 15週年勳章親子王國15週年勳章

54^#

發表於 08-11-5 16:57 |只看該作者

學其他媽咪咁話, 一次返99, 一次返外家, 做妳的保護牆, 多數男人都做唔到, 10個有9個都唔願倍老婆返外家食飯嫁, 咁妳咪可以唔駛返99度lor!!!

私人傳訊

leopak

侯爵府

積分: 22655

55^#

發表於 08-11-6 00:51 |只看該作者

樓主,

你都係為bb著想, 唔番咪唔番law,

你就同你老公講,"醫生話要早d休息嫁, 如果唔係就一屍兩命, 你無理由唔聽醫生講嫁."

企硬位場.

私人傳訊

wmpl

大宅

積分: 3000

56^#

發表於 08-11-6 05:13 |只看該作者

carly.c,

等我略略講一個真實事件俾你知.....,

我朋友佢老公好錫佢,對佢好好,而之前同佢老公屋企人嘅關係係好好,好到係乜都會講,成日一齊玩嗰啲,而後來,唔知點解,佢叔仔個女朋友忽然之間唔鍾意佢,仲夾埋細叔同細叔個女朋友一齊嚟杯葛佢~~

自從佢叔仔個女朋友無緣無故咁樣之後,我朋友每次上親佢99度食飯都要睇人面色同受氣,喺飯局中個個都會傾到興彩烈,唯獨是我朋友...,除咗佢老公同佢99之外,根本冇人會同佢講嘢,不過佢99都會因為其他人咁樣而少咗同我朋友講嘢, 而我朋友一出聲,就全場deadair,令到我朋友非常之唔好受~~

之後佢叔仔女朋友仲賤到夾埋我朋友老公個ex嚟玩佢,佢老公雖然親自目睹一齊,都仲口口聲聲話唔關自己屋企人事,唔關細佬個女朋友事,所有唔開心嘅嘢全部都係我朋友自己諗得人哋唔好而得出嚟,佢老公屋企人完全冇問題,全部都係我朋友自己嘅問題,仲話我朋友係一個斤斤計較嘅人,佢哋兩公婆因此而成日炒大鑊,幾乎令到我朋友崩潰咁滯,仲試過想自殺,好彩個傻妹當時識揾我同我傾,如果唔係,恐怕佢已經.....

經我勸解之下,我朋友都知同佢老公講乜都冇用,只會令佢自己更唔開心,而之後嘅日子都冇乜事發生,因為我教我朋友要企硬,唔去就唔去,又儘量唔好同個老公講佢99嗰邊嘅事,一句起,兩句止,講咗重點同想佢點做就算~~

雖然,佢老公起初係好唔開心,仲會成日都埋怨個老婆唔識做人,但係我朋友依然企硬,[我朋友本身都係好心軟嘅人]終於佢老公知道,無論用強定硬嘅手段,都唔可以迫到個老婆同佢屋企人會面之後,都冇再多多嘢講,冇再用十萬個道理嚟迫我朋友,我朋友都因此而放開咗好多,冇再諗埋一邊,雖然,佢老公有時都仲係會試探吓我朋友嘅底線,但已經唔駛再好似以前咁,又要嗌交,又要發晒爛渣,但最終都要去咁辛苦,而家只要講多次一定唔會去,佢老公就唔會再有嘢講~~

跟住有日,我朋友打嚟同我講,話佢老公同佢講咗一件事令佢好開心又好唔開心,嗰件事就係,佢老公有一次返屋企食飯,聽到細佬女朋友喺房度同人傾電話講人是非,雖然冇指名道姓,但係佢老公好肯定係講緊佢老婆,因為佢細佬女友講嘅嘢就只有當時嘅人同事會符合得到,所以就話俾我朋友知,知道原來真係自己細佬嘅女朋友搞屎棍,所以我朋友就好開心,開心嘅係,佢老公終於知道所有嘅事並唔係佢自己胡思亂想得嚟~~

但唔開心嘅係,佢老公跟住同佢講,話原來一直都知自己細佬女朋友係啲咁嘅人,亦都早有前科,仲係同佢老公個ex有關,聽到哩度,我朋友就好火滾,因為佢唔明白,既然佢老公一早都知佢叔仔女友係啲咁嘅人,點解當初佢同個老公呻嗰陣,佢老公永遠都係話我朋友自己攞嚟?全部都係佢自己諗出嚟??仲幾乎誓神劈願咁話嗰個女人人品冇問題?有問題都係佢自己有問題???

而當時佢老公嘅答案就係"估唔到嗰個女人到而家都仲會咁做,而且咁樣講都只係希望你唔好咁樣諗嘢就唔會唔開心!"

我朋友當時當然已經滾到乜都聽唔入耳,而且佢老公講嘅嘢,真係好蠢,事到如今,都仲唔知我朋友點解會咁唔開心,咪就係佢老公成日好心做壞事,又成日都想做好仔同好人,講講埋埋一大堆廢話lor!!

其實之前我一直都有同我朋友講,話佢老公唔係唔尊重佢,只係唔識尊重佢,同埋只係唔識同女人溝通啫,根本我朋友老公都係好愛錫我朋友嘅,而佢老公所講嘅說話,都只係想令到個老婆唔好咁樣諗嘢,咁男人認為唔咁樣諗嘢咪唔會唔開心lor,係男人自己好簡單但係對女人又一啲都唔work嘅思想方程式!

所以話呢,唔好冀望自己老公會好似自己咁諗嘢,又想佢自自然然就明白自己,因為就算幾聰明嘅男人都好,就始終都係男人,佢哋諗嘢嘅方式同女人係唔會一樣嘅,只係有啲男人比較識維護自己嘅所有,同識得為自己打算,所以就會自自然然識得保護個老婆,但係如果個男人係習慣咗幾乎毫不計較咁對家人付出嘅呢,咁就好難搞la,如果個男人對自己其實都唔錯嘅呢,就唯有慢慢感化吓佢,觸發吓個男人保護弱小嘅天性,必要時又一定要企硬,又或者等佢自己突然清醒la!!

再唔係,根本就唔應該開始,不過哩啲真係冇得睇,喺結婚前或定落嚟之前亦好難睇得出個因男人究竟係有幾愚孝!!

[ 本文章最後由 wmpl 於 08-11-6 05:21 編輯 ]

私人傳訊

小小太陽

大宅

積分: 2301

57^#

發表於 08-11-6 09:46 |只看該作者

carly.c.
最終尋晚你有冇返去呀?

私人傳訊

carly.c

子爵府

積分: 14671

58^#

發表於 08-11-6 10:56 |只看該作者

我冇返到去...

我放工果時C6已經係樓下等我, 上左車之後佢有問多次返唔返去, 我都係話唔返,話"如果你想返不如俾我落車, 我自己返屋企先", 跟住佢話佢都唔返同我一齊返屋企, 一路係車度大家都冇再提到件事啦, 返到屋企佢仲主動話佢煮, 不過我想食KFC, 佢都有煮左兩樣小菜俾我食,.. 食食下99又打來, 99問佢食D乜, 佢話食緊KFC~ 可能99又話佢唔返屋企食飯果D野呱, 後尾C6都惡惡地同99講 "的啦, 你唔好理咁多啦~~"之後就收左線..

到訓果時, 佢同我講佢打後係時間方面會盡量安排好D, 不過早上件事(我跳車事件), 佢駡我係因為我咁做真係好危險同錯, 佢話佢果刻真係嚇到心都離埋, 咁我都同佢講左對唔住..跟住就冇再提其他野啦

私人傳訊

小小太陽

大宅

積分: 2301

59^#

發表於 08-11-6 11:06 |只看該作者

goooooooD! 真係好現象

keep 住呀!!!

但真係唔好再做危險野

同埋係時候作出反撃

下次佢再叫你返, 你就counter propose 佢返外家食飯先!!!!食一次外家就應承佢一次返99 到

之後再叫你返99 到你就大佢, 咦, 我以為你同意要公平d , 一次外家一次99 到添....

[ 本文章最後由小小太陽於 08-11-6 11:08 編輯 ]