婆媳關係 今日: 0 | 主題: 27783

積分: 2657

41^#

發表於 08-11-26 14:10 |只看該作者

原文章由 KiuShaBB 於 08-11-26 13:42 發表

真正大奸果個係大姑9呀, 佢之前喺99面前中傷我, 無中生有, 所以99聽佢講至攪成而家咁. 我份人好直, 唔識藏奸, 唔識兜圈, 同佢地比, 輸晒啦, 而家都好, 唔會再見佢地lu. ...

你大姑9心理變態, 好似d老姑婆咁既心理同行為.
d阿媽一定幫個女架啦, 就好似c6一定幫99一樣....
你一定要學下奸d先得架, 呢個係長期作戰呀

私人傳訊

積分: 31492

42^#

發表於 08-11-26 14:15 |只看該作者

原文章由 yucopooh 於 08-11-26 11:21 發表
俾我都會嬲,點解連工人都可以一齊食,但樓主就唔得?仲要俾樓主一齊食時,講到好似特赦甘,而家又唔係得佢一度有得食,做咩攪到自己甘慘

咪係囉, 咁都仲肯返去俾2個b佢地見, 我唔係盡咗本份咩? 其他唔忍得既一早當面嘈咗啦, 仲肯返去? 我做得啱既野冇人話啱, 99屈我又唔見有人話佢衰, 佢地唔尊重我先, 唔再忍出聲就係我唔啱. 做咩要我好似地低泥咁?

[ 本文章最後由 KiuShaBB 於 08-11-26 14:53 編輯 ]

私人傳訊

積分: 31492

43^#

發表於 08-11-26 14:18 |只看該作者

原文章由 tantanmama 於 08-11-26 12:00 發表
我明白樓主已經忍咗好耐, 所以咁唔開心. 不過都係想勸你唔好嬲咁耐喇, 盞激親自己. 多數老公都唔識得照顧自己老婆感受架, 無論你點講佢地都唔會明老婆點解唔開心, 反而誤會老婆搞事.
我諗你老公話唔俾你返99度,都 ...

多謝你明白. 如果可以既, 我以後都唔想返, 唔想見佢地.

私人傳訊

積分: 31492

44^#

發表於 08-11-26 14:32 |只看該作者

原文章由 hi88 於 08-11-26 13:44 發表
早2日講開99, 我問佢99對呢件事點講呀, 大姑9又有咩投訴呀? c6話當晚大姑9已經打咗電話俾99, 佢話我咁唔鐘意佢, 以後有我出現佢就唔會嚟, 就晒我. 大姑9又再一次表演佢本末倒置的功力, 好可憐咁, 唔怪得99鍚晒佢啦.
...

係既, 係既, 多謝意見.

而家就係俾倒位佢入, 佢都唔想見我啦, 講到因為我至避我咁, 好, 講到明"有我冇佢"仲好, 唔駛扮野.

私人傳訊

積分: 31492

45^#

發表於 08-11-26 14:41 |只看該作者

原文章由 bb1901 於 08-11-26 13:53 發表
我都覺得你有小小問題,難得開開心心食餐飯,你呢樣又唔俾,佢樣又唔得,咪令到個個都無癮lor!!
bb細個都係扭計,唔係成日係你99屋企食飯既咪就係佢地lor~佢地小見呀,梗係寧願縱下啦!!
我同我99都唔o岩架,姑9又係重份量人 ...

我應該係難得有飯食

, 唔係呢一次至係咁, 次次都唔開心架, 講到為咗我至做節咁, 唔係我要架, 佢唔做我唔駛見佢地添呀, 以前又唔係好鍚個仔, 而家有嘜事就要揾個仔, 唔俾個仔同我一齊咁多, 我忍咗好多年啦, 唔想再忍呀, 你都同佢地反咗幾次面啦, 你又唔忍吓? 唔係呢一次唔忍就以後冇事, 所以都係唔忍.

私人傳訊

bb1901

子爵府

積分: 10522

畀面勳章

46^#

發表於 08-11-26 15:07 |只看該作者

始終自己老公又係人地個仔,又係佢地既孫,佢地都係想同bb玩呀~睇開d啦!!我都唔like我99同62,但睇到佢地咁鍚d bb,唉,我就算lor!!
佢地都唔係好錫我c6,最錫係個佢個女,不過我姑9冇你個個咁衰,我同佢好fd!!

私人傳訊

積分: 31492

47^#

發表於 08-11-26 15:24 |只看該作者

原文章由 bb1901 於 08-11-26 15:07 發表
始終自己老公又係人地個仔,又係佢地既孫,佢地都係想同bb玩呀~睇開d啦!!我都唔like我99同62,但睇到佢地咁鍚d bb,唉,我就算lor!!
佢地都唔係好錫我c6,最錫係個佢個女,不過我姑9冇你個個咁衰,我同佢好fd!! ...

唉, 家家有本難念的經, 其實我好戥大b唔抵, 因為佢生得似我, 99就唔鐘意佢, 成日攬住細b, 嘜都讚佢, 大b識爬同拍手先都唔讚吓, 淨係話細b仲未識好慘(c6都係咁講, 呢個做老豆既都係咁, 我更加要保護大b, 係緊張咗d), 雖然話久唔久至見一次, 但係日子耐咗真係會縱壞細b, 同影響到大b的心理. 大姑9一路點做我都唔理佢啦, 見到佢咁假真係忍唔住, 仲要咁啱佢咁講大b, 嘜都唔駛講, 反面就反面.

私人傳訊

積分: 31492

48^#

發表於 08-11-26 15:44 |只看該作者

係吔, 其實我都好小器吓架, 我應該一早就唔應承返去啦, 唔應該再俾面99同c6咪唔會有咁多事囉? 佢地對我唔好唔應該俾2個b佢地見咪得囉. 但係我仲肯去喎, 仲想盡最後努力. 佢地要屈我, 我都唔可以出聲? 唔可以保護自己? 唔可以保護自己的bb?

我成日上嚟呢到見倒有d 99亂咁俾bb食野, 或者99未得新抱同意就做埋d 個新抱唔鐘意既野, 好多媽咪都話要鬧爆個99, 要鏟到個99上天花板, 唔好忍佢, 要呻吓, 咁我都係唔想99做d我認為唔啱既野啫, 但我冇當面鏟佢地喎, 好有禮貌咁拒絕, 佢地唔鐘意我唔理得咁多啦. 我再忍, 佢會尊重我咩? 唔係成日話要個c6幫自己咩? 你地又知c6平時點對我? 我真係發神經? 每個人都可以咁得體, 就唔會有咁多問題啦. 我想做好d都要人地受至得架, 係佢地針對我唔鐘意我先定係我冇事特登玩野?

[ 本文章最後由 KiuShaBB 於 08-11-27 11:46 編輯 ]

私人傳訊

積分: 2178

49^#

發表於 08-11-26 15:49 |只看該作者

樓主，
第一,你開這個topic 要人評這件事誰有道理,

都係因為大姑9... 定係因為我小器?

但,你自己又說以前的事，是否有點自我矛盾？？？？？？

第二，正如我所說,我不知你們的瓜葛,只能以事論事。說這件事你自然係做的唔係幾好。

第三，食隔夜餸，我唔知你們全部瓜葛,只能以事論事，以文字上看，要你食隔夜餸這行為當然係你９９不對。

第四，你幾時有唔俾老人家抱bb呢? 你自己看你自己寫的內容。

99好快食飯後即時去抱細b(佢好少抱大b, 因大b似我), 對於bb嚟講, 99係陌生人同埋佢阻住bb睇vcd, 咁細b喊, c6話俾奶咀細b食, 我平時淨係bb瞓覺至俾佢地食奶咀, 咁我話唔好, 放返佢落bb車就冇事, “唔好成日抱住會縱壞“, c6話唔緊要, 一次半次, 之前返完99屋企, 2個b都好扭抱, 今次我唔想再忍佢地, 我話:"次次都一次半次, 你講明冇耐性教bb要我教, 而家又要我返去再執手尾, 唔好啦." 但99話:"我想抱佢, 寧願縱壞都要唔俾佢喊." 我覺得99越來越離譜, 我即刻攞起2個奶咀放入褲袋, 唔理佢地, c6同99都黑面. 99抱多一陣細b都喊, 放返落bb車, 咪冇事囉.

你明為何會這樣說你了。

第五，是回應你第三點。

第三, 我幾時玩99呀, 一向都係大姑9玩野, 我出唔出聲佢都俾說話我聽架, 我叫佢好多次佢都唔啋我架, 大庭廣眾同喺我屋企人面前都係咁, 都唔知邊度得罪佢, “今次特登喺表姐面前扮好人啫. “

你都話她“今次特登喺表姐面前扮好人啫. “,那誰在這次事件做壞人？？？？你明嗎？？？？

所以,我都是認為這次事件是你做的不好。

私人傳訊

fairyfloss

男爵府

積分: 9660

50^#

發表於 08-11-26 16:17 |只看該作者

喺呢件事上, 阿99又真係好似咩都就晒樓主咁, 但客觀啲睇, 如果一個人向你要求一啲過份既嘢(如要BB食雞咀, 胡亂縱自己BB, 針對你其中一個BB等), 咁你當然會拒絶啦, 連番既拒絶, 對方話你"你咩都拒絶,我已經就晒你啦" 但呢D所謂既就晒, 只係佢達唔到佢既目的,而唔係佢肯相就, 再講,呢位99同姑9一向都好衰, C6又唔幫佢, 所以你哋唔好批評佢啦,

私人傳訊

wmpl

積分: 3000

51^#

發表於 08-11-26 16:37 |只看該作者

原文章由 KiuShaBB 於 08-11-26 15:44 發表
係吔, 其實我都好小器吓架, 我應該一早就唔應承返去啦, 唔應該再俾面99同c6咪唔會有咁多事囉? 佢地對我唔好唔應該俾2個b佢地見咪得囉.

我成日上嚟呢到見倒有d 99亂咁俾bb食野, 或者99未得新抱同意就做埋d 個新抱唔 ...

太激動對自己同你個家冇好處,,盞令到自己有位俾啲小人入,,到時老公唔信自己,,頭家又散,,原來都係因為男家嘅人,,你話幾唔抵呢??小器其實個個人都會有,,唔淨止係女人,,不過小器可以係夫妻情趣,,又可以變成夫妻爭吵,,你到底想變成邊一樣??

有好多時,,我都贊同做新抱嘅要企硬,,唔好聽晒男家嘅說話做事,,不過做法就有好多方面嘅,,講說話要得體,,做事方法要恰當,,唔好做衰自己,,係每個人對自己嘅責任,,係為咗令自己更識人情世故,,處事更成熟,,全部都唔係為咗其他人而做,,至於其他人係點,,真係唔到你控制,,心裡面對對方點不滿都好,,所謂伸手不打笑面人,,你發火先好多時都會係蝕底嗰個先,,人哋做表面你咪做返表面俾佢就得,,無謂諗太多佢哋背後嘅動機,,如果佢哋真係要對付你,,你就更唔可以任佢哋放箭過嚟插死你,,正如你所講,,佢哋要做好人,,咁唔通你就要成全佢哋,,自己做晒衰人咁傻??

有句說話難聽啲,,不過都係事實,,人哋要跣你,,都要你自己俾人跣到先得,,老實講,,而家你嘅情況就好似係,,雖然樣樣都睇通晒人哋,,不過就睇唔通自己同老公,,俾自己嘅負面感覺帶住走,,明知人哋俾蕉皮你踩,,你為咗啖氣就一腳踩落去,,咁咪中晒啲小人計囉!!

你老公屋企人可以令到你老公唔幫你,,係因為佢哋一齊好多年,,好清楚佢嘅性格,,又忍得住度氣,,夾埋嚟玩你,,今次你就正中下懷,,全因為你唔好好利用自己嘅優勢,,反而將自己嘅缺點弱點喺敵方面前表露無遺,,我覺得你老公唔係唔想幫你,,只不過,,你咁樣嘅態度,,佢真係唔識點撐你,,又加上佢又好小朋友脾氣,,自己都忍唔住啖氣,,谷谷埋埋,,就不自覺咁攞咗你嚟出氣,,你老公係唔啱,,不過哩個又係另一個問題,,要解決咗你自己嘅問題先,,今次件事,,都真係有啲係你自己想唔通,,做得唔好而一手造成!!

頭家係你自己嘅,,其實冇其他人可以破壞得到,,爭執時又唔好抺殺對方為自己所做嘅事,,如果你老公真係咁不堪嘅,,咁你當初又為何嫁俾佢,,仲同佢生BB呢??

我都明而家做女人嘅係好辛苦,,又要對內又要對外,,不過條路係自己揀嘅,,就唔好俾機會其他人阻撓到自己,,結婚個目的唔係為咗離婚,,係一同去面對生活上嘅困難與樂事,,冇得輸打贏要,,對方唔肯成長唔係你嘅錯,,不過自己唔成熟造成惡果就冇得怨人架la!!

放開啲啦,,你對人哋屋企人係冇責任嘅,,而家唔係為咗你老公而忍佢哋咁簡單,,最重要嘅係你要為自己所做嘅事而堅持!!

[ 本文章最後由 wmpl 於 08-11-26 16:40 編輯 ]

私人傳訊

little-fish

洋房

積分: 259

52^#

發表於 08-11-26 16:37 |只看該作者

我都記得以前樓主提過話想同99關係好些, 不過99唔領情啫, 所以冰封三尺非一日之寒, 樓主都盡過力, 攪到依家咁大家都有責任! 其實樓主c6唔單止冇努力去攪好樓主同佢家人既關係, 仲加多幾腳添, 冇左哩個keyman, 我估哩個困局好難解啦, 樓主做千樣野都唔夠姑9講一句壞話架

我都試過姑9想幫阿媽出頭, 講左幾句野就攪到我雞飛鴨血, 我老公又咩都唔會say no既!

不過話時話. 樓主你同你姑9咩事咁10恕9仇, 你叫佢都唔啋你, 又講你壞話呢??

私人傳訊

積分: 31492

53^#

發表於 08-11-26 16:43 |只看該作者

原文章由 Share 於 08-11-26 15:49 發表
第一,你開這個topic 要人評這件事誰有道理,

都係因為大姑9... 定係因為我小器?
其實我既目的係要話, 如果唔係大姑9講埋d咁既野, 做埋d小動作, 我唔會出聲, 我唔會反面. 之後原來99認為肯俾我一齊食飯, 同我有得食飯係已經就晒我, 我覺得好驚嚇. 我係咪唔應該覺得驚嚇? 我係咪好小器? 要同意佢既做法?

可能我講得唔清楚, 令人誤會.

但,你自己又說以前的事，是否有點自我矛盾？？？？？？
當然要睇吓以前的事同背景啦, 以前有人打你2巴, 今日佢扮晒野喺其他人面前請你飲杯茶, 佢唔係同你道歉喎, 咁你唔係好想飲, 你算唔算小器? 你真係可以做到前事不計飲咗呢杯茶先?

第二，正如我所說,我不知你們的瓜葛,只能以事論事。說這件事你自然係做的唔係幾好。
如果呢件事唔係你親身經歷, 你未試過同樣遭遇, 咪問下人地d瓜葛了解吓先囉. 上嚟呢到都係傾吓偈啫.

第三，食隔夜餸，我唔知你們全部瓜葛,只能以事論事，以文字上看，要你食隔夜餸這行為當然係你９９不對。
你又話唔好講以前d事既? 到99咁對我, 你又要睇以前d瓜葛喇? 睇吓係咪我唔啱佢至咁對我?

第四，你幾時有唔俾老人家抱bb呢? 你自己看你自己寫的內容。

99好快食飯後即時去抱細b(佢好少抱大b, 因大b似我), 對於bb嚟講, 99係陌生人同埋佢阻住bb睇vcd, 咁細b喊, c6話俾奶咀細b食, 我平時淨係bb瞓覺至俾佢地食奶咀, 咁我話唔好, 放返佢落bb車就冇事, “唔好成日抱住會縱壞“, c6話唔緊要, 一次半次, 之前返完99屋企, 2個b都好扭抱, 今次我唔想再忍佢地, 我話:"次次都一次半次, 你講明冇耐性教bb要我教, 而家又要我返去再執手尾, 唔好啦." 但99話:"我想抱佢, 寧願縱壞都要唔俾佢喊." 我覺得99越來越離譜, 我即刻攞起2個奶咀放入褲袋, 唔理佢地, c6同99都黑面. 99抱多一陣細b都喊, 放返落bb車, 咪冇事囉.

你明為何會這樣說你了。
我係話唔好成日抱住, 唔係唔好抱喎. 佢一入門口就抱, 跟住又餵奶, 都唔係抱咩? 咁bb睇緊vcd都冇嘈, 反而佢抱就喊, 而且佢放返bb落bb車, bb就唔喊, 我唔想bb喊都係佢啱我唔啱? 要俾佢抱住等bb食奶咀咁至係啱?

第五，是回應你第三點。

第三, 我幾時玩99呀, 一向都係大姑9玩野, 我出唔出聲佢都俾說話我聽架, 我叫佢好多次佢都唔啋我架, 大庭廣眾同喺我屋企人面前都係咁, 都唔知邊度得罪佢, “今次特登喺表姐面前扮好人啫. “

你都話她“今次特登喺表姐面前扮好人啫. “,那誰在這次事件做壞人？？？？你明嗎？？？？
唔明. 我真係冇玩99喎. 請明示. 咁係咪佢扮野叻就唔係壞人? 我識轉彎就唔駛攪成咁啦. 你講明d教吓我點做啦?

...

私人傳訊

積分: 31492

54^#

發表於 08-11-26 16:52 |只看該作者

原文章由 fairyfloss 於 08-11-26 16:17 發表
喺呢件事上, 阿99又真係好似咩都就晒樓主咁, 但客觀啲睇, 如果一個人向你要求一啲過份既嘢(如要BB食雞咀, 胡亂縱自己BB, 針對你其中一個BB等), 咁你當然會拒絶啦, 連番既拒絶, 對方話你"你咩都拒絶,我已經就晒你啦" ...

好感動呀, 終於有人明白喇.

就得呢次下次又唔知會點呀?

私人傳訊

積分: 31492

55^#

發表於 08-11-26 17:05 |只看該作者

原文章由 little-fish 於 08-11-26 16:37 發表
我都記得以前樓主提過話想同99關係好些, 不過99唔領情啫, 所以冰封三尺非一日之寒, 樓主都盡過力, 攪到依家咁大家都有責任! 其實樓主c6唔單止冇努力去攪好樓主同佢家人既關係, 仲加多幾腳添, 冇左哩個keyman, 我估哩 ...

都好多謝你明白.

但係我都唔明白點解佢咁對我? 結婚前都有叫聲hello, 唔記得佢有冇應我, 但係結婚當日就覺得唔妥, 唔嚟99屋企又唔肯飲茶, 之後見面至發覺叫極都唔啋, 仲俾說話我聽. 或者正如之前另一位媽咪話齋, 佢一向大晒, 連99都聽晒佢話, 佢唔接受有人同佢做法唔同, 唔係嘜野都問過佢啩?

私人傳訊

積分: 31492

56^#

發表於 08-11-26 17:08 |只看該作者

原文章由 wmpl 於 08-11-26 16:37 發表

太激動對自己同你個家冇好處,,盞令到自己有位俾啲小人入,,到時老公唔信自己,,頭家又散,,原來都係因為男家嘅人,,你話幾唔抵呢??小器其實個個人都會有,,唔淨止係女人,,不過小器可以係夫妻情趣,,又可以變成夫妻爭吵,, ...

當初嫁佢係因為c6做野好有交帶, 對朋友好好, 對屋企人好好, 唔知情度好到咁啫, 嫁咗佢後佢都有以上優點, 約咗我都可以要我自己返屋企因為佢又有朋友約佢(冇特別事果隻, 只係我日日都可以見, 唔駛特別相就喎).

表面上, 係我挑起攪到反晒面, 好似好差咁. 但係其實我又覺得幾好喎, 起碼唔駛再見到佢地, 我唔識做戲咪唔駛做囉.

[ 本文章最後由 KiuShaBB 於 08-11-26 17:17 編輯 ]

私人傳訊

Pinklapin

別墅

積分: 704

57^#

發表於 08-11-26 17:22 |只看該作者

其實我個case都同你一樣, 我C6成家人除咗我62之外, 其他人都好惡頂, 我C6又係愚考仔, 成日迫我返佢屋企食飯, 攪到我好似送上門比人玩, 次次我個c6都唔覺得佢屋企人有問題

但我媽咪都同我講, 除非同佢離婚, 否則好難會唔見佢D屋企人, 所以我都同c6講明無必要就唔會上佢屋企食飯, 就萛上去食如果又比說話我聽我會即時抱埋個仔走, 到時唔好話唔比面, 咁我c6見我都肯上去就即刻同我關係好咗!

有時要諗99同大姑奶同自己無血緣關係, 所以唔可以要求佢地一定要對自己好, 但因為自己已經嫁咗比佢個仔/細佬所以就算幾唔鍾意都好, 都一定有機會見面, 如果次次99同大姑奶話完你之後你都勁唔開心(但佢地就背後陰陰唇笑你)你話自己幾唔抵, 又傷兩公婆感情!

人做戲你咪又做戲囉, 我99見我突然改變都好手足無措, 因為佢無藉口話我, 激死佢! 現在係我陰陰唇笑佢, 佢反而嬲死又唔敢表現出來, 因為佢要扮好人

私人傳訊

Pinklapin

別墅

積分: 704

58^#

發表於 08-11-26 17:24 |只看該作者

私人傳訊

wmpl

積分: 3000

59^#

發表於 08-11-26 17:56 |只看該作者

原文章由 KiuShaBB 於 08-11-26 17:08 發表
當初嫁佢係因為c6做野好有交帶, 對朋友好好, 對屋企人好好, 唔知情度好到咁啫, 嫁咗佢後佢都有以上優點, 約咗我都可以要我自己返屋企因為佢又有朋友約佢(冇特別事果隻, 只係我日日都可以見, 唔駛特別相就喎).

表 ...

你而家嘅態度同情緒,,就好似我之前喺度提過嗰位朋友咁......,其實我C6都係咁,,有時仲連玩幾日先至捨得返屋企,,又應該話有好多男人都係咁,,一結咗婚或者一段關係耐咗,,都會將另一半擺到最後,,又認為對方應該好似自己嘅想法一樣先啱,,咁樣嘅心態係自私,,不過都無可奈何,,既然唔係離開,,就要想辦法去應付,,去改變,,而唔係雙方不停鬥氣傷害對方!!

又掉返轉頭嚟諗,,其實佢真係當咗你係自己嘅一部份先至會咁嘅態度,,不過佢哋唔知咁樣係會令女人好難受~~

事實上,,我亦都同我朋友講過,,婆媳問題,,冇話一定有一個辦法係最好,,係最啱,,每個人都有自己嘅處境同性格,,講返之前件事要點處理亦都會於事無補,,只可以作為一個警剔及借鏡,,令到自己可以更加瞭解自己,,對於事已至此,,就只能喺現時嘅處境狀況,,揾一個最恰當最好,,自己又能夠接受嘅方法去做!!

有時温和嘅做法未必適合,,不過就可以避免好多無謂嘅爭執,,係對夫妻感情傷害性減到最低嘅做法,,但係始終你唔係我,,我唔同你,,另一半嘅性格都總唔會完全一樣,,相處時得嚟嘅化學作用都唔同,,有時候,,或者更需要置諸死地而後生嘅方法先至行得通,,所以我唔會批評你今次嘅做法係唔啱,,不過將件事置咗死地之後救唔救得返,,都好睇你嘅自我控制能力,,所以先講出之前提過嘅觀點!!

我嘅大原則就係,,無論點都好,,如果未到真正放手嘅時候,,都絕對唔會做同講一啲無可挽回嘅事,,人哋如果要攪破壞,,我係絕對唔容許,,有時外人睇落,,會覺得我犠牲咗好多,,但係頭家係我嘅,,就只有我能夠決定放手或堅持,,世事一定係有捨先會有得,,我得到嘅,,係兩個人之間更堅定嘅感情,,同對方對我嘅忠誠同信任,,哩啲先至係我想要嘅嘢!!

對方屋企人,,佢哋做嘅事係會令我唔鍾意或唔開心,,咁樣係人之常情,,就好似去買件衫咁,,睇中件心頭愛,,全世界只得一件,,不過個sales態度好差,,仲故意留難我,,睇唔起我之餘仲連試都唔想俾我試,,我係會唔開心,,不過我係唔會因為對方而傷心,,因為對方只係閒人,,冇理由會hurt 到我,,唔開心完就算,,又更加唔會因為個sales態度唔好就放棄我擁有心頭愛嘅權利,,最多都係試衫俾錢嗰一時半刻唔係咁好受,,但係件衫買咗就係我嘅,,邊個都搶唔走,,又唔會因為鬥氣就買件衫返屋企剪爛佢嚟發洩,,咁樣我咪好戇居,,幫襯咗佢俾咗着數人哋,,自己付出咗之後,,又破壞一件明明係自己鍾意嘅嘢嚟發洩??自己搞到自己谷氣又一無所有??

講到哩度,,你明唔明我講咩??

[ 本文章最後由 wmpl 於 08-11-26 18:03 編輯 ]

私人傳訊