(續)步出植入房後，坐低等左15分鐘，中途完全冇人講過比我聽植入後有咩程序，我走去問門口接待處嗰位護士，佢淨係叫我繼續等，再過多15分鐘，我見有個大肚嘅護士行過，我問佢我而家其實要等乜？佢知道我啱啱植入完，就問我攞張針濟單，等左幾分鐘後帶我入房學打另一種針，我都好多謝呢位護士好細心咁教我，但若果唔係出面嗰兩位護士顧住傾計吹水，我就可以早半個鐘離開醫院返酒店休息，因爲啱啱植入時個情況令我好不安。
**返到酒店，成個療程最令我擔憂嘅事情發生左，去洗手間嘅時候，內褲上面係鮮血伴隨住植入後即時塞入嘅快孕隆用藥，腦海入面衹有一個想法，究竟呢個BXC有冇成功將胚胎植入呢？當時真係好擔憂好無助，但就算返醫院，相信都無人可以幫到我，結果去到第二日夜晚血積先開始消失**
返到香港，Day5搵左間星期六都趕得切出報告嘅化驗所抽血，因為BXC佢當日發脾氣話幫我加定針藥，結果係從來無加過無左回事，我真係好擔心，一收到報告我就email過台灣，過左陣收到BXC個回覆“Enough to bingo”咁嘅答覆唔意外，一貫嘅簡短自信，最得意嘅係同兩三個JM回覆都一樣，但明明大家指數唔同，copy and paste真方便。
之後就開始等Day14驗血，前日終於知道失敗左，雖然係好難過，但我都要面對，驗血數字反映到完全無著床痕跡,我即時上網搵資料了解著床失敗原因，睇下有無必要驗染身體同免疫之類，但無意間比我喺其中一個網站發現到一篇關於植入時失誤嘅文章(見下圖)我即刻又再諗起我植入時流血嘅情況，我絕對有理由懷疑我植入時佢已經整損左我子宮內膜，因為嗰種有傷口嘅痛法係完全唔一樣，呢D情況無論胚胎級數有幾好，或者內膜厚度有幾好都無用，再準確地打針食藥都好，全件事已經功虧一簣，但亦知道得太遲！
發表於 
返回列表
