吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我好唔開心呀........

夫婦情感今日: 9|主題: 42807

收藏本版

發帖

返回列表

跳至頁

樓主: PION_HAPPY

我好唔開心呀........ [複製鏈接]

1 234 5...12

pator

複式洋房

積分: 216

41^#

發表於 04-10-15 11:03 |只看該作者

Re: 我好唔開心呀........

PINO_HAPPY,
放開D，做任何事都要為自己為先，如果唔開心就唔好浪費自己的光陰，免得到時人又老錢又無，無人可憐的時候，相信到時比你現在的痛苦更多。世界咁大，為一個男人痛苦一世，NO WAY!!
姊妹！努力振作起來吧！我支持你！

私人傳訊

666

民房

積分: 31

42^#

發表於 04-10-15 17:13 |只看該作者

Re: 我好唔開心呀........

成日甘 check 住又提心吊膽你又點會開心呢？兩個人一齊生活信心係好重要既。你一係揀相信，一係唔信甘你想忍定離開，要決斷 d，唔好甘樣拖落去。

私人傳訊

Lavenda

等待驗證會員

積分: 187

43^#

發表於 04-10-15 17:27 |只看該作者

Re: 我好唔開心呀........

而家通信咁發達，要聯絡，除左電話仲有好多方法，更何況佢已知道你會check佢, 梗唔會俾你再check到啦.

其實講真,就算佢話你知佢已經同個女人分手, 你都好難重建對佢既信任, 你始終會有好大陰影. 佢話俾時間佢, 咁你覺唔覺佢係度處理緊點同個女人講分手呢? 唔係既話, 俾時間佢做乜呢?

我好同意, 你俾唔到佢新鮮感, 但當個女人能夠完全佔有佢, 又變成另一個你, 係"垂手可得", 新鮮感始終會過去, 到時又係柴米油鹽, 佢又會搵過第三個.......始終都係男人既問題, 唔係時間既問題.

私人傳訊

finger

男爵府

積分: 9521

醒目開學勳章畀面勳章

44^#

發表於 04-10-16 09:55 |只看該作者

Re: 我好唔開心呀........

而家通信咁發達，要聯絡，除左電話仲有好多方法，更何況佢已知道你會check佢, 梗唔會俾你再check到啦.

我絕對同意!!

http://jackylau.com/FreePhoto/PhotoData/U0047102.gif

私人傳訊

Winnie_C

男爵府

積分: 7177

45^#

發表於 04-10-16 10:52 |只看該作者

Re: 我好唔開心呀........

PION_HAPPY
看了你的經歷, 完全理解你的心情, 因為我亦是過來人.
我老公好鍚我, 也很細心, 我們拍拖四年便結了婚, 但就在新婚的那一年, 他透過icq認識了一個女仔, 當時我就像一下子跌佐落萬丈深渊, 痛不欲生, 因為他同我說他已經付出了感情, 一下子收不回來, 讓我給時間他去解決. 我很愛他, 便決定給他機會, 但那段日子真是行尸走肉般, 他看在眼裡亦很心痛, 常擁抱我說:"對不起!" 然而這段日子他亦不好過, 那邊的女人喝醉了玩自殺, 我同他分析, 一個這樣不理智的任性的女人, 你真的認為可以代替我嗎? 他說不能, 但同時又怕再回頭我已沒有以往般愛他, 我同他說:很多事都是不能預知的, 你不去做又怎樣知道呢? 我當然亦不能保證些什麼......
在權衡過得失之後他還是回到了我的身邊, 開始時我仍然對他看得很緊, 這樣做大家都很累亦沒有意思. 所以我後來學會了放鬆, 明白到如果他會走的話我怎樣也留不住, 何不做回自己, 亦是當初他追求的我.
現在我們的感情很好, 雖然他沒有保證不會有第二次, 但觀乎他的行為, 他亦了解到那並不是一個好玩的遊戲.綜合我的經驗:
第一, 男人都很自我, 不喜歡被人管, 希望得到尊重, 所以我覺得一切監視行動都是徒勞的, 弄不好會出現反效果;
第二, 要讓他知道你的痛苦與擔憂, 好好地同他傾談, 就象普通朋友一樣好了, 男人有什麼事都以為自已可以獨自解決, 往往高估自已. 但你仍然要不時給他一點提示或暗示, 例如他夜歸, 你可以告訴他你睡不安穩, 希望他給你安全感; 又或者看電影, 電視時, 互相討論一下劇情, 從而講出你的觀點, 讓他知道有些事不可為;
第三, 不要生氣, 亦不要給他面色看, 回憶一下你們最開心的那段日子, 做回那個自已便可以了, 試想一下, 他剛在外面見完情人, 開開心心的, 回到家對著個黃臉婆, 是多麼失望的一件事, 就當他開ot好了, 這樣他反而會因為內疚而偏向你.
好了, 啰啰嗦嗦一大堆, 希望能幫到你.

私人傳訊

PION_HAPPY

洋房

積分: 43

46^#

發表於 04-10-16 11:26 |只看該作者

Re: 我好唔開心呀........

Winnie_C
謝謝你把你的經驗分享我,
如你所言, 現在的我像你之前一樣, 過著行屍酒肉般生活,
其實真係好辛苦, 理智地告訴自己"他"並不是好男人,
不能給我幸福, 不要再給他任何籍口, 應快快離開過我自己
的生活, 但實際感覺告訴我, 我並未如想像般勇敢, 原來我好愛這個令我現在非常難過我男人......... :cry:

私人傳訊

Winnie_C

男爵府

積分: 7177

47^#

發表於 04-10-16 12:51 |只看該作者

Re: 我好唔開心呀........

PION_HAPPY
只要你仍愛他, 而他又關心你, 事情便會有轉機, 別難過, 我現在回想, 最不開心的日子亦只有半年多, 很快會過去的, 給自己信心, 同時給你無限的祝福.

私人傳訊

PION_HAPPY

洋房

積分: 43

48^#

發表於 04-10-21 19:14 |只看該作者

Re: 我好唔開心呀........

幾日無上黎啦.....因為無咩心機.....
Winnie_C 多謝你對我既祝福......真係多謝你.
黎幾日心情都唔係太好, 係星期六我同我老公傾左好耐(其實係因為我發好大脾氣, 佢個日同個女仔出街去到好夜), 當我發完脾氣後, 好冷靜同佢傾, 佢終於話左俾我聽, 佢同個女仔開始左兩個月, 個女仔開頭唔知佢已婚, 但依架知啦, 我問佢想點, 佢話佢唔識選, 叫我俾D時間佢, 又話唔關我同個女仔事, 問題係佢度, 真係好辛苦, 我地依架協議會係這個月尾解決這個問題, 我真係唔想無止境同人分享我老公, 真係好辛苦....... :cry: :cry:

私人傳訊

小manman

翡翠宮

積分: 88116

49^#

發表於 04-10-21 19:52 |只看該作者

Re: 我好唔開心呀........

PION_HAPPY:
好坦白講,我覺得你老公現時愛你極都有限,如果佢係好愛你既都唔會出去揾第2個女人,就算真係行錯左一步,佢都會識得自動自覺返回你身邊,而唔係好似依架咁叫你比d時間佢選擇,佢講得要考慮,即係佢兩個女人都一樣咁愛,無邊一個特別愛,即係你唔係佢心中最愛~~~
你有無諗過點解你要係你老公心目中同那個不知所謂的賤狐狸精平起平坐???點解你唔去做主動,由你去做選擇???點解你要比時間佢選擇???佢何得何能去選擇你or那個不知所謂的賤狐狸精???
佢依架做錯事,仲好意思叫你比時間佢選擇,佢知唔知個"醜"字點寫呀???
我覺得佢根本唔應該有選擇的權利,因為佢決定得同你結婚,就已經係選擇左,佢依架無堅守婚姻的承諾,根本就唔值得你信任,佢根本唔配有你呢個咁好的妻子~~~

私人傳訊

占仔老公

複式洋房

積分: 141

50^#

發表於 04-10-21 20:59 |只看該作者

Re: 我好唔開心呀........

我有個男性朋友都有咁o既遭遇, 不過係男女角色掉轉左, 各位太太們有無d咩辦法可以幫下佢

私人傳訊

占仔老公

複式洋房

積分: 141

51^#

發表於 04-10-24 13:51 |只看該作者

Re: 我好唔開心呀........

身份掉轉左就無辦法??

?-( ?-(

?-( ?-(
離婚?......啞忍扮唔知?......定原諒個老婆?......

私人傳訊

人大師法

別墅

積分: 630

52^#

發表於 04-10-24 15:34 |只看該作者

Re: 我好唔開心呀........

比咩時間佢！佢無資格講！
只有妳容唔容忍到佢既行為。選擇權在妳手 :evil:

私人傳訊

babygigi

大宅

積分: 1013

53^#

發表於 04-10-24 18:46 |只看該作者

Re: 我好唔開心呀........

占仔老公寫道:
身份掉轉左就無辦法?? ?-( ?-( ?-( ?-(
離婚?......啞忍扮唔知?......定原諒個老婆?......

好難講。如果女人個心變左就無得返轉頭﹐唔同男人架啵。
如果一段婚姻好地地﹐女人好少話貪新鮮而有婚外情架。
不如你朋友攪清楚佢老婆想點先﹐另外你朋友亦都要清楚自己接唔接受到帶綠帽呢樣野先?

私人傳訊

babygigi

大宅

積分: 1013

54^#

發表於 04-10-24 19:13 |只看該作者

Re: 我好唔開心呀........

PION_HAPPY﹐
我都明你感受亦很佩服你頗冷靜﹐仲可以同你老公分析佢所謂既煩腦。禁你自己呢? 錯不在你﹐反而係你承受晒? 你老公都幾自私

我個人覺得﹐既然SET左個DATE係月底﹐就月底前將個關係攪清楚佢﹐多一日我都唔會再比。況且呢段時間你可PLAN下自己將來既生活﹐亦可認真噤考慮其實你需唔需要一個噤既老公? 好多時係唔甘心失去一個人﹐多過真正需要一個噤既人在自己身邊囉。
我相信你走左﹐唔0係佢身邊﹐佢先會識著急同認真去解決同0個個女人既關係。
個女人.. 唉﹐講真﹐唔知話佢白痴好定點。我以為佢個句咩同你老公行以後既路﹐只會係電視劇對白﹐除非你老公0係個女人面前一樣好似係你面前噤扮可憐啦。

男人﹐做錯要認﹐要改。
做錯仲一副可憐兮兮模樣既男人﹐好核突﹐好無能。

私人傳訊

yokieric

別墅

積分: 778

55^#

發表於 04-10-25 02:17 |只看該作者

Re: 我好唔開心呀........

babygigi 講得好好, 忘記一個令你痛苦o既男人, 其實係比你想像中容易得多, 愛唔係大晒的, 唔係一個可以作賤自己o既理由, 所有離開壞男人o既女人, 將來只會慶幸自己o既決定, 因為我都係其中一個.

私人傳訊

Winnie_C

男爵府

積分: 7177

56^#

發表於 04-10-25 10:53 |只看該作者

Re: 我好唔開心呀........

PION_HAPPY

我覺得你給他時間正確的, 因為"浪子回頭金不換"呢, 我同我老公現在不知幾好, 有時講番轉頭, 佢都好多謝我當初沒有迫他做決定, 我對他說:我好愛你, 但都會怕一次不忠...... 他打斷我的話說:不會了, 那並不是一段愉快的日子.

男人有時就象一個bb, 明明自已做錯了事, 也希望身邊的人容納他, 他同另一個女人發生了感情已經是不爭的事實, 無法改變的了, 再在這個問題上吵鬧是徒勞的. 目前最重要的是讓他知道, 他已經將快樂建築在你的痛苦之上, 如果他愛你, 他是會感到心痛的. 所以, 我好贊成你給他時間去解決這件事, 但同時亦要與他約法三章, 例如, 出夜街不可超過某個時間, 節假日一定要陪你等等, 慢慢的, 那邊的女人亦會感受到壓力而不開心, 他便有機會回到你身邊了.

你試試看吧, 等你的好消息.

私人傳訊

PION_HAPPY

洋房

積分: 43

57^#

發表於 04-10-25 14:14 |只看該作者

Re: 我好唔開心呀........

真的好多謝你地既意見, 多謝晒
日子一日一日咁過, 好快就到我定既限期啦, 唔知點解我真係好怕黎日既來臨, 其實我真係有唸過唔再理佢, 但我真係做唔到, 或者係我自已唔願意放手, 我有時都係度呢, 如果到左限期個日, 佢都俾唔到答案我, 我係應該等佢呀, 定係走呢??真係好煩惱.
其實我老公星期五飲醉酒番黎有哭住同我講對唔住, 佢重好愛我, 唔知點解會攪件咁既事出黎, 跟住就訓左. 但個晚我搵到佢部手機, 見到個女仔同日下午SEND SMS俾佢, 大意係同我老公講話好愛佢, 希望佢係我老公最後一個, 我老公又覆番佢, 佢都希望佢係佢最後一個, 但佢需要時間攪清楚, 想真係無怨無悔先同佢一齊, 我覺得自已好犯賤, 明知佢唔好, 都要愛佢, 俾機會佢, 唉.....

私人傳訊

reginang

伯爵府

積分: 16163

58^#

發表於 04-10-25 15:15 |只看該作者

Re: 我好唔開心呀........

其實我都曾經有咁既經歷, 都明白你的心情, 千祈唔好比咁大壓力自己, 找個可信可詅聽既朋友傾訴一下.
好多時唔係要別人比甚麼意見或甚麼解決辦法給你, 或者你內心己經有了答案, 祗係尚未有勇氣和決心去做.
十年既情感固然係難捨棄, 不過將來或會有更意想不到既未來, 希望你可以忠於自己既感覺, 祗有你自己最清楚及知道自己需要乜野.

私人傳訊

Winnie_C

男爵府

積分: 7177

59^#

發表於 04-10-25 15:19 |只看該作者

Re: 我好唔開心呀........

睇到你咁講, 真係好戥你好唔開心, 感同身受, 我真係覺得自已好好彩, 其實那時我問過自已同樣的問題, 但我覺得真係好愛佢, 而唔係犯賤, 我知道如果不作努力去爭取, 我一定會很後悔. 所以我沒有理會其他的事, 只是一心一意地關心他, 亞Q又好, 白痴都好, 我當時只有一個想法, 只要他仍是我的老公, 我便要愛護他, 將他的煩惱減到最低. 我亦知道他有將我同出面的女人比較, 在他權衡取捨之際, 我甚至對他說:你自已考慮吧, 最緊要是你自已認為哪樣的生活適合你, 是一輩子都轟轟烈烈呢, 還是細水長流......講的時候真是一字一血, 個心痛到不得了, 但我知道, 越是迫他作決定, 他的決定越不是我想得到的, 唯有故作大方. 事後他也說這樣幫他不少, 令他看清楚誰才是終生伴侣.
所以, 你不要再想限期的問題了, 就當你們仍然相愛一樣待他, 還有一樣你可以做的, 如果你仍無悔愛這個男人, 你在限期時可以對他說:"無論你給我怎樣的答覆, 我希望我們有一個月是開開心心的, 就像新婚時一樣, 這個月你不要去見她, 任何聯絡都不要有, 我希望在這個月裡完完全全地擁有你, 這樣我便心足了......, 一般人都會應承你, 因為他亦希望對你有所補償.
一個月裡可以發生很多事, 而另一個女人亦可能等得不耐煩而離開了, 我雖然沒有用過, 但希望能幫到你.