whywhite22 發表於 19-11-19 18:27 
啱先見到篇文章，不停加戲比女二女三，趙麗穎忍唔住發咗張漢堡包圖，如果真係咁就慘，唔想好似咁，改劇改到 ...
趙麗穎都算好有品，佢唔只一次俾人搵笨，花千骨基本上佢撐起，加埋霍建華，點知D配角演技又渣，戲份又多，改到七彩，特技冇錢拍，俾人笑五毛特技，後半草草收場，明明小說後半花千骨入魔變妖神有好多舖排，全部CUT晒，故事去到後面完全唔掂。
第二套係楚喬傳，算係好有良心，演員都幾OK，配角唔算加得太誇張，但故事未拍完，搞到個個書迷不斷發夢希望有楚喬傳2，冇咩可能啦，不過趙麗穎同林更新都算係咁，話一係原班人馬拍，一係唔拍。
到他和我的傾城時光真係大開眼界，果個女二曹曦文帶資入組，將自己戲份不斷加，佢個角色好到爆又叻到爆，男女一男女三全部都被弱化，有女配出聲話佢，但人地有背景有資源，趙麗穎仲要拍完後俾人捉番去補戲，搞到佢髮型唔連戲要戴假髮，俾好多觀眾嘈話好醜樣，但趙麗穎都冇出聲。曹曦文就係如懿傳入面果個陳婉恩，佢出微博話佢去幫如懿傳救場，大口氣到俾如懿粉爆佢。
而家有翡又係咁，借趙麗穎拍王一博已經算係幫新人，跟住不斷加戲俾配角，到時唔收得又黑女主角，點吞呢啖氣？有黑粉開個假戶扮編劇，鬧趙麗穎要霸晒套戲嘅戲份，點知俾有心水清嘅人爆出嚟。
花旗太太生活在花旗國，留意時差，你問我未必即時答到。
發表於 
唔知係先入為主，佢之後同趙麗穎果套完全投入唔到佢係忠嘅
返回列表
