第三個單元：同行
導演：滕華濤、林妍、編劇：李海蜀、黃彥威
楊洋飾樂彬：呼吸科醫生，角色原型為華東科技大學感染科醫生朱彬。網名「有備無患」，原於上海實習，聽到武漢疫症爆發後，決定趕回去，但飛機位全售罄，改乘火車先到長沙，再轉駕出租車，車於中途壞掉，後得村民提供電單車，跟榮意一起回武漢。
趙今麥飾榮意：檢驗科醫生，角色原型為金口衛生院范湖分院血液檢驗科醫生甘如意。春節前回鄉過年，聽到武漢疫情後決定回去，找不到交通工具，榮打算騎單單，但中途不通行，步行過橋後再找到單車，後於某村前遇到樂彬，兩人最後乘電單車回城。
張雲龍飾汪可：樂彬於上海的同學
任重飾程俊：樂彬醫院的師兄
韓昊霖飾小油桃：樂榮二人於某地遇上的10歲小朋友
高曙光飾張教授：樂彬的老師
同行暫時係最難睇最悶嘅一個單元，原本立意好好，但故事細節太鬆散，劇情太煽情，演員演出亦好尷尬，呢樣編導要負番部份責任，人物性格同設定都唔清𥇦，演員好難拿掐，睇完我都歸納唔到樂彬同榮意究竟係點嘅人，而且故事入面英雄意識太強，我喺上面＃56樓都有講到："原本故事立意幾好，但過份煽情，人物白痴低能離地，製造無謂誤解對立，浪費篇幅去講冇關痛癢劇情，而該等內容係幾令人出戲，搞到兩個主角人設好尷尬。樂彬應該係心思細又有組織能力，但佢對住個10歲細路完全係失控咁，榮意成日擺出一副不耐煩表情，究竟佢對家人對陌生人係點？交代得唔清楚。細節更加係漏洞百出，醫護人員喺醫院擁抱，雖然係著住防護衫，但都唔適合；樂榮兩人明明屬於唔同醫院，最後出現喺同一個病房，仲要係重症病房，又好似唔係兩人自己所屬醫院，唔合理囉；最攞命係果個拎住關刀嘅村長，華容道？唔好玩啦，救個亂溝消毒藥水嘅過程又係神奇，唔駛村民帶路，樂榮兩人知道果個女人住邊？後來遇見個10歲細路，個細路直情乞人憎，三叔三嬸搞唔掂一個10歲男仔，唔講道理嘅獨生子，對比第二個單元擺渡人入面果個獨留家中嘅女仔，呢個男仔人設敗筆嚟。同行嘅編劇唔掂，導演都唔掂，鏡頭左一忽右又一忽，上集鬆散，下集完全又悶又煩，唔知想講乜，我睇晒最美逆行者7個單元，加埋在一起3個單元，只有同行呢一個令我要fast forward，怪不得網上對呢個單元一片罵聲。"
上集花咗過半時間講背景，剩番一半唔到講兩人點樣開始趕路。下集用咗1/4講華容古道條村，又1/4講小油桃，我見到係一個被縱壞又唔討好嘅小朋友，之後有講樂彬俾條圍巾包住榮意對手，話醫生對手係最重要，呢度真係有D突兀，想表達D咩？整到好似拍甜寵劇果種曖昧行為咁。樂彬未返醫院前去幫師兄領父親嘅骨灰，乜唔係家屬，冇家屬同意，可以隨便領骨灰？之後好多疫情狀況就靠字幕交待，再嚟就係去搵小油桃父母，做咩又要四人拉手。。。好偶像劇feel。
花旗太太生活在花旗國，留意時差，你問我未必即時答到。
發表於 
返回列表
