吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康› 排政府-見腫瘤科之後@幾時才有化療期 (時間) QE (更新) ...

醫護健康今日: 1|主題: 7800

收藏本版

回覆發帖

返回列表

跳至頁

樓主: WWW仔女升中

[其他] 排政府-見腫瘤科之後@幾時才有化療期 (時間) QE (更新)

[複製鏈接]

1 234 5...6

csbaik

大宅

積分: 4513

41^#

發表於 24-7-7 17:12 |只看該作者

WWW仔女升中發表於 24-6-29 04:59
另外，第一次療程的反應，同第二次及第三次差唔多，所以我在準備療程前都係煲湯同燙花生衣.
當然，我都在平 ...

樓主保重，你一定一定會戰勝病魔，加油

:-D :-?

私人傳訊回覆引用

五円

洋房

積分: 58

42^#

發表於 24-7-15 08:41 |只看該作者

明白條路唔易行
祝早日康復

私人傳訊回覆引用

ohmygosh

公爵府

積分: 25411

43^#

發表於 24-7-15 09:51 |只看該作者

回覆 Naughty917 的帖子

請問點解淮山唔食得？

私人傳訊回覆引用

WWW仔女升中

大宅

積分: 1491

44^#

發表於 24-8-12 17:14 |只看該作者

本帖最後由 WWW仔女升中於 24-8-12 23:05 編輯

7月23日進行了第四次療情，比第三次安排早了一天

今早驗血，下午見姑娘，提早第五次療程時間係8月16日，很高興時間又縮短咗，今次係驗完血之後第五天就可以打針

驗血到打針最耐係相隔九日（第一次至第三次療程）

上次就八天，今次係最快

由第三次療程開始，骨痛是多了些，但都忍耐到的.

很快，就會完成六次，之後要做吓運動及看中醫

點評

webjen

發表於 24-8-12 17:34

私人傳訊回覆引用

Miss_S

大宅

積分: 3177

45^#

發表於 24-8-14 03:44 |只看該作者

WWW仔女升中發表於 24-8-12 17:14
7月23日進行了第四次療情，比第三次安排早了一天

今早驗血，下午見姑娘，提早第五次療程時間係8月16日，很 ...

樓主加油，你心境好正面，一定會好返㗎！

私人傳訊回覆引用

WWW仔女升中

大宅

積分: 1491

46^#

發表於 24-8-19 21:57 |只看該作者

打咗療程第五日啦，其實由第四四次療程開始其實係骨痛嚴重咗，同埋胃氣大咗

同埋身上好容易出現瘀痕，問過醫生同姑娘佢哋話係正常嘅反應

食嘢嘅味道由第四次化療之後開始嘅，打完之後嘅第一個禮拜，唔太知自己味覺，因為覺得有泥味同感覺鹹味嘅味覺重咗.

即係話嗰個禮拜食嘅嘢會覺得唔好食，但為咗營養都係要食，唯有加啲雞蛋豆腐

點評

webjen

發表於 24-8-20 17:47

私人傳訊回覆引用

WWW仔女升中

大宅

積分: 1491

47^#

發表於 24-9-12 11:57 |只看該作者

本帖最後由 WWW仔女升中於 24-9-12 11:59 編輯

畢業啦！！

第六次療程進行中, 但心情興奮.

腰酸骨痛這些副作用，會慢慢隨着化療針藥力散去而會慢慢好轉.，一切將會過去的

來緊仲有12支鏢靶針，我會加油，我要將我啲生活回復返生病前，來緊迫自己做運動

私人傳訊回覆引用

WWW仔女升中

大宅

積分: 1491

48^#

發表於 24-9-13 06:15 |只看該作者

本帖最後由 WWW仔女升中於 24-9-13 13:58 編輯

而家起咗身又瞓唔着啦，因為有錄音功能所以可以寫多啲，第四次至第六次化療嘅變化，好等同路人多啲參考.

尋日打完第六針真係如釋重負，我離開咗伊利沙伯自己行咗去食下午茶，食完下午茶行行吓去咗油麻地，再行行吓，去咗旺角街市，因為打針前兩天都冇落街，其實屋企冇乜餸。打完針實在太興奮，竟然行吓行吓行到去旺角街市我買咗粟米，香蕉，兩塊雞扒，一包魚柳，仲買咗橙，拎住好多嘢返屋企，我真係好癲竟然行埋返大角咀，正式嚟講，是由伊利沙伯行到去大角咀，諗吓條路程，如果冇病冇痛行呢條路都好長㗎，昨日仲要係啱啱打完針，我同我屋企人講，佢哋都話你傻咗啊，打完針仲咁精靈要行咁耐，我話我食完嘢都行到去油麻地囉，我又唔想搭一個地鐵站去到旺角買餸，食完個下午茶坐咗一輪又冇咁眼瞓，所以就係咁樣行，寫住咁多先內容長得滯，會突然之間冇晒，剛才係咁，叫我重新寫過。

第三次療程，第二日就照心電圖，第三日去了阿仔畢業典禮，其實我當天已經好倦，但中六畢業我唔想第時想返，不同阿仔影相，所以頂硬上，我仲影相不戴口罩，其實我都驚驚哋，我未試過出去不戴口罩，當時我未試過出去街食飯。
第四次至第六次，我打完針已經係自己返屋企囉，第四第五次搭巴士返屋企，係昨日癲咗行路啫，第一次至第三次，我老公同我返屋企搭的士。

第四次至第六次期間去過一次看演唱會去過兩次澳門，其他時間冇離開過香港，打針期間我通常一星期落街大約四次每次都會買餸，每次都有一個鐘。
另外，留意我去演唱會同佢澳門係我打完針之後兩個禮拜先去，因為第一個禮拜個人比較攰，第二個禮拜免疫系統低，過完呢啲時間先好出去遠啲嘅地方，多人嘅地方，大家盡量避免，去澳門一定會除了口罩，因為食午餐同晚餐，其實我第四次同第五次療程之後大膽咗除口罩食嘢，亦有在平日出過去食過午餐同下午茶。

可以說第一至二次療程係比較不安同未習慣，但其實呢兩次反應係最不大的，因為冇嘔冇骨痛，食嘢嗰陣時嘅味道亦唔會變。

開始變全部都係第三次療程之後

私人傳訊回覆引用

WWW仔女升中

大宅

積分: 1491

49^#

發表於 24-9-13 06:40 |只看該作者

本帖最後由 WWW仔女升中於 24-9-13 13:44 編輯

由第四次開始，重點姐姐已經一個月來一次，因為佢返咗屋企，我又慣咗啦，所以第五次一個月嚟而家第六次可能佢就下個星期先嚟

唔係因為我身體狀況改善咗係我覺得暫時而家做到吸塵晾衫洗衫可以做，床單枕頭袋兩個禮拜換一次，另外嗰次換完之後重點姐姐洗同掛，我自己隔天吸塵，因為屋企有兩隻貓一地毛，煲湯隔天煲，有陣時簡單啲紅蘿蔔羅漢果，粟米南瓜瘦肉，紅蘿蔔青蘿蔔瘦肉。有時就蓮藕紅蘿蔔，粟米栗子，家中成員都有飲。麻煩少少就係煲魚湯，因為通常買魚仔，魚檔冇劏我自己劏，又要煎，所以比較嘥時間，最近呢排冇整啦，因為真係嘥時間，早兩日煲花膠螺片，呢個只係早一日出水慳好多時間又好飲，花膠螺片落幾粒紅棗圓肉蟲草孢子好甜好飲，之前啱啱見到post有人話飲冬蟲草遲兩日去煲吓先，話可以補氣，打完針係時候可以飲番啲中藥，有同事買咗滴雞精粉俾我會先飲，大約七天會飲完，跟住應該會去睇中醫，唔能夠大補住，其實我有韓國人參，不過見好似話唔好咁快大補，去看看中醫問吓情況先決定.
至於返工嘅問題，其實我五月開始至到10月都係work from home, 公司好好，冇扣我人工，所以我都算好盡力咁做㗎，阿囡返學嗰陣時每日真正起身七點幾洗衫晾衫，叫埋阿囡起身返學，未返學嗰陣時就八點幾先起身，但係晏晝瞓唔到晏覺，只係攤喺張床度半個鐘之45分鐘。每日約10:00開機做到12:00就整晏晝，通常都係麵食，但係我只會食三份一碗其他就食蛋同肉，2:00鬆啲，我又開工做到約5:30，每一個月同公司同事交收文件，而我一個月又會返去一次公司出現四個鐘，因為早上驗血，下晝先有報告，我就係中間時間返咗公司。

私人傳訊回覆引用

WWW仔女升中

大宅

積分: 1491

50^#

發表於 24-9-13 06:56 |只看該作者

本帖最後由 WWW仔女升中於 24-9-13 06:57 編輯

暫時行程諗住10月第二個禮拜返工，返工可能又多嘢做啲，可能到時叫姐姐密啲嚟，因為體力可能未有咁快完成返工又要搭車，而且喺公司應該會忙啲.

因為我仲有12支鏢靶針，應該每個月都要請一日假，公司對我幾好，咁樣我都要努力吓，不過要看看體力，已經約咗九月尾同家姐阿媽試行上一次深圳食吓嘢，因為夠咗兩個禮拜免疫低嘅時間。
原本諗住10月再去多次，但係大陸10月黃金周應該好多人，都係避一避多人時間。
我會得閒再update呢個post

私人傳訊回覆引用

WWW仔女升中

大宅

積分: 1491

51^#

發表於 24-9-17 12:42 |只看該作者

中秋節快樂

打完針幾日冇諗過呢一針係最辛苦，以為可以輕輕鬆鬆終於完成療程

但係呢幾日喺屋企攤平，骨痛比之前嚴重，比之前冇胃口，仲有少少想嘔，又有少少屙嘅感覺，但係其實冇乜點食過嘢

要忍耐忍耐忍耐

希望覺得幾日會好返啲

私人傳訊回覆引用

非你莫屬

大宅

積分: 4924

52^#

發表於 24-9-24 22:31 |只看該作者

樓主祝你早日康復戰勝病魔加油

私人傳訊回覆引用

KenHim

伯爵府

積分: 19522

53^#

發表於 24-9-29 22:14 |只看該作者

樓主，祝你快啲好番，加油，願神賜平安俾你

私人傳訊回覆引用

WWW仔女升中

大宅

積分: 1491

54^#

發表於 24-10-4 17:19 |只看該作者

本帖最後由 WWW仔女升中於 24-10-4 17:23 編輯

今日又複診，早上驗血，3:30看醫生，剛剛看完，醫生話可以排6次鏢靶針療程的期俾我，到時再看醫生，之後再俾六次打鏢靶嘅時間，醫生話應該可以三個禮拜打一次.

我9月25號開始睇第一次中醫，食咗幾次中藥諗住打鏢靶前一個禮拜唔食

下個禮拜就返工，同老細講咗每一個禮拜請一日年假。因為我怕日日返工會好攰，所以十月請了三天作中途休息

我9月30真係返咗上大陸食嘢，10點幾上去食早餐（灌湯包，手攪撈麵）食飽後行一陣就在商場坐，跟住行去食咗個好味蔥油餅，行一陣間又食午餐，食咗個牛肉湯粉，跟住行咗去盒马買食物，以及喺嗰度搵工作人員即刻整羊架，同埋湯餃子，買少少嘢，跟住就返屋企

大半時間係坐同食，其實唔係行咗好耐，但係10月1及2好攰，完全係冇落過街

私人傳訊回覆引用

WWW仔女升中

大宅

積分: 1491

55^#

發表於 24-10-12 12:42 |只看該作者

今個禮拜二開始返工，去到晏晝嘅時間真係比較攰，隻眼又眼瞓，儘管有些有氣，但係隻眼不期然地變成矇豬眼.

返到屋企都要早一啲瞓覺，不過都係嗰句啦瞓着咗不等如睡得好，因為瞓中途會起身，而攤咗喺張床，亦都唔等於即刻瞓得着. 後遺症仍然存在. 周身骨痛仍然存在，不過輕微咗些，個肚仍然係脹卜卜一肚氣.

10月15日打第七次鏢靶針，醫生已經排咗第八次鏢靶針係11月5號，佢話應該可以每三個禮拜一針，我計過完成買嗰18支係去到下年嘅年廿九，如果冇被改期嘅話，就新年前完成

私人傳訊回覆引用

lanloo

男爵府

積分: 9922

認識瑞士牛牛第一回

56^#

發表於 24-10-15 13:11 |只看該作者

WWW仔女升中發表於 24-10-12 12:42
今個禮拜二開始返工，去到晏晝嘅時間真係比較攰，隻眼又眼瞓，儘管有些有氣，但係隻眼不期然地變成矇豬眼.
...

你好，多謝分享治療追程及感受，祝你快D好返，回復健康。
請問你是局部切除嗎？可以pm你嗎？因為我最近確診乳癌，但什麼治療也未開始。好惶恐，好難過

私人傳訊回覆引用

WWW仔女升中

大宅

積分: 1491

57^#

發表於 24-10-16 01:50 |只看該作者

本帖最後由 WWW仔女升中於 24-10-16 01:51 編輯

回覆 lanloo 的帖子

可以pm我，我答到你的我盡量回答我嗰粒腫瘤當時照Pet scan，MRI 係約2.5cm，切完出嚟，報告寫
Total size of tumour 2.8cm.
Size of invasive tumour 2.35cm
我係第二期

剛剛10月15號打第七支鏢靶針

私人傳訊回覆引用

WWW仔女升中

大宅

積分: 1491

58^#

發表於 24-11-5 20:14 |只看該作者

本帖最後由 WWW仔女升中於 24-11-5 20:15 編輯

今日11月5日剛剛打完第八次鏢靶，早上見護士佢哋講解今日流程，嚟緊幾次都會係叫護士
問咗再見醫生時間係我完成晒鏢靶之後見25年2月，我最後一支第18支鏢靶針係年廿九，真係完成晒過一個新嘅一年.

今日11點幾開始打針，下午13:00前離開醫院，到屋企食咗飯之後，瞓咗兩個鐘頭覺，而家啱啱煮好飯，準備食.

私人傳訊回覆引用

WWW仔女升中

大宅

積分: 1491

59^#

發表於 24-11-6 18:45 |只看該作者

本帖最後由 WWW仔女升中於 24-11-6 18:46 編輯

打第七針同第八針之間嘅三個禮拜做咗啲乜
上咗深圳玩兩日過夜，返到嚟之後怕怕唔敢去旅行住，因為好攰.
曾經諗過11月尾去旅行, 要打消唔得.

去咗一次即日來回深圳，食咗午餐行一陣街食個糖水之後買少少嘢就返香港，回到家都只係晚上七點

體力未恢復每一日，晏晝四五點都會覺得特別眼瞓，仲係有周身骨痛，都係每日搽按摩喺背脊

冇咗一隻牙，我諗係缺鈣，之前看過資料打化療針係會流失鈣，真係冇辦法，絕對唔係蛀牙㗎，係我食食吓嘢有三分之一嘅牙跌咗出嚟.