夫婦情感

收藏本版
回覆 發帖
返回列表
跳至頁

首頁
12345...10

尾頁
   5
女皇駕到


子爵府

積分: 10245


41#
發表於 25-3-24 11:49 |只看該作者
本帖最後由 女皇駕到 於 25-4-3 16:20 編輯

回覆 PTMCYS 的帖子
本帖最後由 女皇駕到 於 25-3-24 12:15 編輯

其實經過今次我都發覺我需要改變，但依家呢個情況，我唔知點做，先可以走返入佢個心。
果次佢去大陸佢解釋左，只係幫果個主播做少少野，當時係有一隊人一齊幫手，因為佢覺得自己過幾年退休，都想睇下是否有其他機會，至於化妝品只係代購，佢話我信就信唔信都無辦法，咁我識佢咁多年，我都相信佢為人。所以雖然佢無攞出任何證據，但都無再追問。佢話唔講我知就係因為關係緊張，覺得我會亂諗。

佢之前講過話想要不改變婚姻關係，但暫時維持現時狀態，我都寫左信俾佢話會專重佢決定，只係呢個決定對我黎講係非常艱難，因為我覺得我話唔可以其實都係無用，但如我講左話同意，而作出呢個決定其實好難受，反而會令佢感覺好一D。我講左雖然係咁，但可能我有時都要攬住佢充電，希望佢可以明白我需要緩衝既時間。其實佢唔會拒絕我攬住佢，我問過佢會唔會覺得抗拒，佢話唔會無特別感覺，不過佢唔會攬住我。
私人傳訊回覆 引用

owla


男爵府

積分: 9487


42#
發表於 25-3-24 12:13 |只看該作者
女皇駕到 發表於 25-3-23 21:06
因為你係男性可唔可以幫我分析下我哋嘅關係，因為我真係唔明佢想點。

其實依家我同佢關係都係麻麻地，早 ...

我唔係男人, 不過睇返你上面講既野你老公話你狡辯我諗意思唔係話你講大話,
而係每樣野你都可以搵到理由解釋, 但歸根究底就係你冇顧佢感受,
但佢睇落又唔係咁決絕應該仲對你有期望既, 咁大個人唔好再話自己唔經大腦,
唔經大腦衝口而出傷害人呢種錯只有年少既時候先可以被接受,
你知自己有呢個問題就要道歉同改過, 承認自己過往真係忽視左佢感受,
之後再多d諗下佢對返佢好d, 話唔定呢件事可以令你地夫妻關係變得更好
私人傳訊回覆 引用

女皇駕到


子爵府

積分: 10245


43#
發表於 25-3-24 15:36 |只看該作者
回覆 owla 的帖子

今次我真係知我既問題，同埋真係想要去改。
私人傳訊回覆 引用

PTMCYS


子爵府

積分: 14146


44#
發表於 25-3-24 21:23 |只看該作者
本帖最後由 PTMCYS 於 25-3-24 21:30 編輯
女皇駕到 發表於 25-3-24 11:49
回覆 PTMCYS 的帖子
本帖最後由 女皇駕到 於 25-3-24 12:15 編輯

你老公應該唔捨得個家, 也唔想令家人擔心; 除了在人多時唔比面佢之外, 是否在家都係你話晒事, 佢無得say ?

既然已到這個位置, 如果我係你老公, 未必想你突然走來say sorry, 然後當無事發生, 比我會接受sorry, 但會拒絕一齊(如果他已比好多次機會你, 都怕你講完就算, 也不想你辛苦遷就, 為我做什麼什麼, 反正已轉了個形式, 正常都唔想咁快走翻轉頭), 所以唔好太期望他會接受回你的10/10, 但願意接受你2成也是機會.

太急被他一野拒絕之後更難埋身, 先比空間他, 但你也同時要改變, 唔係為了某人, 係為真正你的問題來改, 慢慢他會見到的, 當然要樂觀多D 笑容, 煮的做的是他喜歡的, 令他在無壓力下, 重新喜歡留在這個家.

當他對你無咁抗拒, 可以叫他多D 陪你去買野, 你也可送他東西, 並借談孩仔心事, 也可以表現你的柔弱和需要, 說工作不如意借他來攬攬等, 之後再看情況許可, 正式給他道歉, 跟他說你明白自己出了什麼的問題, 覺得好對唔住這二十年給他的壓力....之類, 也明白伴侶的尊重, 信任, 需要, 扶持等, 希望與他一起繼續走盡這段人生, 再看看他是否接受. 在這個時候認衰, 再加埋初相識時他對你的承諾, 提他說 : 他應承不會掉下你之類的, 希望令他想想. 溫和地表達便行, 未係時候便等下次, 唔好急, 唔好老馮, 唔好生氣, 大家都係隨緣, 人留起身邊便行, 唔好發難發啤氣, 做幾多都無用了.

同時操fit 自己, 令自己更吸引, 內外努力兼主場之利, 希望可以重新燃起有愛的感覺, 你覺得怎樣?

私人傳訊回覆 引用

花花b


侯爵府

積分: 21253


45#
發表於 25-3-24 23:01 |只看該作者

回覆樓主：

本帖最後由 花花b 於 25-3-24 23:02 編輯

感覺你老公好寂寞，你有d太強勢咁 。唔知過往係咪你強勢開佢日子耐左選擇左沉默？因為佢要同外母住，又要為個仔，所以漸漸沉默，獨個兒上網算數 。
平時唔會每晚都大家傾下計？交流下？感覺你地隔膜好深啊！我老公都試過送名牌包包比我，我真係唔中意個款，事後一齊去換款 。我覺得兩個人點去溝通係一場學問，大家唔能夠坦誠講出想法誤會只會越黎越深，我以為你咁，你又以為我咁 。
另外，大家一班朋友吃喝玩樂吹水，無傷大雅既事，出黎玩都係為左開心，無論觀點角度係點，你下下挑釁你老公，佢真係比你搞到無哂面。唔好話男人，如果我老公下下係出面係咁對我，我都會不滿 。呢方面真係唔關心直口快事，而且場合，面子問題 。心直口快留返家中兩個人一齊既時候，在外面，不論男女，都需要尊重 。
私人傳訊回覆 引用

d7ca44f892531c


民房

積分: 4


46#
發表於 25-3-25 01:54 |只看該作者
女皇駕到 發表於 25-3-18 00:55
我響電腦搵到記錄，原來佢去左河南，應該係搵果個主播，已經幾日，仲未返黎，我已wechat左佢話離婚。今晚未 ...

見到呢啲真係好難頂，又要承受俾人背叛嘅痛苦，又要頂住個仔考試嘅壓力，你一個人撐咁多嘢，仲可以冷靜搵證據，咁堅強唔係個個都做到㗎。你嬲係好正常㗎，覺得解脫反而證明你喺段冇希望嘅婚姻入面已經煎熬咗好耐。
私人傳訊回覆 引用

女皇駕到


子爵府

積分: 10245


47#
發表於 25-3-25 10:22 |只看該作者
本帖最後由 女皇駕到 於 25-3-25 11:00 編輯

回覆 花花b 的帖子

寂寞可能真係，因為我地太少溝通，加上上年年頭我媽有cancer，我公司阿姐走左，公司升左我頂上，所以唔係去醫院探我媽，就係日日ot到7-8點。至於強勢應該就未必係，因我性格都算係比較焾同埋容易妥協，有錯亦都會認。但之前口沒摭欄係一定既，所以我都會努力去改。
其實我地關係入面，他是比較屬於傳統大男人，我既朋友同事，甚至乎曾經佢同事都係咁講，話我老公叫我坐我唔會企，但當然有機會因為佢地係我既朋友同同事會有濾鏡。不過可能正因為咁，所以我講野令佢無面，就更加令佢覺得難以接受。
私人傳訊回覆 引用

女皇駕到


子爵府

積分: 10245


48#
發表於 25-3-25 10:56 |只看該作者
本帖最後由 女皇駕到 於 25-3-25 11:00 編輯

回覆 PTMCYS 的帖子

多謝你既建議，其實星期日我都已經寫左封信比佢，話會尊重佢想各自安好既想法，雖然呢個決定對我好艱難，但我亦知道佢經歷既痛不會比我少，所以我會尊重佢既決定，但我亦都需要緩衝既時間，亦會努力習慣，因為我們其實都沒有親人，我們一家就是唯一的親人。同時亦都肯定在佢響呢段關係既付出，及感謝以前既包容。
我覺得依一刻無論我放唔放手，其實佢都係需要喘氣既空間，我唔放手死纏難打，可能佢仲更加辛苦，同埋令佢更反感。反而我對佢說放手，佢會感覺我有所改變，因為以前我只係會死纏難打。另外你講得好啱要佢接受返我就係要慢慢黎，等佢感受到我既改變，因為呢一刻各自安好就係佢既舒適區。

我寫完信後我地關係明顯係緩和左，除左不是同房之外，同之分別不大，當然不說心事，就係好像一般家人一樣。之前佢好唔鍾意我媽媽，好耐無講野，前日佢都同媽傾左2句，明顯係心情好左。

我沒有放棄自己，我地一開始不和時，其實我覺得無論我地會否繼續一齊，我都覺得應該要做一個更好既自己。加上心情唔好食唔落，靠瘋狂做運做去忘記唔開心，呢一個月我瘦左13磅，但我希望自己既改變不是只有外表，而係性格上都可以更加完善。

之前我提議呢度sis去聽楊文利講既婚姻的挑戰入面曾經講過，婚姻入面都係誰痛苦誰改變，而婚姻中女性成長大多都伴隨痛苦而來既結果。及婚姻中只要有一方努力，都有機會挽回，只係過程中可能會很痛苦。

而另一位小紅書講者講過，現在我雖然很痛苦，但我老公既痛應該不比我少，只係大家既痛苦既時間點不同，所以挽回不會是一個很短的時間，需要他看到我的改變，那我才有機會。
我現在大多時間都可以調整好自己既心態，不內耗，努力提升自己，只係間唔中都會情緒爆發，不過只要我好好哭一下再做下運動，其實都可以延過去。
私人傳訊回覆 引用

女皇駕到


子爵府

積分: 10245


49#
發表於 25-3-25 11:00 |只看該作者
回覆 d7ca44f892531c 的帖子

已經澄清左係誤會
私人傳訊回覆 引用

hungu28


別墅

積分: 551


50#
發表於 25-3-25 17:03 |只看該作者
我覺得你封信應該感動到佢。
看似大家都好想挽會對方，既然如此咪當比大家一個機會囉，起碼嘗試過。
當你快要失去嘅時候，你會越加珍惜！
私人傳訊回覆 引用

已刪除用戶


已刪除用户

積分: 27


51#
發表於 25-3-25 17:37 |只看該作者
提示: 作者被禁止或刪除 內容自動屏蔽
私人傳訊回覆 引用

女皇駕到


子爵府

積分: 10245


52#
發表於 25-3-25 18:05 |只看該作者
hungu28 發表於 25-3-25 17:03
我覺得你封信應該感動到佢。
看似大家都好想挽會對方，既然如此咪當比大家一個機會囉，起碼嘗試過。
當你 ...

依家我咩都唔敢諗住，始終決定權響佢手，想得太多我怕之後會失望崩潰，我暫時專注提升同埋改善自己。當然我希望佢可以快D同我好返，但呢樣都唔係我可以掌握。
私人傳訊回覆 引用

女皇駕到


子爵府

積分: 10245


53#
發表於 25-3-25 18:05 |只看該作者
micmicyi 發表於 25-3-25 17:37
早幾日我都發現左有小三
而家仲大緊肚我

sis咁你依家點，你老公知唔知？如果知佢又有咩反應？
私人傳訊回覆 引用

已刪除用戶


已刪除用户

積分: 27


54#
發表於 25-3-25 18:08 |只看該作者
提示: 作者被禁止或刪除 內容自動屏蔽
私人傳訊回覆 引用

女皇駕到


子爵府

積分: 10245


55#
發表於 25-3-25 19:09 |只看該作者
micmicyi 發表於 25-3-25 18:08
當日問佢唔認，忍住，諗緊點做

你是否能confirm佢是否真的出軌？因為我之前都以為係覺得證據實實在在，但結果唔係。有時你要相信你對佢嘅了解，因為你同佢做得夫妻一定係最了解佢嘅為人。
私人傳訊回覆 引用

hungu28


別墅

積分: 551


56#
發表於 25-3-25 22:31 |只看該作者
回覆 女皇駕到 的帖子

你做得好好！會去審視自己有咩問題及去改變。 佢應該見到。靜觀其變啦。
私人傳訊回覆 引用

二小姐


侯爵府

積分: 24871


57#
發表於 25-3-26 09:37 |只看該作者
想問下點樣confirm呢件事係誤會？因為呢啲事，唔係有十足證據和把握對方係出軌，真係唔會攤出嚟問同講。

同埋唔離婚的話，一段婚姻係好長時間，人會變月會圓，無嘢係恒久不變，每個人唔同時間階段都有唔同的責任要負，如果好似樓主咁，有段時間要花好多精神心力喺工作同照顧媽媽上。做另一半唔係話我寂寞我凍，然後就去做自己的事。調返轉，好多時候男家有事，女方都會好主動support。

唔係全部，係好多男士都係咁，最近我屋企都有啲事，我老公置身事外，我工作有啲調動加埋家事我忙到甩轆，我老公淨係識話佢放假，要我同返大陸食嘢，或者出去吃喝玩樂。我都唔係收埋唔出聲的人，我直接話我無心機無精神，好攰，我問佢你屋企有事時，我都好幫手，我而家有事有困難時，你可唔可以幫下手。佢之後都有幫手，只可以話人係自私的，諗一定係先諗到自己，所以兩公婆，要幫手時我一定會出聲講唔會唔講。

之前你老公話要你媽咪搬離宿舍，其實買咗居屋，就係自己的，正常係可以一齊住。

雖然而家話無事，但呢件事實在太鬼，點都要兩手準備自保
8-)
私人傳訊回覆 引用

女皇駕到


子爵府

積分: 10245


58#
發表於 25-3-26 10:08 |只看該作者
回覆 二小姐 的帖子

其實都係佢講，我信佢，我知我可以要求佢俾出證據，例如要果個主播要佢幫手代購既轉賬記錄。因為識左佢廿幾年，我決定今次信佢。如果再要求要SHOW出一切證據，似乎太傷感情，其實都有少少無奈。
佢依家無再上抖音唱歌，但我知佢應該有上去聽歌，不過暫時呢D都唔到我去管，而且正正常常既我都唔會理，亦都唔應該理。如果真係好返，我自然會同佢有返互動，等佢無咁得閒，自然就會轉移重心。

依家佢覺得我過份CHECK佢，加上其他相處既問題，自然係覺得所有問題在我，因為人都一係樣會自我保護。但跟據我同佢以往既相處，過一段時下靜落黎，佢係會反思自己有無問題，雖然唔會道歉，但係佢係會改既。

其實之前幾日我都會等佢放工返黎，同佢傾兩句先至會落街做運動，之後佢會入睡房可以用下電腦，等我返黎後佢就會入仔間房。但琴晚佢遲左返黎，我本來諗住好唔好等佢返黎，但考慮之下覺得都係做返平常既野，所以就無等佢自己落街做運動。反而返黎時佢即刻響仔房出黎同我講野，我唔知係巧合定係佢都係其實有等我返去，其實有機會佢既直男性格真係咁啱，我都唔敢俾自己有太多期待。今個星期我地會返中山間屋，我已有心理準備佢會繼續分房，其實只要自己唔係太有期待，就可以平常心對待佢。

不過今次過我我都會開始儲下錢，真係無論屋企有咩事，都唔駛咁彷徨。
私人傳訊回覆 引用

PTMCYS


子爵府

積分: 14146


59#
發表於 25-3-26 10:10 |只看該作者
女皇駕到 發表於 25-3-25 10:56
回覆 PTMCYS 的帖子

多謝你既建議，其實星期日我都已經寫左封信比佢，話會尊重佢想各自安好既想法，雖然呢 ...

男人有好多種, 大男人也是, 最緊要是否適合你, 有些大男人是, 他要掌握全家人的方向和態度, 但他願意付出一切來保護和照顧這個家庭, 也不會出軌, 有人喜歡, 也有人不喜歡, 最緊要你 buy 不buy.

也有些大男人, 咩到唔做, 女人做晒, 無論男家女家也是, 但又要高高在上, 奈何也有女人buy.

婚姻入面都係誰痛苦誰改變--> 這點我有保留, 因為說的人是"婚姻專家", 靠補救婚姻搵食, 是嗎? 唔通話"你咁都頂得順既, 叫人離婚咩? 我覺得最重要的是, 有沒有超越自己做人的低線, 之前見到 D case, 話老婆係家庭主婦, 一家幾口靠一人搵錢, 老公唔夠 2萬月薪, 仲要買車去威, 叫老婆自己諗掂佢, 如果我做老豆會叫個女返屋企, 咁無責任的人都有既 ? 都唔係好人啦, 唔係好人就要快快走, 基本上你欺負緊我個女, 所以唔係誰痛苦誰改變, 而係值不值得 .






私人傳訊回覆 引用

做個靚太


水晶宮

積分: 50460


60#
發表於 25-3-26 10:39 |只看該作者
PTMCYS 發表於 25-3-22 22:56
看這個情況, 他都好關心個仔, 所以我之前都覺得無理由, 以正常男人的角度來看, 唔會供到孩子DSE 才掉下他, ...

你令我諗起我爸爸，我當年一直求佢幫手供我讀書，佢都話無錢，唔係話嬲唔嬲，但真心係心淡～
私人傳訊回覆 引用


首頁
12345...10

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy