自由講場今日: 1072|主題: 1348772

收藏本版

回覆發帖

返回列表

跳至頁

樓主: siuleung

車銀優首部互動式VR演唱會電影, 感受與男神10cm距離對望 [複製鏈接]

1 23

은우수호

水晶宮

積分: 62317

41^#

發表於 25-8-17 07:34 |只看該作者

本帖最後由 은우수호 於 25-8-17 07:36 編輯

siuleung 發表於 25-7-31 16:33
等你分享

原本諗住落畫先分享（因有劇透），但又希望有人睇完我分享後，可以喺今日趕得切買飛入場睇下我覺得係今年最好睇嘅電影。

今日係香港上映銀優VR電影最後一日，昨日去咗睇第二次。

睇第一次時，太震撼（其實第二次都震撼啊），同銀優嘅距離只有一掌之隔，好溫柔咁講佢嘅失戀故事，真係睇到好暈（暈哂大浪），因此冇好好留意，睇完只有銀優嘅靚樣喺腦中徘徊咗好幾日，有啲細節真係唔記得。

到睇第二次，銀優除咗開頭與最尾著住套白西裝化咗idol舞台妝，感覺好靚但妝感重，同我印象中嘅銀優有出入之外，其餘嘅銀優都好真實（對於我印象中嘅銀優真人模樣相比）

佢嘅失戀五部曲，好可愛，見到我熟悉嘅東九。

另外，喺房內望窗訴說失戀嘅銀優，又好可憐情深，到尾聲，接到女友留言，佢睇住電話微妙開心、難以致信眼神、然後咀角微揚嘅表情，感受到銀優演技嘅細緻。

我好開心終於可以用雙手捧住銀優塊面仔，可以好近睇到佢啲長長睫毛、好齊嘅牙仔，甚到右上唇嘅破相肉粒。

佢塊面仔真係好細，抱起東東面貼面時，覺得兩兄妹塊面差唔多大。

雖然只有45分鐘，但內容好豐富（對於我嚟講），可以近距離同銀優對望，可以仔細睇到佢左右側顏，真係成就解鎖、人生無憾。

睇完，一路到今朝，仍然記得佢近距離嘅神顏有幾精緻，但仍然唔係太記得劇情順序，不過又會記起不同場景嘅吸引力，有笑有淚。

除咗冇真正觸感外，真係感受到銀優活生生真人一個喺我面前同我講嘢，成個影象好立體。

銀優失戀不知所措求安慰呢個人物設定太正，問我：『打電話？唔打電話？佢唔聽我電話，嗚嗚嗚』

呢套VR真係好睇到爆，雖然好似好難成事（因為配件VR眼鏡係重點），但日後如果出到套電影嘅套裝（連眼鏡賣），真係可以俾Roha一個好好嘅銀優軍白期安慰。
attach0/tmp/phpNFtnnT