由於金價起，剛朋友間發生左一件事。
朋友A同朋友B，兩個識左至少30年，老友鬼鬼，兩個成日糖痴豆咁，見A一定有B。
早兩日從另一朋友口中得知，A同B竟然當街鬧大交。
有得八當然要聽啦，兩個咁好老友，點解會咁架？
原來A好多年前送左一個金做既小擺設俾B，件小擺設係啲生肖擺設黎，即係迷信自己咩生肖，擺另一生肖會生旺自己嗰種呢。
可能而家金價升，A詐諦問B，嗰件擺設仲响唔响度？話佢新抱想要嗰個擺設喎。
咁B都回佢，咁多年，都搬左屋幾次，件擺設去左邊佢都唔記得喇。
A唔信，B話請佢上去佢屋企揾囉。A話B有心唔俾佢囉。
跟住佢兩個响度嘈喇。 朋友都無得再做。
我心諗，送左人野咁多年有得攞返既？
又會唔會當初話"借"既，有人唔還？
其實我心中暗爽架，因為平日佢兩個成日連成一綫去窒人既，不過唔關我事，我就唔出聲咋。
金錢，正在考驗好多人。
這個世界上所有的愛都是以聚合為最終目的，只有一種愛以分離為目的，那就是父母對孩子的愛。 父母真正成功的愛，就是讓孩子盡早成為一個獨立的分個體﹗
發表於 
你講得啱啊，現代嗰啲硬係爭啲手工藝感覺囉～我哥都有買龍鳳頸鏈俾我(17年前既款)+我父母買既龍鳳鈪（佢哋知我鍾意簡單清雅
)都俾你睇吓吖～
我自己嗰啲喺晒保險箱，都好多年冇去銀行了，要揾日攞返嚟睇下
返回列表
