自由講場 今日: 1072 | 主題: 1363782

積分: 1028

46^#

發表於 25-11-12 01:37 |只看該作者

Fishqqma 發表於 25-11-11 23:36
睇完你分享，我明白你受過嘅傷有幾深。你嘅痛係真嘅，神都知道。但我都想溫柔咁講一句：原諒唔係為咗替你爸 ...

多謝你, 我每次鬧完我自己心情都好低落, 所以我都係想放開自己。
有時諗, 如果我爸突然不在, 我會否令佢含恨而終
聖經話, 不要含恨到日落, 係有佢既好意

私人傳訊回覆引用

積分: 1028

47^#

發表於 25-11-12 01:42 |只看該作者

本帖最後由 orchardroad 於 25-11-12 05:17 編輯

多謝每位用心回覆, 每個POST我都有用心去睇, 多謝各位支持, 抱歉未能逐一回應。
本來今日係同我父親係WHATSAPP , 諗起好多往事, 心情好低落, 想有D安慰同支持, 突然之間有人話我SELL 電影。由我第一個帖到中間既回覆，我完全無叫人推介任何電影/ 娛樂，只係問, 有無人由宗教/ 其他角度/ 其他人經驗比到咩建議令我可走出來重新振作，已經心情唔好, 唔再想有任何駡戰 / 解釋 / 澄清自己。任何人當然有權在論壇發言, 但作出任何意見 / 判斷, 理應根據事實, 而非單靠個人感覺主觀臆測：「我覺得呢個鋪係咁咁咁」,卻又不能提供任何實據支持，如此言論對當事人實欠公允，就如我姑媽以前話我第時會做雞一樣, 我覺得你係就係。

我做左呢個論壇會員幾年, 今日第一次有感而發出POST, 明白有人原生家庭係開心, 可能理解唔到有唔好父母既人，理解唔到由細到大一直受語言暴力既人既痛苦，亦都理解唔到為錢可以成日家嘈屋閉，我諒解的。但請呢D人都諒解其他人出身係無咁幸運，好多野你覺得匪夷所思, 難以理解，但係會發生係人地身上。你可能同父母食飯係開開心心暢所欲言, 但我同父母食飯, 好多次係連埋眼淚吞下。「不幸的人以一生治癒童年」, 並非個個感受到。

語言暴力, 可以比肢體暴力既傷害可以更大, 我80後, 個傷痛有時都放低唔到。呢個傷害, 係可以影響你學習, 交友, 工作, 愛情，環環相扣。因為, 你既自信/ 自尊一點一滴咁失去...人地蝦你, 你都只會逆來順受。覺得其他人對自己唔好, 難聽說話, 係理所當然。

以前好多人問我, 點解無咩見過你笑? 因為我諗番原生家庭, 只係覺得一片灰暗，由細到大, 無咩開心回憶，我都唔識好似其他人好開朗咁笑，亦唔識表達自己。我係好偶然識到我老公, 去到外國, 人與人關係較為寬容, 佢地評價人/ 事態度都正面好多。同時我都離開左自己父母，生活 / 心情無以前咁壓抑。我外表唔算出眾, 但我c6 都比好多肯定我，6299對我都算幾好，工作都算小有成就, 我係有小孩後, 個人開心好多, 亦都好注重佢地身心健康成長，尊重佢地係個體, 唔係父母既附屬品。提醒自己, 以前受既創傷, 唔可以比我小孩去受，我既創傷, 我情願我呢一代受晒了結左佢。

就如有些回應, 放過自己, 放過人，就係最好既出路，其實我心係明白的, 但我感到不夠力量實踐出來。亦覺得, 人生一直好像缺乏了一塊(尤其是父愛)。但暫時會以照顧小孩同自己生活優先。至於能否放下, 就祈求神帶領, 或如一些JM既意思係, 一切只能隨緣, 天意造化。
一路打呢篇文, 眼淚一路滴下來，只能祝各位萍水相逢的網友生活愉快，雖然各位都係路過, 但仍留下鼓勵和建議。如果你地以前有不快經歷, 包括之前有幾位姐妹提過的傷痛，也希望你地以後日子過得更好。take care everyone and enjoy life，人生苦短, 希望各位找到快樂和愛。

私人傳訊回覆引用

volan

侯爵府

積分: 22668

48^#

發表於 25-11-12 01:53 |只看該作者

星座不夾佈置吓家居植物

Miracles studio

私人傳訊回覆引用

Forevershine

別墅

積分: 995

49^#

發表於 25-11-12 02:33 |只看該作者

Feli-z 發表於 25-11-12 00:50
或者調返轉，最重要係同自己和解，每次想起過去唔開心的經歷，閉上眼睛深呼吸，係腦海入面幻想抱抱過去曾經 ...

對，我都有童年陰影，原生家庭問題令我曾經有情緒病，幸好我現在有自己家庭（兩個小朋友&老公）

最近我媽媽走了，我都覺得好傷心，雖然知道之前有六成嘅時間都係扭曲嘅母愛，但其餘的四成時間係正常嘅母愛，亦係我唯一有過嘅原生家庭溫暖

儘管如此，佢嘅離開，我都仍然好傷心，但我知道我會用時間慢慢令自己振作起來，過去就讓它過去吧

私人傳訊回覆引用

積分: 1028

50^#

發表於 25-11-12 02:55 |只看該作者

本帖最後由 orchardroad 於 25-11-12 03:04 編輯

Forevershine 發表於 25-11-12 02:33
對，我都有童年陰影，原生家庭問題令我曾經有情緒病，幸好我現在有自己家庭（兩個小朋友&老公）

最近我媽 ...

同感, 雖然我怨恨父母, 我都唔想佢地帶住內疚既心情走! 所以我心情都好矛盾，每次爆完都後悔! 始終有感情吧! 也想到點都算有養育之恩吧...
抱抱你! 你同你媽都有一半時間係開心的! 希望你都重新振作!

私人傳訊回覆引用

積分: 1028

51^#

發表於 25-11-12 02:57 |只看該作者

魚仔餅發表於 25-11-12 01:34
唔好迫自己去接受番佢地，佢地搵你嘅目的好明顯係想要錢。我都有認識嘅人同阿媽不和，個阿媽好早已跟佬走， ...

應該唔係為錢, 因為我比屋企既錢係不多.我都唔算有錢, 和老公都係打工.我覺得係老了想搵番親情...

私人傳訊回覆引用

青豆

子爵府

積分: 10861

2025中秋節勳章

52^#

發表於 25-11-12 03:45 |只看該作者

魚仔餅發表於 25-11-12 01:34
唔好迫自己去接受番佢地，佢地搵你嘅目的好明顯係想要錢。我都有認識嘅人同阿媽不和，個阿媽好早已跟佬走， ...

吓，咁慘，想過用人地用過嘅M巾，個媽太自私。

私人傳訊回覆引用

積分: 146300

2025勳章蛇年勳章 2024年龍年勳章虎到金來勳章

53^#

發表於 25-11-12 04:31 |只看該作者

orchardroad 發表於 25-11-12 01:37
多謝你, 我每次鬧完我自己心情都好低落, 所以我都係想放開自己。
有時諗, 如果我爸突然不在, 我會否令佢含 ...

明白，你鬧完之後心情低落，反而代表你內心其實唔係想傷害佢，而係你真係太多年嘅痛未處理。你而家想放開自己，其實已經係好重要嘅一步。

你擔心如果有一日佢唔在，你會後悔，呢個心態反而證明你係一個有愛、有良知嘅人。主都見到呢份心。

聖經講「不要含恨到日落」，係要我哋唔好被恨意困住，而唔係叫你假裝唔痛。你依家嘅感受，神明白的。

你可以慢慢學識放低，但唔需要壓住自己。一步一步，等主帶你走向平安。你已經係向著正確嘅方向行緊。

私人傳訊回覆引用

積分: 146300

2025勳章蛇年勳章 2024年龍年勳章虎到金來勳章

54^#

發表於 25-11-12 04:34 |只看該作者

orchardroad 發表於 25-11-12 02:57
應該唔係為錢, 因為我比屋企既錢係不多.我都唔算有錢, 和老公都係打工.我覺得係老了想搵番親情...
...

爸爸而家主動聯絡，多數真係因為老咗、開始想搵返親情。其實，呢一點本身已經係一個好嘅起點。

你以前受過嘅傷係真嘅，唔係一句「原諒」就可以抹走。但如果你願意嘗試少少去接納佢而家嘅心意，唔一定代表你認同佢以前嘅做法，而係比自己一個機會離開過去嘅重擔。

原諒唔需要一下子做到，只係從「不再用舊方法回應佢」開始。你可以用更平和嘅方式回覆、比少少空間。呢啲都已經係原諒的第一步。

作為基督徒，原諒唔係一種壓力，而係神想你心裏面得到真正嘅安息。你唔需要急，但可以慢慢試，讓主帶領你，亦讓你爸爸感受到你願意開一條細細條嘅門。

私人傳訊回覆引用

積分: 1028

55^#

發表於 25-11-12 04:40 |只看該作者

Fishqqma 發表於 25-11-12 04:34
爸爸而家主動聯絡，多數真係因為老咗、開始想搵返親情。其實，呢一點本身已經係一個好嘅起點。

你以前受 ...

多謝你咁耐心回應, 我今日鬧完我爸, 我個心情都跌落谷低! 我老公都問我, 咁你究竟想點, 過去你都唔可以改變...我以為發洩完會開心D, 但剛好相反!
好老土咁講, 唔放過人, 即係唔放過自己，我都要嘗試放下!

謝謝你!

私人傳訊回覆引用

積分: 146300

2025勳章蛇年勳章 2024年龍年勳章虎到金來勳章

56^#

發表於 25-11-12 04:40 |只看該作者

maozit 發表於 25-11-12 00:38
路過⋯ 好似講緊（sell) 舒淇最新電影《女孩》咁⋯
（不喜勿插）

你真無聊

私人傳訊回覆引用