吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 朋友送的蘿蔔糕雪凍之後切, 但仍然好散, 好難成件,原因? ...

自由講場今日: 181|主題: 1363985

收藏本版

回覆發帖

返回列表

跳至頁

樓主: 杜小田

朋友送的蘿蔔糕雪凍之後切, 但仍然好散, 好難成件,原因?

[複製鏈接]

1 23

kellychan1

男爵府

積分: 6379

41^#

發表於 26-2-10 22:04 |只看該作者

fayeli 發表於 26-2-10 12:52
放過入冰格，解凍再切的話，就會碎晒。第二年同一牌子蘿白糕，取回家後不放冰格，切時就唔會碎，唔知關唔關 ...

我都同樣試過

私人傳訊回覆引用

observer

侯爵府

積分: 20041

2024年龍年勳章牛年勳章

42^#

發表於 26-2-10 22:39 |只看該作者

fayeli 發表於 26-2-10 12:52
放過入冰格，解凍再切的話，就會碎晒。第二年同一牌子蘿白糕，取回家後不放冰格，切時就唔會碎，唔知關唔關 ...

我都放冰格，因為可以存放好耐。
我嘅做法係，未入冰格前，先將佢切開一份份，用保鮮紙獨立包好。
到你想食嗰日，早兩，三個鐘頭將要食嘅份量，先由冰格轉落下層雪櫃。
起碼兩個鐘頭後，你用手按糕身，見佢稍為冇咁硬如石頭，你估計你把菜刀切得入嘅時候，就將佢切成一片片，包返保鮮紙，放返入雪櫃下層。
等佢再回軟少少，你就好落鑊煎，因為佢會開始出水，而塊糕就容易裂。
如果啲蘿蔔溝啲粉多，咁片糕最多系列成幾塊，唔會好碎，萬一係自家製啲蘿蔔多粉少嘅，咁就會好易碎。
你知唔知你入咗冰格，係將蘿蔔裏面嘅水份結咗冰，所以解凍咪出水囉，加上啲粉又少，黏結效果畀啲水沖散咗，咁啲蘿蔔，餡料咪容易散甩出嚟囉。

私人傳訊回覆引用

BGCOME08

珍珠宮

積分: 34143

馬年勳章

43^#

發表於 26-2-10 23:16 |只看該作者

observer 發表於 26-2-10 22:39
我都放冰格，因為可以存放好耐。
我嘅做法係，未入冰格前，先將佢切開一份份，用保鮮紙獨立包好。
到你 ...

請問係咪即係解凍到半冰軟(面軟內裏還是冰硬)的狀態就拎去煎？

上年我收到6底蘿蔔糕，一下子食唔哂，就冰咗3底入冰隔。之後我拎一底出黎溶冰，點知出哂水，我渣乾d水去煎，好鬼難食…。

私人傳訊回覆引用

Gorgor0612

水晶宮

積分: 54869

馬年勳章 2026勳章 2025勳章蛇年勳章 2024年龍年勳章畀面勳章

44^#

發表於 26-2-11 08:05 |只看該作者

李露眉發表於 26-2-10 12:41
請問6斤蘿蔔即幾多條?

大隻嘅兩至三條

私人傳訊回覆引用

aaaiqc

公爵府

積分: 28718

2024年龍年勳章畀面勳章

45^#

發表於 26-2-11 08:19 |只看該作者

BGCOME08 發表於 26-2-10 23:16
請問係咪即係解凍到半冰軟(面軟內裏還是冰硬)的狀態就拎去煎？

上年我收到6底蘿蔔糕，一下子食唔哂，就冰 ...

其實真係唔建樓放冰格，寧願食快啲

私人傳訊回覆引用

observer

侯爵府

積分: 20041

2024年龍年勳章牛年勳章

46^#

發表於 26-2-11 08:39 |只看該作者

本帖最後由 observer 於 26-2-11 08:42 編輯

BGCOME08 發表於 26-2-10 23:16
請問係咪即係解凍到半冰軟(面軟內裏還是冰硬)的狀態就拎去煎？

上年我收到6底蘿蔔糕，一下子食唔哂，就冰 ...

你榨乾曬啲水梗係冇咁好食啦。
基本上出嘅水就係底蘿蔔糕裏面啲料蘿蔔呀水分嘅汁液。
我都會稍為渣一下D水，但我唔會完全整走曬D水。

當見到切片後既蘿蔔糕，喺雪櫃下層，感覺佢退冰得差不多，甚至感覺張保鮮紙開始有少少水氣，我就會將佢拎出拎入廚房預備煎。
可能等你煎嗰時。保鮮紙會濕濕地，有D水，但係糕仲係有啲硬，我有時會輕輕練下舊糕，睇佢係咪出啲水，但係我唔會大力渣水，跟住咪去煎囉。
仲有，將保鮮紙一直唔好除走，你要揸水，或者將保鮮紙積存嘅水分倒出嚟，都係拎住成包蘿蔔糕去星盆上倒/揸水，稍為揸出嚟嘅水份到時咪打開張保鮮紙一角流落星盆度囉，咁D糕高就冇咁濕，煎時個鑊好煎啲。最緊要你隻手係會好乾淨。

當然我亦都試過擺喺個雪櫃下層好耐先有時間去煎，或者拎咗出嚟預備去煎，點知有啲嘢做唔記得咗。
到醒起佢煎蘿蔔糕時將保鮮紙下低已經即有灘水，呢個時候就梗係直接煎啦，唔好再搞走糕裏面啲水啦！

始終每底糕用料份量唔同比例，所以佢入冰格後，究竟將入面幾多水份結咗冰！
因為我收自家製蘿蔔糕係得一底嘅啫，跟手只係買榮泰行嗰啲粉多過蘿蔔既食過一兩次。

嗰啲將蘿蔔糕放入冰格嘅，要跟我嘅經驗去實踐，一定要自己試驗一次去調節。
究竟由冰格攞出嚟要攤幾耐先去切片，究竟蘿蔔糕要唔要揸少少水出，究竟幾時落鑊煎？第一次失敗就再調節時間啦。

仲有，經驗之談，千祈唔好自作聰明，切咗片先去冰格，你控制唔到退冰幾時先落鑊煎既，因為到時出水嚴重，係會好大件事！
所以我先至會話將佢切成一舊舊分開包保鮮紙入冰格，唔係成底糕切片！

私人傳訊回覆引用

observer

侯爵府

積分: 20041

2024年龍年勳章牛年勳章

47^#

發表於 26-2-11 08:46 |只看該作者

本帖最後由 observer 於 26-2-11 08:47 編輯

aaaiqc 發表於 26-2-11 08:19
其實真係唔建樓放冰格，寧願食快啲

可以盡快食曬嘅梗係唔放落冰格！但係始終蘿蔔糕喺雪櫃下層嘅保鮮時間都有限。

好似問我個會員，佢收咗6底蘿蔔糕呀

唔通要好似麥兜家族買隻火鷄咁樣，要食足成個禮拜，餐餐有蘿蔔糕上台！

私人傳訊回覆引用

BGCOME08

珍珠宮

積分: 34143

馬年勳章

48^#

發表於 26-2-11 08:57 |只看該作者

observer 發表於 26-2-11 08:39
你榨乾曬啲水梗係冇咁好食啦。
基本上出嘅水就係底蘿蔔糕裏面啲料蘿蔔呀水分嘅汁液。
我都會稍為渣一下 ...

好，我之前係成底入冰格，所以拎出黎時硬掘掘，切都切唔到，要成底解凍。我今年試下用你方法先。多謝解答

私人傳訊回覆引用

observer

侯爵府

積分: 20041

2024年龍年勳章牛年勳章

49^#

發表於 26-2-11 10:21 |只看該作者

BGCOME08 發表於 26-2-11 08:57
好，我之前係成底入冰格，所以拎出黎時硬掘掘，切都切唔到，要成底解凍。我今年試下用你方法先。多謝解答 ...

咪客氣，可以幫到你最好。
我畀個建議你：
當你收到多過一底蘿蔔糕嘅時候，先搵一底做實驗，將佢切開一份份放入冰格，通常你兩日後就已經結曬冰，跟住攞一兩舊出嚟試，如果實驗成功嘅，咁起碼你有信心將再收多嘅蘿蔔糕放入冰格，否則你就要考慮下點樣盡快食曬佢。

私人傳訊回覆引用

BGCOME08

珍珠宮

積分: 34143

馬年勳章

50^#

發表於 26-2-11 10:37 |只看該作者

observer 發表於 26-2-11 10:21
咪客氣，可以幫到你最好。
我畀個建議你：
當你收到多過一底蘿蔔糕嘅時候，先搵一底做實驗，將佢切開 ...

好的。係咪即係先一開4舊，唔好切片，然後去冰。隔幾日，再拎1舊出黎，解凍到可以切開的狀態，就切片，再直接去煎。對嗎？

咁應該內裏未完成溶冰，仲係硬，就煎得？係咪咁？

私人傳訊回覆引用

observer

侯爵府

積分: 20041

2024年龍年勳章牛年勳章

51^#

發表於 26-2-11 11:38 |只看該作者

BGCOME08 發表於 26-2-11 10:37
好的。係咪即係先一開4舊，唔好切片，然後去冰。隔幾日，再拎1舊出黎，解凍到可以切開的狀態，就切片，再 ...

你拎一舊出嚟，穩陣搵個筲箕或者兜放你舊蘿蔔糕。
擺落雪櫃下層，因為退冰速度冇室溫咁快，同埋唔會咁容易出水。我通常做法係上午十點幾鐘就拎落下層，咁我出完街返嚟，就睇下舊糕，如果隔住保鮮紙，感覺佢好似有層水起氣咁，就可以拎去廚房試下切開佢，係打開張保鮮紙切，唔係除咗張保鮮紙。因為切完你仲要包返佢放返入雪櫃下層繼續退冰。
順利切開就冇問題，可能要出啲力，而切開見中間部位，應該望落似冰面，係冇問題，代表佢仲有啲水分喺度，你又唔係即刻煎。
咁切唔開中間，實在太硬，咁代表你要放返入雪櫃等多陣，下次再試咪預長啲時間喺雪櫃下層先切。

跟住先係最麻煩嘅事情，你要睇下呢啲切片嘅蘿蔔糕，究竟幾耐可以拎出雪櫃煎。
呢度就跟我講你睇啲蘿蔔糕嘅狀況，因為已經切片片了，你可以隔住張保鮮紙，摸塊糕狀況，見佢軟身D，或者保鮮紙越嚟越多水氣，所以拎入廚房了。
你可以考慮即刻煎，或者再喺室溫度回溫多少少，呢個度自己去掌握。
甚至你可以嘗試，將成包保鮮紙嘅蘿蔔糕輕壓，睇下有冇出水。
或者件蘿蔔糕年個冰面效果冇咁明顯，咪試煎幾塊蘿蔔糕，當然你覺得將成舊煎曬都冇所謂，個人選擇啦。
只不過分兩次煎就可以睇下，蘿蔔糕放室溫後，唔同時間煎對蘿蔔糕味道嘅影響。
若第一次如果覺得味道還可以嘅，當然佢一定冇你唔放入冰格之前咁好味，純粹係唔好浪費，盡量令佢係可以入得口，始終每個人對味道要求唔同，如果你覺得嘥咁多功夫都係難食嘅，就無謂搞了。所以我一直叫你先搵一底糕做實驗。

成功既，咁就自己嘅作息時間安排下一次嘅時間控制。
最緊要如果你長時間喺屋企，由冰格放入下層時間，甚至拎出嚟切片嘅時間，梗係冇問題。
萬一你有其他鎖事纏身嘅，甚至係上班族，要煎冰格蘿蔔糕就真係要好好計劃。
通常你做兩次就會掌控啲時間。
唯一難到你嘅係每底蘿蔔糕嘅配比，粉多嘅蘿蔔糕就唔需要咁擔心會強出水，如果係啲高蘿蔔比例，就真係要小心了。