吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 點解佢要咁對我呀???? 有冇人可以話我知?? ...

夫婦情感今日: 5|主題: 42808

收藏本版

發帖

返回列表

跳至頁

樓主: evalopk

點解佢要咁對我呀???? 有冇人可以話我知?? [複製鏈接]

1 234 5...6

DoReMi媽媽

象牙宮

積分: 237788

馬年勳章 2026勳章母親節2025勳章 2025勳章蛇年勳章 2018復活節勳章醒目開學勳章 15週年勳章親子王國15週年勳章

41^#

發表於 04-12-30 14:03 |只看該作者

Re: 點解佢要咁對我呀???? 有冇人可以話我知??

佢而家仲肯比錢你就盡攞啦, 分分鈡唔攞得耐, 佢而家仲可能對你有內疚嘅感覺, 所以肯比錢你, 遲啲呢種感覺沖淡咗, 又或者第三者唔仲意佢比錢你, 隨時冇得比你, 好好為你自己同囝囝打算, 唔好再諗你個老公嘞. :exclaim: :exclaim:

私人傳訊

evalopk

伯爵府

積分: 15442

42^#

發表於 04-12-30 14:50 |只看該作者

Re: 點解佢要咁對我呀???? 有冇人可以話我知??

有時d野幾唔想面對都總要面對, 將來既結果冇人會知係點, 我淨係知道明日既結果, 好睇今日既決定, 如果我今日唔試, 第日我一定會後悔. 至少到時如果大家都唔可以再一齊, 我都知自己已經盡晒力, 我再無遺憾....

私人傳訊

Lavenda

等待驗證會員

積分: 187

43^#

發表於 04-12-30 16:38 |只看該作者

Re: 點解佢要咁對我呀???? 有冇人可以話我知??

其實我好想知道你所講既"專心湊大個仔同等佢",
係咪指到你唔會考慮出去做野, 專心湊仔同等你老同回心轉意?

我覺得愛情係兩個人既事, 如果一方面已經表示放棄或者做到好唔負責任, 另一方就算愛到天崩地裂, 對對方黎講都只會係無關痛癢. 因為佢可能已經有新既目標, 新既生活. 除非你偉大到佢快樂等於你快樂, 包括佢攬住第二個女人, 甚至有埋細路, 你都毫無保留咁替佢開心慶幸, 無欲無求. 如果你冇咁偉大無私, 以佢而家既表現睇, 你"等到"既機會唔多. 如果佢第時斷水斷糧, 你同你bb得到既只會係更大既傷害.

或者我咁講你聽唔入耳. 我覺得婚姻承諾既有效期, 係兩個人都願意堅持承諾既時候, 咁就真係for better for worse, 都一齊行落去. 但唔係for my better but your worse囉.

冇bb你可以好任性好浪漫, 有左bb就係柴米油鹽, 你自己唔食佢都要食.

私人傳訊

evalopk

伯爵府

積分: 15442

44^#

發表於 04-12-30 17:39 |只看該作者

Re: 點解佢要咁對我呀???? 有冇人可以話我知??

等個仔大d我會出返去做野, 你放心啦!! 我未至於咁蠢, 我都會為自己同個仔打算.

我都知我等到既機會唔大, 每次諗起佢攬住第二個女人既時候, 我個心就好似比刀割咁, 好辛苦, 好難受...但係呢一刻我真係放唔到手, 亦都唔想放手呀!! 始終咁多年感情要我一下子放低我真係做唔到, 我只係做我今日認為應該做/想做/可以做既野唓...你可能會認為我自"希希"人, 至少而家我會開心少少吖......

私人傳訊

Lavenda

等待驗證會員

積分: 187

45^#

發表於 04-12-30 17:43 |只看該作者

Re: 點解佢要咁對我呀???? 有冇人可以話我知??

你咁講我就放心.
我明白人既感情係要有緩衝期,
時間可以醫治傷口, 沖淡悲傷.

私人傳訊

evalopk

伯爵府

積分: 15442

46^#

發表於 04-12-30 17:54 |只看該作者

Re: 點解佢要咁對我呀???? 有冇人可以話我知??

多謝你明白我, 希望時間真係可以醫治好我個傷口, 沖淡悲傷啦....

私人傳訊

pandacat_bb

男爵府

積分: 7205

47^#

發表於 04-12-30 18:07 |只看該作者

Re: 點解佢要咁對我呀???? 有冇人可以話我知??

hi eva

我建議如果佢肯比一筆錢你, 係一大筆錢, 就

私人傳訊

evalopk

伯爵府

積分: 15442

48^#

發表於 04-12-30 18:16 |只看該作者

Re: 點解佢要咁對我呀???? 有冇人可以話我知??

放心啦! 到有一日佢真係開聲要離婚既時侯, 我一定會同佢計清楚既....始終層樓大家都有份.

私人傳訊

DoReMi媽媽

象牙宮

積分: 237788

馬年勳章 2026勳章母親節2025勳章 2025勳章蛇年勳章 2018復活節勳章醒目開學勳章 15週年勳章親子王國15週年勳章

49^#

發表於 04-12-30 18:27 |只看該作者

Re: 點解佢要咁對我呀???? 有冇人可以話我知??

層樓比晒錢未口架? 如果未, 未必分得多, 如果係負資產, 就冇份好過有份. 呢個時候, 樣樣都要好現實口架!

私人傳訊

Smile^^

洋房

積分: 60

50^#

發表於 04-12-30 18:31 |只看該作者

Re: 點解佢要咁對我呀???? 有冇人可以話我知??

evalopk﹐
見到你個case我真係覺得好難過~~點解d男人可以咁不付責任﹗﹗ :evil: 為左第二個女人而離棄自己個太太同仔.....唉~
我知道你依家個心一定好痛好痛﹐但係你一定要振作﹗唔好唸太多野喇﹐唸得太多只會令到你自己更痛苦﹐不如花多d時間係個仔身上﹐你仔仔依家最需要果個係你呀。
既然你老公話想分開下而唔係同你提出離婚﹐咁就證明佢對你同個仔仲有感情。你都話你仲好愛你老公﹐咁你依家可以做既野就只有等﹐等佢玩夠之後返番去你地身邊。
開開心心咁生活落去﹐你老公一定會返黎架﹗
加油﹗

私人傳訊

evalopk

伯爵府

積分: 15442

51^#

發表於 04-12-30 19:33 |只看該作者

Re: 點解佢要咁對我呀???? 有冇人可以話我知??

多謝你地既支持呀, 我好希望佢可以早d返黎我身邊就好喇!

私人傳訊

fish123

別墅

積分: 522

52^#

發表於 04-12-31 02:08 |只看該作者

Re: 點解佢要咁對我呀???? 有冇人可以話我知??

evalopk 寫道:

我都知我等到既機會唔大, 每次諗起佢攬住第二個女人既時候, 我個心就好似比刀割咁, 好辛苦, 好難受...但係呢一刻我真係放唔到手, 亦都唔想放手呀!! 始終咁多年感情要我一下子放低我真係做唔到, 我只係做我今日認為應該做/想做/可以做既野唓...你可能會認為我自"希希"人, 至少而家我會開心少少吖......

我絕對明白你而家ga感受,個心ga痛,哥種放唔到手ga感覺......:-( !因我現在正發生同你一樣ga事,而家我晚晚都訓得都唔好,但希望我地能一同度過這難關 ! :-P :-P

愛一個人！要了解，也要開解；要道歉，也要道謝；要認錯，也要改錯；要體貼，也要體諒；是接受，而不是忍受；是寬容，而不是縱容；是支持，而不是支配；是慰問，而不是質問；是傾訴，而不是控訴；是難忘，而不是遺忘；是彼此交流，而不是凡事交代；是為對方默默祈求，而不是向對方諸多要求；可以浪漫，但不要浪費；可以隨時牽手，但不要隨便分手。

私人傳訊

happykklam

子爵府

積分: 12365

53^#

發表於 04-12-31 02:33 |只看該作者

Re: 點解佢要咁對我呀???? 有冇人可以話我知??

evalopk: 如果妳認為值得等,咁妳繼續等la,最緊要係妳自己開心,堅強d 呀,好多人支持妳架!

私人傳訊

evalopk

伯爵府

積分: 15442

54^#

發表於 04-12-31 12:28 |只看該作者

Re: 點解佢要咁對我呀???? 有冇人可以話我知??

開唔開心我真係唔知, 有時以為自己接受左呢個事實, 但原來我真係接受唔到. 好辛苦..好辛苦..如果唔係個仔我可能唔會起度喇!!! :-| :-|

私人傳訊

GIE

民房

積分: 12

55^#

發表於 04-12-31 13:38 |只看該作者

Re: 點解佢要咁對我呀???? 有冇人可以話我知??

其實你的CASE係普遍, 在此專欄內你都可以睇到唔少, 你老公而家貪新鮮, 因為有新鮮禁哎嗎, 而家佢玩得禁開心, 你叫佢返屋企照顧你同BB, 我諗好難. 你比佢出去玩囉, 睇佢玩得幾耐. 因為每個女人都要名份, 初時咩都唔要, 後期咪個個都要, 你睇林燕妮都想要啦, 係咪.
你要記住, 千祈唔好同佢講離婚, 因為而家唔清醒, 佢同你找卡數, 比錢你, 你照要. 仲有, 唔好煩佢, 唔好打電話比佢, 你唔應該返外家住, 應該搬返屋企, 等佢出去. 但你可唔可以一個人和BB一齊住先. 你得唔得. 唔得就唔好.
人的生命好短暫, 你應該做些令自己開心的事, 或者返吓教會, 相信一定幫到你. 先學習唔好再諗呢件事, 因為愛情唔係生命的全部, 學習愛自己多些. :wink:

私人傳訊

evalopk

伯爵府

積分: 15442

56^#

發表於 04-12-31 13:54 |只看該作者

Re: 點解佢要咁對我呀???? 有冇人可以話我知??

我都想返去呀..但係我又怕如果我搬返去, 佢到時走去同個女人住咁點算呀??? 話晒而家佢地都唔係晚晚可以一齊吖...我搬返去咪比佢一個動力同個女人住...而家佢返到屋企都仲會有張bb床同我d野起度, 希望可以提醒佢佢係一個有老婆同仔既人啦...又或者佢唔比錢供樓...咁點呀?? 我真係冇能力供呀!!!!!!!

私人傳訊

東京mewmew

大宅

積分: 2072

57^#

發表於 04-12-31 16:10 |只看該作者

Re: 點解佢要咁對我呀???? 有冇人可以話我知??

Dear evalopk,

你都係唔好諗咁多啦, 因為我地都唔知你實際既情況係點樣, 你自己要諗清楚先做決定囉!

加油呀, 無論情況變成點都好, 我地bk D媽咪都會支持你架, 放心啦

私人傳訊

catmimi

別墅

積分: 672

58^#

發表於 04-12-31 23:22 |只看該作者

Re: 點解佢要咁對我呀???? 有冇人可以話我知??

evalopk,
看完你的事, 我很想說下, 其實我都有相似經歷, 不過我同他只不過打算結婚, 早一晚仲好sweet看戲, 吃飯, 第日他就話分手, 問他點解又話唔知, 問他想點又話壓力大, 我哭得死去活來, 他說分開後好自由, 我求他唔好走也沒有用, 所以現在你要同我一樣愛自己多一點你仲有埋bb 要照顧, 一定要好好愛惜自己至於個男人唔好理他他要分手咪由得他, 他根本不重要

私人傳訊

Hellomummy

大宅

積分: 3024

59^#

發表於 05-1-1 00:59 |只看該作者

Re: 點解佢要咁對我呀???? 有冇人可以話我知??

evalopk 寫道:
而家佢返到屋企都仲會有張bb床同我d野起度, 希望可以提醒佢佢係一個有老婆同仔既人啦...

[size=x-small]evalopk,

你咁諗都有d道理, 其實真係清宮難審家庭事既, 最重要你識愛護自己, 千萬不要自憐, 咁你先有能力去面對將來, 凡事作最壞打算, 無論發生什麼事, 到時便較易面對, 千祈唔好要生要死, 回頭看其實好少事咋, 人生苦短, 生存已經是很難得了, 且看看海嘯中的人......

祝身體健康, 新年幸福!!