其實好嘢多積少成多積埋的，最後一次吵係因為個保姆唔得閒有一個上午唔可以照顧囡囡，之前我已經因為個囡經常請假，而且果時係旺季，所以我請唔到假，而c6佢仲有AL未放，只係一個上午，我叫C6請半日假湊女，C6話到時先算，我話唔到一定要畀答案我，咁C6就話佢會攪掂，原來係搵99幫手，因為之前搵過99幫手，已經多多說話聽，今次99又再有說話聽，一時又話湊唔掂囡囡，一時又話要搵隔離屋個師奶幫手，一時又話辛苦。當時我仲要單獨同99交收個囡，之前試過返工99唔知要拎D乜嘢畀我，我係咁等佢，佢遲到又唔聽我電話。攪到我要搭的士。所以今次我好堅持老公自己同99交收囡囡(但老公係早好多出門口，99亦無可能咁早接囡囡)，C6話佢會安排。
咁吵大獲當日，我已經同C6講我好攰唔想上99度，C6拍心口話會幫手湊女，係都要我上去，點知上到去，C6自己走咗去瞓，得我湊住囡囡，咁隻99又問我保母休息果日點，我話C6會安排。跟住99拍醒C6問，
99：「喂！你老婆叫我問你果日點?」
C6：「你哋兩個攪掂咪得囉，x太又話幫手！」
我：「你唔係請半日假幫亞媽手咩！」
C6：「唔洗請啦！x太同亞媽攪得掂啦！」
我：「咁你都要幫手抱個女，果日我公司有嘢做要早d返！」
C6：「咁你幾要幾點？」
個問題係我唔想單獨對住99，亦唔知99會點對我。
我：「囡囡唔肯行要抱，你無理由叫x太抱上來吧！」
C6：「你唔好理，佢哋攪得掂就得。」
我：「咁個囡你都有份的，你可唔可以唔好咁唔負責」
C6：「我點唔負責任，我都搵咗亞媽幫手，你仲想點。」
前提我講明會唔同佢亞媽單獨見面，而佢話會處理。跟住兩公婆嘈起上來。
99：「你哋要嘈返你哋屋企嘈，唔好係我屋企嘈。」
99指住我鬧：「我都答應幫手，你仲想點，做女人就係要蝕低，你一d都唔體諒你老公，少少事都嘈…」
我第一次係99面前同c6嘈，佢唔勸交仲淨係指住我來鬧，
我：「我點唔同你個仔捱，點唔體諒佢，我現在又要返工又要湊女仲要畀家用佢的。」
99：「做女人係要咁，個個女人都咁為頭捱，係你先會嘈嘈閉咋」
我：「係你個仔答應我d嘢反口，佢一d都唔辛苦，一句辛苦有壓力就乜都唔理唔做。係佢話要生個女的，咁女出世咁耐，沖涼 / 換片 / 餵奶一樣都無做過，得閒就話要去街。」
99：「咁佢做嘢辛苦，你咪畀佢去玩下囉！」
我：「佢要玩，佢辛苦，咁我呢！」
99：「你唔好咁大聲同我講嘢，我有心臟病，你係唔係要激到我入醫院…」
佢唔講由至何，一講把鬼火，佢之後講咗好多難聽的說話，我已經唔記得。不最後佢話唔當我新抱，我亦唔同佢係99。
.
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
