影視娛樂 今日: 1 | 主題: 16119

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

41^#

發表於 11-9-23 09:17 |只看該作者

關仁隱事：「扮型哥」醒覺唔擺款
2011年09月23日
大婆台「扮型哥」拍咗套扮型電視劇後就上咗位，之後仲一條龍拍埋扮型哥電影，當時「扮型哥」爆紅，人人都爭住搵佢做訪問，工作量當然係有增無減啦，搞到「扮型哥」飄飄然，以為自己真係升上神枱，要風得風要雨得雨，出到嚟就以為自己係一哥，對住班傳媒扮晒大哥，搞到神憎鬼厭，班記者仲私底下將佢列入黑名單，冇乜嘢都唔會驚動呢位大哥，「扮型哥」眼見越嚟越少記者埋佢身先知驚，加上人氣係咁跌，佢就即刻唔再扮型，家出到嚟就唔再擺款，仲有講有笑，班記者先肯幫手同佢做訪問咋，梗係啦，如果再繼續得罪傳媒，佢都幾難繼續再「扮型哥」落去囉。

「扮型哥」= Laughing

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

42^#

發表於 11-9-27 10:56 |只看該作者

關仁隱事：「綠色雀仔」臭四亂掟嘢
2011年09月25日
三級女星「綠色雀仔」拍咗部票房好嘅電影後就上晒腦，以為自己好紅，係華人女星之光，其實佢喺香港一啲都唔紅，不過佢就好好彩可以趁住個勢返祖國賺人仔。
大鬧片場
關仁不停聽聞綠色雀仔性格乞人憎，佢最鍾意叫助手電話騷擾記者，強迫要人喺報紙吹捧佢，人哋見你咁差當然唔鬼理你。綠色雀仔喺鏡頭後都係人見人憎，話說佢上年拍三級片時大鬧片場，搞到台前幕後杯葛佢。關仁最睇唔過眼係綠色雀仔發化妝師脾氣，佢將人哋個化妝掃丟落地下，好似當人乞兒咁。

點評

blink_blink 綠色雀仔 = 藍燕佢拍套三級片= 3D肉蒲團

發表於 11-12-3 17:26

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

43^#

發表於 11-9-27 10:57 |只看該作者

關仁隱事：「草紙」發姣黐老泥
2011年09月25日
世紀公關女星「草紙」一向中外男星通殺，早排佢喺北京撞番向來嗒糖嘅「老泥」，即時發姣發出面，又拖手又蹺手。關仁聽北京啲朋友講，話草紙喺 VIP房仲狼死，全晚霸住老泥一對一傾偈，仲成個人挨晒落去。草紙熱情如火，老泥拍戲時已經見識過，最搞笑係有大會攝影師喺 VIP區影嘉賓，唔知就裏想行埋去影相，草紙即時半秒內醒番。草紙助手都見慣老細醜態，即時叫停攝影師，費事老細失儀樣出街。

「草紙」= 章子X
「老泥」= Leon

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

44^#

發表於 11-9-27 10:58 |只看該作者

關仁隱事：「數字小姐」被照肺
2011年09月25日
三色台呢輪湧現逃亡潮，好多小生花旦諗住約滿鬆人，董事局見到走完一個又一個，終於叫咗「數字小姐」上去照肺，大飛高層好大火氣咁噴佢，勒令佢要阻止呢個情況，如果唔係，聽嚟佢都幾勢危，因為新老細其實唔係咁睇佢枱戲。其實數字小姐做嘢真係幾偏心，唔得寵嘅小生花旦怨氣冲天，只不過敢怒不敢言，家多咗幾間電視台，又有內地市場，根本唔愁出路，所以大家開始唔怕得罪佢。

「數字小姐」= 620

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

45^#

發表於 11-9-27 10:58 |只看該作者

關仁隱事：「小子」遭大石爆樽穿頭
2011年09月26日
寶島歌手「小子」唔單止風流，仲好爛飲，終於因為爛飲闖大禍。話說早排佢同一位著名音樂人去咗京城同某大電影公司老闆大石食飯，原本係想傾合作拍戲，因小子想做導演，大石當晚仲帶咗旗下一個演員小李嚟，點知小子飲多幾杯係咁講粗口問候小李，大石聽到火到嚟埋，隨便喺枱面攞起隻酒樽兜頭扑落去，結果打到小子頭破血流，然後啲隨從搵塊白布將小子成個人包實晒送去醫院。事後小子知自己唔啱在先，所以都唔敢張揚呢件瘀事出嚟。

「小子」= 小豬??

點評

samieychow 我估周x倫發表於 11-10-6 13:16

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

46^#

發表於 11-9-27 11:00 |只看該作者

關仁隱事：「心水清」口沒遮攔
2011年09月27日
喺神經界好出名嘅「心水清」，最近幫富家子「有大志」主持嘅節目做嘉賓，心水清上至神經界下至演藝界乜都講到一大餐，相當健談。不過，話說心水清越講越興奮，喺節目中講咗好多足以俾人告到甩褲嘅言論，例如主持有大志問心水清對於有人自稱炒股票賺到掃咗幾間豪宅點睇，心水清就好不屑咁話冇可能，然後又口快快咁話：「不過，呢個世界係笑貧不笑娼嘅。」嚇到有大志同現場班工作人員 O晒嘴。雖然心水清呢番說話好抵死好好笑，個個都認為出街嘅話一定好爆，但聽聞有高層擔心會構成誹謗，所以最終都將呢句說剪走咗。

「心水清」= ??

點評

CBBCBB 係青姐，佢up得就up，好勇

發表於 11-10-11 17:32

小路係咪c浩呀？發表於 11-10-5 13:06

很想知道，追夢的人是如何踏出第一步?

私人傳訊

積分: 572

47^#

發表於 11-9-27 12:49 |只看該作者

22May 發表於 11-9-27 10:56
關仁隱事：「綠色雀仔」臭四亂掟嘢
2011年09月25日
三級女星「綠色雀仔」拍咗部票房好嘅電影後就上晒腦，以 ...

藍燕??

私人傳訊

積分: 572

48^#

發表於 11-9-27 13:01 |只看該作者

22May 發表於 11-9-27 11:00
關仁隱事：「心水清」口沒遮攔
2011年09月27日
喺神經界好出名嘅「心水清」，最近幫富家子「有大志」主持嘅 ...

心水清--粱X浩??

有大志--王X誌??

點評

22May 勁!! 發表於 11-9-27 14:37

私人傳訊

琛媽

水晶宮

積分: 67175

49^#

發表於 11-9-27 19:56 |只看該作者

22May 發表於 11-9-27 11:00
關仁隱事：「心水清」口沒遮攔
2011年09月27日
喺神經界好出名嘅「心水清」，最近幫富家子「有大志」主持嘅 ...

心水清= 財經界盲青

生得積極, 老得開心
病得舒服, 死得安樂

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

50^#

發表於 11-9-28 10:05 |只看該作者

關仁隱事：「歌女」甩搶機執身彩
2011年09月28日
「大地歌女」同「搶機」雖然分咗手好耐，但佢哋一直都唔認戀情，即使當年佢斷正夜闖「搶機」屋企，但係佢哋照舊否認，講真家歌女有個老外男友，關仁都好戥佢高興，亦慶幸佢走出「搶機」嘅魔掌，唔講唔知公仔箱啲男藝員好多都有暴力傾向，唔好睇「搶機」外表斯斯文文咁，但其實都鍾意郁手郁腳，佢同歌女熱戀時，就因為唔滿意歌女成日性感打扮，除咗出口辱罵外，仲將佢成個掟落梳化，搞到歌女手瘀腳瘀，當時愛得癡纏嘅歌女仲對佢死心塌地，後尾分咗手，「搶機」都好想食回頭草，但係歌女見過鬼都怕，加上身邊好友極力阻止，「搶機」先復合無望咋。

「大地歌女」= 官X娜
「搶機」= 唱K

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

51^#

發表於 11-9-30 09:44 |只看該作者

關仁隱事：「外星人」放風冇人理
2011年09月29日
「外星人」成日擺出一副音樂人嘅模樣，同佢另一半「收皮」一樣，講到自己只係想做好音樂，唔多恨見報，其實私下係兩個樣。先講收皮，之前開學好多星爸同星媽成為追訪目標，收皮訪問時竟主動漏口風會湊仔返學，可惜講到出口都冇記者理。至於外星人最近就效法「漁夫」，組隊走去打籃球，因為漁夫隊球隊之前參加親比賽都有記者採訪，關仁聽到唔少圈內人都笑外星人，指佢有樣學樣諗住吸引傳媒，仲成日喺網度透露嚟緊會喺邊度打波，只可惜放晒風一樣冇人理，不過，就算冇得見報，有機會做做運動，點計都對健康都有好處，絕冇蝕底。

「外星人」= 張X聰
「收皮」= 謝安皮
「漁夫」= 漁文樂

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

52^#

發表於 11-9-30 09:48 |只看該作者

關仁隱事：女人 C撩人砌車
2011年09月30日
藝人對住鏡頭一個樣，私底下另一個樣就係人都知，始終現實同鏡頭有差別唔係親眼見唔會信。好似組合《東南西北》個女人 C咁，平時見佢斯斯文文講嘢陰聲細氣，熟佢嘅記者都話佢好有禮貌。但係有朋友同關仁講，試過有次佢開住架日本錢七停喺燈位前，冇幾耐就見到一架名車波子 BOXER停正喺旁邊，個朋友發現就係開完演唱會冇耐嘅女人 C，見到明星望多兩眼都好正常，你有禮貌咪笑下，唔鍾意表情都得。但係女人 C就用好挑釁嘅眼神望咗我朋友一眼，之後仲不停狂踏空油架跑車就發出怒吼聲，好似撩人砌車咁，交通燈轉綠燈，女人 C架車完全發揮佢跑車威力一支箭咁去咗。

《東南西北》= 中發百 = 福祿壽??
女人 C = C捷??

點評

newrayt9 甲乙丙=abc? 發表於 12-1-13 15:11

wong2323 女人=娘,C=丙,娘丙呀~ 發表於 11-10-20 22:36

samieychow 我想問點解c = 炳呢? 發表於 11-10-3 15:00

很想知道，追夢的人是如何踏出第一步?

私人傳訊

積分: 572

53^#

發表於 11-9-30 13:00 |只看該作者

開完演唱會冇耐嘅組合《東南西北》=BIG FOUR??

點評

22May 娘炳?? 發表於 11-9-30 14:16

22May 咁邊個係"女人C"? 發表於 11-9-30 14:06

私人傳訊

積分: 572

54^#

發表於 11-10-2 23:59 |只看該作者

回覆 samieychow 的帖子

我估係蘇X康
因為佢有首歌叫<男人不該讓女人流淚>
咁<女人流淚>==女人CRY==女人C??

唔知係咪呢?

點評

22May 女人 = 娘
c = 炳發表於 11-10-3 10:35

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

55^#

發表於 11-10-3 09:25 |只看該作者

關仁隱事：「星姐」人前人後兩個樣
2011年10月02日
公仔箱近年經常有甘草演員上位，佢哋年紀有番咁上下，又經歷過風浪，大部份都收晒火，好好脾氣。不過，關仁聽聞，因為演奸角出色而上咗位嘅「星姐」，表面對後輩和顏悅色，但其實佢份人腌尖又聲悶。

恃老賣老
有傳星姐曾狂恰長輩「結他姐」，原來真有其事，星姐平時講嘢句句有骨，唔怪得佢演奸角咁鬼入戲，關仁覺得佢都係做番自己。星姐唔單止唔敬老，對待後輩就更恃老賣老，關仁聽聞佢喺電視台成日指生晒，台前幕後兩個樣，變臉功夫好到家，所以話老戲骨嘅演技，真係爐火純青。

「星姐」= 心姐
「結他姐」= 琴姐

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

56^#

發表於 11-10-3 09:26 |只看該作者

關仁隱事：「雞仔聲」個唱滯銷唔識死
2011年10月02日
「雞仔聲」出道以嚟都係賣聲唔賣外表，但係靚聲唔代表一定有埋「色」同「藝」，唔怪得關仁聽聞佢嘅處女大型演唱會，啲飛去得麻麻哋，咁又係，平時雞仔聲出嚟表演，多數都係企戙戙唱歌，勁歌熱舞同性感造型統統欠奉，唔通啲觀眾去到紅館只係聽你把靚聲咩？不過雞仔聲似乎畀身邊吹捧嘅聲音蒙蔽咗，完全唔知個唱反應麻麻，仲以為自己好掂，向公司要求多多，真係唔識死。

「雞仔聲」= 王苑之

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

57^#

發表於 11-10-3 09:27 |只看該作者

關仁隱事：「省鏡」省鏡出手擋老公桃花
2011年10月02日
「省鏡」多得老公「硬硬」帶挈，雖然發福咗，都仲有唔少靚衫贊助。省鏡亦有做 facial嘅贊助，間舖仲唔介意招呼埋硬硬，咁省鏡梗係要益埋老公啦。不過，硬硬試過去間舖接過省鏡幾次，但每次都畀啲女員工包圍，又影相又簽名，實在太受歡迎。省鏡見老公畀女圍，就有啲醋意，為免麻煩，省鏡就叫硬硬去另一間有男賓部嘅美容店做 facial，寧願畀錢人賺。

「省鏡」= 靚靚
「硬硬」= ChiLam

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

58^#

發表於 11-10-3 09:28 |只看該作者

關仁隱事：「木頭」全副身家交醋妻
2011年10月03日

功夫巨星「木頭」真係好愛兼好敬畏佢個明星老婆「嗱嗱」，因為嗱嗱一向醋意好大，所以木頭接戲都要事先聲明唔可以同女主角有太親密嘅對手戲。有次木頭為部戲出嚟宣傳，女主角「小詩」影大合照時想搭住木頭膊頭影相，點知木頭即刻縮開走去另一邊，搞到小詩好尷尬；事後小詩同電影公司老闆娘投訴，老闆娘都有鬧鬼木頭唔應該令小詩咁難堪，木頭就解釋話：「上次我出席活動，俾個女星攬住膊頭影咗張相，老婆就執嘢離家出走，我唔敢再試多一次！你都知我成副身家俾晒老婆管，我平時一個仙都冇，如果老婆走佬，我就一無所有。」

「木頭」= 甄子丹

點評

samieychow 我都覺得似係話李x杰, 佢老婆利 X 英文名 Nina =「嗱嗱」發表於 11-10-6 13:24

小路我覺得似係話李x杰喎！發表於 11-10-5 13:13

很想知道，追夢的人是如何踏出第一步?

私人傳訊

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

59^#

發表於 11-10-4 09:17 |只看該作者

關仁隱事：「旺氣」嬲爆假姐
2011年10月04日
「旺氣」早排同人吐苦水話有朋友見利忘義，關仁聽聞佢所指嗰個人係公仔箱高層「假姐」，話說假姐以前好錫旺氣，開親劇都會預佢做男豬腳，每次旺氣工作上遇到啲唔開心嘢，假姐都會幫旺氣出頭。但係自從舊年「大師」出事之後，假姐對旺氣嘅態度就 180度轉變。
假姐呢一年除咗搵旺氣拍《日日落雨》之外，成年開劇竟然冇一部預旺氣，其間旺氣投訴喺《日日落雨》行行企企，假姐都冇出聲理佢，之後公仔箱高層要同旺氣提前解約，假姐竟然冇反對亦冇挽留，令旺氣嬲爆假姐。之前有傳假姐喺大師出事之後，投靠大師死敵「坐唔安」陣營，所以假姐亦放棄旺氣囉。

「旺氣」= 王喜
「假姐」= 珍姐

很想知道，追夢的人是如何踏出第一步?

私人傳訊