回覆 rainbow_ME 的帖子
樓主: 盡量幫下佢啦，性格軟弱都係天生既，佢都唔想，我好同情呢種女人，小時候，我家附近有個姨姨，佢又係帶住個仔成日比老公打，外家因為冇人冇物，聽我媽媽講，佢又冇做野，個仔同佢都要靠個老公養，間唔中夜晚都聽見佢老公打佢，睇見佢都係成日好驚佢老公，佢走過，比佢老公打得更慘，又見過有一次我媽媽同幾個鄰居走過去同佢老公嘈話佢打老婆，搞到警察去過佢屋企，警察走後打得更慘，我細個時聽到個叔叔打老婆我就好驚，我阿媽話都冇辦法，唔通我地收留佢咩，後來我升讀中學之後我搬走左，事件發展到點，我就唔知道，不過，要知道，香港呢個咁細既地方，住屋係一個最大既問題，個女人冇經濟能力，可以走得去邊，就算報左警，講真，政府都冇地方比呢D受害者住，佢地帶住個仔，點去搵食，睇在個仔份上，比呢D賤臭男人打到變多邊形連想幫佢既人都無能為力，想返起果個姨姨，我一直在想佢夠竟佢而家生活係點，幸福真係唔係必然，我地既然擁有幸福，可以做得幾多得幾多囉。
魚說：「你看不見我的淚水，因為我在水中....」 水說：「我能感覺到你的淚，只因妳在我的心中」 ...
發表於 
返回列表
