吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我與C6又名Bruce Wayne的崎嶇之路（全篇完，多謝） ...

夫婦情感今日: 0|主題: 42806

收藏本版

發帖

返回列表

跳至頁

樓主: oguh

我與C6又名Bruce Wayne的崎嶇之路（全篇完，多謝）

1 234 5...37

積分: 20685

41^#

發表於 12-7-29 00:19 |只看該作者

好似返回讀書時追睇小說既感覺 ~

點評

kin818kin

發表於 13-2-6 12:56

MYbbzone

發表於 12-7-31 15:25

私人傳訊

mmu

男爵府

積分: 5956

42^#

發表於 12-7-29 00:22 |只看該作者

回覆：我與C6的崎嶇之路（長）

私人傳訊

sonssons

男爵府

積分: 5067

43^#

發表於 12-7-29 00:22 |只看該作者

回覆：我與C6的崎嶇之路（長）

私人傳訊

mandelicious428

子爵府

積分: 13914

44^#

發表於 12-7-29 00:28 |只看該作者

回覆：我與C6的崎嶇之路（長）

超好睇！

私人傳訊

ahlum

大宅

積分: 1002

45^#

發表於 12-7-29 00:46 |只看該作者

回覆：我與C6的崎嶇之路（長）

私人傳訊

bb_song99

禁止訪問

積分: 3766

46^#

發表於 12-7-29 00:54 |只看該作者

回覆：我與C6的崎嶇之路（長）

提示: 作者被禁止或刪除內容自動屏蔽

私人傳訊

fafacat

男爵府

積分: 6375

47^#

發表於 12-7-29 00:59 |只看該作者

All is well ends well.

Do not count your days down!

私人傳訊

Janice_mamama

別墅

積分: 1000

48^#

發表於 12-7-29 01:01 |只看該作者

回覆：我與C6的崎嶇之路（長）

跟住呢？

Make a pregnancy ticker

私人傳訊

zuzu888

子爵府

積分: 12305

Poo得好勳章瞓得好勳章開心吸收勳章美好大世界2017勳章 Xmas吸收勳章好媽媽勳章畀面勳章

49^#

發表於 12-7-29 01:10 |只看該作者

回覆：我與C6的崎嶇之路（長）

冇啦

等你

私人傳訊

carolyan882

子爵府

積分: 10831

畀面勳章 BK Milk勳章

50^#

發表於 12-7-29 01:13 |只看該作者

留位, 好睇, 我覺得好浪漫呀! 好似偶像劇情節...

私人傳訊

oguh

子爵府

積分: 11575

51^#

發表於 12-7-29 01:15 |只看該作者

本帖最後由 oguh 於 12-7-29 11:22 編輯

第四節：

係MA論文完成後至畢業禮期間，都有大半年近9個月既時間，呢段時間我係佢公司做野，邊做邊學，由於全部人都已經好熟，大家都互相信任好似另一個family咁，工作上真係有好大滿足感。

呢段時間，C6公事上一直做野都好大壓力，而佢越辛苦，就玩得越勁；佢同D客同埋其中一個partner真係花天酒地，公司同事都有講我知佢地D野，有時我當佢始終都會返屋企，我都算，除左去俄羅斯果次，佢點玩都會返屋企，不過可能已經係清晨5點。

當然我會好唔開心，但佢都有對我好好既時候，佢會同我搞好特別既生日party，會攬住我跳舞唱歌，佢知我鍾意art，佢病住都扮無事陪我去行museum，佢知我鍾意狗，特登去同我領養左一隻狗，但佢本身唔鍾意，因為怕整爛屋企D傢具，佢D珍藏designer chairs；一諗起佢對我既好，我就繼續落去，就算佢飲到嘔晒咁返來，我咪幫佢抹身清理。有時候，諗返當時雖然未結婚，但感覺已經好似係佢老婆咁。

畢業禮前一星期，我父母從香港過左來，佢工作更忙，但都有陪我地食下飯，第一次見家長，我爸男人睇男人好準，已經知佢個底係點，非常之唔鍾意佢，一直都無咩對話，而我媽就做好人，同佢保持友好對答。本來事情都一切順利，直到佢出事果晚，佢朋友打比我話佢入左邊間醫院，我飛車去到，佢朋友驚到面都青晒，成個人都震晒，反而我好冷靜咁問佢發生咩事，佢OD係急症室急救緊。果一刻我仲見到有兩個女人係度，都係一臉驚慌，我知佢地就係平時C6玩開果種女人，一睇就知，我行過去同佢地講，我係佢女友你地可以走，有咩事你地都唔需要知，以後都唔好再見。

諗返，完全唔知自己點解果一刻咁冷靜，又咁串。佢地無癮走左，後來知度C6無事，我連睇都唔去睇去，一路都好冷靜咁無講野離開左醫院。返到屋企已經係清晨，當日就係我畢業禮，我成晚無瞓，個人好亂，但我知我唔可以比我父母知，我點都要做戲捱埋呢一日，所以，當日畢業禮成為我人生中最感觸、最混亂既一日。

我一早去到父母酒店會合，到畢業禮，面對大學中所有同學、教授，同每個人、每個朋友social，到所有儀式、程序完結，然後同父母食飯，送佢地返酒店，我一直都係保持同平時一樣，父母問C6去左邊，我話佢工事太忙來唔到，我全日都交足戲，直頭覺得自己係oscar最佳女主角！無人發現我有唔妥。

但我全日個心都好似爛左一樣，粉碎左一樣，撕開左一樣，直到送完父母返酒店，我終於獨處，我一個人係架車裡面，崩潰喊喊喊喊喊，喊到抖唔到氣，覺得真係要到此為止。點解，點解我咁辛苦去完成一D野，但之後竟然被你一手輕鬆破壞晒，你破壞左一段關係、我對你既信任、我地所有感情，仲破壞埋我既人生，你令我覺得生無可戀，一齊都係無意義，包括我當日得到的MA Hon，呢幾年一切都無意思，你令我呢幾年既生活成為笑話。

由於心死，我無再理佢。我打比佢朋友，得知佢無事，我就唔去醫院睇佢。佢幾日後出院自己返到來屋企，佢可能知衰，期間一直唔敢打電話搵我。佢返到來，我即刻同佢講，我地要正式完喇。我已經執晒野準備離開，但都想面對面同佢講。當時佢呆左，完全無反應，佢問我係咪真係要完結，我肯定咁講係，佢就無再出聲，無挽留我。當時我覺得，咁都好，大家爽快D，唔好婆婆媽媽。而無論我幾傷心都好，都唔會係佢面前表現出來。

就係咁，大家好冷靜之下，第一次分開。我返香港，準備係香港工作，重新開始生活，但我只係帶住一個驅殼，感覺唔到自己存在，我記得，離開當日上機，知道自己短期唔會再返英國，終於結束多年在英國的生活，我喊到停唔到。（續）