吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我與Bruce Wayne的大鑊婚禮（完，多謝）

夫婦情感今日: 0|主題: 42737

收藏本版

發帖

返回列表

跳至頁

樓主: oguh

我與Bruce Wayne的大鑊婚禮（完，多謝）

[複製鏈接]

1 234 5...28

426

oguh

子爵府

積分: 11575

41^#

發表於 12-7-31 17:29 |只看該作者

第二節：

兩個人結婚，唔係象徵左，兩個人從此由”I”變成”we”、由“me”變”us“嗎？不是所有事情都是一齊去相討、一齊去處理嗎？不是以「一個家庭」為主嗎？正常人都係一齊揀晒日子同地點，大約個婚禮theme係點，然後先去行動吧？唔知我呢個想法有無錯，有錯請大家更正。

我同Bruce只係大約定左邊一年既年中結婚，未有確實日子，未有實在theme，未有真實問過我父母（Batmom唔洗問，當時Bruce仍未決定會否請佢媽來）。我只係某一日，同佢係Skype度，講過下：「上次我去XXX個婚禮，係郊區一個barn搞，周圍都係樹林、草叢，感覺真係幾好幾舒服。」

然後，Bruce將「郊區」「barn」「樹林」記入腦海中，我係香港工作上忙到反肚時，佢係英國果邊，自己一個自作主張，靜雞雞決定左個場地係邊。有一日佢Skype問我，幾時放假過去英國，去「睇下個場」。

我問：「睇咩場？」
佢：「去睇我公司annual party個場地......緊係睇我地婚禮個場地啦！仲有咩場！」
我：「我地婚禮個場？」
佢好得戚咁話：「我搵到一個好好既地方，你一定會好鍾意。」
我：「哦，咁叻，係邊度架？多唔多人搶住book架？」
佢：「係XXXshire，係郊區，倫敦搭車過去最快都要兩個鐘，無其他人同我地爭，你放心啦。」繼續非常得戚。
我：「咩地方來架？」我開始質疑。
佢：「係個舊農莊來架，有XXX畝咁大，有間石屋，附近有間小教堂，後面有個大森林，風景好靚，perfect地點呀！咁難搵都比我搵到，你知唔知呢D荒廢農莊又咁好風景好少有人賣。」
我淨係聽到「農莊」，都未留神：「肯定係有人幫你搵，你自己坐係度咩都唔洗做啦......乜荒廢左架喇？咁即係點？我地點用個場？」
佢：「唔知呀，到時再算啦。」
我：「荒廢左又有得出租？」我仲未清醒。
佢：「No no no no no...你誤會左，唔係租架，我買左架。」

買左？

佢繼續得戚話：「買左架喇。」
我即刻問：「用左幾多錢買？」
佢回我一個數。

咩事呀你！！！！！！！！！！！！！！！！！！！！！！！！！

當時我係屋企，跳左起身，對住個電腦大叫：「BRUCE WAYNE!!!!!!!!你係咪痴左線？？？？？？？」

然後下删無數英文粗口鬧鬧鬧，我只係記得我嬲到震，不停鬧佢，點解你係我地咩都未confirm時，竟然自己買左個農莊！完全無同我相討過！完全無！問都無問我，係咪有病！你係咪當我死架？鬧鬧鬧鬧鬧，我記得好未試過咁大聲鬧人，直頭嘈醒左我父母，佢地敲我房門問我咩事，我話無事，同條cheap佬嘈交，好平常，無事。安撫父母返去瞓之後，我收左Bruce線，完全唔想同佢講野。嬲到我自己不停打枕頭。

我遲D就要嫁比呢個癲佬，係咪真係要嫁？依家反悔得唔得呢？

第二日瞓醒，收到佢既email，但唔係同我say sorry，反指責我做咩咁大反應，同埋解釋佢買左個農地既原因。

佢意思大約係，佢知我係香港太忙，工作壓力好大，唔想我煩，所以佢諗住自己搞晒，我就可以煩少一樣野。同埋佢乘機同我講，話買一個小農場係佢由小到大既心願，佢一直都好想將一片荒地，根據天然環境去改建，然後我地放假可以一家大細去度假，甚至講到退休歸園田居，又講到佢有幾咁鍾意大自然，果度又幾咁靚......你真係痴線架我心諗。

我覆佢話，咁個農莊荒廢左，要修築咁係咪你負責搵人去整？佢話，工程已經開始左喇。

OK, fine。或者聽日我會突然收到通知，原來你幫我註埋冊，結左婚我自己都唔知添。

我嬲到忍唔住同爸媽講左成件事始末，我怕我無問過佢地意願，Bruce就自己已經私自決定。爸媽反而覺得無咩野，仲叫我唔好嬲咁耐啦，難得佢咁熱心搞，由佢搞啦，你係香港做野仲辛苦唔夠咩。

就係咁，我地開始各自各搞我地既婚禮，非常無默契、無共識地進行，見步行步。（續）

點評

ahMeow LOL better then my c6, didn't help at ALL 發表於 12-8-1 08:03

私人傳訊

hikiki

大宅

積分: 4013

減齡達人勳章

42^#

發表於 12-7-31 17:29 |只看該作者

回覆：我與Bruce Wayne的大鑊婚禮

十卜

私人傳訊

AllisonFu

大宅

積分: 1570

43^#

發表於 12-7-31 17:31 |只看該作者

Bruce 真係好搞笑

私人傳訊

princessally

子爵府

積分: 11603

44^#

發表於 12-7-31 17:35 |只看該作者

引用：Quote:cornmimi+發表於+12-7-31+15:37+還有

原帖由 oguh 於 12-07-31 發表
其實我都唔知佢程度係點，報紙佢未必睇得明晒，但佢會guess到大約係點，同埋廣東話佢識講識聽，佢用廣東話 ...

原以為今日會好失落，因追完個結局篇，點知下午就有驚喜！你個「腸粉／粉腸」故事真係笑C人呀！我係地鐵自己一個係咁笑，人哋以為我儍咗！

私人傳訊

ggoo

男爵府

積分: 5074

好媽媽勳章

45^#

發表於 12-7-31 17:37 |只看該作者

真是好精彩.

私人傳訊

SUMSUMCHU1007

複式洋房

積分: 354

46^#

發表於 12-7-31 17:38 |只看該作者

回覆：oguh 的帖子

留位呀，有個咁浪漫老公，就是好到不得之了，追追追

點評

kawai120 a gd husband 發表於 12-8-14 11:59

私人傳訊

mmu

男爵府

積分: 5952

47^#

發表於 12-7-31 17:48 |只看該作者

回覆：我與Bruce Wayne的大鑊婚禮

私人傳訊

thinkpositive

大宅

積分: 2580

48^#

發表於 12-7-31 17:52 |只看該作者

回覆：我與Bruce Wayne的大鑊婚禮

Bruce啲suggestion好正，笑死我

男人就係咁㗎啦，有時佢以為自己做得好為了你，其實好心做壞事。但佢都係想你開心啫

私人傳訊

培根

男爵府

積分: 6993

49^#

發表於 12-7-31 18:02 |只看該作者

好誇張啊,買左個舊農莊

不過個wedding一定好浪費

私人傳訊

TeddyMaMa

別墅

積分: 777

50^#

發表於 12-7-31 18:16 |只看該作者

留位先

私人傳訊

cm2_dolphin

子爵府

積分: 12104

51^#

發表於 12-7-31 18:28 |只看該作者

回覆：我與Bruce Wayne的大鑊婚禮

腸粉好笑

support

私人傳訊

梅媽媽

伯爵府

積分: 19931

畀面勳章環保接龍勳章

52^#

發表於 12-7-31 18:30 |只看該作者

回覆：我與Bruce Wayne的大鑊婚禮

佢其實真係一個好值得你愛既人。

私人傳訊

glorialip

禁止訪問

積分: 3212

好媽媽勳章

53^#

發表於 12-7-31 18:35 |只看該作者

回覆：oguh 的帖子

提示: 作者被禁止或刪除內容自動屏蔽

私人傳訊

Luv-em

子爵府

積分: 14880

玩具勳章冬日勳章畀面勳章

54^#

發表於 12-7-31 18:35 |只看該作者

回覆：我與Bruce Wayne的大鑊婚禮

我睇到＂你條腸粉＂，我係巴士度笑左出黎。你地好sweet，睇左2個帖，好想認識你地

私人傳訊

tired

珍珠宮

積分: 30410

55^#

發表於 12-7-31 18:35 |只看該作者

回覆：我與Bruce Wayne的大鑊婚禮

我反而覺得Bruce好傻氣，好真好可愛

私人傳訊

qq媽媽咪

珊瑚宮

積分: 120315

母親節2025勳章 2025勳章蛇年勳章 2024年龍年勳章 2018復活節勳章開心吸收勳章好媽媽勳章 BK Milk勳章

56^#

發表於 12-7-31 18:43 |只看該作者

私人傳訊

皇后駕到

子爵府

積分: 12664

57^#

發表於 12-7-31 18:52 |只看該作者

回覆：我與Bruce Wayne的大鑊婚禮

Bruce 好搞笑!

私人傳訊

愚妹妹

公爵府

積分: 29436

2018母親節勳章 Poo得好勳章笑得好勳章瞓得好勳章開心吸收勳章最關心BB問題熱投勳章認識瑞士牛牛第三回認識瑞士牛牛第二回認識瑞士牛牛第一回叻叻勳章 wyeth冷知識勳章 BK Milk勳章 DHA勳章育兒性格勳章

58^#

發表於 12-7-31 19:03 |只看該作者

回覆：我與Bruce Wayne的大鑊婚禮

Bruce 係醒喎！先學我哋既slang

私人傳訊

hakathyha

大宅

積分: 3552

59^#

發表於 12-7-31 19:20 |只看該作者

留位

私人傳訊

oguh

子爵府

積分: 11575

60^#

發表於 12-7-31 19:24 |只看該作者

第三節：

我由細到大，對婚姻無咩憧憬，唔係果種「我要著長長婚紗，行入教堂，然後同我既王子結婚生仔」既人，我無呢D憧憬，亦無幻想過自己婚禮係點、婚後生活又係點。讀寄宿學校令我成為一個好獨立既人，任何事都係靠自己一手一腳去處理，即使病，我都可以照顧到自己。我反而係一個實事求事既人，諗野現實，任何事我只想簡單，隨緣。

同Bruce結婚，係因為真係想確應對方為日後終生伴侶，一世相隨，永遠對對方忠誠，就係咁簡單。

但呢個癲佬，令我地婚禮一開始已變成一鑊粥。

佢買農莊呢件事，佢無理我嬲唔嬲或我意見，繼續去修築佢既「夢想莊園」，咁算啦，我都無佢辦法。我自己就係香港呢邊搞香港既wedding party。期間我地都係用互相send email，比對方睇下睇左D乜呀，揀左D乜呀、有D咩plan呀，我完全無搵planner幫手，而佢應該係咁「洗人唔洗本」咁發散人幫佢手。佢對香港場地好揀擇，問我有無D郊區可以搞婚禮。我話，唔好玩啦，我地夏天行禮，香港outdoor去到三十幾度，真係中暑架。佢又死話，上次同佢去行山(西貢大浪灣）果度好靚，有Hawaii feel，問我可唔可以係果度搭個帳篷......又係要我嘔血。

之後我請假返去英國，睇下「個場」，個農場。

Bruce一早就同我出門，仲有幾個朋友一齊，佢興緻好好，同埋可能我地成日分隔兩地，其實一見面時又可以即刻好sweet。去到佢既莊園，首先我地停車係路邊，見到一間兩層石屋，好舊，修葺中。Bruce好似導遊咁介紹：「呢間屋有至少一百年歷史，之前一直係農夫住。」我地入去睇，裡面其實好細，細到只係放到兩張椅同一張大桌子，但有個好大既火爐。佢帶我地參觀完間石屋，又再帶我地向前行，前面有間比較大既白色別墅，佢又好自豪咁介紹，又話呢間屋之前住過咩人，有幾多年歷史。呢間白色屋比較大，但都殘舊，入去睇，周圍都漏緊水，勁陰森，我個心真係沉左一沉，你唔係諗住我地係度結婚呀？你唔係諗住d guests住係度呀？工程仍進行中，Bruce話，佢已經picture到第時我同佢老左，係呢度生活既景象，如果我地鬧交，佢就走去石屋瞓。

朋友們一齊參觀，當然高興，但係大家都擔心，趕唔趕得切，我都一路睇一路愁。Bruce一路帶我地行，從間屋後面出左去後花園。

見到個「後花園」一刻，我即刻明白，點解Bruce要揀呢度做場地。

所謂既「後花園」，草地範圍約一個籃球場，雜草已除，周邊有陳年沒有修葺的草叢圍住，亦種左幾棵大樹，睇得出之前住係度既人，其實係有好好打理過，只係人去樓空後，花草亂生。

而最令人心跳既係，花園以外既範圍，就係一片綠油油荒廢田園同埋樹林。

直情覺得自己去左Jane Austin既世界。

Bruce話你眼前對開既田園，都係屬於我地。

果一刻，我好冷靜咁話：「不錯。」然後自己一個走出去花園，當時仲要係春天，我完全感受到，四周草木既生氣。心底裡，我係十分激動，我呢個從來對自己婚禮無憧憬既人，竟然有一個咁夢幻既場地。之前嬲佢既事，完全忘記。

Bruce好興奮，不停同朋友們講，佢想點點點整理呢度，佢一早有晒計劃，只係佢既計劃，不止於婚禮，佢連日後度假、退休都計劃埋。真係比佢吹漲。

佢見我一個人發呆，問我覺得點。果一刻，忍唔住，人生第一次開心到喊左出黎。

佢問我，佢可唔可以騎馬出場。呢一個idea，幾開心都好，我繼續ban佢。

其後，佢同我講，其實農地Robin（Robin係Bruce哥哥，滿足佢既Batman情懷，所以用Robin呢個藝名）有份買，佢提議Robin買下，然後請人開墾返農田，自己擁有有機農田，直接送去佢既餐廳，減低佢部份入貨成本，佢地商討過計過晒數，之後佢先決定買。我估唔到Bruce佢搞婚禮者，搞搞下都搞到有商業決定。

但維修上，又的確有好多問題出現。還有之後既細節，包括請咩人來，我地都搞左好耐。（續）