popocat 發表於 13-10-5 19:49 
莫講話張曉係雍嘅得力助手，就算...粗俗d講....雍只當佢係雞，都唔會咁做！就當嗰晚一時衝動，但之 ...
張曉嘅地位已經同小年糕有分別，首先大少係唔俾小年糕去佢屋企，
第二大少為咗幫張曉改善英文話喺「家中我們說英語」，
講出「家」同「我們」都出賣咗大少，之後大少話每天都抱住人肉攬枕，
佢係想每天都跟張曉喺一齊，已經唔係果種交易下嘅情人關係。
我都好震撼作者會咁重口味，而且大部份讀者都係以四爺代入大少，
多少會將大少同四爺比甚至係代入576，想像唔到我地心目中四爺會咁，
不過四爺不是正正利用小年糕去拉攏年羹堯嗎？喺爭奪皇位上其實都未必可以乾淨得幾多，
我地只係接受唔到對心愛女人用霸王硬上弓手段，有幾個讀者話呢個張曉一D都唔張曉，
張曉會寧死不屈，其實我又唔覺得係，以前若曦可以為求生存去攀上四爺高枝（小說計），
草原上曾經大四爺，如四爺喜歡在荒野苟合都可以，雖然係想四爺未必會，
但當中不無覺醒，即使四爺真係要都無計，地位不容佢清高拒絕。
張曉跟咗大少做嘢咁耐，見到大少為人，對於大少多少有動了感情，
但因為大少感情上處理，張曉對佢始終都係不認同。
大少本質唔係壞人，佢同四爺一樣面冷心熱，愛恨絕對，
由於自細生活教育下，佢唔容許有絲豪超出佢控制之外，
感情上佢係BB班，就好似小朋友搶玩具咁，佢唔識得表達亦都覺得不必去討好，
因為身邊投懷送抱一定唔少，反而一個雲淡清風不愛錢不愛權，
又對佢不冷不熱嘅張曉至可以令佢動心，佢真係死定啦，
睇往後自己調教出嚟嘅小狐狸點樣收拾呢頭雄獅。
花旗太太生活在花旗國，留意時差，你問我未必即時答到。
發表於 
，如果之後張曉愛上雍，呢個故事就會變左色戒！好悲悽
。
，都唔會咁做！就當嗰晚一時衝動，但之後全無內疚，仲要咄咄進逼！點睇都唔似四爺同若曦
返回列表
