影視娛樂

跳至

首頁

尾頁
   144


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


581#
發表於 12-10-18 09:35 |只看該作者
關仁隱事:
「阿Man」、「肥人」私竇短敍

最近幫愛妻做騷晒恩愛嘅「阿Man」一向爛滾愛媾女,原來就連純情見稱嘅「肥人」,早年都曾經同佢有一手。聽聞肥人細個已經好傾慕阿Man嘅才華,後來肥人有機會入行,仲咁啱有機會同阿Man拍嘢,當然興奮到不得了。阿Man見肥人對自己咁嗒糖,就乘機冧掂肥人。當年阿Man同前妻未分手,而肥人本身亦有男朋友,但同阿Man相比,佢梗係冧阿Man多啲,所以當年肥人一收工就上去私竇密會阿Man。不過,呢段地下情只係維持咗好短時間就無疾而終。

「阿Man」= 阿Lam
「肥人」= 肥肥人 = Vivian Chow

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


582#
發表於 12-10-19 09:37 |只看該作者
關仁隱事:「冇雙」改造失敗

內地女星「冇雙」出道嘅時候一直都唔係賣樣,靠嘅係身材加上唔鹹唔淡嘅廣東話,經常成為笑柄都畀佢殺出一條血路。事實佢唔係靚,亦都唔算醜,睇慣都OK,呢幾年唔知係咪受大氣候影響,見人人都走去改造,佢又改埋一份,開頭都係改少少,點知越改越多,到最後簡直變成另一個人。
不過內地二五話冇雙其實係有苦衷,話說開頭佢貪得意整少少,點知手術唔係好掂搞到五官走位,冇辦法之下惟有再整去補救,變成用一個錯去救另一個錯,前前後後補咗幾次鑊咪搞成咁囉,真係有苦自己知。

「冇雙」= 彭丹

點評

muffinmama  樓主你真係估得好叻!  發表於 12-10-19 10:44
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


583#
發表於 12-10-22 09:32 |只看該作者
關仁隱事:
「大圓」反骨嫌棄好低

超級經理人「好低」捧紅過唔少巨星,不過好多紅咗就唔認人,又唔識飲水思源,喺呢個圈好多呢啲人,其實好低都應該睇化啦,但係佢好似唔明白呢個道理,話說佢一手提攜嘅「大圓」,唱歌拍劇拍電影瓣瓣都掂,喺香港雖然未上到一線,但係都叫做有知名度,所以佢家都轉戰內地搵真銀。
不過大圓冇埋好低堆,反而就覺得內地大公司先夠資格做佢經理人,始終家嘅時勢搵人仔好過搵港幣啦,但好低知道咗大圓嘅決定後就好鬼失望,亦覺得自己睇錯人!

「好低」= 拍高 = Paco
「大圓」= 小方 = 方力申
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


584#
發表於 12-10-22 09:35 |只看該作者
關仁隱事:
「絲襪」晒命神憎鬼厭

「絲襪」自從同「矇豬」結婚生女後,家享受闊太生活,閒時湊女或者約舊同事聚吓幾咁嘆。當年絲襪做電視台時,身邊人都知佢其實好恨做明星出風頭,點知俾絲襪做做吓訪問,就問咗矇豬呢個有米老公返嚟。關仁聽到絲襪家同班舊同事有見面聚會,但實情其他人根本唔like佢,覺得佢成日晒命,不過啲同事覺得同絲襪劃清界線,對佢哋做嘢百害無一利,加上矇豬人緣廣,多個朋友好過多個敵人,所以眾人先逼住同絲襪扮老友。

「絲襪」= 鄭中機
「矇豬」= 余思吻

點評

wong2323  倒轉左呀~應該係「絲襪」= 余思吻,「矇豬」= 鄭中機  發表於 12-10-25 18:15

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


585#
發表於 12-10-22 09:37 |只看該作者
關仁隱事:
「淑女」爆性事博贊助

係女人都鍾意名牌,何況係成日要見人嘅女星,所以有機會黐到品牌兼拎埋贊助慳錢,唔少姐仔都好恨。好似之前「淑女」第一次獲邀去名牌活動,佢開心到即刻博到盡,唔理人哋乜嘢活動,即刻發散晒朋友借條幾萬蚊嘅性感晚裝裙到場,仲自爆一單「純品床事」,終於成功喺眾巨星名模中殺出。事後品牌都好滿意,覺得佢抵用,仲話會再請佢去活動,其他同級品牌都將淑女列入賓客名單,淑女嗰條幾萬蚊嘅裙,就算自己畀錢都買得抵啦!

「淑女」= ??

點評

獅子仔媽媽  「淑女」=處女=王君兄??  發表於 13-1-16 15:32
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


586#
發表於 12-10-22 09:39 |只看該作者
關仁隱事:「茶花女」轉工繼續冇運行

「茶花女」喺娛樂圈幾十年,都叫薄有名氣,可惜佢份人見高拜見低踩,早已臭名遠播。最近仲俾舊公司炒魷,不過佢好快就轉投另一間公司。茶花女以為去到新公司有一番新景象,點知佢仲繼續巴巴閉閉,諗住有好多人會爭住搵佢做訪問,主動叫新公司啲同事幫佢接專訪,可惜冇人肯騷佢,個個聽到佢大名即耍手擰頭。新公司嘅「大阿哥」都話始料不及,仲同關仁講:「估唔到佢同傳媒關係咁差,咁多人都憎佢,嫌佢煩。」大阿哥仲話茶花女嚟咗新公司後經常嫌三嫌四,搞到幕後啲人都怕咗佢,簡直到達神憎鬼厭地步。

「茶花女」= 茶小欣

很想知道,追夢的人是如何踏出第一步?


珍珠宮

積分: 41023

hashtag影視迷勳章


587#
發表於 12-10-22 10:39 |只看該作者
22May 發表於 12-10-22 09:37
關仁隱事:
「淑女」爆性事博贊助

王軍馨?

點評

cheche331  口味好肥膩下  發表於 12-10-28 23:48
ellakei  大榮華果個滔滔??  發表於 12-10-27 10:48
22May  之前有JM話佢係俾滔滔包!!  發表於 12-10-22 15:53


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


588#
發表於 12-10-24 09:27 |只看該作者
關仁隱事:
「大隻妙」、「好Man」多空間

「大隻妙」同「好Man」結婚多年,成日都俾人話婚姻有問題,其實只不過係生活習慣唔同,男深閨女社交活動多,至搞到緋聞多多,加上佢哋兩個都好外國人性格,畀好多空間對方,先至畀人有咁嘅誤會。
其實大隻妙對好Man好好,雖然鍾意打波,但會遷就好Man嘅作息時間,提早陪佢食飯先去打波,真係好錫佢。早排大隻妙開演唱會,好Man有份做嘉賓,但因為試過跌親受傷,當佢哋繞場大合唱時,保安本來護住大隻妙,但大隻妙怕老公再出意外,唱住歌都打眼色示意個保安去睇住好Man,佢真係錫老公囉。

「大隻妙」= 葉倩文
「好Man」= 阿Lam
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


589#
發表於 12-10-24 09:28 |只看該作者
關仁隱事:「大山」爛口嚇窒行家

女高層「大山」回歸公仔箱之後有新老細撐腰,講句說話自然大聲過人。不過佢越得寵就脾氣越臭,臭到當眾爆埋啲爛到無倫嘅粗口,連其他男同事都望塵莫及。話說有日大山同唱片公司高層「執勤」講電話,希望可以修補公仔箱同唱片公司關係,結果兩個傾唔埋欄收綫,大山發晒脾氣大力掟電話,跟住即刻破口大罵講咗成串粗口出嚟問候執勤全家,嚇到成個寫字樓都靜晒,莫講話大家未見過有女高層咁爛口,就算係男高層都未試過爛得咁勁。

「大山」= 魚詠珊
「執勤」= ??
很想知道,追夢的人是如何踏出第一步?


男爵府

積分: 8705


590#
發表於 12-10-24 10:36 |只看該作者
回覆 22May 的帖子

「執勤」= ? Duncan

點評

22May  收到 ... Duncan(環球唱片高層)  發表於 12-10-24 17:32


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


591#
發表於 12-10-25 09:33 |只看該作者
關仁隱事:
「牛油」傷腳一肚氣

好多大公司都講制度冇乜人情味,三色台都唔例外,好多嘢都揸正嚟做,最緊要跟足程序做嘢。話說藝員「牛油」有日喺公司範圍拍完外景,坐服裝車返化妝間,點知落車時唔小心拗柴受傷,成隻腳腫晒,工作人員幫佢call保安,點知保安嚟到冇問傷勢,首先問佢職員證冧把,先至問佢傷成點,牛油心諗我隻腳痛到死,你唔係問吓隻腳竟然問證件冧把?都未算呀,之後保安仲要求佢案件重演一次,等佢影低事發經過有得報告交差,激到牛油紮紮跳。關仁想問,如果牛油係穿頭流血,保安要做晒呢啲程序先,牛油咪會失血過多而死?

「牛油」= ??
很想知道,追夢的人是如何踏出第一步?


伯爵府

積分: 19013

環保接龍勳章


592#
發表於 12-10-26 10:50 |只看該作者
關仁隱事:「麻雀」失聲見真愛

歌手靠把聲搵食,不過唔少歌手都試過唱到失聲,尤其一啲初入行唔識用聲嘅新人,好容易瀨嘢,好似唱歌冠軍「麻雀」咁,出道一年都唔夠就失聲,搞到男友仔「順順」好心痛。早排順順趁返澳洲屋企做嘢,就帶埋麻雀去散心玩樂,畀佢吸吓澳洲嘅新鮮空氣,希望佢心情好啲人就健康啲,早日康復搵番把靚聲,麻雀見順順咁愛佢都好感動,唔怪得雖然公司反對佢哋拍拖,佢都要改玩地下情,死都唔肯分手啦,後生女果然戀愛大過天。

林因同?

點評

22May    發表於 12-10-26 11:02


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


593#
發表於 12-10-29 09:27 |只看該作者
關仁隱事:
「地洞」冇錢發律師信

富二代越來越多,不過唔係位位都咁有質素,有啲自我感覺良好,其實十分儍仔。好似阿媽翻頭嫁入豪門嘅「地洞」咁,身家暫時唔好,但未來應該無憂,即時自命貴公子咁,出入懶有派頭,仲專媾奀星cheap模,一派玩女星被緋聞困擾嘅格局,暗地裏其實俾啲阿太auntie笑佢儍。最搞笑係地洞有次俾傳媒寫佢媾女,佢覺得人哋唱衰佢,居然長篇大論寫一封英文電郵去報館,要求報館解釋及保證以後唔出負面嘢,真係當正自己黎天王、郭天王咁,事後當然被業內人士笑到爆嘴,仲笑佢可能無錢出律師信㖭

「地洞」= ??

點評

girlbear  龐錢景峰??  發表於 12-10-29 14:42
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


594#
發表於 12-10-29 09:29 |只看該作者
本帖最後由 22May 於 12-10-29 09:35 編輯

關仁隱事:
「黑人」出街零星味

「黑人」喺大婆台嘅日子都唔短,家總算捱出頭來,終於有機會擔正做主角,可算係吐氣揚眉,不過即使佢喺大婆台浮沉咁多年,但講真代表作數極數唔出,就算平日出街,星味都欠奉,行過都以為係時下青少年,講真都幾失敗。話說關仁經過屋企樓下間糖水舖,成日都見到黑人同成班同事收工後一齊食,但慘在佢每次出現都冇乜人識,唔知係唔係因為佢膚色太黑,喺咁黑嘅環境下,難俾人認出都好正常啦。

「黑人」= BOSCO?
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


595#
發表於 12-10-29 09:31 |只看該作者
關仁隱事:
「拍烏蠅」紫look扮巨星

復出拍戲養家嘅「瘦骨仙」幾部票房係咁仆,反而佢嘅細佬個個唔使做,好似「拍烏蠅」咁一日到晚同女朋友「寸嘴」一齊,反而寸嘴仲有做嘢,唔怪得傳佢由家姐同女友包養。關仁個朋友有次見到拍烏蠅,佢見到街外人即低晒頭懶係怕被人認出,以為自己十足係天王巨星,可惜佢由頭到尾嘅紫look,盲嘅都見到佢。關仁都係嗰句,唔係巨星就咪扮係,唔想人見到就唔好着到咁揚囉。

「瘦骨仙」= 張PG
「拍烏蠅」張拍文
「寸嘴」= 賤娜
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


596#
發表於 12-10-29 09:33 |只看該作者
關仁隱事:「阿波」搞政治無心娛樂

娛圈猛人「阿波」近年好少理娛樂事業呢壇生意,反而鍾意玩政治,周不時要返內地開啲政協會議,聽講家西環治港後,西環好想利用啲紅明星推廣一啲港人唔受歡迎嘅政策,好似之前嘅國民教育,西環高層就頻頻約一班娛樂公司揸弗人,搞到阿波大部份精力都用喺西環,公司啲嘢,反而理得唔多,結果幾個有料老臣子都走晒,成班藝人都覺得公司好亂又唔開戲,已經好有離心,知道唔可以靠公司開戲畀自己,個個都向外搵戲拍,等約滿就走佬!

「阿波」= 曾志偉??

點評

michtony  「阿波」= 林建岳 ?  發表於 12-11-1 11:12
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


597#
發表於 12-10-30 10:10 |只看該作者
本帖最後由 22May 於 12-11-8 10:44 編輯

關仁隱事:「顏色」鹹濕男藝人

娛樂圈高層「顏色」經常抽藝人水,之不過對象清一色係男人,佢對女人完全冇興趣。顏色入行日子其實好短,但佢位高權重,一聲令下,誰敢不從?聽聞佢經常以工作為名,叫男藝人陪自己吃喝玩樂,試過好多次顏色叫班男藝人去到指定地點做嘢,點知班男藝人去到現場先至知道原來係陪唱K。最弊係男藝人陪唱歌之餘,顏色仲會手多多,跟住仲會男藝人落叠,睇吓佢哋肯唔肯有下文,由於呢班男藝人冇乜知名度,為咗生存,咪惟有順從顏色囉。

「顏色」= Wong征
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


598#
發表於 12-10-31 09:51 |只看該作者
本帖最後由 22May 於 12-11-7 09:22 編輯

關仁隱事:
「開大門」頂爛市吃香

「開大門」嘅歌藝一向麻麻地,但近年轉型拍電影後又畀佢鹹魚翻生,家啲片約排住隊畀佢揀。聽講開大門咁受片商歡迎,除咗因為佢啲戲唔太屎之外,仲因為片酬比同level嘅男演員低,加上佢份人最鍾意出風頭,所以逢有宣傳都必定出現,對片商嚟講梗係好啦!關仁有次同個製片朋友吹水,佢話早前有部警匪片原本想搵「大踏步」拍,但因為酬勞貴,死都唔肯減,加上又唔係太落力宣傳,相比之下,即使開大門啲戲冇大踏步咁好,人哋都寧願搵個平靚正嘅開大門囉。

「開大門」= 郭褲城
「大踏步」= 留青雲

點評

michtony  「開大門」= 余文樂
「大踏步」= 劉青雲  發表於 12-11-1 11:09
girlbear  「大踏步」= 青雲 ??  發表於 12-10-31 13:10
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


599#
發表於 12-11-1 09:43 |只看該作者
本帖最後由 22May 於 12-11-1 11:04 編輯

關仁隱事:「約瑟」充大頭鬼

「茶花女」之前喺電台也文也武,搞到神憎鬼厭,原來取代佢嘅「約瑟」都係唔好貨色,唔好得佢幾多。關仁聽聞約瑟自從搵咗「竹篙精」同佢做節目,就當正自己係幕前巨星,好大個鼻,見到啲舊友都扮唔識,梗係啦,話晒約瑟戴嘅幾十萬名牌鑽石錶同佢主人,即係請佢返去做節目嗰個「大師」同款喎,哈!咁你就錯晒,約瑟為咗扮巨星,都係平買隻同牌子嘅錶畀佢老友「美人」鑲啲鑽石上去咋,真係咁都得。
充闊佬唔影響人其實冇所謂,但佢衰在仲要蝦竹篙精,成日度埋啲白癡對白畀人讀嚟抬高自己,搞到竹篙精好唔開心,係咁搵人訴苦。

「茶花女」= 茶小欣
「約瑟」= 涼泰來
「竹篙精」= 吳2莉
「大師」= 志雲大師
「美人」= 鄘美人

點評

michtony  「約瑟」= 梁泰來; 「竹篙精」= 吳綺莉  發表於 12-11-1 11:10
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


600#
發表於 12-11-2 09:21 |只看該作者
關仁隱事:「香港史匹堡」超支俾人飛

一向醉心做導演嘅「香港史匹堡」,做演員嘅時候已經朝住呢個方向發展,好耐之前拍嗰套小本處女作,雖然唔係大賣,但都叫做唔錯。不過自此之後,佢嘅野心就越嚟越厲害,以為自己好掂,近幾年佢拍住同聲同氣嘅「祠堂」搞咗間製作公司,仲畀佢搵到個內地人投資,一次過就畀咗幾億佢開戲。可惜香港史匹堡眼高手低,仲要搵埋自己家人入間公司,一闊三大嘅創業作拍到一半已經超支,原本可以拍三部片嘅錢,差唔多一部就畀佢KO晒,嚇到投資者即刻要佢埋尾,仲搵個自己人監場,最後套戲票房差啲連宣傳費都唔夠。家聽聞班內地老細頂唔順香港史匹堡嘅鬼佬作風,拍埋手上嗰幾套戲就同佢斬纜。

「香港史匹堡」= stephen 馮德輪
「祠堂」= 吳彥早
很想知道,追夢的人是如何踏出第一步?

首頁

尾頁

跳至
Presslogic Logo
Baby Kingdom Logo