嬰兒醫護 今日: 0 | 主題: 79139

積分: 24034

601^#

發表於 11-8-5 00:15 |只看該作者

回覆 buzz1234 的帖子

多謝你鼓勵我

佢定時食早餐嗎?

如果天空總是黑暗的，那就摸黑生存；如果發出聲音是危險的，那就保持沉默；如果自覺無力發光的，那就蜷伏於牆角。但不要習慣了黑暗就為黑暗辯護；不要為自己的苟且而得意；不要嘲諷那些比自己更勇敢熱情的人們。我們可以卑微如塵土，不可扭曲如蛆蟲 - 曼德拉

私人傳訊

積分: 24034

602^#

發表於 11-8-5 00:22 |只看該作者

回覆 w19321786 的帖子

個Schedule OK

你知唔知你同嫲嫲有咩分別呢? 係個心, 嫲嫲個心平靜, 唔怕BB喊, 唔怕佢扭, 所以會罵...BB好細個已經識睇人面色做人(天生生存技能), 所以明知扭嫲嫲無用, 就會唔扭

其實BB無咩唔舒服, 扭計喊一陣, 唔洗理, 所以如果你知佢只係扭計, 你就做埋手頭上D野先理佢, 唔洗急, 一定要平靜

平靜O既大人, 會養出平靜開心O既小朋友

私人傳訊

buzz1234

伯爵府

積分: 18585

畀面勳章

603^#

發表於 11-8-5 12:23 |只看該作者

本帖最後由 buzz1234 於 11-8-5 12:32 編輯

pyjess 發表於 11-8-5 00:15
回覆 buzz1234 的帖子

多謝你鼓勵我

唔定時架.......
有時last到6個鐘, 有時last到6.5個鐘... 5.5個鐘都試過

呀~ 補充一句, 我個timetable其實係咁:

07:45 130ml半人奶半奶粉
12:00 130ml人奶
16:15 130ml人奶
20:30 130ml人奶
00:45 130ml奶粉 (好多時呢餐唔會自己醒, 要巢醒佢先食....)

由於bb朝早成日提早起身時間(由6-7:30不等)... 如果佢6點幾醒, 我就會將第一餐奶分開兩次比佢食(即係6:30食70ml, 7:45食60ml), 當佢6:30食完70ml後(通常10-15min食完), 會放低佢瞓返,佢會扭計, 要扭一陣先瞓同埋瞓唔林~ 到7:45我會叫醒佢(好多時佢都已經醒咗但冇喊) 食埋剩低果60ml), 好多時食完呢60ml之後, 佢就會瞓得林d, 同埋都要11:30後先會想再食~

私人傳訊

w19321786

積分: 3838

畀面勳章

604^#

發表於 11-8-12 23:40 |只看該作者

回覆：pyjess 的帖子

我用咗你講嘅方法，定時定候每3小時餵一次奶，佢真係好乖乖到半夜都冇扭計。但呢兩晚，唔知點解，食完夜晚12點果餐之後，就眼光光大喊扭計唔肯瞓，最後又要嘛嘛出動。

私人傳訊

積分: 24034

605^#

發表於 11-8-13 00:37 |只看該作者

回覆 buzz1234 的帖子

拖字訣.....假設7點食早餐, 佢6點醒, 拖15分鐘先餵, 直至以後佢6.15醒, 之後, 再拖到6.30, 如此類推

私人傳訊

積分: 24034

606^#

發表於 11-8-13 00:38 |只看該作者

回覆 w19321786 的帖子

有咩改變左?

私人傳訊

Kimberly87

積分: 2626

607^#

發表於 11-8-16 19:00 |只看該作者

HI pyjess,你好,無意中發現到呢個POST先知道原來BB自己訓覺係可以TRAIN返黎的!好有興趣，一口氣睇左10版左右，未睇哂，但有小小消化唔黎

我個b仲有幾日就6星期大，岩岩夠期做呢個trainning，佢係全人奶的，2-2.5hr食一次，想set佢2.5食一次
我個b有樣奇怪野就係零晨5am左右就會扭屎，其實佢好眼訓，但可能肚仔唔舒服所以扭，may埋眼、谷紅面、周身郁、係咁發出憫憎既聲音
最慘係日日都扭幾個中(扭時會放下屁)，直到約9-10am屙到屎之後先安靜到落黎，然後就好精神咁玩
p.s已經有幫佢肚仔按摩，有好小小，但都係好扭>>呢段時間冇嘜點訓好，所以佢晏就好訓得!!!

我知道train之前要set好個固定時間先，我個b未有時間表，我已經諗好左但未實行，想問左你先:::
0730am 奶
1000am 奶>玩>訓
(佢呢段時間扭完屎係最有精神玩,玩到一段時間就扭訓)
1230pm 奶>訓
0300pm 奶>訓
0515pm 沖涼
0530pm 奶>訓
0800pm 奶>玩>訓
1030-1100pm 奶>訓
夜奶，睇佢幾點起身，唔喊唔餵
(通常2-2.5hr就會自動喊食再訓，食完訓到5點幾就開始扭屎)

問題:
1)每一次夠中食奶而又訓緊係咪要整醒佢/由佢訓?
2)如果由佢訓咪會"吞"到個time table亂哂?
3)而家我set佢2.5hr食一次，如果佢都唔喊食係咪唔洗跟時間表餵?等佢喊食先餵?但咁樣時間表咪又亂?
4)我個人唔係太想用奶咀，只係佢扭屎時塞住佢把口等佢唔好咁嘈然後幫佢按肚，但曾經奶奶比過一次，知道佢係可以唔洗抱，食奶咀都可以自己啜啜下訓，我見你地話幫bb搵一樣"安慰物"，但我又唔想用奶咀，但奶咀又的確幫助到佢自己訓覺，所以我好矛盾好爭札!!!!!
5)我測試過~奶咀屬干擾性，因為我等佢差唔多訓著伶走佢，當佢訓訓下醒左就會係咁喊，拍返都唔得，咁我點做呢?比返奶咀佢?唔理佢?
至於紗巾我又唔想比佢，因為佢訓覺成日周身郁，又怕佢郁到條紗巾com住塊面
6)我都想佢3hr食一次，不過如果佢未到3hr已經扭得好西利咁點做?(如果佢太餓食會好侯擒會飲到係咁濁親，同埋我又唔恨心佢捱餓><)
7)佢都係飲完奶就訓，咁我係要攪醒佢然後放佢落床?
8)做呢個訓練係咪次次訓前一定要放o係同一個地方，如bb床?唔可以有時放o係sofa/其他地方?
8)佢扭屎時食奶會食得好差，因為肚仔唔舒服佢會食到好憫，所以食小左，有機會下一餐就會提早喊食，咁時間表又會亂
9)關於夜奶，如果比奶咀佢佢肯自己訓返，咁係咪可以skip左佢呢?因為我就黎返工，好想佢快d介(但我又唔想用奶咀幫佢介，好好好矛盾呀，唉)

我好想幫佢set好個穩定既時間表，做好第一步先!!!
最後，好想好想多謝你咁有耐性同抽時間答哂我地呢d想ko bb媽媽既問題!!我知道第一步好難，但希望我可以堅持，然後做你其中一個成功既例子再上黎分享^^

私人傳訊

w19321786

積分: 3838

畀面勳章

608^#

發表於 11-8-16 21:36 |只看該作者

回覆：pyjess 的帖子

冇任何嘢改變，所以我都唔知點解？好奇怪呢~ 呢幾日又冇事哦

點評

pyjess 2,3日漸入佳景, 1至2星期真正習慣, 中間會有唔穩定, 要媽媽冷靜同堅持發表於 11-8-16 22:39

私人傳訊

積分: 24034

609^#

發表於 11-8-16 23:18 |只看該作者

回覆 Kimberly87 的帖子

從字裡行間, 覺得你好有毅力, 好正面, 亦好樂觀, 所以你會好快成功~

未答你9個問題之先, 我見到6星期大, 2-2.5小時餵一次, 太多了

一方面, BB要長得好, 除左食, 仲要瞓得好; 另一方面, 餵得太密, 人奶質素可能有影響

以下是我小朋友, 6星期大時的時間表

6:30, 10:30, 14:30, 18:30, 22:30 食奶

8:00-10:30, 12:00 - 14:30, 16:00-18:00, 20:30-22:00 小睡

23:00 - 6:30 晚間睡眠

這時間表配合了家人作息, 如果跟你的不配合, 可整個時間表時間向上下移

20:30-22:00一段, 如果發現BB瞓過, 23:00唔瞓, 就要減少, 甚至唔要, 再將晚間睡眠時間提早....最好, 能一覺瞓8(細個)至12小時 (大少少, 如3.4個月大)

問題

1 - 2)係, 固定時間, 等佢習慣你O既時間表, 否則個時間表會亂, 佢生理時鐘亦會亂

3) 你O既時間表唔能夠令佢好好瞓, 瞓得太短時間, 參上表

4-5) 可以用公仔, 之前呢個帖有媽咪用過, 幾好; 原則係: 可以洗, 可以帶出街, 瞓瞓下自己容易搵得返, 唔攬緊, 會轆走....用安慰物可以令佢一見到, 就知你叫佢瞓, 半夜醒, 由安慰物提佢, 唔洗你提佢瞓, 所以半夜醒, 佢地會幾秒瞓返著; 而用又好過唔用, 因為, 總有D環境/事物會成為佢O既提醒, 唔用, 你根本唔知咩野提佢要瞓

6) 每日拖15分鐘, 直至4小時一次, 6星期大BB, 就算全人奶, 一樣可以4小時一次, 而瞓得好好...最少, 之前有2個媽媽都試過OK

7) 係, 如果唔係咁, 你抱佢, 就會成為安慰物, 無你抱, 唔瞓

8) 初時, 最好係同一地方, 直至你發現, 佢一見安慰物, 就知要瞓, 咁, 去邊度瞓都無問題; 不過咁細, 都係放落BB床安全, 6星期大, 未會爬轉, 都可能佢風車轉, 有跌落地危險

9) 可以話係, 俾奶咀佢, 佢就瞓, 即係唔餓, 唔餓唔洗食....當然, 奶咀對你BB唔係一個好安慰物, 所以, 首要, 以公仔代替奶咀...記住, 一起身就要攞走個公仔, 一瞓就俾佢, 好快, 佢會設定程式, 公仔=瞓

祝你成功

私人傳訊

mingming_yip

積分: 2632

610^#

發表於 11-8-17 11:00 |只看該作者

回覆：扭眼訓喊到拆天-3個月bb

一個好有用的post!點解我而家先睇到>.<
我已經睇了之前的post了,但好像沒有人和我問題一樣...
我bb的問題是訓得小！她每天只需訓8,9個鐘，通常半夜三四點訓到第二朝,期間仲會醒兩次食奶。
佢差幾日就兩個月,全人奶埋身餵，2~2.5小時一餐。（好辛苦:~~:）食完就玩,要人同佢玩！例如唱歌做按摩，總之要同人一齊!
但又唔係訓的。
另外（重點！）bb一出世就同媽咪同床訓，我知道唔好但我地有環境條件上的limit，我想問總結以上情況可以點train?
謝謝！

私人傳訊

積分: 24034

611^#

發表於 11-8-17 13:05 |只看該作者

回覆 mingming_yip 的帖子

我相信你沒有看完前面的post罷, 你的問題, 早前很多媽咪都有提及

2-2.5小時餵一次的問題, 請參照樓上post609.
要同人一齊的問題, 是因為沒有set好時間表, 夠鐘就給他吃/瞓, set 好時間表, 狠心嚴格執行便解決到
同大人一起瞓, 更是我多番提及, 一個很危險的行為; 給他睡回bb床, 也是要狠心就行....我真的不願再見一個壓死bb的新聞了

我相信你最大問題, 不是bb, 而是你不能忍受bb的喊聲

私人傳訊

mingming_yip

積分: 2632

612^#

發表於 11-8-17 16:45 |只看該作者

回覆：pyjess 的帖子

謝謝你的回覆。
我不⼁乛⼀⼀⼀

私人傳訊

mingming_yip

積分: 2632

613^#

發表於 11-8-17 16:51 |只看該作者

回覆：pyjess 的帖子

我不是不狠，而是她有濕疹，兩隻耳朵都損哂流水，如我讓她訓住哭，眼淚會醃到她好痛同加劇病情：~~：

私人傳訊

Kimberly87

積分: 2626

614^#

發表於 11-8-17 17:31 |只看該作者

回覆 pyjess 的帖子

為左我同個仔，真係要堅決D做好呢個TRAINNING^^因為我想循序漸進，所以我將2.5HR一次改為3HRS一次試2日，睇下佢會唔會扭得好西利先!!
今日第一次實行呢個3HRS既時間表，佢都OK，雖然都係扭，不過都可以拖到佢
2日後先再拖15MINS直至到4HR一餐為止
我覺得跟時間表做野自我感覺都良好好多，起碼依時依候唔會日日都唔同

今日初實行
0620am 奶>扭屎冇訓過
0915am 奶>終於屙得出>換片後 0940am再補奶>食完好精神玩到1100am(p.s呢段時間係每一日最最最精神同最肯玩既時間)
1100am 扭訓，不過訓下又醒下到 1200am
1225pm 奶>訓(都係訓下又醒下)
0325pm 奶>扭屎(食唔多仲嘔埋出黎)>換片>補返奶>訓(都係訓下醒下)
*******************************************************
0615pm 沖涼
0625pm 奶>訓
0925pm 奶>盡量同佢玩，唔比佢訓
1200am 奶>訓 (呢餐唔同到12:25先餵，太晏想大家早D訓)

睇完你既回覆，再加埋今日暫時半日既實行，又有問題想麻煩你喇::

1)我想先做好第一步，跟時間表辦事，定好哂先再train訓覺，咁OK麻?再加上奶奶9月會去旅行，暫時o係呢段時間我同佢都習慣左個routine先，等我奶奶走左我再自已同佢死過(諗起都開心)
2)我個仔一想屙屎佢就食得好差，今日0325pm個餐比佢食，撞正想開大，一路食一路好憫憎同埋推開我，食得好小，直到佢谷屎個下仲嘔返之前個D出黎添(咁算唔算冇食過= =)我幫佢換完片都有再比佢食，咁我再比佢食算唔算打亂左個時間表呢?
3)問題一講左，訓覺方面我想下一步先train佢，咁佢而家都係食完奶之後抱住暗訓，放到落床可能訓半個中就喊，跟住都係拍返訓，如果唔得就再抱暗訓，咁樣斷斷續續直至下一餐奶，咁佢咁訓法點計呢?
4)佢而家咁細個，比公仔做安慰物，佢又唔識攬住又唔知係嘜?咁我既做法係點?放佢落床之後點比隻公仔佢?就咁放係佢隔離?
5)跟住你既做法，等1分中>陪2分中(拍/哼/歌等方法)>離開，如此類推，如果佢都係唔訓不停喊係咪咁做法直至下一餐奶為止?
6)今日既時間表同做法有咩再要改善呢?

私人傳訊

積分: 24034

615^#

發表於 11-8-17 22:58 |只看該作者

回覆 mingming_yip 的帖子

那便不能TRAIN, 因為這個方法, 先決條件是BB一切舒服, 包括食飽, 抱夠(餵奶加掃風有1小時, 已夠), 冷熱OK, 無濕...如果BB身體唔舒服, 一定要先解決呢個問題

不過, 餵奶時間可以慢慢拖長至4小時一次, 等佢有機會瞓多D, 身體可能好D

我自己本身有濕疹, 亦會痕醒, 所以真係好辛苦, 要醫好先
不過點都好, 唔好同一張床瞓, 危險

私人傳訊

積分: 24034

616^#

發表於 11-8-17 23:28 |只看該作者

回覆 Kimberly87 的帖子

我自己都係用左時間表, 所有野依時依候, 心情先回復正常...初初, 唔知BB幾時醒, 幾時會喊, 就算佢瞓緊, 都好擔心佢下一秒起身喊, 情緒差到, 我搞唔掂來我家O既朋友個仔, 人地一走左, 我就喊, 投訴個細路煩....嚇到人地唔敢再上黎

關於佢扭屎, 可以試下每餐之後, "逗"佢大大, 因為定時定候, 佢身體有機會習慣要定時去, 我個仔有段時間係咁.....同埋同佢按摩, O係肚上面順時針打圈....不過人奶B, 好少有大大唔到O既問題

問題
1) 非常好, 一習慣左4小時一次食奶, 你就可以排除左佢肚餓O既可能性, 針對瞓O既問題處理.....對, 要有"同佢死過"O既決心, 勇氣, 同埋輕鬆心情
2) 唔算, 開左大, 當然要換左片, 嘔左, 當然要補返....不過, 一旦夠晒鐘, 你又見佢唔願食, 即係眼瞓緊要過食, 食唔晒都算...食少一餐半餐, 無咩事
3) 首先, 一定要落床時清醒, 知道你放佢落床....因為"瞓之前, 同瞓之後, 環境要一樣", 否則, 佢地瞓瞓下一覺得有唔同, 就會驚, 就會喊醒(你想像下, 你瞓瞓下醒左, 發現自己由房去左廳, 你會點?)...呢個亦係點解, 佢只係瞓得好短時間O既原因
4) 攬到就攬, 否則放旁邊, 佢FEEL到就得, 佢摸到, 聞到就OK, 而且一開始佢未必明, 但每一次要瞓, 都見到公仔, 佢就會明.... 有時, 我半夜會望下個仔瞓成點, 見佢醒一醒, 落下一個CYCLE時, 佢會摸下摸下佢個COMFORT ITEM, 呢個時候, 如果佢張開眼, 我第一時間要走開, 千萬唔好俾佢見到我, 否則一定喊, 因為"瞓之前, 媽媽行開左, 瞓瞓下見到媽媽"都係環境不同, 另外, 我仲試過怕佢凍, 關風扇, 佢落下一次個CYCLE時, 又發覺有唔同, 所以喊
5) 係, 不過你離開, 最好行遠D, 唔好俾佢望到你, FEEL到你緊張, 因為BB對人O既情緒敏感到難以想像; 另外, "拖長時間安慰", "定時作息"等方法, 都要用一至兩星期 (期間任何環境都要無變), 全無改善, 再作檢討
6) 而家仲未去到4小時一餐, 要到時先檢討, 因為而家你每2日拖長一D, 亦即係每2日改時間表 = 未固定

私人傳訊

程

別墅

積分: 674

617^#

發表於 11-8-18 09:10 |只看該作者

..日日無覺好瞓...我就快癲啦..pyjess 可否救下我
我個b近來仲越早左起身, 3點幾已經"典下典下",又食手指, 仲食到好大聲,但佢對眼係"合埋"的
其實我係咪應該喂奶比佢呀..
但佢會唔會食2啖唔食架..因為有時一抱佢, 佢係想瞓架...唉..
已經3個幾月大唔通仲要食夜奶...
但唔知點解呢段時間佢係唔熟睡, 7點幾果轉食完奶佢就勁好瞓, 11點係摷佢起身飲..
點解11點幾果轉佢瞓得咁差架...

(我個b可以算係抱住瞓, 因佢每次食奶中途其實已經瞓緊, 差不多餐餐都係瞓住食, 係摷極都唔會起身架, 所以..由佢瞓囉), 但佢現在都未試過一日可以瞓到6,7點...
可唔可以幫下我..我應該點做呀? (食奶schedule 7:00am, 11:00am, 3:00pm, 7:00pm, 11:00pm, 5.5安)
1. 唔理佢, 由佢係到"典下典下",食手指食到手套濕哂, 但食食下會瞓返, 不過瞓唔長, 跟住可能叫兩聲, 又瞓返幾個字..
"典下典下"到6點幾7點喂奶? (已試差不多成個星期都係咁, 以為會幫佢戒夜奶, 同到7點食奶佢會好肚餓, 但都唔係點食..激死)
2. 抱佢逗佢瞓, 其實試過, 有時可以瞓多一個鐘..但有時唔得, 好快佢又再"典下典下"
3. 佢一"典下典下"就抱佢起身喂奶比佢? 喂少少或是照平時喂咁多..即係繼續飲夜奶..
(我諗緊好唔好試下第一日若佢3點幾醒, 我喂2安, 睇下佢會唔會瞓返, 之後7點開始喂返正常4個鐘
第2日若佢仍然醒, 就拖到3:30點先喂, 喂1.5安, 之後7點開始喂返正常
第3日又醒, 睇下拖唔拖到4點幾先喂, 再喂少d...
我咁樣岩唔岩呀?
仲有冇其他方法呀...可唔可以教下我..日日無覺瞓真係好辛苦..

私人傳訊

Kimberly87

積分: 2626

618^#

發表於 11-8-18 09:48 |只看該作者

我想問係咪一定要set 4小時食一次?因為我比較心急想快啲定立固定時間表先！如果3.5hr一次可以嗎？

私人傳訊