懷孕前後 今日: 2 | 主題: 330574

積分: 3942

6281^#

發表於 08-8-27 00:20 |只看該作者

原文章由 wongwongbb 於 08-8-27 00:07 發表
venus，

小朋友發展都因人而異，當年我孖b咩都遲過人啦，坐都話遲喎，健康院姑娘就擔心，我又無咩好擔心，只要每日有d進步就得，第日佢地突然做好多野你就會好驚訝原來佢地日日吸收緊，一次過爆出黎，你自己留意下啦，只要有進步問題唔 ...

我都明白個個細路發展好唔同,但我覺得亞滿好收埋自己,
所以我先咁担心law~因為若然有問題,早發現好過遲發現ma!

我同你簡直蚊比同牛比啦,你湊孖b加三姑娘,強過我好多,
亞滿遲病只係歸功人奶o既功勞o者!

其實我係有d唔係太開心,因為老公為左生計要開夜班,
我同佢除左個仔o既野之外,好似小左溝通咁,
我顧得個仔之后辛苦就冇心機理佢,
而佢放工加日夜癲倒之后,又冇時間理我!

其實大家有傾過呢個問題架la,
但當返埋自己個崗位時,
又係變番原地踏步!
我地又唔係唔關心對方,
但都唔知點講....總之多左個仔兩公婆反而缺乏左d野咁啦!

私人傳訊

wing2003

積分: 3942

6282^#

發表於 08-8-27 00:26 |只看該作者

原文章由 wongwongbb 於 08-8-27 00:17 發表
venus，

你都話有好多貨丫，我一直都唔多，係就係有多過，但又唔係話好多，而家佢需求多左，唔補奶粉都last唔到一個鐘，有時會好想放棄，就係驚之後會後悔，所以先堅持住，而家聽你咁講，我又有d動搖希望堅持耐少少，算啦，我會順其自然既，總之 ...

lolo,

我唔係想比壓力你ar,我只係講番我o既經歷,
因為我得滿滿一個,環璄唔同你ar!
其實我最后期只係每晚比亞滿o叕5-10mins度,
跟住都要開120ml奶粉佢食架,
最衰係我一心諗住唔駛餵最后一餐人奶,
我可以早訓d...第二朝起身返工冇咁辛苦,
但點知我停餵左之后...晚晚都係夜訓!>.<
不過亞滿就早訓左!^.*

我個人覺得你既然餵左咁耐,
叫比佢濕下咀你都挨到佢足6個月啦,
每日小小都叫做食過ma,
但如果自己真係能力問題都唔好勉強,
要記住勉強冇幸福,反而會反效果架ja!

我果陣多貨係靠邊pump邊餵儲返o黎,
同埋我大飲大食keep奶量架,
所以咪攪到變左隻象咁o既身形law!

私人傳訊

wing2003

積分: 3942

6283^#

發表於 08-8-27 00:32 |只看該作者

lolo,

我又要look去訓la,早抖啦!

私人傳訊

wongwongbb

積分: 4703

6284^#

發表於 08-8-27 00:33 |只看該作者

venus，

你諗深一層，你地大家其實各自響家庭裡面負責唔同崗位，你就照顧個仔，打理好個家，你老公就去搏殺，大家都係想屋企有安穩既生活，有時你老公出去做野都好無奈架，你估佢唔想同你地一齊夜晚食下飯聚天倫咩，但為左搵食身不由己囉，好似我c6，成日要北上，為咩丫，一個星期見得幾日，咪就係想屋企生活好d囉，佢返到黎咪又係聽唔見我講野，以前只係眼中有仔女，而家係眼耳都係仔女，我都有唔開心，但諗下佢都好少時間見佢地，咪當自己付出d囉，有時d浪漫野細心野要自己創造同爭取，抽d時間同你c6拍下拖，一兩個week出去食下飯睇下戲二人世界，自然會多d野講，我同c6都開始星期六晚等d仔女訓晒出去鬆下，係就係好累，但都要抽時間relax下，唔好唔開心，記住你地有亞滿已經好幸福喇。

[/url]

私人傳訊

積分: 3845

6285^#

發表於 08-8-27 07:25 |只看該作者

venus

你嘅担心我地都經歷過
嗰時人地叫我吾駛咁担心同緊張
邊聽到入耳丫
E+對你講叫你吾好咁担心相信你都係聽完但繼續担心落去
绝对理解
滿滿嘅情况你可以再睇遠 d 先
佢今日做吾到, 可能聽日做到呢
总之吾好理佢跟吾跟你做, 你就一直教佢就得架勒
有一日佢邦你做晒出黎你吾好驚訝就得勒
滿滿屋企冇語言混亂对佢学講嘢已有好环境
遲d講咪遲d , 我都知大人好心急, 我都係
佢會講時就令人意想不到
平日自己講說話要多加留意, 佢地input 緊架, 好難delete 架
滿滿15個月第一次病好叻, 你地凑得佢好好呀
凑bb 睇長線呀, 記住就少d壓力架

sumsum

[ 本文章最後由 chintaitai 於 08-8-27 07:26 編輯 ]

私人傳訊

積分: 3845

6286^#

發表於 08-8-27 07:31 |只看該作者

原文章由 wongwongbb 於 08-8-26 23:56 發表
sumsum，

j唇真係好叻仔呀，返兩日學都唔喊，真係成熟穩重，啖啖定。我孖b呢個week放暑假，真係困獸鬥，呢兩日我都不停帶佢地出去消耗下精力，但佢地都成日發脾氣，可能好悶啦，兩個仲開始爭野玩發脾氣，我應付三個真係累c。

venus，
咁 ...

lolo
凑三個真係難以想像
帶出去去得邊呢
咁熱真係慘
帶佢去library 暑假人多到飛起

sumsum

私人傳訊

積分: 6299

6287^#

發表於 08-8-27 12:22 |只看該作者

lo lo, 餵好呀. 我個陣時好似你咁餵, 餵餵下唔經唔覺都有5個月, 如果唔係b女唔知做物埋身餵完, 再食奶樽就嘔, 我一定會餵落去. 佢食餐數會越來越少, 所以你餵到咁上下就會越來越舒服.

venus, pls check pm.

私人傳訊

wongwongbb

積分: 4703

6288^#

發表於 08-8-27 13:04 |只看該作者

sumsum,

我想問你帶森仔去library唔會嘈咩？我怕我兩個仔當個度係遊樂場又跑又叫，我附近有個好靚既library，仲有個playroom，playroom無咩玩，得d軟墊，我未帶過佢地去，但就想帶佢地去library，但驚搔擾到其他人囉。陣間帶細孖去游下水先，我無可能一個人帶兩個落水，唔似m&m有c6幫手，c6返親黎weekend多數都落雨。

[/url]

私人傳訊

wongwongbb

積分: 4703

6289^#

發表於 08-8-27 13:09 |只看該作者

flo，

我都知餵係好，今日我餵個餐都last到個半鐘，都叫有得落肚，或者我真係無咩谷湯水或食多d野，所以都無咩話好多奶，而且可能阿女又o岩o岩猛長期，琴晚起左兩次身，不停好肚餓咁食，補左奶粉都要食兩餐，真係唔讚得架。

[/url]

私人傳訊

積分: 6299

6290^#

發表於 08-8-27 14:18 |只看該作者

lo lo, 你地個頭個library梗係靚啦, 我c6次次"陪"我去買衫, 大部份時間就坐係個度. 你試下帶孖b去下睇下點先, 佢地未必如你想像中咁嘅, 而且平日都唔係好多人咋, 係咪呀?

私人傳訊

積分: 6299

6291^#

發表於 08-8-27 14:53 |只看該作者

我收到部份係us訂d野啦, 不過我買得太多, 人地攞唔哂, 要下個月先拎埋來.

我買左其中一個floor puzzle成hk$200, 原來係木. d書收哂啦, 好多都係2手 (平d), 有兩間立體屋, 一間係curious george. 我個playset未到 (係一個小鎮, 有地蓆, 屋, bakery, 同一間獸醫診所). 另外一個floor puzzle同一盒積木要下月.

我都好想快d玩.

[ 本文章最後由 elmostoney 於 08-8-27 16:19 編輯 ]

私人傳訊

Winnie_C

積分: 7177

6292^#

發表於 08-8-27 16:36 |只看該作者

B女同細佬就好啦，咁多玩具同書，媽媽又有心機同佢地玩/睇，真係好幸福呀。
聽日B女就返學喇，有冇同佢講定你會去買野呀？菁一而家唔會比家長入去，佢如果真係喊得犀利會帶返小朋友出黎，等佢知道喊就冇得再係入面玩，希望B女順利過渡啦。

LOLO,我星期一先帶牛奶妹去圖書館，佢OK啦，剩係將O的書拎黎拎去，冇嘈到喎，我諗孖B一定得既。
餵人奶係好架，雖然奶粉既營養都好好，但亞B吸收到幾多就真係因人而異嘞，所以你要堅持落去呀。

VENUS, 你唔使太擔心，我頭先同一個BK媽咪傾偈，佢仔仔又係遲講嘢，通唔過健康院既測試，佢好擔心，但我覺得健康院有時會唔會太武斷呢，先得果2歲幾。你要放鬆心情，相信佢每日都係度吸收，有時間帶佢去多O的戶外既地方玩，等佢好好地探索呢個世界，到佢準備好就一次過發揮出黎架喇。
至於兩公婆既事，你可以理解為有左小朋友，人生就昇華到另一階段，我地而家何嘗唔係乜野都牛奶妹行先呢，就算星期六下午同C6去食餐飯，都而得係佢午睡醒前返到屋企，想去遠少少旅行都做唔到，但都係唔使太擔心，到個仔大左，你地兩個大把二人世界呀！

私人傳訊

crimson

複式洋房

積分: 480

6293^#

發表於 08-8-27 17:27 |只看該作者

Lolo,

盡力而為啦,餵得幾多得幾多la,努力是會有回報的.我明白一對手湊三個仲要堅持餵人奶係好高難度,唔同我嗰陣日餵夜餵都只係抱住一個,所以你已經好叻!

venus,

sorry未有時間幫你問個friend,可能要到下星期初我放假陪澄b開學至有時間.

jo,

遲來的節哀,你都要自己保重呀.

bblove

私人傳訊

積分: 3845

6294^#

發表於 08-8-27 20:17 |只看該作者

原文章由 wongwongbb 於 08-8-27 13:04 發表
sumsum,

我想問你帶森仔去library唔會嘈咩？我怕我兩個仔當個度係遊樂場又跑又叫，我附近有個好靚既library，仲有個playroom，playroom無咩玩，得d軟墊，我未帶過佢地去，但就想帶佢地去library，但驚搔擾到其他人囉。陣間帶細孖去 ...

lolo

sum仔响library 吾会叫, 但一定週圍走, 想自己睇下書實吾得
只可齋babysit 佢, 因為d書架遮住晒佢
对佢黎講好似入咗迷宮咁一定吾識返出黎
而我对眼绝对要望到佢嘅
所以一定預咗係看牛咁看
你間有playroom好d , 但難保佢地吾出黎
但入得library 預咗佢地四圍"娟"
頭一次你咪帶一个工人去坐下陣先
知佢地兩個表現咩反应下次心中有數駛吾駛揾多個人去看喇
我E+去邊都吾預個工人嘅, 但你地2 B plus 嗰 d 就難 d 囉.

sumsum

私人傳訊

積分: 3845

6295^#

發表於 08-8-27 20:22 |只看該作者

原文章由 crimson 於 08-8-27 17:27 發表
Lolo,

盡力而為啦,餵得幾多得幾多la,努力是會有回報的.我明白一對手湊三個仲要堅持餵人奶係好高難度,唔同我嗰陣日餵夜餵都只係抱住一個,所以你已經好叻!

venus,

sorry未有時間幫你問個friend,可能要到下星期初我 ...

bblove

晴B返 K 喇喎! 希望一切順利!
你下礼拜放假係咪全程凑仔呀!
如果吾係, 睇下約吾約到出黎 tea 一 tea 丫?
我可就您去鑽石山架! 我 mon - wed 吾得, thurs - friday OK!

sumsum

私人傳訊

積分: 3845

6296^#

發表於 08-8-27 20:32 |只看該作者

flo

b 女聽日返学, 希望一切順利!

送返学時森仔一味熊抱式咁挾住我吾肯入去
老師出來用力係我懷中抱他入去佢c c 地氣無喊
但今日接放学, 老師話森仔稔稔吓媽媽又作喊咁樣, 眼湿湿喊喎, 老師就分散佢注意力又好少少, 仲賴湿衭仔, 成日要老師抱住佢
出黎見到我又好開心咁囉咗呢幾日嘅功課仔出黎俾我
佢係笑住口咁出黎我至無咁担心
總算挨咗三日先

sumsum

私人傳訊