懷孕前後 今日: 2 | 主題: 330573

積分: 7177

6361^#

發表於 08-9-1 15:26 |只看該作者

個工人又整壞左個燙斗，我都唔明佢地點用野，攪拌機都買左兩個，先前果個你可以話我用左幾年，但第二個買左唔夠一年又壞埋，我而家唔鬼買喇。

私人傳訊

奶粉妹

積分: 3013

6362^#

發表於 08-9-1 19:47 |只看該作者

我通常用d積分換d家電比工人用,佢地用野好粗架.
電飯煲我都係用最傳出既銻膽,怕佢地洗花個膽,食壞人.
d易潔pan都係迫住要買,我好怕比佢地用.
個咖啡壺又比之前個工人打爛左,又要用積分換過一個.唔係咁買多多都唔夠用.

私人傳訊

積分: 7177

6363^#

發表於 08-9-1 19:52 |只看該作者

有好野介紹

COMBI既一款鞋上一年賣298，而家特價120，牛奶妹好鐘意著，之前果對著到爛晒仲要著，所以又買多左一對比佢，而家仲有枣紅、米黃、藍。

海港城BEBE DREAM有得買。

私人傳訊

wongwongbb

積分: 4703

6364^#

發表於 08-9-2 12:44 |只看該作者

winnie，m&m，

無法啦，夏天就快過，仲唔落水就要等一年，難得佢地又放假無野做，帶佢地落遊樂場又熱，游水係最爽。
所以我個陣無買部勁貴吸塵機就係呢個原因，我係覺得好呀，但比工人用如果壞左真係會激死，況且我屋企d工人粗暴，可以響舊屋唔知用咩鑿爆左地磚，成個窿肯定唔係天然爆既，仲要賴隻狗整架喎，如果我隻狗有呢個神力就好喇。

[/url]

私人傳訊

積分: 7177

6365^#

發表於 08-9-2 16:47 |只看該作者

今日同班媽咪傾開考幼稚園，佢地話呢兩個月帶多O的小朋友去玩有好處，例如好似B女咁，老師問媽媽多數帶你去邊度玩呀？你話去睇芭蕾舞，聽音樂會，肯定加好多分。

私人傳訊

crimson

複式洋房

積分: 480

6366^#

發表於 08-9-2 17:59 |只看該作者

晴b琴日開學喇,雖然正式著校服,但佢表現同返playgroup時無分別,仍然係唔肯坐低,唔肯留在課室,爸爸中途要離開返工更加喊到拆天

.可能佢唔鐘意課室內太多人(10個學生加每人一至兩個家長),又嘈又焗.佢又唔鐘意d小朋友同佢爭玩具,總之就成日話唔返學!聽日開始家長無得陪上堂喇,唔知點算!?

d老師話,可能因為佢係獨生,如果有多個細佬/妹會好d. 唉!鬼唔知阿媽係女人,有頭髮邊個想做"勒lay"!?

琴日同sumsum飲野,再接sum仔放學,好耐無試過咁游閒.sum仔比上次見高左好多,高過晴b,不過同晴b比就唔好比喇,除左小b女,老細,阿滿同三姑娘外,你地個個bb都高過佢啦.

[ 本文章最後由 crimson 於 08-9-2 18:33 編輯 ]

私人傳訊

積分: 7177

6367^#

發表於 08-9-2 20:36 |只看該作者

我都好驚牛奶妹唔適應傳統學校，所以今日特登打去恩苗，落實多次牛奶妹既學位。

私人傳訊

積分: 6299

6368^#

發表於 08-9-2 21:19 |只看該作者

今日先有返ｄ人氣喎．

我個海洋公園年票聽日到期，本來想今日去，但係出門時落雨，最後去左我堂大佬屋企．聽日盡量要去啦，我唔打算即刻續期，可能等到十一月先．

我有機會下星期上廣州（公事），如果真係，睇下同ｃ６ｄ時間夾唔夾到，帶ｂ女去埋動物園．

呢兩個月唔知有冇ｓｈｏｗ啱睇，ｂ女算坐得定，但係好多表演都成兩個鐘，佢實唔得．我有諗過帶佢去睇８０日環遊世界個套音樂劇，但係我估佢實坐唔到，而且我諗多數要６歲先入得場．我帶佢去都唔係諗住啟發ｄ物，而係好想有人同我分享我嘅興趣，我老公對音樂同舞蹈都唔ｌｉｋｅｙ，淨係鐘意聽帝女花．

[ 本文章最後由 elmostoney 於 08-9-2 21:29 編輯 ]

私人傳訊

積分: 6299

6369^#

發表於 08-9-2 21:26 |只看該作者

恩苗我都唔知點好．越來越多人同我講銅鑼灣維記好，而且方便我涵接．我早兩日碰到一個鄰居，佢個仔就係入左星加玻國際再入漢基，出年兩個大仔寄宿，我聽佢嘅意見都好保貴，亦都比左好大方向我．我唔打算將個女係大學前送出國，一來太貴，二來都唔捨得，但係佢同我講無論去邊間學校，佢都會ｂｏｏｋ睇學校，主要係想校方對佢有印象，唔係其中一張申請表嘅號碼，佢今次送兩個仔去讀個間中學，有４成畢業生會入牛津劍橋，佢為左兩個仔可以順利入去，帶哂佢地兩個去左間學校兩次，等校方覺得佢好有誠意．佢叫我入星加玻國際都要去睇學校，目的都係一樣．

私人傳訊

積分: 6299

6370^#

發表於 08-9-2 21:32 |只看該作者

唉！今日去我堂大佬屋企，因為係臨時約，我堂阿嫂唔係到，不過有通知佢個工人．佢個工人真係唔識做，比佢個兩個女食下午茶，物都唔比我個女，水都冇滴佢，反而表姐仔自己比野我個女食．我唔係嬲或者物，我個工人把口係衰，但係小朋友來到，都唔會唔理人，只做份內事，所以我都成日安慰自己，我個工人都唔差，忍忍忍．

私人傳訊

積分: 7177

6371^#

發表於 08-9-2 23:10 |只看該作者

我諗我會80%楝恩苗，因為同類型既學校又咁平真係唔多，菁一有一個小朋友考左去創價，我同佢媽咪傾過，佢話o的老師同恩苗既一樣咁有耐心，而且又有泳池同戶外操場，但都唔一定入到，下午班我一定唔考慮，牛奶妹而家晚黑瞓得八、九個鐘，中午再冇得瞓一定唔掂。

你個工人算係咁架喇，佢對b女真係好盡心，我個工人講野都好粗魯架，我成日要提佢，但牛奶妹都學到粗聲粗氣，真係防不勝防呀。

私人傳訊

CCUE

積分: 1386

6372^#

發表於 08-9-2 23:58 |只看該作者

SUMSUM,

唔該哂你報料，不過都要睇下幾時同c６去望下先！

私人傳訊

CCUE

積分: 1386

6373^#

發表於 08-9-3 00:07 |只看該作者

原文章由 crimson 於 08-9-2 17:59 發表
晴b琴日開學喇,雖然正式著校服,但佢表現同返playgroup時無分別,仍然係唔肯坐低,唔肯留在課室,爸爸中途要離開返工更加喊到拆天 .可能佢唔鐘意課室內太多人(10個學生加每人一至兩個家長),又嘈又焗.佢又唔鐘意d ...

晴b返學啦喎，我都好驚第時我個仔好似晴b咁，返學唔肯坐定定，因為佢宜家上pg都係咁，唔多肯圍埋坐低一齊玩，雖然我知好多小朋友都會咁，不過見到佢d同學仔好投入一齊玩，都好想自己個b都係咁，但係我都明冇得迫，希望佢地大d會適應，我諗晴b都要一個過渡期！
你寫話獨生仔女嘅感想，我都好有共鳴，邊個唔知有兄弟姐妹會發展得好d，咁你幾時開始你個大計呀，係咪已經約好期，祝成功！

私人傳訊

CCUE

積分: 1386

6374^#

發表於 08-9-3 00:08 |只看該作者

winnie，

唔該哂報料喎！

私人傳訊

奶粉妹

積分: 3013

6375^#

發表於 08-9-3 01:22 |只看該作者

WINNIE:
我明天會同孖b過tst,等我睇下先.ths!!
我都係平常心去考幼稚園,因為九龍塘d幼稚園環境好一般.得創價係有禮堂.其他真係細到嚇c我.個playground真係唔知點夠一間學校既學生用.
我都希望佢地留係安基司.呢個環境係好難求,真係好....靚.
你選擇得比個女一定係最好既.所以放心喇!!

私人傳訊

積分: 6299

6376^#

發表於 08-9-3 11:17 |只看該作者

我都心大心細，入恩苗可以繼續蒙氏，又有一間直式幼稚園環境，而且佢如果唔入，我估佢地都唔會收細佬．但係我自己嘅經驗好差，我細時ｋ１讀屋企附近一間，第二年我阿媽同我轉玫瑰崗，ｋ３搬屋又轉，到小一梗係一間新學校．去到ｋ３，我發覺ｄ同學仔個個都係一齊讀上來，我好難插入去，所以冇物好朋友，個陣時開始變得有ｄ內向．而家ｂ女讀菁一，如果ｋ１轉一間，ｋ２入星加玻又係新學校，我驚對佢社交發展唔好．

私人傳訊

積分: 6299

6377^#

發表於 08-9-3 11:20 |只看該作者

講起我早幾日丙我個工人，事緣佢竟然話我ｓａｉ佢時間！我幾火，不過都忍左，唔係個女面前發作．放工返屋企，佢又再提呢件事，不過係暗示因為我，攪到佢地搭唔到村巴，要等下一班，我即刻火都來埋，即丙．

私人傳訊

積分: 6299

6378^#

發表於 08-9-3 11:24 |只看該作者

我都諗過，如果ｂ女入維記，唯有比佢返ｄａｉｓｙ到，一個星期一兩次當ｐｇ．

私人傳訊

積分: 6299

6379^#

發表於 08-9-3 12:22 |只看該作者

琴日同b女上完orff music,搭地鐵回程冇位,啱啱有人落車,本來想比個女坐,點知有個大男人飛左去坐低, 我諗佢最初見唔到b女,坐低左之後佢先見到,猶豫左一陣,最後都冇起身.

跟坐個站有人落車,我比個女坐低,我自己企,轉身見到有個婆婆,我同b女講, 不如我地讓位比個婆婆,佢c都唔制, 重要多多教育,跟住已經有人讓左比個婆婆坐.

香港人...唉!

私人傳訊