KaMaPiggu,
你個ＢＢ仲好細，暫時好難要求佢自己瞓，ＢＢ在你肚內舒舒服服咗１０個月，突然要重新適應一個唔同嘅環境係要時間架，同時，你都要學習掌握ＢＢ的習慣，明白佢的須要。最初真係好難，因為ＢＢ只係識喊，慢慢你會知佢點喊係濕片，點喊係肚餓。。俾多Ｄ耐性同時間，你同ＢＢ都每日在學習。好多老一輩都話唔好抱ＢＢ咁多，以防種壞，其實，ＢＢ仲咁細，佢好須要安全感，如果佢喊你唔抱佢，佢唯有喊大聲Ｄ去等你注意，久而久之，ＢＢ以為只有喊大聲媽媽先會抱，咁就弄巧反拙。初初我囡囡細個果陣，我都會好忟，因為佢成日喊，永遠係我想瞓佢就醒，搞到我冇得休息，我有時頂唔順會由得佢喊，自己用被遮住頭同耳，扮聼唔到佢喊，結果梗我輸啦，次次都係死死地氣抱佢，拍佢瞓，有時佢唔肯瞓我就冇得瞓。不過，呢Ｄ日子好快會過，雖然而家囡囡有時都會扭下計，但係已經慣咗冇咁辛苦囉。頭一個月，首先寵下ＢＢ先，等佢同你建立到信任，佢知你一定會係佢身邊，遲Ｄ先train佢自己瞓啦。
初生ＢＢ係比較瞓得多Ｄ，特别係一路飲奶一路瞓，有時食少少就瞓，係好正常架，因為食奶對細ＢＢ係大運動，要用好多力氣。細過一個月的ＢＢ，如果食奶粉，你係應該每４個小時餵一次，如果食人奶就要２－３小時一餐，因為人奶易消化，ＢＢ個胃又細，ＢＢ好快肚餓，所以應該要一日食最少８餐。如果你ＢＢ有黃膽就千萬要餵密Ｄ，等ＢＢ快Ｄ退黄，同時加強消化系统發育，幫助ＢＢ腦部發展。如果你想以後全人奶，更加須要俾ＢＢ啜多Ｄ，幫助上奶同發奶，我寧願抱住ＢＢ餵，好過抱住個泵，之後又要洗泵熱奶洗奶樽，同時又可以等ＢＢ定時定候食。
叫醒ＢＢ最有效就係換片，當佢屁股涼涼地會易Ｄ醒。我又會用被仔包住ＢＢ左右摇醒佢，Tickle 腳趾，掃頸仔，掃耳仔都有用架。其實湊仔真係冇話一本通書睇到老，你可以參考唔同方法，試下邊種適合係個ＢＢ。
[ 本文章最後由 rose-mag 於 08-3-4 14:10 編輯 ]
花旗太太生活在花旗國，留意時差，你問我未必即時答到。
）。
發表於 
返回列表
