夫婦情感今日: 0|主題: 42774

收藏本版

發帖

返回列表

跳至頁

樓主: oguh

(11月29日update)繼續寫下我家癲佬Bruce同我之間的趣事

[複製鏈接]

30 313233 34...42

252

oguh

子爵府

積分: 11575

621^#

發表於 12-10-24 16:55 |只看該作者

本帖最後由 oguh 於 12-10-24 16:56 編輯

小鳥

中國傳統男人，通常都鍾意老婆小鳥依人，唔好太強、太叻，威脅到佢地，最好蠢蠢地，無主見，咁佢地先覺得自己威，可以照顧到你，可以話事。

我人生中，都交過幾個中國男友。全部都係出國留學，或係外國成長，受西方教育，熱愛西方文化，但最後骨子裡，我都發現，佢地都想我越蠢越好。

同Bruce分開期間，曾經同一個基金經紀約會過，佢唔係普通既經紀，佢既客都係香港名人富豪，隨便開個戶口「玩下」都有幾千萬，算係散紙。係佢既世界，連果D富豪高官都要聽佢意見，佢又幫到佢地賺錢，佢自己又輕輕鬆鬆搵到錢，一個上午一單交易已經買到一架法拉利，佢自然覺得自己威爆，自信心澎脹到頂點。

我一向對佢地呢D人有戒心，我唔係傻既，我曾經都係呢D圈子裡而工作，知佢地呢D男人，十個有十個都爛滾；佢初初約我時，我包住「觀望」心態同佢出街。開頭，我都覺得佢風度翩翩，見識廣闊，做「普通朋友」，可接受。

出去食飯，我提議去食XX日本菜，佢話：「XX邊好食呀，去YY啦。」去到YY，仲繼續話XX有點唔好食，好似想話我唔識食咁。

講開工作，佢又話：「其實女人可以叻，但點叻都唔好叻過個老公。Selina你叻，但都要扮下傻。」我同你出街我覺得自己真係傻。

我行街買衫，佢叫我去買咩衫、著咩鞋，好似想做我形象指導咁，痴線，直頭要我著咩色、指定我要著3吋或以上既高根鞋，我話我唔鍾意，佢話：「你咁咁咁著會好睇D呀。」超！我唔洗你教我著衫！我鍾意點著關你咩事！

我已經覺得佢好乏味，到唔知第幾次約會，佢送左一隻好名貴既手錶比我，我話太貴唔收得，佢話：「唔貴，對於我黎講好普通。」
我：「咁普通你又送比我？你覺得我襯普通野？」
佢：「唔係......」比我串一下又黑面，其實無啦啦送比我做乜，最後我決定唔再見佢。

其他男友或交往過既男人都有呢D大男人傾向，開頭我唔知點解我成日吸引到呢D人，後來我覺得係佢地對我有誤解：因為我外型上，已經好弱小咁，而我平時待人接物態度，都係非常之soft，咩都無所謂就算比人搵笨我都唔會出聲，工作上需要我好強硬，我都寧願用太極「以柔制剛」，都好過「潑婦罵街」。所以令人誤會，我係「依人小鳥」需要男人呵護呀、幫我話事呀。但了解過之後，就覺得我貨不對辦，點解我唔撒嬌？點解我咁獨立？

我以為自己一直都會係咁，好難迎合到大男人，但人係會變既。

我發現同Bruce結婚之後，慢慢我都有「小鳥」既一面。雖然佢平時都鍾意話事，但佢唔同中國傳統大男人果種，佢會欣賞我既能力，鍾意我叻多過鍾意我蠢，可能佢覺得佢自己咁叻，另一半都要配合到佢個level。

有時，我會同Bruce撒嬌，以前真係無咩點試過，開頭佢會覺得surprise，後來都習慣左。好多時候我都想佢話事，因為我唔想煩，無論小事、大事，佢都幫我搞好晒、安排好晒最好（唔知係咪人老左懶左）有時我係佢面前都會扮下弱小，有D野明明唔需要佢幫我，我都會扮下唔識等佢威下，比佢笑下我蠢，等佢開心下。可能佢本身性格太強太好勝太要面，長期相處後令我慢慢對佢就範，又或者有個咁既「極品」老公，先令我可以成為小鳥依人。

呢排佢心情差，情緒化到極點，一時開心，下一秘就突然黑面發脾氣，對住呢D男人好攰！佢發脾氣時，我就唯有繼續扮「小鳥」，話之佢點爆，我都順佢意，咁樣反而佢會快D無事，佢再惡D，我就扮可憐，話佢忍心蝦我，然後佢就心軟。要平息一場風波，就係避免同佢正面衝突，女人如果識得溫柔地反擊，效果好過同個男人嘈。

但我知道，心底裡Bruce都係尊重我，所有事都係為我好，所以我先無所謂「扮下傻」，我並唔係咁容易屈服於男人之下。如果有一日佢真係做一D令我覺得受傷既事，我一定會企硬同佢算賬！