想生BB 今日: 0 | 主題: 109584

積分: 432

6381^#

發表於 23-11-1 23:39 |只看該作者

回覆樓主:

我的問題係，其實我未開始ivf之前經期都唔算好regular,但就基本上未曾試過好似今次73日先一個cycle.. 但我就feel到有排卵分泌，一般都係有排卵分泌14天就一定會黎經。由5月尾開始醫生叫我食高劑量葉酸(5mg)開始,我的經期就延長左好多... 請問你有冇聽過病人會因為高劑量葉酸而影響經期？

我上網搵過資料，當然就話係冇關係..

同埋，我依家經期咁唔準，係咪用人工週期會比較好呢？

好想可以快d放胎... 等了又等既心情.. 的確好難受

私人傳訊回覆引用

積分: 9496

6382^#

發表於 23-11-2 04:25 |只看該作者

本帖最後由 cutecutetown 於 23-11-2 04:28 編輯

babycome2022 發表於 23-11-1 23:36
Dear cutecutetown,

hello,我又想問問題喇

Dear babycome2022,
其實你嘅周期久唔久就會有一個係較長嘅，係咪中心堅持要你用自然周期放胎呢？你這情況，如果唔係中心政策嘅原故，用人工周期可能更適合。
我亦沒聽過葉酸會把周期拉長，今次應該只是巧合。
姑娘叫你今次day26返去驗血，即今個周期多數不會放胎，只係預備下個周期放胎的話應該用自然定人工周期。

私人傳訊回覆引用

babycome2022

積分: 432

6383^#

發表於 23-11-2 19:13 |只看該作者

cutecutetown 發表於 23-11-2 04:25
Dear babycome2022,
其實你嘅周期久唔久就會有一個係較長嘅，係咪中心堅持要你用自然周期放胎呢？你這情況 ...

Dear cutecutetown,

多謝你既答覆！今個cycle已經肯定冇得放了

。我ivf中心嗰邊好小心謹慎嫁，如果驗到我有排卵一般都係用自然週期... 同埋我有SLE, lupus anticoagulant positive... 可能佢地都唔想take high risk去做人工週期

希望我可以爭取到用人工週期啦

點評

發表於 23-11-4 01:28

私人傳訊回覆引用

IsabellaBBB

民房

積分: 26

6384^#

發表於 23-11-10 14:45 |只看該作者

你好cutecutetown,
由心感謝你多年來不斷為我地解答有關ivf問題! 終於都開到BK account 希望你可以解問

我今年36,一向黎M準時沒有多囊問題, 老公38,有精子問題(濃度14, 活躍5+38%,形態少於1) ,上年我地做3次iui均失敗,岩岩在瑪麗政府做了第一次IVF ICSI, 抽卵12粒,成熟卵子11粒,但結果只有1粒能受精成day2胚胎grade 4(等級1-6,其中5&6不能植入,4定義為細胞不一及有碎片),因只有一個day2胚胎不符合政府培養成囊胚資格及已新鮮植入,現等開獎有以下問題希望你能解答。
1. 醫生說咁低受精率（9%)係非常罕見(只有2%cycle會發生)，他指出ICSI已直接將精子打入卵子，所以不關精子事，是因為卵子質素問題導致不能結合, 請問你認為是否只有卵子出現問題？ICSI結合失敗會否也關精子、lab或其他問題?
2. 因政府schedule 問題, 我在period第4.5天才開針(當天已剩很少量經血)，開針日基礎卵子有14粒，之後打了9天gonal F 225劑量, 5天抑排卵針，低受精率又會否關太遲開針事呢？
3. 醫生有提到如果需要再做IVF，下次需加鈣離子刺激卵子，上網search過應該是指AOA技術，由於香港做AOA分享不多，請問你認為做AOA對我幫助大嗎？過往香港案例你知道有成功活產case嗎？
4. 另外你有什麼建議或認為我同老公需要再做什麼檢查嗎？
5. 關於我的day2胚胎，瑪麗提供的胚胎相片細胞已約10個(唔係太識數因有個泡好細個唔知計唔計）,因之前認知day2應只有4cells,day2胚胎咁多cells生長快係代表咩？如這個quality放在實驗室有機會培養成day5囊胚嗎？
6. 由於荷爾蒙指數ok及內膜13mm可以放day2鮮胎，政府有開孕酮藥物(每天10mgx3)，想問下效果是否口服藥細過塞藥細過油針？係咪有需要出面搵醫生配塞藥/打針增加黃體提高著床機會？

真係好唔明點解咁多成熟卵子就只有1粒結合到,擔心自己做icsi都唔得….心情好失落亦非常不解，希望你能回覆，祝生活愉快。

私人傳訊回覆引用

積分: 9496

6385^#

發表於 23-11-12 04:47 |只看該作者

IsabellaBBB 發表於 23-11-10 14:45
你好cutecutetown,
由心感謝你多年來不斷為我地解答有關ivf問題! 終於都開到BK account 希望你可以解問

Hello IsabellaBBB,
1. 客觀的看「表面証供」,精子卵子都因質素問題而導致今次受精率低和胚胎質量差.其他原因也可能有,例如用藥多少和時間長短、卵巢對藥物反應(從荷爾蒙指標在刺激期間的變化)、實驗室在與你同期抽卵的病人的整體受精率等等.不過始終關鍵仍然在精子卵子.
2. 開針是遲咗少少,但不應對受精有影響.
3. 香港、甚至全世界,做AOA不算多,亦不普及,看文獻絕對有活產,以有限嘅個案經驗看亦似乎是安全.
4. 論精子卵子質素沒有什麼可檢查,因為時間不同而質素不會完全一樣,有機會好一點、亦可以差一點.若可以做到作息正常、均衡飲食、做適量運動基本上係冇得輸的.

私人傳訊回覆引用

積分: 9496

6386^#

發表於 23-11-12 05:21 |只看該作者

IsabellaBBB 發表於 23-11-10 14:45
你好cutecutetown,
由心感謝你多年來不斷為我地解答有關ivf問題! 終於都開到BK account 希望你可以解問

IsalbellaBBB, 續上
4. 有些補充品可以試試,但我只提以下的,因為這幾種都對身體無害:
女：multivitamins, folate/folic acid, CoQ10
男：vitamin C, folate/folic acid, FertilAid/multivitamins
不用多食、跟樽上指引已足夠,吃多了反而有機會影響肝腎.不要期望可以食完一兩樽就會大翻身,基本上只是信者得救,心理上是自己盡過力,而實際上就算幫不了懷孕,也不損健康.
5. 你的胚胎10個細胞,是你自己數出來,還是實驗室說的?day2最理想是4cells,你數到的10個有些應該是碎片而不是細胞.以經驗判斷,這類胚胎很難會成長至囊胚階段.
6. 孕酮(progesterone)的確有口服、塞藥、油針三種,劑量用得對其實效果一樣.

私人傳訊回覆引用

IsabellaBBB

民房

積分: 26

6387^#

發表於 23-11-12 12:30 |只看該作者

Hi cutecutetown,

好多謝你肯花時間為我解答！承上面你嘅回應，我大約1、2年前開始都食緊你所提及嘅supplement, 而老公則喺幾個月前開始食富精多，但開針前嘅驗精報告見到濃度&活躍都差左，而形態就由<1變到2….唔知關唔關事..? 我地兩個唔煙唔酒，有運動習慣，衰在夜訓啲…黎跟都會逼自己早訓

想問從肉眼上醫生/胚胎師可以睇得出卵子質素嗎？即一粒看似正常嘅成熟卵子，都可以係質素差？因我細個有性早熟問題，小學9歲就開始來period,咁多年黎都準時，這樣是否對我嘅卵子質素都有影響呢？例如比同齡人卵巢衰老幾年咁？但其實我照到嘅卵子數量又唔太少的…

最後，因我今次係瑪麗係加錢轉打gonal F , 想問下次開針用返Menopur會唔會好啲?見佢係加左LH,有無話邊隻針嘅受精率會高一d?

再次謝謝你嘅回覆!

私人傳訊回覆引用

積分: 9496

6388^#

發表於 23-11-14 07:01 |只看該作者

IsabellaBBB 發表於 23-11-12 12:30
Hi cutecutetown,

好多謝你肯花時間為我解答！承上面你嘅回應，我大約1、2年前開始都食緊你所提及嘅supple ...

Dear IsabellaBBB,
食supplement嘅嘢就如我上次說，信者得救，有改善固然好，沒有的也是意料中事，不用太執着在數字上的分別；如果數字不是幾倍的起跌，實際上是沒大改變的。濃度和活躍度與上次排精日距、精液容量都可有關連，而型態由<1變2其實仍然在型態差的類別。既然有運動，可能多啲注意平衡飲食和要足夠休息吧。
一粒看似正常嘅成熟卵子，外觀也有機會出現某些特徵從而令胚胎師知道在質素上比較弱，但這不是超聲波可以照到，要顯微鏡才看到的。至於性早熟應該不會跟卵子質素有什麼關係，多慮了。
打哪一種針是醫生決定，我們管不了，但這些針藥絕對不影響受精率，可放心。

私人傳訊回覆引用

積分: 412

6389^#

發表於 23-12-13 04:11 |只看該作者

你好呀

系我第二次搵你呀cutecutetown

IVF進展得so far so good ，真系每一步都動魄驚心

我系歐洲做，今日收到醫生電話講胚胎報告，之前試過幾次早期流產所以就拎晒四粒胚胎去驗

結果系 4粒有1粒吾用得

淨番3粒佢話3粒都有少少吾正常，但系都可以放嚟緊會見多一個遺傳學醫生睇下應該放邊粒先

聽到話有3粒少少吾正常但又未至於唔正常到要放棄其實系咩意思TT 真系好擔心

Thank you

私人傳訊回覆引用

積分: 9496

6390^#

發表於 23-12-14 03:58 |只看該作者

肥肥獅子發表於 23-12-13 04:11
你好呀

系我第二次搵你呀cutecutetown

Dear 肥肥獅子，
我估計嗰3粒有mosaic(嵌合）問題，即胚胎有機會不是全部細胞也是正常。在從胚胎外滋養層抽取活檢，只抽了數個細胞，若有幾個正常但又有幾個不正常時就會出現mosaic的情況。既然你會見遺傳學醫生我就不在這裏詳述，而篇幅亦不夠。
不要太擔心，這個mosaic情況亦需要看比率%高低和出現在哪條染色體，遺傳學醫生會詳細解釋各方面的風險。

私人傳訊回覆引用

積分: 412

6391^#

發表於 23-12-14 05:13 |只看該作者

回覆 cutecutetown 的帖子

明白
另外有啲問題想問 /討論

我之前既幾次早期流產會唔會都系因為我有哩類型既胚胎？但如果照哩個原理，甘我之後所有胚胎都會有吾正常….
系咪我基因本身就有染色體出錯？但之前同先生都一齊做過檢查全部都正常

我今年31 所以又可以講系我卵子質素吾好？

多謝你一直系到支持我哋哩條路真系一啲都吾易行

私人傳訊回覆引用

積分: 9496

6392^#

發表於 23-12-15 03:46 |只看該作者

肥肥獅子發表於 23-12-14 05:13
回覆 cutecutetown 的帖子

明白

Dear 肥肥獅子,
之前流產並沒有化驗胎組織，但似乎也會是染色體問題了。
文獻也有一些關於放了mosaic胚胎嘅統計。視乎mosaic level和有多少條染色體受影響，正常活產是絕對有的；與放正常胚胎相比較，活產率會低少少、而流產率則高少少。所以都要看你的胚胎究竟mosaic 的情況如何才可決定用或不用。
胚胎在細胞分裂時有時會出錯而導致染色體數目異常，這與父母有沒有基因問題無關。

私人傳訊回覆引用

積分: 412

6393^#

發表於 23-12-15 04:53 |只看該作者

回覆 cutecutetown 的帖子

咁樣染色體數目出錯係咪我哋冇辦法去控制？或者會唔會有方便可以改善或減少出錯？

今次既情況真系好有壓力因為之前幾次早期流產既經驗
就算醫生話可以用哩啲胚胎相信我都會有保留
吾知過吾過到哩個心理關口

如果我再做多一次抽卵都會有機會有正常既胎？
個機率系因應我既卵子質素嗎？

我好想相信自己，但好難呀
而家十分矛盾….

Thank you cutecutetown

私人傳訊回覆引用

積分: 9496

6394^#

發表於 23-12-18 12:43 |只看該作者

肥肥獅子發表於 23-12-15 04:53
回覆 cutecutetown 的帖子

咁樣染色體數目出錯係咪我哋冇辦法去控制？或者會唔會有方便可以改善或減少出 ...

Dear 肥肥獅子,
染色體數目異常主要同女性年齡有關,卵子隨住年紀修復功能變差,亦是所謂的「質素」變差.在受精後細胞要一變二、二變四,如此類推,在每次分裂前染色體需要double才可以平均分配到兩個細胞;通常染色體double沒有問題,但在分配時在各種功能上較差時,染色體便不能一對一的分配,令兩個細胞一個多了一條染色體、另一個則少了一條,如是者若再可能分裂下去,自然數目就不正常,胚胎不生長.又或生長到某階段就停止,一是不著床,又或著床了亦流產。這個現象無法改變或改善。
當然明白你試過流產是會格外擔心，一般如果可以再抽卵的話，都寧願再抽，看看會否有正常胚胎。

私人傳訊回覆引用

積分: 412

6395^#

發表於 23-12-18 17:06 |只看該作者

回覆 cutecutetown 的帖子

明白了但我而家先31
之前做檢查巳經知卵巢功能比其他同齡既差
估唔到連卵都吾太好

好彩都算早發現

仲有時間去試….

希望下次可以帶俾係好消息

Thank you

點評

發表於 23-12-21 08:36

私人傳訊回覆引用

goodperson2021

別墅

積分: 531

6396^#

發表於 23-12-25 15:28 |只看該作者

本帖最後由 goodperson2021 於 23-12-25 15:40 編輯

Dear cutecutetown,

我今年40, 單身, 係向外國做過IVF, 而我做個間診所手術比較簡單, 感覺無香港同台灣咁講究, 佢地無PSG, PGT做

1. 我上個月放鮮胎, 放左8日就黎M無左, 佢地係用捱到第5日既鮮肧始去放, 我見好多人既肧胎都可以捱到好多個週, 咁係咪代表我個子宫環境比較差?
2. 放胎後, 我係一直有塞cyclogest, 人地話一直有塞的話係唔會來經, 但我結果都係來, 係咪我唔正常呢?
3. 如果下次放胎, 除左塞cyclogest, 我好無都口服progesterone安胎葯呢?
4. 我如果抽完卵, 放完胎就去搭飛機, 會唔會唔好呢?
5. 自從上次IVF之後, 我一M到, 或有咩刺激, 我右面卵巢都會有啲唔舒服, 咁係咪正常呢?
6. 用menopur定gonal-f排卵針, 你覺得邊隻好啲呢?
7. 我本身有失眠問題, 其實咁會唔會都唔適合做IVF? 因為我訓唔到覺, 個子宫跟本無得休息8. 做完抽卵或放完胎, 其實可唔可以食安眠葯?
9. 用捱到3日的肧胎好定5日的肧胎好?
10. 用鮮胎好定雪胎好? (沒有做PSG或PST)

我知我問題比較多....但因為個邊醫生都比較HEA, 唔係好答我.....希望你幫到我, 感激

私人傳訊回覆引用

積分: 9496

6397^#

發表於 23-12-26 12:30 |只看該作者

goodperson2021 發表於 23-12-25 15:28
Dear cutecutetown,

我今年40, 單身, 係向外國做過IVF, 而我做個間診所手術比較簡單, 感覺無香港同台灣咁 ...

Hello goodperson2021,
已經40而又用自己卵子的話,我會建議做PGT,始終40以上的卵子/胚胎就算可以生長到囊胚(day5 day6),亦常見有染色體數目異常,無謂浪費時間放些不正常的胎.
1. 這裹主要有兩個重點;一是你已經嚟M,即胚胎並沒有著床,而其他人「捱到好多個週」亦不值得羨慕,因為只捱到幾周,即早期流產,花了時間也只是空歡喜,只有無奈.第二點,子宮環境,你之前有照過宮腔鏡、又或最基本超聲波看過內膜厚度,又或有沒有子宮肌瘤?
2. 人哋話但不是醫護話,那就不能盡信.我入行多年,可以實在話你知,如果胚胎冇著床,什麼塞藥口服藥甚至打progesterone都冇辦法令經期不來.
3. 本來塞藥就已足夠,可問醫生處方或跟建議.

私人傳訊回覆引用

積分: 9496

6398^#

發表於 23-12-26 13:21 |只看該作者

goodperson2021 發表於 23-12-25 15:28
Dear cutecutetown,

我今年40, 單身, 係向外國做過IVF, 而我做個間診所手術比較簡單, 感覺無香港同台灣咁 ...

Goodperson2021續上,
4. 你的意思是,你一點鐘放胎,兩點就去機場上機嗎?雖然坐飛機沒什麼影響,但放胎後還是輕輕鬆鬆比較好,始終趕飛機心情難免緊張.若要即日離開,最好預留足夠時間.
5.或可找香港IVF醫生檢查一下,應該只照超聲波就ok,看看卵巢有沒發炎之類.
6. 卵巢對賀爾蒙反應因人而異,用得其所最緊要,兩隻藥也是常用、大廠嘅藥,功效上沒分別.
7. 未聽過失眠就不適合做IVF,反而什麼原因導致失眠可能才是關鍵.食安眠藥只治標不治本.
9. 我很久沒有放day3的了,沒有囊胚不如不放.
10. 我會建議用雪胎,因IVF同一周期始終用了很高賀爾蒙刺激卵崬,故子宮內膜不會很好. 放雪胎用人工周期內膜可更易控制.

私人傳訊回覆引用

goodperson2021

別墅

積分: 531

6399^#

發表於 23-12-26 17:37 |只看該作者

回覆 cutecutetown 的帖子

真係感謝你既回覆....
由於我個邊係無PSG或PGT做, 咁既情況, 你係咪會建議做DAY 5既胚胎?
其實如果捱唔到第5日既胚胎, 係咪都代表佢本身質量唔好, 染色體有問題, 定係碟既環境成長係唔適合呢?

我9月底做過身體檢查....如果你睇我呢啲結果, 唔知可唔可以睇到我個懷孕機會究竟好唔好呢? 感謝
Age: 40
Vitamin D, 25-Hydroxy: 33.1 nmol/L
TSH: 0728 mIU/L
Anti-TPO: 1.94 IU/mL
AMH: 20.5 pmol/L
FSH: 6.21 IU/L
LH: 4.27 IU/L
Estradiol (E2): 91 pmol/L
Prolactin: 385.7 mIU/L
當時照到有8粒卵子, 我上星期照都係有8粒...

私人傳訊回覆引用