星期日四點先返到香港, 去之前仲驚台灣會打風, 點知打左黎香港, 完全影響晤到我地今次台灣5日4夜之旅!
Day 1 (8/20/08)
我地剩搭長榮航空 BR852, 11:10am起飛, 到達台北12:50pm, 我地上網訂機票, 上網選埋坐位, 我地坐D位好正, 好寬落, 好似坐緊商務客位咁! 不過D飛機餐好難食!
去到機場, 見到銀行個Rate係3.88, 我懶醒, 個幾禮拜前係中環百年唱左, 得3.83!
出左immigration, 去買電話sim card, 即刻用得, 正! Book左架八人車(TW$1,300)去西門町東龍飯店。
放低行李, 去左酒店附近福勝亭食日式豬排飯, 都幾好食, 小朋友可以食烏東。
跟住兩位爸爸同3位小朋友 (Age: 6-8) 搭的士去左Baby boss, 兩個媽咪同另一位小朋友(Age: 3)去行街, 先到台北車站附近, 有一條街專賣珠仔&水晶珠仔, 我個friend買在好多, 佢話比香港平, 跟住去左Baby boss附近家樂福Shopping, 買左D零食, 再到京港城行左一陣, 就join埋佢地去食飯。D小朋友係Baby boss出黎, 就話好好玩, 不過太多人, 佢地只係玩左四個職業, 話下次要再去過。
跟住搭的士返西門町去天外天食麻辣火鍋, 我地選左一個爐有三種湯底, 都okay, 任食大人TW$380, 小朋友TW$190, 再加一。跟住返酒店訓覺。
Day 2 (8/21/08)
一早搭捷運去中正紀念堂影相, 好曬、好熱, 影左幾張相, 即刻飛的去鼎泰豐食小籠包, 四大四小食左三籠(30隻)小籠包, 酸辣湯, 蝦仁炒飯, 紅燒牛肉麵。跟住行過兩條街冰館再食, 兩家人食左兩個水果綜合冰, D芒果好甜,D Strawberry好酸。
然後再搭的士去袖珍博物館, D展品好靚。跟住再搭的士去台北車站地下街, 買左幾對涼鞋比小朋友, 都幾靚, 幾平。再去隔離街光南大批發買左好多衣物芳香袋, 放係衣櫃, D衫有陣香味, 香過 Crabtree & Evelyn D衣櫃紙好多, TW$69已經有3包, 平靚正!
掃完貨搭捷運去淡水, 去到淡水老街係咁食、食、食!
再搭船去漁人碼頭睇日落。睇完日落, 搭紅26公車返捷運站, 再搭捷運出士林夜市, 行左陣, 食埋野就落大雨, 即刻飛的返酒店!
Day 3 (8/22/08)
今日行程去木柵動物園, 搭捷運去到動物園站, 早餐係動物園D小食店食, 無冷氣, 好熱, 食得好辛苦, 跟住開始行運物園, 行左1/3, 太熱實在頂晤順走左。
跟住去左隔離路易士室內兒童樂園, 呢個樂園有D似黃埔個冒險樂園, 不過係買入場卷, D機動遊戲就唔駛再比錢玩, 有個青蛙跳樓機, 好刺激, 好玩過黃埔冒險樂園個青蛙跳樓機多多聲! D小朋友玩左起碼十次, 玩完之後, 我個細女日日都問我幾時再返去玩, 玩到5:00人地收工, 我地先肯走。再行去隔離搭貓空, 唔係好多人, 排一陣就搭到, 都OKAY, 抵搭過昂坪360好多。
搭完貓空, 再搭翻捷運去忠孝復興站Hello Kitty 餐廳食左件cake, D蛋糕同埋裝修真係好靚, D小朋友好開心。(90cm以上,每人最低消費TW$300), 跟住行過隔離街牛角食日式炭火燒肉, 幾好食, 小朋友食飽左蛋糕, 所以只叫左一個4人套餐連啤酒, 只係TW$2000埋單, 係香港食日式燒肉一定晤止呢個價錢。
Day 4 (8/23/08)
今朝落左東龍對面, 係永和豆漿買左豆漿、粢飯同蛋煎餅, 又平又好食。 食飽飽搭的士去左台北故事館, 入場費包左D coupon比我地買野同埋食野, 好懷舊, 都幾得意, 有D懷舊遊戲玩, 小朋友又可以玩,
又可以食。
去完台北故事館，去左隔離兩條街品良牛肉麵食紅燒牛肉麵, 好油, 晤好食, 見對面街有胡椒餅賣, 即刻整翻個, 呢個好食!
食完就搭捷運到忠孝敦化站轉車去小人國, 去小人國D巴士好疏, 我地去到忠孝敦化站時剛剛走左一班車, 於是係地下街行左一陣, 行翻出地面等車時, 突然落大雨, 全部變曬落湯雞。搭左一個半鐘, 終於到達小人國, 我地之前無同司機講, 剛剛過左龍, 要係街口行翻入去, 好彩都晤算行好遠。
入到小人國差唔多都4:30pm, 我地玩左D小朋友機動遊戲, 行左陣, 大約8:00pm就走, 等到差晤多8:30pm先有車, 出翻台北都成10:00pm。其實小人國麻麻地好玩, 又要搭咁耐車, 如果唔係有free ticket都晤會去, 不過幫個女係裡面整左D名字貼紙(有埋相) 都係TW$50/2張, 抵!
出到市區, 我地去左好記擔仔麵食台菜, 好味! 又唔貴!
Day 5 (8/24/08)
今日最後一日, 9:30am去左鴨肉扁食早餐, okay, 不過唔好order咁大碟鵝, 我地4大4細, 佢叫我地order半隻鵝, TW$700, 根本就食唔曬! 價錢都幾貴!
食完早餐, 即刻去掃手信, 買左老天祿鴨舌, 港記鳳凰酥, 港記綠豆糕, 再掃埋黑橋牌肉干, 即返酒店check out出機場。
我地係Terminal 2上機, 去左Hello Kitty候機室影相。臨上機前, 去左點水樓食小籠包, 食飽飽, 就上機啦! Bye Bye, Taiwan!
mouth: 
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
