＋

自由報料

收藏本版
發帖
返回列表
跳至頁

首頁
3132333435...71

尾頁
   146
rab


大宅

積分: 1388


641#
發表於 07-8-25 08:33 |只看該作者
轉貼

柴灣-新x設計x修工程公司(3/7/07)

柴灣政x工x大廈3x號地x
收費高,服務差,手工差,用平料...初時見就樣樣跟足..其實有大單野唔話你知,工程做完就乜都唔理...收錢發惡..---金句 "你教我點做,我唔識"..其實唔想跟進逃避責任...
大家小心!
打擊黑店click
            
私人傳訊

rab


大宅

積分: 1388


642#
發表於 07-8-25 08:34 |只看該作者
轉貼

千萬不要幫襯SPACE訂造傢俬(10/7/07)

我6月14日覆左圖架啦!! 6月6日覆尺, 等8日先有圖覆!! 覆左, 佢都唔係即日或第二日上圖, 要等到6月26日先上.....搞咩呀???
仲要追親佢貨,佢都照覆我地3個星期有傢俬架啦!! 結果7月2日再問佢, 佢又話7月13日會送....
但完來係大話連篇...完全無跟進過... 想用一個"拖"字去解決佢既錯誤..
簡值係超級不負責任..
但送貨部最高級個個都唔覺得遲交貨遲成咁，　佢地公司設計師跟成咁有問題架．．佢ｄ態度好差
我超級後悔搵左lee 間野造傢俬呀!
打擊黑店click
            
私人傳訊

rab


大宅

積分: 1388


643#
發表於 07-8-25 08:35 |只看該作者
轉貼

天水圍頌富既ming salon係黑店...(13/7/07)

我諗住搵間貴d既salon有經驗同保證黎電髮$500
一入去間店冇人招呼你嫁....咁我問其中一位stylist...佢話有心就電!!!
電個時同佢唔好電咁老個d頭...佢就同我電髮尾....電完出黎
個個都覺得我廿幾.....其實我只得18.......好傷心呀!
走既仲想叫我買wax$90....
宜家電左先10日到....曲髮都直左........好唔值呀!
仲有呀..佢搵d新人同我電...咩都唔識咁呀...新人之間又係到傾計....玩
都唔知係咪比d差既藥水比我....焗油等於冇焗
難道我個樣咁易比騙嗎?????
打擊黑店click
            
私人傳訊

rab


大宅

積分: 1388


644#
發表於 07-8-25 08:36 |只看該作者
轉貼

元朗最差壽司店---夢工房(14/7/07)

夢工房--元朗又新街 45號, 富祐閣 5-6號地舖
係新B仔涼粉, 泛后甜品條街 (間店紅紅黑黑的)
又話有 $2 一件壽司,原來每位係宵夜食夠$150 先有
入面waiter 全部 MK 仔
d 枱又無人抹, 無茶提供,叫幾次先有
最九係個 MENU, 誤道人地以為$9 一碟,原來$9 一件
俾人呃晒

打擊黑店click
            
私人傳訊

rab


大宅

積分: 1388


645#
發表於 07-8-25 08:37 |只看該作者
轉貼

[浪得虛名] 垃圾牛扒 Mr. Steak Cafe（極度失望）(16/7/07)

今日小妹到旺角朗豪坊行街睇戲，見有成個鐘至開場就諗住冒名到13樓試試 Mr. Steak Cafe，餐廳中午時段十分冷清，與樓下美食廣場的熱鬧形成強烈對比，初時以為因價錢不夠大眾化而導致食客不多，但原來事實並非如此，在此向好友分享今天的不愉快飲食經驗：
因 Mr. Steak 以牛扒作為生招牌，故此點了一個＄15X 的雜扒嚐嚐，內有西冷牛扒、羊扒、大蝦半隻、小帶子、肉腸。牛扒當然是我喜愛的三成熟，這樣可以鎖住肉汁之餘，又能夠品嚐到牛肉的味道。
點菜後當然是等待上菜，足足等了20分鐘,便向侍應詢問：「我的雜扒還要等多久？」
侍應表示：「 等多 3 分鐘吧！我見到同事準備拿出來！」
事實上又等了 7 分鐘，即是前前後後等了差不多半個鐘，期間令我極之想看看食品的質素怎樣，弄一個雜扒要半個鐘？什麼雜扒那麼了不起？　
而且我看到隔離枱的食客比我遲來，比我遲點菜，卻已經食食飽飽兼夾埋單走人，而我就......咕咕（肚子餓）
終於等到半小時雜扒（在此就這樣叫吧！），當切開我點的三成熟牛扒，內裡竟然一點紅色的生肉部份也找不到，其實有經驗的我已經看得出，不過我要侍應親口對我說。
我叫了侍應過來問他：「請問呢個係幾多成熟？」
侍應答：「應該係七成熟！」
消費者貼士：其實上菜後我已經在墊枱紙上印有的分店電話致電查詢客戶服務熱線，分店的人提供了寫字樓的電話給我，因為我已經忍無可忍，所以即時向寫字樓的職員講述我的情況，掛線後不久便看到侍應接到電話......
雖然已經差不多夠鐘入場，不過我肚火仲慶緊，所以要求換過塊扒，點知換來的是六成熟，並非的要求的三成，而且牛扒的肉質實在令人非常失望，說難聽一點簡直是垃圾，我相信茶餐廳都好過佢！真係想走入去教佢乜嘢叫做三成熟囉！
食到一肚火梗係叫埋單走人啦！個侍應話：「真係唔好意思！呢餐就當係我請！」
唉......！下次就算有人請我，我一定唔會再嚟！仲要叫朋友唔好幫襯呢間浪得虛名嘅餐廳！
打擊黑店click
            
私人傳訊

rab


大宅

積分: 1388


646#
發表於 07-8-25 08:42 |只看該作者
轉貼

megabox 白木屋 垃圾服務,以後都唔會再幫襯!(17/07/07)

上星期約左幾個同學食飯,有幾個同學都未去過mega box
咁咪諗住一齊入去行個圈,順便食個飯,我地去左mega box 二樓
一間叫白木屋既諗住食日本野,因為個時正值食飯時間,我地怕等得耐,咁攞飛前問左佢要等幾耐.
門口個兩位小姐就話: 有一張大抬有人book左, 但係仲未到, 如果過多五分鐘未到就安排俾你地,五分鐘姐, 等得過呀!於是攞張飛,一行七人就企埋一邊等,過左10分鐘, 未見有四人以上入過去,咁咪過去問個位小姐有位未啦!
佢地話未呀! 你留底電話呀! 有位我打俾你地呀!唔係呀MA, 又話5分鐘,好啦冇計, 留底左電話, 但係根本冇野想行, 只係想食飯, 咁唯有繼續企係到等下啦!
等等等....已經等左廿分鐘啦, 根本都冇大枱入過去,有小小不耐煩, 忍唔住過去再問下點,個位小姐話: 入面執緊ga la, 等多陣啦先生
哦...執緊喎, 咁應該就快啦, 咁等多陣囉...
如是者又過左5分鐘, 我無奈咁望住門口兩位小姐,我地有我地等, 佢地有佢地係到玩,終於其中一位望過黎問左句: 七位係咪呀?
...我地七個人企左係到等左40 分鐘啦, 你依家仲唔知我地幾多位呀!
無奈地答: 係呀小姐
然後佢冇理我地, 繼續玩... =o=,又過左10分鐘
有四五個人埋左黎攞左張飛, 佢地有6 個人, 問要等幾耐,
門口既小姐又係話: 好快有位ga la,結果, 真係好快呀...過左五分鐘, 佢地一共6 個人入左去,咁我地呢...無奈攞住張七號飛,地望住6 條友攞住張三十幾號飛, 大搖大擺咁行入去 WTF,我地無奈地望住門口兩住姐姐, 佢地繼續係到玩... O 晒嘴 =0=,佢地玩玩下, 其中一個走左埋黎,"啱啱有六個人入左去呀, 依家冇大枱住呀, 不如你地去行陣,留底電話, 有位我打俾你地呀!"
WTF!!!! 等左成個鐘, 結果係...你地張大枱俾左人啦!冇位..........
頂佢地唔順, 七條友行返德福搵野食,最後, 佢地都係冇打返俾我地
我第一次遇過D 咁鬼差既服務,五分鐘變左成個鐘,成個鐘等到位都話好呀, 等左成個鐘, 都係冇人理過我地.
白木屋, 呢間野以後會blacklist佢
打擊黑店click
            
私人傳訊

rab


大宅

積分: 1388


647#
發表於 07-8-25 08:43 |只看該作者
轉貼

小肥羊火鍋荃灣分店女部長服務態度差(18/7/07)

本人於7月16日晚上7點去了小 肥 羊 火 鍋 荃 灣 分 店打邊爐,由於要令我1歲的女兒乖乖地坐著,方便我們打邊爐,所以就給她吃面包,因為她還小,所以就搞到地下有面包碎,那位部長見到這種情況,就抱怨說我的女兒把地面搞到很骯髒,不過之後我已經拾起左d面包碎,但她還是不死心,在我們起筷不久,她就吩咐左一位清潔女工過來我們的凳子底掃面包碎.
這位女部長的服務態度真是很有問題,令我們吃得很不開心,第一是小朋友吃東西一定不會像我們大人那麼懂得自律,食都地上有面包碎一定會發生,第二,如果搞清潔應該是在我們離開後才開始,不是在我們正在吃的時間搞,這樣很不尊重我們!! 叫我地食塵呀.搞到我地都冇晒胃口~~
我地一定唔會去幫襯 !!
打擊黑店click
            
私人傳訊

rab


大宅

積分: 1388


648#
發表於 07-8-25 08:44 |只看該作者
轉貼

投訴天x泳會增至40宗(19/07/07)

天 晴 游 泳 會 的 暑 期 泳 班 疑 貨 不 對 辦 ， 惹 起 家 長 投 訴 潮 ， 向 消 費 者 委 員 會 投 訴 的 個 案 由 前 日 約 廿 宗 ， 大 幅 增 加 一 倍 至 昨 日 約 四 十 宗 ， 有 家 長 聲 言 ， 若 消 委 會 未 能 幫 助 他 們 追 討 賠 償 ， 將 把 行 動 升 級 ， 入 稟 小 額 錢 債 審 裁 處 向 泳 會 索 償 。
本 報 昨 日 再 接 獲 多 名 家 長 投 訴 ， 指 泳 班 安 排 與 泳 會 職 員 推 銷 時 所 承 諾 的 不 符 。 家 長 梁 小 姐 表 示 沒 想 到 報 泳 班 會 遇 上 「 黑 店 」 ， 導 師 根 本 沒 有 練 牌 照 及 拯 溺 銅 章 ， 對 學 員 沒 有 保 障 ， 她 已 向 消 委 會 備 案 ， 若 不 獲 退 款 ， 會 入 稟 小 額 錢 債 審 裁 處 追 討 。

家 長 導 師 俱 是 受 害 者
記 者 昨 聯 絡 該 泳 會 的 前 導 師 ， 他 踢 爆 不 但 家 長 受 害 ， 導 師 也 是 受 害 者 。 他 指 自 己 並 沒 持 有 練 牌 或 拯 溺 銅 章 ， 見 工 時 只 是 應 徵 暑 期 泳 班 助 ， 泳 會 的 要 求 是 略 懂 水 性 ， 他 以 為 負 責 點 名 、 看 管 小 朋 友 的 工 作 ， 豈 料 泳 會 其 後 要 求 他 單 獨 授 課 ， 由 於 泳 會 威 脅 他 辭 職 要 七 日 通 知 ， 否 則 要 賠 錢 ， 他 惟 有 硬 頭 皮 上 了 數 堂 課 ， 現 已 離 職 。
打擊黑店click
            
私人傳訊

rab


大宅

積分: 1388


649#
發表於 07-8-25 08:45 |只看該作者
轉貼

旺角先達旁的小食檔---唔ok呀!(20/7/07)

今日我同朋友諗住去買野食, 行到埋去個小食檔, 我地叫咗好耐, 入面企係度的三個阿姐, 都無理過我地, 自己做自己野!連望都唔望一下!
結果再叫多幾次, 終於有人好唔情願咁應下我地。
我地叫咗4、5樣野, 其中一樣係煎壤三寶。佢地要先買票, 後拿食物! (都唔知道有咩用, 其實都係直接同佢講)
之後佢就咁話: 31蚊呀! 我覺得咁貴,就問: 煎壤三寶幾多錢ga?
佢即刻好大聲同好惡咁話: 10蚊囉! 咁我就問: 可唔可以要5蚊呀?
佢態度好差咁答: 咁你又唔講, 我點知你想要幾多呀!
我當時都有d嬲, 就話:你都無問過我!? (我之前明明講咗要5蚊, 佢自己聽唔到, 就好似迫我要10蚊咁!)
跟住佢就發脾氣: 咁唔好買囉你!
佢的態度真係好差! 結果我即刻同我個朋友走咗, 去第二度買。
雖然我只係買幾廿蚊野, 係街邊檔都唔會有咩service, 但係我都係消費者, 而且都只係對人的基本禮貌.........我以後都唔會再去呀!
打擊黑店click
            
私人傳訊

rab


大宅

積分: 1388


650#
發表於 07-8-25 08:46 |只看該作者
轉貼

去元朗B仔前請三思呀...>.<(22/7/07)

聽人講元朗B仔好好食, 上星期專程駕車入去試下, 入到去見好多人, 好似真係好正咁, 找到位坐下來便叫左個招牌B仔涼汾, 一來到見到好大呀...好似好正咁...但一食入口立即後悔呀, D生果和涼汾是"暖"的, D生生果更是酸的, 旁邊條河又間唔中傳來震震異味, 直程想吐出來呀, 那天仲要有36度的高溫, 間直留多陣都想死, 果個招牌涼汾仲要收$55, 所以想提下大家去之前要三思呀...如果唔係就好似我咁連油錢都浪費曬呀!
打擊黑店click
            
私人傳訊

rab


大宅

積分: 1388


651#
發表於 07-8-31 12:48 |只看該作者
轉貼
以下係一篇有關公司受騙的報導，請各位打工仔留意...
誤為黃頁文件簽HKBP合約 150中小企人員被追廣告費 (16/7/07)
【明報專訊】近150名中小企人員昨日舉行訴苦大會，聲稱受與極似黃頁的Hong Kong Business Pages(HKBP)商業指南「誤導」，以為可以在該書免費刊登企業資料，簽下一份類似資料更正表格的文件後，才發現原來一格小小的廣告需付費約2萬元，已知個案涉及金額共635萬元。立法會議員鄭家富表示，會協助事主向警務處長鄧竟成反映，盼得到處方正視。
一格小廣告收2萬
報稱受誤導的代理公司職員石小姐於本年5月收到HKBP的信件，要求核對清楚附件上與黃頁免費廣告表格非常相似的公司資料，然後寄回該公司，當時她匆匆寄回，未有為意表格上有一行細字列出廣告的高昂收費。
鄭家富助事主向警方反映
個多月後，石小姐收到通知，指她必須盡快繳付刊登兩期HKBP廣告費39,960元，如取消廣告亦須付款19,980元，否則每月罰交2%利息。這時石小姐才驚覺當初簽下那份類似免費廣告表格的附件原來是一份「合約」，大驚下向僱主林先生求助，林先生亦不肯「就範」，遂在網上討論區召集一批同受「誤導」的事主向鄭家富求助。鄭家富稱曾去信HKBP反映投訴，但該公司反駁稱表格上有列出收費及條文，已算是一份合約。
任職電子行業的事主阮先生表示，接到通知後曾想過付款了事，但他向該公司查詢詳情，如廣告方格的大小、美術設計等，職員張小姐稱一切需由刊登人負責。阮先生其後再多次發送電郵予該公司都沒有回覆，只是不斷收到催交欠款的帳單。
石小姐又補充，不少僱員因為誤簽「合約」而不敢告知上司，只好暗地繳付費用，故她相信真正涉及的金額可能更高。
本報記者昨日曾嘗試接觸HKBP，至截稿前仍未能聯絡上，無法得知HKBP如何回應商戶指控。
打擊黑店click
            
私人傳訊

rab


大宅

積分: 1388


652#
發表於 07-8-31 12:49 |只看該作者
轉貼

投訴永安(22/7/07)

7月9日~在永安於銅鑼灣恒隆ge 分行買7月18~19日澳門來回船飛連酒店房....
當時我地見張程上面有""金域""呢間酒店...
報完之後佢完全冇問題...冇補充...
只係同我講船飛酒店房係第二日先確認俾到我地
7月10日~的確有人打黎....話船飛酒店房確認左...冇話轉左酒店~!
7月18日~我地去到先發現冇""金域""ge 酒店車...
咁我地就搭的士去""金域""...
搭ge 時候的士司機話呢間野執左笠....
司機幫我地call 上台問....我地先知原來""金域""早係一個月前已經裝修緊...所以應該唔會再有房book 到
我地去到俾""金域"" d 保安點去"利奧"....去到"利奧"問人....佢幫我地打去永安問....
最尾先知原來酒店房由原本我地以為ge ""金域""轉左去""維景""....完全唔知發生咩事...
到左維景再問番...個booking 原來係7月10號確認ge....但永安冇通知我地
當時勁燥...想即刻打去永安投訴~~!!!
7月19日~返到黎香港...即刻上番恒隆投訴....
但當時處理呢個投訴ge ge 郭生...淨係以為我地想追番個差額...完全冇道歉ge 成份...
一味話check 完全冇禮貌....話留電話遲d 覆我地...
拖左一陣...我地離開一陣就打番俾我地...講埋晒d 廢話敷衍我地...
第二日打黎...我唔得閒聽...佢留左言...
到我夜晚打過去果時...姓郭ge 已經收工...
係唔知邊個聽電話....比姓郭ge 態度更加惡劣~!!!!
問佢出單果個叫咩名...淨係識講佢姓蕭...同叫jennifer...原來出單果個冇中文名...~~!!
問佢點解酒店裝修緊仲出到booking 又唔正面回答...
又係果種一味以為我地要佢賠錢ge態度....
永安d 態度真係十分惡劣...
請問各位有冇辦法幫手投訴下佢地???
最嚴重ge 問題係....
1.唔明點解...酒店係成個幾月前裝修緊...但都仲book 到房....
2.就算酒店換左第間....都冇理由唔通知個客....
3.投訴ge 時候...處理果幾個人都完全冇禮貌...點解d 態度可以咁惡劣...
4.投訴時...淨係識兜....一味話唔關自己事....
打擊黑店click
            
私人傳訊

rab


大宅

積分: 1388


653#
發表於 07-8-31 12:52 |只看該作者
轉貼

旺角任食日本菜 "日之食" 完全唔掂(22/7/07)

前排去過多次 "日之食" $98 任食壽司 $118 任食刺身 ，食品同服務都ok又有波睇， 成日叫d friend 去食，點知今日再去 :
1)6點半 3 個人 食火煱加刺身任食 比張 4 人 卡位枱，擺好d 杯 碟同爐就冇位再放其他 0野， 叫佢地換枱又唔肯，
2) 一坐低就話 $ 135 一位 (連加一 加左 廿幾蚊一位)
3) 落左 order 紙 之後 成 20-25分鐘 d 0野食都唔來，
4) order 24 件三文魚、12件馬刀貝，12隻甜蝦、12件螺片...，點知等幾個字之後來的是 每種得4 片!!!!!!!!!!!!
再order 就當然要不斷追問d 姨姨，(之前果度多數係姐姐，而家全部變晒姨姨，...........時光飛逝!!!!!!!!!!)
5) 火煱爐煲半個鐘仲係好似溫泉咁，完全唔滾!!!
6) 6 點半 入座 理論上可以食到 8點半， 8 點鐘 個腦細 遞張單埋來話 last order 仲有 20分鐘 夠鐘，埋單$446。
但係我第二張 order 紙 d 0野 食剛剛才到，這時個 火煱仲仍然一時滾一時停 好似 溫泉咁，真係火都0黎埋，同佢講佢話等一陣就會滾，等到8點20分，佢終於走埋來同話我換爐，後來個爐終於滾 ，因為個爐拍得太埋 牆，散唔到熱，所以自動熄火， 但係張枱真係太細.....
7)最後食到八點九，佢都冇理我0地，不過食到一肚火
打擊黑店click
            
私人傳訊

rab


大宅

積分: 1388


654#
發表於 07-8-31 12:53 |只看該作者
轉貼

千祈唔好幫襯日本鋼閘廠直銷中心(23/7/07)

話說我最後先決定換鋼閘 , 就走去灣仔睇下啦 , 咁見到兩間 , 一間業x , 出名d , 大間d , 不過貴少少 , 隔離有間叫"日本鋼閘廠直銷中心" 同一個款平少少 , 咁就幫襯佢啦 , 因為決定得遲 , 好多傢俬都會早過度閘送去屋企 , 所以希望盡快可以裝埋度閘啦 , 咁就叫佢盡量幫手快d起貨 , 個女人開頭就乜都話好 , 話會幫我打尖俾我先 , 一般要兩個星期 , 佢話早得幾多得幾多 , ok 信佢 ~
我7月9號訂 , 點知要去到 7月16號個師傅先上o黎度位 , 嘩 , 又話幫我盡快 , 點解要成個星期後先度位架 ? 跟住我問師傅啦 , 我話要盡快攪架 , 佢話7日內應該攪掂 , 好 , 算 , 到今日 , 7月23號 ,11:30左右 我打去俾個女人 , 問佢幾時可以裝度閘 , 佢話要check 下 , 話覆我 , 到晏晝三點幾都無個電話 , 就打去話佢 , 個女人一個對唔住都無 , 仲話你想我點丫 ? 丫 , 整你個制 , 仲問我想點 , 我想打你呀 , 曲街 !! 問佢幾時可以裝 , 佢話個閘今日到香港 , 等師傅約幾時裝 . 真係一肚氣 , 明知我趕 , 個女人仲好理不理咁 , 一d 都唔係做生意既 , 好老實 , 我好少出post 話邊間唔好 , 只有出post 有好野同大家分享 , 不過呢次我要爆啦 ~
總之 , 一句到尾 , 差三幾百 , 裝鋼閘邊間都好 , 千期唔好幫襯"日本鋼閘廠直銷中心" ~
打擊黑店click
            
私人傳訊

rab


大宅

積分: 1388


655#
發表於 07-8-31 12:57 |只看該作者
轉貼

大家請小心,不要跟這旅行社(23/7/07)

本人在7月13日在(美麗華)報了南非旅行團,報名當日問接待員(何小姐), 南非最平的團有哪一種,她就說現時至9月只得這$9499幾這團出發, 現時最平,沒有可能再抵過這價,在這何小姐游說下便報了這團.
但在上 (20號) 星期五當天, 有旅行社人員通知本人, 卓山景點取消,當時二話不說..話要改出發日期..但那人員說不可改期,也不能退錢,就這樣本人便立刻上綱睇下卓山景點發生什麼事,一睇之下原來發現南非當地６月早以通知卓山要修理纜車至８月７日,但旅行社境然沒有改行程表,隻字不提這會發生的事,因此便在 (21號) 那天到銅鑼灣(美麗華)了解事件.
但當本人詢問接待員(曾小姐)時, 她只回答修理纜真有其事,其後再詢問加錢改期或退錢 因收條背後有寫明可加$500.00改期的,但都只說不能改期式退錢, 而因當時也有其他人士等侯,其後更加以莫不理會的態度, 叫我直接找(何小姐)解決這事.
因受這態度下,便立刻自電旅遊業協會,也是一樣說你們自行解決了事 ..(冇用)因此本人 (在未出發..先谷氣的情況下去旅行)
因本人有這不愉快事情發生,也希望發揮討論區的精神和作用,使各位能加以提防,這旅行社不當的欺騙手法及服務態度,選擇旅行社,
就記得不要再選這間(美麗華)了.
打擊黑店click
            
私人傳訊

rab


大宅

積分: 1388


656#
發表於 07-8-31 13:01 |只看該作者

投訴案例

轉載 2007
1.可怕經歷，請大家小心選擇後才報名
2.威X斯婦產科姑娘勁差!!!!
3.香港仔中心琴行(黑店)
4.上星期遇到騙徒
5.屯門醫院最近又醫死人!
6.我e幾日好嬲呀!!!九X勁吾掂
7.恆X勁賤
8.強烈投訴"保X醫療有限公司"
9.呢間麵面店好過份,好dirty!d麵包跌過照賣!你地小心D!
10.鯉魚門廣場2樓間<超藝xx裝修xx....>
11.果個郭xx醫生，冇醫德﹗﹗﹗
12.廚櫃黑店-旺角區
13.麵包店賣發(毛)麵包,小心!!!!!!
14.激死人ar!!咪鬼買火炭華X士多d野,呃人gar間野!!!
15.唔好幫襯屯門新墟街市呢檔買雞蛋
16.我要唱衰永X旅遊!!!!!
17.激死我, 大家千祈唔好買呢隻Mousse!!!
18.請幫忙,勿光顧灣仔太源街衰人攤檔
19.中環間x樂園
20.好氣憤又心痛--法X醫院這樣對待想哺乳的媽咪
21.在興隆中心shopping的元朗朋友, 一定要小心這間黑店
22.妖!!國美電器既售後服務真係差!!!
23.大家用smartone 要小心!!!!!!!
24.葵涌廣場三樓黑店！！ 店名︰（ X意興隆）
25.投訴 : 溜冰班安排失當家長激氣 (文理今日見報)
26.騙人的 "眼鏡直銷工場"
27.騙人的 "眼鏡直銷工場 Optical Town" (中文版)
28.天x泳會--經營手法有問題,請勿中計!!
29.天x泳會..服務態度勁差
30.荃灣傢俬舖黑店
31.不知所謂(軒琴居)~~
32.新元朗中心景X皇宮海鮮酒家...不知所謂
33.荃灣廣場-青胡椒
34.葵涌商場"五十嵐"侍應陳x霞不知所謂
35.MegaBox 發記甜品，幫襯一次都嫌多！
36.大家用smartone 要小心!!!!!
37.後不要再信有線, 我被他們騙了﹗
38.想投訴急証室既醫生可以點做??
39.電視電訊推銷不擇手段
40.比小朋友自己去廁所d媽咪要小心呀!
41.觀塘裙民中心明x酒家
42.好激氣呀! 俾one2free 呃左續約呀!
43.小心的士 JT 4951
44.沒有經驗的陪月員
45.HKBD 騙局
46.屯門無良的士司機~~
47.今日在香港置業不快經驗
48.Shelly De Mozz 芭蕾舞學院
49.大家千萬不要幫襯"mother care" !!!
50.千萬不要跟Sun X去旅行
51.荃灣南豐中心"樂途旅行社"-極差的旅行社
52.在香港仔買冷氣機要小心
53.追討天x泳會行動

[ 本文章最後由 rab 於 07-8-31 13:17 編輯 ]
打擊黑店click
            
私人傳訊

rab


大宅

積分: 1388


657#
發表於 07-8-31 13:21 |只看該作者
打擊黑店click
            
私人傳訊

rab


大宅

積分: 1388


658#
發表於 07-9-3 12:39 |只看該作者
轉貼

PRO HAIR SALON (24/7/07)

PRO HAIR SALON銅鑼灣灣仔道240號地下(由銅鑼灣行去灣仔集成，係斜路個間，唔係電車路）
我星期日走去呢間野到駁髮．裡面既員工絕對無問題．問題係佢呢間野既商業手法．如同黑店一樣,員工就無權話事既．所以一定唔係員工既事而且門口個男仔，駁髮個女仔都ｏｋ有禮貌平時我就幫襯開銅鑼灣某一間髮型屋我係銅鑼灣駁就$20一條．手勢都非常好．駁左２個月．ｄ顏色亦都冇甩，而且穩陣.
之前亦試過係尖沙咀駁．．平就平ｄ．＄５０三條．．不過洗多幾洗就甩色同埋好快就甩,今次我係呢間灣仔Pro Hair Salon...
完全係因為銅鑼灣間無貨先試下唔同貪佢客少唔駛等咩～ 但幫襯完就真係嬲到屎都滾 ,呢間野收我＄２５一條駁髮．ｏｋ！我豪５蚊俾佢 .
首先．．等左勁耐佢都未同我駁．客又唔係多．算！我自願既之後．．無啦啦就有條女話黎同我洗頭,洗乜野頭ａｒ．．我駁左５，６次髮都唔駛洗頭已經開始覺得有ｄ古怪．．好似想禁錢
跟坐左好耐．２條友拎住佢地ｄ紅色駁髮俾我睇,好明顯就係漂出黎架啦．．． 我同佢地講．．好似淺色過我本身既駁髮好多我之前ｄ駁髮．駁左成２個月．．日日洗頭．都冇佢咁淺色～
點知．有條三，四十歲既男人（我估係老細之類）就話 ：『咩呀～咪一樣．．有咩分別ａｒ』.ｄ 禮貌真係【好】到不得了啦！
我懷疑佢要我等咁耐先駁．都唔知係唔係係後面漂緊ｄ黑色既駁髮
唉～都算啦！．．
然後．．等左勁喇耐先有個女仔同我駁．佢個ｄ駁髮儀器令我恍如去左第三世界 ,我次次駁髮．．都係用ｄ類似負離子機既熱夾．要插電線．溶ｄ膠做接駁,而呢間野呢．就齋用個鐵鉗就搞掂．用ｄ鐵線做接駁．訓覺個陣吉Ｑ住曬,一路鉗就一路話我駁得唔夠多，講完又講，講完再講．． 一路就想ａｏｕ錢～呢樣都算啦．都正常．好多間都有呢ｄ野.
跟住等左勁耐．個條三四十歲既麻甩佬走埋黎．又話我駁得唔夠多同埋佢ｄ態度真係不敢恭維～只可以用一個字形容，就係【衰】！然後突然話同我剪頭髮．我再重新同佢講一次．我黎駁髮唔係剪髮．佢就話即係唔係成個頭剪，只係剪駁髮我話係ａｒ！個陣我已經好火滾．平時駁髮最多３個字至半粒鐘佢駁髮駁左成粒鐘！！！唔講以為佢幫我ｓｅｔ頭去飲ａｒ！我頂你老味最ｘ難頂都係呢ｄ麻甩佬ｄ態度你做服務性行業．以客為主既．冇料就加多幾錢禮貌啦咁都唔識．真係垃圾～三四十歲人咁簡單既做生意道理都唔識．我覺得真係威呀～！唔怪得星期日．黃金下晝．１隻手都數曬你有幾多客.
搞掂曬之後．精彩既部份黎啦我因為覺得呢間野不斷搵野黎掠錢自己心入面都計定數果然．冇睇錯佢啦 ．真係想收多我錢～佢話要收我剪頭髮錢ｗｏｒ！！！真係要俾個【服】字佢我即刻話．我只係剪左ｄ駁髮既尾，得個５條．你收乜野我剪頭髮錢ａｒ？？！然後個條三四十歲麻甩佬，@@@ing Jerk又走出黎佢話《我開過把較剪．動過刀．有用過把較剪．所以要收剪頭髮錢！！》嘩～～真係ｏ曬咀囉～我估佢唔到．咁九唔搭八既籍口都俾佢諗到，高將ａｒ！！我同佢拗．我話我去過４，５間都係齋收番ｄ駁髮錢架播．佢繼續話《你駁左唔剪駁髮尾先唔駛收剪髮錢！你而家駁完有剪ａｒ嘛》我話《下．．．駁得髮就一定剪埋個駁髮尾架啦》乜有人會駁完長賴賴就咁行出街架？你唔好玩啦，呀Funny!
後來佢見我把聲又大．又有２，３件客係度就話算數～算你XX．好似你豪俾我咁．報警囉大不了！
打擊黑店click
            
私人傳訊

rab


大宅

積分: 1388


659#
發表於 07-9-3 12:41 |只看該作者
轉貼

自資出書，騙案多(18/7/07)

書商說全港大小書店都有他們出版書籍，包括三聯，商務x書局 等… 但作者付出了制作費後，書商根本沒有包銷能力，書本只會在書展中銷售幾天，買不出餘數全部推進貨倉裡，書商解辭市面書局不入貨 因書籍內容不吸引。
還狡辯他們只負責制作，不包銷。
這番話跟他們當初哄騙你出書時大相廷徑,後來作者走遍大小書店，一本也找不到該出版社所出版的任何書籍，全是騙制作費的。( Red Publish )紅出版
打擊黑店click
            
私人傳訊

rab


大宅

積分: 1388


660#
發表於 07-9-7 14:18 |只看該作者
轉貼

縱橫遊千祈咪参加 我要告到佢甩褲(27/7/07)

年初春節期間参加縱橫遊本州7天包羅萬有團，我两條老嘢氣頂到上心口。
同佢講好多次，咁安排，咁嘅導遊，成萬二幾蚊團費，攪成咁，賠500蚊就点都唔得。佢話，你地咁叻就告我，你話條氣唔氣頂。
而家我地向審裁处告佢，唔賠返一半團費就上法庭告至佢甩褲。
昨晚電视，今日好多報紙都有賣。
蘋果日報講得最詳細，你係我，只賠５舊水你告唔告佢？

以下轉載蘋果日報報導：

懷 石 料 理 食 腸 仔 蛋 團 友 興 訟 向 縱 橫 遊 索 償 24 萬 元
【 本 報 訊 】 33 名 港 人 今 年 新 春 時 參 加 日 本 本 州 七 天 旅 行 團 ， 不 料 整 個 行 程 安 排 錯 漏 百 出 ， 呆 等 旅 遊 車 是 主 要 節 目 ， 食 懷 石 料 理 變 成 食 腸 仔 蛋 ， 購 物 時 間 只 得 15 分 鐘 ， 更 有 團 友 跌 傷 頭 部 後 不 獲 領 隊 協 助 。 團 友 一 度 懷 疑 領 隊 沒 有 認 可 資 格 ， 回 港 後 立 即 報 警 留 住 企 圖 逃 走 的 領 隊 。
「 除 飛 機 班 次 冇 樣 」
負 責 籌 辦 有 關 旅 行 團 的 縱 橫 遊 ， 只 願 向 每 位 團 友 賠 償 500 元 。 8 名 團 友 遂 入 稟 小 額 錢 債 審 裁 處 ， 代 表 共 22 名 團 友 ， 向 縱 橫 遊 索 回 共 逾 24 萬 元 團 費 。 雙 方 暫 未 能 達 成 和 解 協 議 ， 押 後 11 月 13 日 再 訊 。
其 中 一 名 申 索 人 駐 法 庭 警 員 魯 先 生 說 ， 他 與 妻 新 婚 ， 欲 帶 她 遊 東 京 ， 盡 情 購 物 ， 遂 付 每 位 12,906 元 團 費 報 團 ， 但 「 去 過 新 宿 同 其 他 購 物 區 ， 都 只 係 留 得 15 分 鐘 ， 根 本 連 搵 舖 頭 時 間 都 無 」 ， 「 老 婆 詐 晒 型 」 。
另 一 團 友 鄭 小 姐 稱 ， 「 未 試 過 去 旅 行 去 到 要 報 警 」 ， 她 指 旅 行 社 安 排 極 差 ， 「 除 飛 機 班 次 外 ， 無 一 樣 嘢 係 啱 」 。 經 多 番 交 涉 ， 旅 行 社 透 過 旅 遊 業 議 會 表 示 只 會 賠 償 500 元 ， 「 我 要 求 佢 起 碼 賠 一 半 ， 但 佢 公 司 代 表 話 要 返 去 商 量 」 。
被 指 欠 缺 專 業 操 守 的 男 領 隊 彭 慶 滔 ， 年 約 50 歲 ， 有 領 隊 證 ， 但 沒 有 日 本 本 土 導 遊 資 格 ， 卻 兼 任 今 次 旅 行 團 的 日 本 導 遊 ， 旅 行 社 指 事 後 已 解 僱 他 ， 永 不 錄 用 。
這 個 旅 行 團 於 今 年 2 月 17 日 年 三 十 出 發 ， 綜 合 團 友 的 申 索 指 ， 領 隊 多 次 置 團 友 於 不 顧 ， 亦 不 介 紹 景 點 ， 只 在 推 銷 手 信 時 才 開 金 口 ， 有 團 友 曾 離 團 踩 單 車 跌 傷 頭 部 ， 領 隊 不 但 沒 有 提 供 協 助 ， 更 稱 「 如 無 特 別 需 要 求 診 ， 無 謂 阻 延 行 程 」 ， 令 受 傷 團 友 得 不 到 適 當 治 療 。
領 隊 不 熟 路 冒 雨 找 食 肆
此 外 ， 領 隊 並 不 熟 路 ， 要 靠 途 人 引 路 ， 團 友 曾 冒 雨 步 行 超 過 90 分 鐘 ， 跟 他 尋 找 食 肆 ， 其 中 六 名 團 友 更 要 抱 熟 睡 的 孩 子 ， 狼 狽 萬 分 。
行 程 安 排 方 面 ， 旅 遊 車 多 次 遲 到 ， 最 嚴 重 一 次 遲 近 三 小 時 ， 領 隊 只 推 說 交 通 擠 塞 、 司 機 生 病 或 旅 遊 車 正 接 載 其 他 旅 行 團 ； 在 食 懷 石 料 理 晚 餐 ， 竟 以 腸 仔 蛋 等 取 代 ， 令 團 友 大 感 錯 愕 。
鑑 於 玩 到 一 肚 火 ， 團 友 聲 言 不 給 予 小 費 ， 領 隊 卻 「 扮 可 憐 」 ， 推 說 安 排 失 誤 全 屬 旅 行 社 責 任 ， 並 承 諾 替 團 友 做 證 人 協 助 追 討 ， 但 小 費 到 手 後 即 反 口 ， 指 團 友 無 權 強 迫 他 ， 到 港 後 更 嘗 試 逃 走 ， 團 友 只 好 報 警 。 團 友 回 港 翌 日 往 旅 行 社 交 涉 ， 惟 職 員 諸 多 推 搪 ， 更 報 警 驅 趕 眾 人 。
案 件 編 號 ： SCTC31890-1,31991,31994-8/07
團 友 指 控 十 宗 罪 內 容 摘 要
1. 抵 大 阪 機 場 後 ， 身 兼 導 遊 領 隊 的 彭 先 生 自 行 出 閘 ， 不 顧 團 友 ， 未 有 點 名 便 要 求 旅 遊 車 駛 走 ， 令 部 份 團 友 上 錯 車
2. 團 友 多 次 跟 隨 不 熟 路 的 領 隊 尋 找 食 肆 ， 有 一 次 更 要 冒 雨 步 行 90 分 鐘 ， 其 中 6 名 團 友 抱 熟 睡 的 孩 子 極 為 狼 狽
3. 有 團 友 跌 傷 頭 部 ， 領 隊 沒 有 提 供 協 助 ， 更 稱 「 如 無 特 別 需 要 求 診 ， 無 謂 阻 延 行 程 」
4. 旅 遊 車 多 次 遲 到 ， 最 嚴 重 一 次 遲 近 3 小 時 ， 領 隊 推 說 交 通 擠 塞 、 或 司 機 生 病 、 或 旅 行 社 安 排 不 周
5. 前 往 清 水 寺 時 ， 部 份 團 友 因 路 斜 未 能 跟 上 ， 領 隊 竟 以 「 不 等 其 他 未 到 達 的 團 友 」 為 由 ， 只 購 買 部 份 入 場 券
6. 原 定 的 懷 石 料 理 晚 餐 ， 竟 以 腸 仔 蛋 等 食 物 取 代
7. 於 新 宿 等 兩 個 購 物 區 遊 覽 時 ， 只 逗 留 15 分 鐘 ， 團 友 冇 足 夠 時 間 購 物
8. 所 謂 任 飲 任 食 壽 司 鐵 板 燒 ， 團 友 要 自 費 購 買 紙 杯 ， 才 可 享 用
9. 領 隊 推 說 安 排 失 誤 全 屬 旅 行 社 責 任 ， 並 承 諾 替 團 友 作 證 人 協 助 追 討 ， 但 小 費 到 手 後 卻 拒 絕 任 證 人
10. 回 港 翌 日 ， 團 友 前 往 旅 行 社 追 討 ， 職 員 諸 多 推 搪 ， 更 報 警 驅 趕 眾 人
資 料 來 源 ： 申 索 書
打擊黑店click
            
私人傳訊


首頁
3132333435...71

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy