想生BB 今日: 1 | 主題: 109584

積分: 9496

6621^#

發表於 24-7-12 05:31 |只看該作者

jub615 發表於 24-7-10 17:29
Cutecutetown 我好：
2021第四次放day 5胎嘅時候成功咗，BB兩歲啦，而家仲有2粒day 3, 2粒day 6，grade 只 ...

Dear jub615,
4個胚胎之中兩個是D3,未必可以長到囊胚，加上如果你要做PGT, 今個周期多數趕唔切等有結果才放胎，所以不太建議呢個選擇。
在沒有PGT的情況下，胚胎成功率與年齡掛鈎；不過那是抽卵時嘅年齡而不是現在年齡，所以你的胚胎仍是34、35歲時嘅質量。囊胚有5-6分也不算很差，至於成功率方面，胚胎本身是改變不了的，那即是只要子宮環境合適就可以。子宮環境其實醫生已用超聲波、抽血monitor住，因此你亦不需要額外做什麼。

私人傳訊回覆引用

積分: 9496

6622^#

發表於 24-7-12 11:15 |只看該作者

poohchanns 發表於 24-7-12 00:40
回覆 cutecutetown 的帖子

Hello cutecutetown,

Dear poohchanns,
1) 其實可以指多方面，外觀固然都有機會看到，但受精比率低，又或D3以前已分裂不好/多碎片，都可以是因為質素不好導致。
2）卵子質素不好亦有機會有染色體問題，只是染色體問題是看不出來的。
3）不常見，不用過早就懷疑是免疫問題。因你說你是第二次抽卵，我不清楚你第一次抽卵整體嘅結果是怎樣，但單看第二次，都略略推論倒你以往在自然周期的情況下，即只得一粒成熟卵子、受精機會偏低、然後質量還麻麻地時，假若受精了又有多少次可以達到囊胚仲要有著床呢？既然連達到著床的機會也低，那就談不上是有免疫問題。不過又再強調一次，我們現在只是回頭看以往你未做IVF的機會，現在做了IVF,起碼可以去到有胚胎嘅地步，所以唔好咁快就失去信心，放幾次胚胎才下結論未遲。
4） IVF卵多咗，未必一定增加咗成功率，因為打賀爾蒙只是催谷埋本來在自然周期下會被淘汰的一些卵子，針藥本身係唔會對卵子質素有幫助的，不過一次周期已可以多過一個卵子而又知道有胚胎的話，簡單的去理解就係縮短咗達至成功嘅時間。

私人傳訊回覆引用

積分: 259

6623^#

發表於 24-7-13 08:31 |只看該作者

本帖最後由 poohchanns 於 24-7-13 08:41 編輯

回覆 cutecutetown 的帖子

Dear cutecutetown ,
多謝回覆。
今年年頭剛36歲時第一次抽卵，卵泡有8個但最後是只抽了3個，只有一個成熟，D3前已分裂不好，成績超差，冇胎可放。第二次(今次)regularly 做運動，注意飲食後再抽就好了dd( 唔知關唔關事)。

1) D3以前已分裂不好/多碎片，都可以是因為質素不好導致。所以過到D3的，質量其實都不太差? 之後就是睇染色體了，我這理解對嗎?

2)其實身邊都有不少朋友成功自然懷孕，35, 36,40歲都有而且bb都很健康，好羡慕:( 。所以我會有個諗法是，他們不用去IVF的地步，證明卵質素不差，所以染色體有問題機會不高。還是其實唔關事,機會均等?

3)染色體不好的機會是related to 年紀還是卵質素較多? 我36, 卵質素不好，是否染色體不好的機會會比別人高?

4) 35-37這年齡，染色體有問題機會是否很高?

5)因為之前其實都做過兩次IUI, 不成功。感覺自己還做了IVF，覺得能懷孕成功的機會會比較低好多。兩個胚胎成功機會跟同年齡自然懷孕的人是否較低？每想起之前的成績及兩年備孕的結果就好冇信心

不過心情已比之前好，放鬆了多d。因為我知緊張都可能係影響卵質素或IVF放胎! 所以希望釋除疑慮，平常心等放胎。非常多謝你解答。

私人傳訊回覆引用

14c86d4a057a4c

民房

積分: 12

6624^#

發表於 24-7-14 18:38 |只看該作者

Dear cutecutetown

首先感謝你抽空解答問題。
本人34歲，因先生精子形態問題(<1%)做ivf（但之後check已升返3%了，且DNA斷裂率pass）。我前後抽咗3次卵，全用ICSI授精，但每次胚胎質素都好差。

第1次（33歲，當時AMH 2.56 ng/ml)政府ivf:
抽13粒卵子，8粒受精，但得2粒Day2 胚胎可用：
- Grade 4 (4 cells)
- Grade 4 (2 cells)
冷凍後，分兩次植入，失敗

第2次（34歲, 當時AMH 1.53 ng/ml）政府ivf:
抽9粒卵子，4粒受精，但得1粒Day2 胚胎可用
- Grade 4 (4 cells）
新鮮植入，失敗

第3次（34歲）私家ivf：（同第2次抽卵相隔3個月）
抽3粒卵子，3粒都受精，由於質素麻麻，day3 時已雪起：
- Grade 4 (6 cells）
- Grade 4 (5 cells)
- Grade 2 (2 cells)

想請教：
1）我係私家既呢3粒day3胚胎，全部cells數都唔夠8粒，可以植入嗎？因為我係政府的兩次，太差既day2胚胎（below grade 4)已經篩選走。而私家得3粒，我擔心佢係驚我無胎雪先勉強雪住先

2）如果植入的話 grade 4 (6cells)好d定grade 2 (2cells)好d? 如果一次過植入2粒，應揀邊2粒？

3）另外我下個月會再去政府抽第3次卵，但同上一次抽卵只相隔2個月，一年內抽3次卵（每次相隔2-3個月）會唔會對卵巢做成太大負荷而影響卵子數量/質素？因為我唔知點解第1，2次都抽到13粒/9粒，但第3次drop到得3粒卵子。

4）另外私家check到我葉酸代謝有問題，要食活性葉酸先得。原來我之前一直吸收唔到葉酸，想問呢知問題會否影響胚胎質素？

5）另外私家都check到我凝血基因-675(4G/4G)有問題，會容易流產，下次放胎前要預先食薄血藥同打針。呢個問題都會影響胚胎著床嗎？

唔好意思，一次過問咁多問題(emoji)(emoji)

私人傳訊回覆引用

積分: 9496

6625^#

發表於 24-7-15 14:29 |只看該作者

poohchanns 發表於 24-7-13 08:31
回覆 cutecutetown 的帖子

Dear cutecutetown ,

Dear poohchanns,
1) 理解都算正確。但染色體數目問題唔多唔少都睇卵子，一方面卵子階段已可以染色體數目異常;又或卵子時是正常，但到成了胚胎，細胞分裂、一分為二時，染色體會先double，要平均分配到兩個細胞，當中嘅「工具」都要運作正常才可以。所以每一次分裂都要正確分配染色體，胚胎才會有正常嘅染色體數目。
2) 能夠自然懷孕，卵子精子質素都不會太差，而懷上後亦有產檢，若有不正常可能都流產又或終止懷孕，能誕下BB的，絕大部份都應該健康正常。其實做IVF,主要都係幫助一下由受精到胚胎著床這段關鍵時間。懷孕之後活產與否、健康與否，自然和IVF嘅機會都差唔多。
3）女性年紀越大，染色體數目異常的機會亦越高，而卵子質素也會越差。卵子質素就如我上次解答，其實係泛指很多方面，包括染色體，亦包括細胞分裂的工具。
4） 35-37歲，有問題的機會較35歲以下的高，但有多高因人而異，這只是統計後嘅結論。
5）如果你繼續沿用自然方法去懷孕，機會當然就比其他可以自然懷孕嘅人低。但用了IVF，就如我上面第2點說了，關鍵時間幫助倒，成孕以後嘅事其實大家也差不多。所以不要氣餒啊！

私人傳訊回覆引用

積分: 259

6626^#

發表於 24-7-15 19:59 |只看該作者

回覆 cutecutetown 的帖子

Dear cutecutetown,

謝謝你的詳細解答同鼓勵 !!!雖然其實對於IVF都仍然係未係十分了解

1)上面說能夠自然懷孕精卵質素應不差，但做IVF針藥原來係唔可以改善質素 ( 因為初頭醫生話我荷爾蒙唔夠，所以針藥可以俾到少少營養卵子)
咁除咗一個周期多咗卵，IVF 喺受精着床方面其實係點樣幫助到呢? 因為以我所知IVF就係等啲精子自己游入去同自然一樣

2.卵子質素又隨年紀增長下降冇得逆轉，咁每一次做IVF 抽卵, 其實係撞彩睇吓會唔會遇到一粒好嘅卵子？

3.卵裏面做嘢嘅’工具’係咪即係好似之前話線粒體嗰啲？發電廠比喻嘅電力？

4. 請教一下Day 幾先係叫做胚胎? 精子卵子嘅染色體角色係咪都各佔一半呢?

5.以你經驗，做運動 /diet 是否對卵子質素有幫助？

6.若果卵子質素可以改善 (外觀靚啲/裏面運作得好啲)，係咪染色體都係冇得改善？還是兩者有關連？

7.雪咗嘅精子做IVF 會唔會比較新鮮嘅差好多?

再一次多謝你嘅回覆！

私人傳訊回覆引用

積分: 9496

6627^#

發表於 24-7-16 07:34 |只看該作者

14c86d4a057a4c 發表於 24-7-14 18:38
Dear cutecutetown

首先感謝你抽空解答問題。

Hello 14c86d4a057a4c,
1) 你的政府IVF同私家IVF用的是否兩個不同的實驗室？ Day3 胚胎不一定會有8個細胞，但grading不好可能是碎片偏多，在碎片多的情況下，細胞數目有時也很難看準確。你的3個day3胚胎，如果細胞數目是準確，grade4都尚可以植入試試機會，但2-cell grade2其實應該沒有生長的了。
2）我絕對建議你放2粒，即一粒6cell加一粒5cell。至於那粒2cell, 可以培養多一天兩天，我相信它並不會再生長，但如果有奇蹟，再雪也要到囊胚才雪。
3）第一、二次好似抽倒多啲卵，但唔係全部受精，胚胎不多、質素也差；第三次則少卵，但胚胎質素可能好少少。但三次的針藥份量是否有不同？卵泡成長速度和針藥打咗幾多日才打破卵針？這些其實都影響數目和質量。反而負荷與否是次要。
4）葉酸主要用來備孕或在懷孕期間幫助胎兒生長，與卵子和胚胎培育沒有關係。
5）你的問題是胚胎質素差所以不著床，要先著床薄血藥才可以發揮效用。但當然，放了胚胎就要同時用藥。

私人傳訊回覆引用

14c86d4a057a4c

民房

積分: 12

6628^#

發表於 24-7-16 13:10 |只看該作者

cutecutetown 發表於 24-7-16 07:34
Hello 14c86d4a057a4c,
1) 你的政府IVF同私家IVF用的是否兩個不同的實驗室？ Day3 胚胎不一定會有8個細胞 ...

Thank you cutecutetown.

1)是的，兩個實驗室不同，所以政府Day2 就要決定雪起/繼續培植。

2）多謝你的建議，我會試試放2粒看看，希望有機會成功。

3）
-第1次打了7日225iu +4日300iu 的menopur，共11天，第11日晚上打破卵針
（一開始照到8粒基礎卵泡，最後抽13粒）

-第2次打了11日300iu menopur，共11天，第12日晚上打破卵針
（一開始照到5粒基礎卵泡，最後抽9粒）

-第3次私家轉咗藥，但醫生話劑量同上兩次equivalent的。呢次打了11日18個單位的rekovelle，共11天，第12日晚上打破卵針
（一開始照到7粒基礎卵泡，最後抽3粒）

經過以上3次促排，你認為可以怎樣調整才可提升胚胎質素呢？
聽說胚胎頭3日發展主要受卵子質素影響，第4-5日看睇精子質素，是真的嗎？我3次ivf都係胚胎到第2-3日已經發展得唔好，是我的卵子早衰嗎？我問醫生我的AMH 如何，但佢又話唔算太差…

4&5）明白了，多謝你解答(emoji)(emoji)

私人傳訊回覆引用

積分: 9496

6629^#

發表於 24-7-17 07:10 |只看該作者

poohchanns 發表於 24-7-15 19:59
回覆 cutecutetown 的帖子

Dear cutecutetown,

Dear poohchanns,
1) 自然情況下，精子需要游很遠才會遇到一個周期中唯一的一粒卵子，受精與否亦未可知。IVF若以「傳統方法」受精，就是把精子卵子放在一起，讓精子自己游入去。另一方法就叫ICSI, 即把精子直接注射入卵子令其受精。經這兩種方法，我們都可以肯定卵子是否正常受精。
著床方面，IVF看準時間、配合子宮環境才放胎，如果有做PGT,更可確定胚胎有沒染色體問題，確認倒懷孕的時間比自然懷孕早。
2）遇倒一粒好嘅卵子係主要因素，但亦要配合倒一粒好嘅精子。基本上，IVF把數量增加，中彩嘅機會便增加了，亦縮短咗達至成功嘅時間。
3）對，粒腺體提供「電力」，但細胞內仍有很多「工具」負責monitor 又或repair的。
4）受精後便是胚胎，你或可看作day2或有開始細胞分裂過程的。胚胎嘅染色體有一半來自卵子，有一半來自精子。
5）做運動嘅目的係增進血液循環，氧份足夠，身體新陳代謝才正常，營養亦容易讓細胞吸收。
6）染色體是改變不了的。
7）不會差好多，但當然，可以用新鮮就用新鮮。

私人傳訊回覆引用

積分: 9496

6630^#

發表於 24-7-17 08:19 |只看該作者

14c86d4a057a4c 發表於 24-7-16 13:10
Thank you cutecutetown.

1)是的，兩個實驗室不同，所以政府Day2 就要決定雪起/繼續培植。

Dear 14c86d4a057a4c,
看來兩次政府IVF,受精卵和基礎卵泡相符，即多抽的數目可能也是不成熟卵子，所以才不受精。不過，不是每一個基礎卵泡都可以孕育倒成熟卵子，所以第三次就只抽到3個成熟的，亦全部受精。
嚟緊第三次政府IVF, 似乎都會用差唔多嘅卵巢刺激方案促排，即仍然用menopur；政府應該冇rekovelle, 而這藥亦唔見得對你有幫助。促排不可能提升胚胎質素的，過猛嘅促排反而有機會對質素有負面影響。
胚胎雖說是精子卵子的結合，但頭3天發展還是要先靠卵子內的各方面儲備維生，到第4、5天胚胎的基因才會啟動並制造自己一切所需。所以你3次IVF 的胚胎在頭3天都質素麻麻，反映卵子質素是不太好。卵子質素與AMH無關的。
你現在才34歲，始終時間站在你那邊，雖然卵子質素較同齡的差，但應該仍然有好的卵子，只要遇到一兩粒好的話，成功機會仍然有的，只是可能要比其他人做多幾次IVF, 經歷更多。
先祝福你下月IVF就有至少一個能bingo嘅胚胎

私人傳訊回覆引用

14c86d4a057a4c

民房

積分: 12

6631^#

發表於 24-7-17 17:10 |只看該作者

cutecutetown 發表於 24-7-17 08:19
Dear 14c86d4a057a4c,
看來兩次政府IVF,受精卵和基礎卵泡相符，即多抽的數目可能也是不成熟卵子，所以才不 ...

多謝你的答覆，明白多了(emoji)(emoji)
亦感謝你的祝福❤️
我會繼續努力，希望有好既卵子出現(emoji)(emoji)
請問你認為每日沖一匙羹蛋白粉飲，可以嗎？有朋友建議我咁做，更易吸收蛋白質。（其實我第3次促卵期間每日都食2-3粒烚蛋，食蛋白為主，但卵子質素都係差(emoji)）

私人傳訊回覆引用

積分: 259

6632^#

發表於 24-7-18 00:11 |只看該作者

回覆 cutecutetown 的帖子

謝謝你的回覆!
對IVF終於了解多了

因為之前醫生說卵子差好大原因，係因為過去做嘢壓力大，同埋個人比較緊張所致。咁當然年紀都係一個問題。咁睇嚟其實都冇乜嘢可以做，都只能夠行向運動，均衡飲食同休息出發，希望有少少幫助啦!

不過現在已經係去到放胎階段，希望喺放之前繼續做運動有幫助啦。想問一下：

1) 我係用人工周期，所以子宮環境方面，其實係咪只要準時食藥食藥就可以？冇乜其他嘢可以幫助到？

2) 有時候聽到啲人話有血液循環嘅問題，喺放胎之後有啲乜嘢需要注意？亦都都有聽過，如果血液太循環的話會令到胚胎唔容易黐實，呢個觀點點睇呢？

3) 如果第一次放胎唔成功，係咪下個星期就會接着再做？

4) 針灸艾灸，你認為有幫助嗎？

謝謝!

私人傳訊回覆引用

積分: 9496

6633^#

發表於 24-7-18 05:32 |只看該作者

14c86d4a057a4c 發表於 24-7-17 17:10
多謝你的答覆，明白多了(emoji)(emoji)
亦感謝你的祝福❤️
我會繼續努力，希望有好既卵子出現(emoji)(emo ...

Dear 14c86d4a057a4c,
可能坊間有什麼流傳蛋白對卵子有益？以形補形？據我理解，蛋白只在幫助減少或減輕卵巢刺激過度症（OHSS)嘅症候，醫生通常會叫病人抽卵後多吃蛋白質，就是要減低OHSS風險，但在促排期間吃就沒聽說過。
但撇除對卵是否有幫助，日常女士們為咗keep fit、唔想肥，往往都少肉、甚至唔食肉，其實蛋白質也很重要，在均衡飲食的大前題下，瘦蛋白質其實是有益的，要食點肉才夠蛋白質，例如蛋白、豆腐、奶，肉是可以揀瘦的肉吃，亦要留意煮法。

私人傳訊回覆引用

積分: 9496

6634^#

發表於 24-7-18 08:25 |只看該作者

poohchanns 發表於 24-7-18 00:11
回覆 cutecutetown 的帖子

謝謝你的回覆!

Dear poohchanns,
1) 如果有做運動，血液循環好，對內膜/子宮環境應該也有幫助。準時食藥，多休息，至少這幾個星期均(emoji)飲食，多喝水，全都有好處。
2）我不太清楚啲人話有血液循環問題究竟指什麼，什麼是血液太循環？我只能估計，他們一是在說免疫系統、一是就說血凝固問題吧！精神太緊張、壓力，真的可能會引起免疫問題，但免疫問題這4個字牽涉範圍實在太廣泛，一般緊張、壓力有時有些人會出敏感、生紅疹，但這種免疫系統反應通常不影響懷孕、生育。至於凝血問題很多時都有遺傳基因影響，如有徵兆，醫生已經會安排檢驗，而就算真係驗倒，也可以藥物幫助而順利懷孕生產。所以現在你即管放輕鬆，因為越深究就越擔心，不要給自己鑽牛角尖。
3）你的意思是，若放胎不成功，經期一到是否又可安排這次周期繼續做人工周期並放胎；是可以的。
4）信則有、不信則無。

私人傳訊回覆引用

積分: 259

6635^#

發表於 24-7-18 10:29 |只看該作者

回覆 cutecutetown 的帖子

多謝你回覆

知道會盡量放鬆!
感謝您嘅時間，希望之後有好消息update :)

點評

發表於 24-7-20 04:41

私人傳訊回覆引用

doggylover

積分: 112

6636^#

發表於 24-7-21 16:42 |只看該作者

Hello Cute cute town,

想問問你
我35歲，上個月喺廣華做第一次ivf, 基礎24粒，最後抽左15粒，d3姑娘話11粒授精，9精靚嘅，繼續養到d5，點知返去複診，話全軍覆沒，我當場痛哭，因為抽卵真係好痛無麻醉，同姑娘話正常會有一半去到囊胚，醫生都話好少見，話機率問題。。

想請問下你意見
咁嘅情況，會係我卵子質素問題定個lab/handler都會有影響？
我諗緊如果係主要我問題，就養多三個月先再開針，如果lab都關事，我就下次黎m再去台灣開針。

謝謝你🙏🏻

私人傳訊回覆引用

積分: 9496

6637^#

發表於 24-7-22 15:58 |只看該作者

doggylover 發表於 24-7-21 16:42
Hello Cute cute town,

想問問你

Hello doggylover,
你都好多基礎卵泡喎，醫生有沒有說過是PCO（卵巢多囊）？先生的精子如何？用傳統IVF 定ICSI授精？
你整個療程沒太多資料，我只能從多方面去睇。首先基礎卵泡多（太多），刺激卵巢方案應該不會用高劑量，但打賀爾蒙針期間，亦不太清楚各卵泡的生長快慢。通常卵泡多時，它們大小都會比較參差，24卵泡只抽了15粒，當中沒被抽出來的，是太小就沒有抽，還是抽不到成熟夠大的卵泡，所以又抽埋啲細卵泡呢？較細嘅卵泡內的卵子很多時都不成熟、不能受精，看你在抽到的15粒中，有11粒受精，受精率都算ok。
但據你所說，胚胎Day3時有9粒是靚的，我在早幾個post (#6630)也提到胚胎頭3天都靠卵子內的各方面儲備，所以我估計，你的卵子質量應該不壞；但之後卻沒有囊胚，即胚胎的基因開始啟動，生長就開始變差，換個角度就是當父方可以影響胚胎時，胚胎就每況越下。所以我上面有問你精子質素。
至於是否lab handling出了問題，我不能排除這個可能性，廣華的IVF是香港大學管理，通常會有新手，但每個lab都有一套實驗室指引，加上同一日之內應該不止你一個抽卵，如果其他病人/胚胎並未出現同樣情況，就不是lab handling問題了。
值唔值得去台灣我就不給意見了。

私人傳訊回覆引用

doggylover

積分: 112

6638^#

發表於 24-7-22 17:23 |只看該作者

感謝cute cute town您的回覆，我有分別問過私家同埋公家醫生都冇話我有卵巢多囊症，係呀，我在打針day 7 返去覆診都只係得六七粒開始大，其餘都好細。

先生精子型態之前係出面d lab度check得2%, 去到廣華check就有4%, 啱啱合格，醫生都有話出面d lab比較嚴謹。最後因為合格，就做左傳統第一代IVF。所以最後醫生話係機率問題導致全軍覆沒。

始終都想睇吓有無咩特別原因搞到無晒，會唔會去check吓精子碎片率或者兩個人嘅染色體問題導致咁，因為同一日抽卵嘅人都有day 5, 咁講, 就應該唔關個Lab事..

私人傳訊回覆引用