想生BB 今日: 0 | 主題: 109544

積分: 9490

6641^#

發表於 24-7-25 10:18 |只看該作者

jub615 發表於 24-7-24 16:32
多謝你嘅回覆！
最後解凍兩粒Day 3 ，其中一粒順利去到囊胚並植入，另一粒解凍後有細胞退化，但係佢又可以 ...

Dear jub615,
細胞退化…講得白啲就即係有細胞受不住冷凍而死了，但因為胚胎在day3已有幾個細胞，而每個細胞在這早期階段都是「全能」totipotent的，即可演化做任何細胞，所以就算胚胎是6細胞少了一個，還有5細胞繼續生長，能夠去到囊胚是沒問題的。其實一個胚胎在冷凍後都有機會會死一兩個細胞，但只要胚胎整體有繼續生長，那一小撮死咗嘅細胞係不礙事嘅；這類胚胎其實為數不少，但很多也可以植入子宮和順利活產的。
另一方面，染色體是不會因少了細胞而變異的，所以染色體數目不會大咗或細咗。

私人傳訊回覆引用

積分: 243

6642^#

發表於 24-7-26 14:39 |只看該作者

本帖最後由 poohchanns 於 24-7-28 12:16 編輯

回覆 cutecutetown 的帖子

Hi cutecutetown ,
我最後D3胎，前一日解凍的，亦有繼續生長，最後放咗一個D4的。

1)當時我喺床休息咗15分鐘就去洗手間，我仲要唔記得咗，自己落咗床

最後先記得要揾姐姐幫手落床…我見佢好驚訝，我想問吓咁樣影響大唔大？

佢係驚我跌親定係我起身用到腹部嘅力會影響咗個杯胎位置?

2)醫生又開咗三日病假俾我，但係都話其實可以正常生活。我想問吓係咪照常行街食飯，唔好太操勞就可以?

3）好奇想知道，放咗杯胎入去，其實佢亦未咁快著床，咁佢係點樣留喺子宮內膜？會唔會走咗去其他位置呢？因為醫生應該揀咗子宮內膜最適合嘅地方俾佢?

5)大概第幾日會在著床呢？

唔好意思，因為第一次所以好多嘢都唔清楚，擔心自己影響到，但我知心情都好似會影響…所以希望盡量了解多啲平息到心情la ,同我都係得兩個胚胎咋呢個叫做最靚

多謝解答！

私人傳訊回覆引用

BB_333

積分: 494

6643^#

發表於 24-7-26 21:47 |只看該作者

Hello @cutecutetown
想請問如果囊胚day 3只有6細胞
係咪已經屬於發展太慢機會比較細了？

私人傳訊回覆引用

積分: 9490

6644^#

發表於 24-7-27 15:08 |只看該作者

poohchanns 發表於 24-7-26 14:39
回覆 cutecutetown 的帖子

Hi cutecutetown ,

Dear poohchanns,
1) 剛放胎之後嗰10來分鐘休唔休息其實冇關係㗎! 你又冇吊鹽水，基本上要走就可以走，唔需要姐姐扶。姐姐驚訝應該係因為大部分嘅病人放完胎都多數唔鍾意郁動，甚至行步路都好似有困難咁；你咁自如佢當然驚訝！其實真係冇必要就住就住，胚胎如果本來就唔會著床，唔會因為你唔郁就變番會著床。
胚胎在著床前都可以在子宮內有輕微偏離原本醫生放嘅位置。以前我「師傅」同我講過，你可以把子宮比擬作一杯啫喱，胚胎就好似雜果啫喱內嘅雜果，就算個杯移動，雜果都唔會移動到跌倒出嚟。
2）對的，平時嘅正常生活/活動，只要不去游水、跑馬拉松、爬山等高體能運動就ok.
3) 用啫喱去理解就明白了。
4）胚胎發展到第五至第八天就會著床，即成為囊胚之後仲有最多3天左右。

私人傳訊回覆引用

積分: 9490

6645^#

發表於 24-7-27 15:13 |只看該作者

BB_333 發表於 24-7-26 21:47
Hello @cutecutetown
想請問如果囊胚day 3只有6細胞
係咪已經屬於發展太慢機會比較細了？

Hello BB_333,
Day3有6個細胞都不算太慢。我會培養它到day5 day6, 其實有不少囊胚也是day3 6細胞的。

私人傳訊回覆引用

積分: 243

6646^#

發表於 24-7-27 15:19 |只看該作者

本帖最後由 poohchanns 於 24-7-30 10:30 編輯

回覆 cutecutetown 的帖子

Hello !
咁啱你回覆緊我，謝謝你呀 !
我想請問

1)唔留意都唔知原來生活上經常用到腹部力 !! 用力poo poo 或者伸懶腰扯到肚肌肉都冇事？不過用啫喱嘅理論，又好似冇咁容易整到佢。對於身體動作而家冇咁緊張了。個感覺係佢要着床與否都整定了外在事影響唔大?

2）想知醫生只係放左入去，究竟胚胎點樣咁快入左子宮壁？

3）係啊姑娘嘅表情嚇親我

搞到緊張1日 Tim …尋日睇比賽又睇到好緊張

心跳好快。緊張時就feel到個肚位有d脹又緊, 唔識形容，咁算唔算宮縮?

4)因為醒起醫生話唔好食某d食物驚宮縮，但聽講心情緊張都會影響子宮收縮 !! 宮縮咩程度先會有影響㗎? 第一日(D4)擔心，第二日(D5)睇又電視咁緊張會唔會已經影響左著床 ?

本身諗住輕鬆睇下電視唔記得緊張唔好睇到一半唔睇，之後先平靜了。著床呢兩日先緊張驚功虧一簣….

5）放完後姑娘幫我打咗支荷爾蒙針個名好似破卵針, 其實有咩用？黃體素方面：我一日三次塞一條藥，食1粒，之後每三四日返去打黃體針，係咪都可以有啲幫助令子宮平靜d ?

6)醫生好強調浸吓腳要血液循環，但胚胎黐咗喺內膜度應該未有血管？定係血液循環令到啲營養吸收得更好?

7)胚胎發展到第五至第八天就會著床，即成為囊胚之後仲有最多3天左右。前日放，好彩的話今天(29/7)就D7 , 已經會著床 ?
8)尋日開始有少少M前嘅感覺，係點解？係咪即係就嚟要嚟M 唔成功？

多謝!!!

私人傳訊回覆引用

jan0517

大宅

積分: 4062

6647^#

發表於 24-7-28 21:18 |只看該作者

34歲.AMH 5.x - 8 (pmol). Diagnosed早衰. Fsh暫正常.經期2.5日就黎完.Endometriosis stage 3-4 (4月做了腹+宮腔鏡）.
我最擔心係身體自細好差（BMI長年16.x -17).胃口差. 近年有焦慮情緒差.最近生蛇（太大壓力）覺得身體應該生產唔倒好質素的卵.
聽日第一次開針.
想知我呢個情況.係咪要現實點未來要考慮領養/供卵？
身體底子差.短期内我覺得靠自己係冇可能令體格變好. human growth hormone呢種藥有冇幫助？
endo一年內應該都好有可能再出現？我上次endo手術成3個禮拜先覺得復原倒.

感謝.我會慢慢爬文.祝樓主身體健康家庭美滿

私人傳訊回覆引用

BB_333

積分: 494

6648^#

發表於 24-7-29 07:39 |只看該作者

回覆 cutecutetown 的帖子

多謝你解答我day 3有 2個6B, 2個8B, 1個8A, 1個9A
最後全部都去唔到day 5
結果比我同先生諗既差
想問係咪day 3之後靠精子發育比較多？
如果咁既情況仲有冇得點做黎改善？
唔該哂

私人傳訊回覆引用

Tracychan927

大宅

積分: 1548

6649^#

發表於 24-7-30 09:10 |只看該作者

Tracychan927 發表於 24-7-7 11:54
Dear Cutecutetown,

我之前流產過3次，兩次是染色體問題，一次沒查原因。35歲時取左3次卵，有4個PGT norma ...

Dear Cutecutetown,

我今次放PGT胚胎失敗左，沒著床，個胚胎係五年前嘅（2019年），2020年重新解凍做PGT。

我之前放胎三次，每次都有著床，（兩次流產，一次成功生咗個仔）今次不著床，會不會係因為胚胎已經超過五年，質量冇咁好？還是重複解凍做PGT令到質量下降？還是因為年紀大？我仲有兩個月就41。

謝謝你！

私人傳訊回覆引用

積分: 9490

6650^#

發表於 24-7-30 16:43 |只看該作者

poohchanns 發表於 24-7-27 15:19
回覆 cutecutetown 的帖子

Hello !

Dear poohchanns,
1) 對！外在事除非好extreme,否則去吓廁所伸個懶腰呢啲根本冇可能影響到。
2）啫喱論又用得着了。既然胚胎已經被「夾住」，而胚胎若繼續生長，就會同內膜互相溝通，期間胚胎亦會「入侵」內膜達到著床嘅地步。其實由放胎到著床都有好幾日，時間足夠了。
3）我只能叫你唔好形住，順其自然囉。
4）越諗只會越緊張，照正常生活就可以了，不要諗啲嘢出嚟嚇自己。
5）全部藥都係幫助子宮讓胚胎著床的，詳細功效太科學了，很難以短篇幅解釋到全部。
6）血液循環就可以帶倒養份去子宮內膜。
7）大概就在D5至D8之間，但要確定哪一刻著床是不可能的。
8）又係自己嚇自己，一日未嚟M都仲有機會。

私人傳訊回覆引用

積分: 9490

6651^#

發表於 24-7-30 17:07 |只看該作者

jan0517 發表於 24-7-28 21:18
34歲.AMH 5.x - 8 (pmol). Diagnosed早衰. Fsh暫正常.經期2.5日就黎完.Endometriosis stage 3-4 (4月做了腹 ...

Hello jan0517,
希望你沒有「爬文」，因為真係好多，立立雜雜，與其爬我呢個IVF Q&A 或BK其他群組，不如Google算了。我呢度比較少人問endometriosis,所以我答得好少，你索性直接問會冇咁慘。
Endometriosis stage3-4其實都幾嚴重，經期雖短，但有沒有腹痛？再加埋AMH有點低、瘦削、壓力大，要自然懷孕真係有困難。但你現在開始IVF，應該幫到你的，始終你才34歲, 時間在你手。
你應該剛開始打針，過幾日會覆診看卵泡對針藥反應。一般來講，有endometriosis嘅人卵巢反應是可以的，只是不會有很多卵泡，先看看進度吧，唔使用growth hormone.
Endo係有機會再出現，但亦因人而異，基本上唔痛都無必要做手術。尤其你若才剛做過，現在把握時間先完成IVF,除非你一年後先放胚胎，否則不用又想住點處理endo手術。

私人傳訊回覆引用

積分: 243

6652^#

發表於 24-7-30 17:14 |只看該作者

回覆 cutecutetown 的帖子

Cutecutetown ,
多謝你解答

釋懷咗好多 !

1)咁所以子宮收縮其實對著床唔大影響?!

2)其實着床嘅過程係一下嘅事，定係好似工程慢慢幾日先完成㗎？

3)我用人工周期嘅，打住針同食+塞黃體素，若果真係月經嘅話，係咪都會跟返佢控制左嘅schedule ? 而唔係跟返我平時嘅周期計算 ? 因為我平時排卵之後11-12日就嚟M 㗎喇

3)而家仲有一個D6 五分，若要再放，就咁睇機會，同D3滿分呢個比，差好多嗎?

真心好多謝你嘅解釋令到我輕鬆咗好多，因為個個都會話呢樣唔得，嗰樣唔得 !! 做咗呢樣又話嘢會影響….搞到人心理壓力好大。聽你講完之後，希望唔會再太刻意就住…學習放輕鬆 ! 個心都舒服咗 thank you !

私人傳訊回覆引用

積分: 9490

6653^#

發表於 24-7-31 05:52 |只看該作者

BB_333 發表於 24-7-29 07:39
回覆 cutecutetown 的帖子

多謝你解答我day 3有 2個6B, 2個8B, 1個8A, 1個9A

Dear BB_333,
Day3 開始胚胎會靠自己基因製造需要嘅元素，而胚胎基因係父母各給一半，所以冇話靠邊個多啲。
你全軍覆沒嘅情況好少見，尤其day3時都唔太差；不過早幾個post有個jm也出現同樣情況，你回看一下是否跟你同一個地方做療程吧（她有寫的，不過我不方便點名）。

私人傳訊回覆引用

積分: 9490

6654^#

發表於 24-7-31 08:06 |只看該作者

Tracychan927 發表於 24-7-30 09:10
Dear Cutecutetown,

我今次放PGT胚胎失敗左，沒著床，個胚胎係五年前嘅（2019年），2020年重新解凍做PGT ...

Dear Tracychan927,
見你咁講，未必一定係單一嘅原因。一方面胚胎如果只活檢過一次、雪溶各兩次是很微會影響到質素。而儲存得宜，亦不會令質量下降。另一方面，胚胎是跟卵子嘅年紀，所以應該是35、36歲的卵子造岀來的。反而你以前都有點傾向流產，今次是用自然定人工周期放胎？內膜和子宮環境正常？

私人傳訊回覆引用

積分: 9490

6655^#

發表於 24-7-31 16:48 |只看該作者

poohchanns 發表於 24-7-30 17:14
回覆 cutecutetown 的帖子

Cutecutetown ,

Dear poohchanns,
1) 子宮收縮係有機會會影響著床，但都要視乎頻密度。正常情況下其實子宮亦有收縮一兩下，無大礙的。
2）係一個過程。
3）人工周期放胎若不成孕，M會在指定驗孕日之前就來，有些人會更早來。
4）不可能作這樣比較，你可以當Day3係小學畢業，Day5 Day6係中學畢業，咁你話小學攞滿分同中學攞70分是否就差好多？
日常生活其實真係唔使太緊張呢樣唔做得、嗰樣唔食得，太擔心反而仲唔好，平常心最重要。

私人傳訊回覆引用

積分: 243

6656^#

發表於 24-8-1 18:58 |只看該作者

本帖最後由 poohchanns 於 24-8-1 19:07 編輯

回覆 cutecutetown 的帖子

多謝解答!

我feel到子宮收縮又唔係無時無刻嘅。都係睇下比賽緊張先有一兩下大感覺，幾分鐘咁….有陣時講嘢激動又會有少少，或者做嘢時心急緊張先會有feel 到。
只能夠講唔係無時無刻都咁平靜囉，但又唔係話經常咁誇張嘅

Anyway !! 希望現在先開始放鬆心情都有幫助啦~ 因為始終好似著床最緊要嘅時候已經過左了，不過一日都未開估，都正常生活住先~

1)爬左文，其實應該有冇M嘅感覺都唔代表任何結果，反而想知荷爾蒙藥點解會令到子宮有啲咁唔舒服嘅反應嘅? 我由第四日開始已經日日都間唔中feel到M嘅感覺，但我見到有啲人又唔會有。係咪因為我太多藥呢 ( 塞藥三次+食藥1次+ 打針) , 定係呢啲好基本？

2)上網睇到啲嘢唔明請教你。見話著床血都係放胎後10-12日左右,但係呢個時期唔係已經着咗床（着床期D5-8)? 點解之後先會有血嘅?

3) 明白了D3同D6的分別。若果要放D6的話,需要前一日解凍嗎還是即日？解凍後，如果佢有繼續分裂就即係適合可以放? 佢再分裂會係咩狀態？( 因為今次呢個D3 係前一日解凍的,放的時候已是D4)

謝謝你 !

私人傳訊回覆引用

積分: 9490

6657^#

發表於 24-8-3 03:51 |只看該作者

本帖最後由 cutecutetown 於 24-8-3 03:52 編輯

poohchanns 發表於 24-8-1 18:58
回覆 cutecutetown 的帖子

多謝解答!

Dear poohchanns,
我知道對你而言放鬆並唔係易事，不過你緊張或感覺不平靜嘅時候，最簡單嘅方法可能只係深呼吸，留意自己呼吸深淺和速度，然後叫自己慢慢吸慢慢呼，自己數住、刻意咁慢吸慢呼，做得十來次，應該會有幫助。
1）賀爾蒙藥始終係外來給予嘅，但好輕量，應該唔會令子宮唔舒服。相反，黃體酮(progesterone)係維護懷孕又或調適周期的，有些人用咗會有「個肚谷谷哋」嘅感覺，但一般其實都冇感覺。所以啲子宮不適應該係放胎後大家過度將注意力放响下腹所致。你嘅用藥都算多，一定多過基本，這也是人工周期嘅短處。但兩睇啦，有啲jm又會嫌放胎後唔夠藥物，所以私家醫生通常都會俾多過你身體真正需要嘅份量。
2）你要俾時間啲血(如果有、兼且份量唔止一滴）流出嚟啩。著床係胚胎入侵內膜，內膜嘅微絲血管多，所以著床有機會會有一點點血，但呢點血要由子宮流到出嚟都好遠路㗎，記得子宮啫喱論吧，途中可能「啫喱層」已吸收咗，又或血已凝固，你去廁所嗰陣尿液沖淡了亦有可能，所以就算有著床都唔一定見著床血。
3）放囊胚、即D5或D6胎，會早上溶，兩三小時後便放胎。其實醫生已配合好內膜與胚胎同步的。

私人傳訊回覆引用

BB_333

積分: 494

6658^#

發表於 24-8-5 17:13 |只看該作者

回覆 cutecutetown 的帖子

多謝你解答如果day 5只有morula
仲值唔值得番台灣植入呢？
因為見人話day 5 morula 其實機會好低
謝謝

私人傳訊回覆引用