想生BB 今日: 0 | 主題: 109544

積分: 576

6741^#

發表於 24-12-13 11:33 |只看該作者

cutecutetown 發表於 24-12-13 11:19
Dear jtecmama,
其實我已很久沒讓胚胎「停在D3」了，我同我嘅醫生都將全部胚胎培養到囊胚、即D5 D6才雪。D ...

謝謝Cutecutetown,
大部分處於B-的grading, 是否不太樂觀？

私人傳訊回覆引用

積分: 9490

6742^#

發表於 24-12-13 18:06 |只看該作者

jtecmama 發表於 24-12-13 11:33
謝謝Cutecutetown,
大部分處於B-的grading, 是否不太樂觀？

Dear jtecmama,
因為只有grading而沒有細胞數目，很難說。假如3個胚胎每個都有8個細胞，情況就頗樂觀；但如果3個胚胎都係5-6個細胞，它們就未必一定會生長到囊胚。

私人傳訊回覆引用

goodperson2021

積分: 519

6743^#

發表於 24-12-13 20:49 |只看該作者

cutecutetown 發表於 24-12-13 11:07
Dear goodperson2021,
這是昨天照的；今天有再照嗎？我估無論如何你今晚都要打破卵針了。
我知道有啲醫生 ...

這是尋日12月12日照的，然後今日再打menopur 300 units, 明晚打破卵針，下星期一取卵

私人傳訊回覆引用

goodperson2021

積分: 519

6744^#

發表於 24-12-14 09:11 |只看該作者

cutecutetown 發表於 24-12-13 11:07
Dear goodperson2021,
這是昨天照的；今天有再照嗎？我估無論如何你今晚都要打破卵針了。
我知道有啲醫生 ...

係12月12日前日照，佢叫我：
12月13日繼續打menopur 300unit and organlutran
12月14日打organlutran and 破卵針
12月16日取卵

你覺得佢咁做ok? 謝謝

私人傳訊回覆引用

積分: 9490

6745^#

發表於 24-12-14 16:38 |只看該作者

goodperson2021 發表於 24-12-14 09:11
係12月12日前日照，佢叫我：
12月13日繼續打menopur 300unit and organlutran
12月14日打organlutran and ...

Dear goodperson2021,
醫生決定，冇得唔ok喇！
祝你一切順利！

私人傳訊回覆引用

goodperson2021

積分: 519

6746^#

發表於 24-12-14 17:17 |只看該作者

本帖最後由 goodperson2021 於 24-12-14 17:20 編輯

cutecutetown 發表於 24-12-14 16:38
Dear goodperson2021,
醫生決定，冇得唔ok喇！
祝你一切順利！

今日既數據係咁，有11粒，有幾粒成28mm - 30mm, 我話嘩咁大，用到咩？佢話用得喎，係真唔係呀？啲卵大到左右逼埋一齊，佢要向肚皮照超聲先分到邊啲卵係左右，跟住佢今日抽我血話度下LH, E2, 個啲。。。其實度呢的有乜用？

佢叫我今晚8點打三支針，2支decapeptyl, 1支ovritelle, 我想問decapeptyl同ovritelle中間洗唔洗隔15分鐘打？decapetyl我以前從來無打過

跟住佢約我12月16日抽卵，叫我之前個晚11點打後no drink, no eating,第二朝早8點抽卵，仲話會全身麻醉，我打左個突，我話我之前只麻醉個子宫頸，抽個陣我有意識睇住佢抽。。。洗唔洗呀？

然後又叫我今晚8點食dostinex，食足一星期，佢話可以reduce side effect喎

佢咁做ok嗎？
attach0/tmp/phpXyaEVE

私人傳訊回覆引用

積分: 9490

6747^#

發表於 24-12-15 03:22 |只看該作者

goodperson2021 發表於 24-12-14 17:17
今日既數據係咁，有11粒，有幾粒成28mm - 30mm, 我話嘩咁大，用到咩？佢話用得喎，係真唔係呀？啲卵大到左 ...

Dear goodperson2021,
你好似唔多信你睇緊嘅醫生！
你之前嘅IVF用的破卵針叫什麼名字？其實用decapeptyl已足夠達到「破卵」嘅目的，唔一定要ovidrel; 你是預備放鮮胎還是做埋PGS?
所謂全身麻醉，應該會係好輕量嗰種，即係一取完卵就可以醒番(麻醉師控制），麻醉期間你一丁點痛都唔會覺；好多小手術（如照胃鏡）都會用，基本上醒後一兩個鐘內沒什麼大礙就走得。好多IVF中心都有用，舒服好多。
你卵泡比別人多，佢驚你有OHSS/卵巢刺激過度症，所以驗一驗E2同其他，亦叫你食dostinex.

私人傳訊回覆引用

jtecmama

積分: 576

6748^#

發表於 24-12-16 18:23 |只看該作者

cutecutetown 發表於 24-12-13 18:06
Dear jtecmama,
因為只有grading而沒有細胞數目，很難說。假如3個胚胎每個都有8個細胞，情況就頗樂觀；但 ...

謝謝Cutecutetown,
我的醫生同實驗室都好似唔太鼓勵做PGT
（首次植入, 從來未試過靠自然方法而出現過懷孕跡象, 經期準時到訪, 超高齡）

你對於做唔做PGT有何看法

私人傳訊回覆引用

積分: 9490

6749^#

發表於 24-12-18 05:54 |只看該作者

本帖最後由 cutecutetown 於 24-12-18 05:58 編輯

jtecmama 發表於 24-12-16 18:23
謝謝Cutecutetown,
我的醫生同實驗室都好似唔太鼓勵做PGT
（首次植入, 從來未試過靠自然方法而出現過懷孕 ...

Dear jtecmama,
唔太鼓勵主要有兩個原因，一方面世界性嘅文獻上，PGT-A（即以前叫PGS）仍未見到有好處或增加成功率。另一方面，作PGT檢測就一定要為胚胎做活檢，做活檢過程有機會損耗胚胎，所以若胚胎師越少做活檢就越多顧慮，而醫生亦未適應怎樣去解釋沒有正常胚胎的情況。
如果純粹是我個人意見，我仍然會建議做PGT-A的。PGT-A真係唔可以改變到你嘅成功率，因為假如你的5個胚胎中只有一個正常，做咗PGT你只係搵倒呢個大有機會活產嘅胚胎，但你並唔會令其餘4個胚胎變番正常，而你亦只會放一次胎。相比起盲目咁逐次逐次放5個胚胎，達到成功嘅時間應該減少咗。當然，如果你冇做PGT而又第一次就揀中那個正常胚胎放，基本上在時間上冇輸蝕到，但萬一你第二、三次先揀到呢個胚胎，中間經歷幾多失望同心中有幾多疑惑，全部問題都解答唔到，亦只會懷疑是自己身體/子宮不好。

私人傳訊回覆引用

babycome2022

積分: 429

6750^#

發表於 24-12-27 20:56 |只看該作者

回覆樓主：

本帖最後由 babycome2022 於 24-12-27 22:36 編輯

Hello cutecutetown!!

我之前有問過你問題嫁，唔知你記唔記得呢？

我23年7月喺香港政府度抽左一次卵，最後配成左3粒D5囊胚。分別係兩粒4BB同一粒3BB。除左第一次移植鮮胚有著過床之外，其他兩次都冇著床...

依家我喺私家度再抽左次，抽到22粒卵，但養到幾多粒D5要星期一先通知...

我既問題係，最初私家醫生初診既時候，佢話我放左3次都失敗，建議我做第三代試管... 但當我開左針疊埋心水諗住係做三代既時侯，佢又話覺得我唔需要.. 因為三代試管都會傷胚胎..

其實我呢個情況，如果有靚既囊胚，值唔值得做三代試管呢？我今年34歲，下年年中就35歲了。

謝謝解答

私人傳訊回覆引用

積分: 9490

6751^#

發表於 24-12-28 04:54 |只看該作者

本帖最後由 cutecutetown 於 24-12-28 04:59 編輯

babycome2022 發表於 24-12-27 20:56
Hello cutecutetown!!

我之前有問過你問題嫁，唔知你記唔記得呢？我23年7月喺香港政府度抽左一 ...

Dear babycome2022,
我記得你呀，不過與你上次答問已經有一段時間，估唔到仍在蹉跎中。不過唔緊要，你都係後生，今次有22粒卵，成績很不錯！
至於做唔做笫三代試管，即PGT-A（以前叫PGS),我上一個post(#6749)已提到利弊，你可以參考一下。假設費用唔係問題，亦唔好諗住做活檢就一定傷胚胎，先考慮你自己諗法。一方面，你仍然算後生，有時間去逐個胚胎咁放；但另一方面，已放過3次都未抱B，下次再放會否幸運點？
純屬個人意見，我自己同我醫生嘅諗法都係一致嘅，就係能夠做PGT-A我哋都一定建議做，因為如果放咗個PGT正常嘅胚胎而著床唔成功，下一步就唔使估估吓，可以將重點放响子宮環境方面並作更深入詳細嘅檢查。要知道大部分放胎唔成孕嘅個案都係源於胚胎染色體數目異常。

私人傳訊回覆引用

poohchanns

積分: 243

6752^#

發表於 24-12-30 17:33 |只看該作者

回覆 cutecutetown 的帖子

Hi cute cute town
上次做咗第二次IVF最終八週小產。
唔使做手術，直接自己排出。

小產之後兩個月想再做IVF 但係上月FSH 竟然由七點幾變咗15點幾… 醫生建議今個月再check。剛剛check完今次仲要變成16點幾….. 聽醫生嘅口吻覺得好似唔會跌返落去咁:(

所以我好擔心。因為只係兩三個月嘅時間竟然爭咁遠，中間有感冒嗰一次，但係冇發燒都唔算特別嚴重。但係10月開始做嘢比較忙大壓力，小產後嗰段時間唔係太開心。唔知有冇影響…

請問你知道有冇辦法可以改善嗎？
呢個指標係代表卵子少還是卵子差呢？
醫生又話如果都係咁高之後可能都要繼續照試，但我都好驚呢會對藥冇反應…

私人傳訊回覆引用

babycome2022

積分: 429

6753^#

發表於 24-12-30 20:40 |只看該作者

cutecutetown 發表於 24-12-28 04:54
Dear babycome2022,
我記得你呀，不過與你上次答問已經有一段時間，估唔到仍在蹉跎中。不過唔緊要，你都係 ...

Dear Cutecutetown,

多謝你既回覆呀！我都估唔到我搞左咁耐

今日出左成績喇！我抽既22粒卵得11粒用到，最後有6粒成為左囊胚，分別係2粒AA grade, 2粒BB Grade, 1粒BC, 1粒CC。其實我成績算唔算好呢？
我會拎4粒去做PGS! 希望一切順利！

私人傳訊回覆引用

積分: 9490

6754^#

發表於 24-12-31 05:36 |只看該作者

poohchanns 發表於 24-12-30 17:33
回覆 cutecutetown 的帖子

Hi cute cute town

Dear poohchanns,
我都替你難過，不過要重新振作呀！
個D3FSH真係頗高，最近有冇再驗AMH? 如果AMH仲未太低，就要睇吓嚟緊D3FSH會唔會低番。都希望會跌番落嚟，始終小產後身體要適應番，壓力同心理因素又會影響。
AMH同D3FSH都係反映卵巢儲備，所以時間不能逆轉。儲備少，相對卵子質素也會較差，但呢啲都係average嘅統計，既然醫生都話可以繼續試，起碼佢都未覺得你已去到要放棄嘅地步。醫生肯俾你再IVF就唔好驚咁多，可能有機會要用多少少藥，但好少人會對藥冇反應的，先不要擔心到咁遠。好快就2025年，然後又農曆新年，你唔好急，即管過埋農曆年先再算，因為好多IVF醫生都會响新年放假。其實你都唔算嘥好多時間，但可以趁呢個月休息一下，放鬆啲自己，要健健康康咁迎接新嘅一年、新嘅氣象啊！

私人傳訊回覆引用

積分: 9490

6755^#

發表於 24-12-31 05:43 |只看該作者

babycome2022 發表於 24-12-30 20:40
Dear Cutecutetown,

多謝你既回覆呀！我都估唔到我搞左咁耐今日出左成績喇！我抽既22粒卵得1 ...

Dear babycome2022,
成績不錯喎

因為只有11粒卵成熟可以用，受精後有6粒囊胚很不錯，應該是把AA同BB grade的做PGS吧？希望至少有一個過關啦，預祝一切順利

私人傳訊回覆引用

babycome2022

積分: 429

6756^#

發表於 24-12-31 10:27 |只看該作者

cutecutetown 發表於 24-12-31 05:43
Dear babycome2022,
成績不錯喎
因為只有11粒卵成熟可以用，受精後有6粒囊胚很不錯，應該是把AA ...

Dear Cutecutetown,

因為實驗室嗰邊只接受B grade以上既囊胚.. 所以淨係送到4粒去！多謝你呀！黎緊2025年大家都順順利利！！

點評

發表於 25-1-1 04:24

私人傳訊回覆引用

卡小姐

積分: 139

6757^#

發表於 25-1-2 20:01 |只看該作者

本帖最後由卡小姐於 25-1-2 20:06 編輯

Hello cutecutetown~

你好呀，上網搵ivf資料時，見到有呢個post, 我第一次做Ivf有好多野一知半解想請教下。

我今年36歲，先生都係36歲, 之前做左一次iui唔成功，之後check左AMH 好低，得0.83, 政府就批左我做ivf, 岩岩做左第一次，開針前已由上一個經期第20日開始食Estrofem荷爾蒙藥(每日1次,每次2粒), 食到打針就停。之後打針打左12日，我附上圖，劑量係咪算最高啦？之前一路照超聲波醫生話估計只抽到4個卵左右，好好彩最後抽到7個，有6個成熟可用，最後有4個Day 5既胎，分別係2個4BB, 1個5BB, 1個4AC。另外2個一個好低grade, 一個停止左發育, 所以就無雪了。

之後放左1個4BB鮮胎, 岩岩今日醫院打番黎, 話抽血顯示無懷孕, 我係好唔開心, 但經歷過上次IUI, 唔知點解我都有預感今次都應該唔得了。

以下有D問題想請教:
1. 我上網睇過P4高過2定3其實係咪懷孕率會下降？但今次我見自己第12日既P4值去到3.1, 其實係咪唔適合放鮮胎? 應該下次cycle 先放? 佢地幫我值入鮮胎, 咁個成功率咪變左更低?
2. 另外以我呢個AMH咁低黎講其實抽到7粒, 係咪算對針藥反應ok？因為我好驚到時等到放哂d雪胎又再做新療程時唔知抽唔抽到番咁多粒。
3. 我打左12日Gonal F 450iu 和 Luveris 150iu, 其實呢個劑量係咪已經叫好高?
3. 我見我E2值好似好高, 其實都係算正常定其實一般應該係會幾多左右?
4. 另外一般抽完卵後值入完鮮胎失敗左, 其實係咪過完今次經期後, 照自然行房都可以?
5. 另外我而家D胎已全部雪哂, 如果要再溶雪去做 PGS/PGA , 其實係咪唔係咁好, 好傷胚胎?

其實之前做IUI前, 政府check FSH時, 我係6點幾, 但過左大約半年再Check, fsh去到10點幾, 所以先再check AMH, 我自己都唔明, 係呢半年我照常生活, 無特別做D咩多左, 但竟然半年間, FSH 差左咁多, 我聽到自己AMH 咁低我真係好唔開心。我又唔食煙, 又唔會好夜訓, 酒就都有飲, 但又唔算飲超多。但而家已經無咩點飲, 同埋keep住叫自己要做運動, 做暖宮, 再早d訓, 放鬆d。不過我自己成日好易緊張, 易有壓力, 係自己俾自己個隻, 唔知咁樣關唔關事。

唔好意思, 因為有好多野唔清楚唔明白, 公家政府亦好多都無解釋, 所以問得比較多, 麻煩哂你, 感謝!!!

私人傳訊回覆引用

積分: 9490

6758^#

發表於 25-1-4 05:37 |只看該作者

本帖最後由 cutecutetown 於 25-1-4 05:40 編輯

卡小姐發表於 25-1-2 20:01
Hello cutecutetown~

你好呀，上網搵ivf資料時，見到有呢個post, 我第一次做Ivf有好多野一知半解想請教下 ...

Hello 卡小姐,
成績其實很好了，只欠少許運氣。
AMH和D3FSH都係反映卵子儲備；而女性在出生起卵巢有幾多卵子就已經係定數，日常生活習慣最多只能減慢質素變差，但始終不能增加數目。所以你生活習慣良好，雖然卵子儲備比別人少，但質量看來是不錯，畢竟6個受精卵中有4個囊胚是很好的成績！
回覆問題：
1. 打破卵針當日的P4若在4.7以下而又沒有其他情況不利放胎的話，抽卵後第5天都可以放鮮胎的。
2. 不知道你有否需要再抽卵，你現在應尚有3個胚胎，盡快放雪胎吧。
3. 450iu已是「最高」並有效的劑量，再加劑量也不會有太大成效。至於你的E2在6千左右很合理，不需擔心什麼。
4. 今次經期後是可以行房，但下個周期如果要放雪胎就最好避免放胎前行房。
5. 姑勿論PGS會否傷胚胎，其實任何程序都有風險。理論上現在是可以PGS的，最緊要係平行需要和利弊。我估計你嘅情況公立醫院不會建議你做PGS。
Day5囊胚亦不是每個都等於一個baby，你才第一次放胎，很少人第一次就成功的，繼續努力啊！

私人傳訊回覆引用

Lollipop78

積分: 170

6759^#

發表於 25-1-4 13:56 |只看該作者

Hello cutecutetown,

My treatment at QM (public stream) will start in feb, and I have the following questions...

1) Can my husband and I still try to conceive naturally this month?

2) I am taking medication prescribed by gynaecologist (cardiprin) and supplements (folate and Q10). Should I stop taking them before the treatment?

3) On the day i first visit the clinic in Feb, is it to perform tests? Or injection will start right away? If it is Day 5 of my period, will it affect the effect of the injection?

4) Should I go check my AMH first? Or my antral follicle count will be checked when treatment starts?

5) is gonal f or menopur better, or it depends?

Thank you!!!

私人傳訊回覆引用

卡小姐