母乳餵哺 今日: 0 | 主題: 85707

積分: 1882

662^#

發表於 08-3-7 09:23 |只看該作者

原文章由 KaMaPiggu 於 08-3-6 14:36 發表
Thx Rose-Mag ar~~

但係我個女今日又好似唔同左咁呀!!!

星期二個日佢好乖嫁 - 我個日隔2-3個鐘左右埋身餵人奶一次, 淨係夜晚一點時補奶粉, 等大家都好訓d...星期二個日完全冇問題嫁喎, 我睇返佢都係食大概半個鐘至 ...

唔好擔心自己唔夠奶la... bb 細個係好反覆架~ 日日都唔同.. 好一兩日又衰幾日咁架... 我會咁諗: 大人都會餐餐胃口唔同la.. 何況bb??
我個女到2個幾月嗰時都仲係一時食成45mins... 一時食15mins 就瞓... 見佢唔啜一拎返出嚟就喊.... =.=+
我開頭都怕佢當我係奶咀... but 實在太攰冇計咪由佢啜lor... 有時瞓係度餵自己瞓著埋... 紮醒咗過咗15mins 就甩咗口仲瞓到好冧...

bb 飲得少d 後奶會快d 餓... if 你兩邊都比佢飲可能佢會飲得前奶多d.... 其實如果你已經泵到2安嘅... 我覺得都ok la... 我會比佢食哂一邊先... 等佢食到多d後奶飽d...
for your info... 我個女試過食兩邊搞到食得太多前奶有少少肚痾.... 之後我就keep住比佢食哂一邊先... 自己再泵另一邊lor...

btw... 我以前泵出嚟d 奶都好水汪汪..
不過唔知點解搞搞吓而家好似杰得濟... =.="

私人傳訊回覆引用

積分: 1882

663^#

發表於 08-3-7 09:33 |只看該作者

HAHAHA..... BB食奶分心呢個問題我都煩緊... 佢三個月大開始已經係咁 (HEHE... 下星期一佢就4個月大喇~~).... 有時見佢一啖"咬" 埋嚟就即刻擰開個頭... 又一啖"咬" 埋嚟又擰開個頭真係唔知好嬲定好笑.... 比佢扯到好痛我忍唔住叫佢就碌大隻眼望住我...
見我笑住鬧佢佢都會笑返比我睇.... 以為我同佢玩... 真係冇佢乎....

我都唔會同佢傾住計嚟餵佢... 因為佢會停口望住我笑...

佢近呢個星期仲一路食一路fling 手... 係咁拍我心口... 再唔係就塞埋隻手落嚟一齊啜 =.=+ 有時唔知係咪d奶出得慢佢發炆... 會直頭用手推開我跟住又哄返埋嚟.....

私人傳訊回覆引用

李小B太太

積分: 4412

664^#

發表於 08-3-7 09:56 |只看該作者

冰奶可以直接連奶袋解凍, 但唔係用滾水啊, 係用暖水, 大約 60度, 放得入手指果樣溫度。用滾水會殺死人奶入面0的抗體和 living cells, 徙曬啊~

(我每次都係直接解凍的, 唔係放下格解凍, 因為覺得保鮮程度高0的。)

原文章由 Rice779 於 08-3-6 20:27 發表
咁解凍有咩要留意? 可否直接用滾水黎解凍然後再入奶樽?

@ 如果有錢有社會地位先至會被人喜愛，呢個世界就太可悲了 @

私人傳訊回覆引用

積分: 40343

好媽媽勳章醒目開學勳章陪月勳章

665^#

發表於 08-3-7 10:53 |只看該作者

原文章由靖嵐於 08-3-6 23:50 發表
唔駛驚, 我都係收o左少少奶再由呀b食返到谷, 好快... 你個身體會配合呀b, 呀b啜少d, 就造少d奶, 呀b啜多d, 就會造返多d奶...
呀b大個仔梗係會開始玩, 你都唔會望佢似舊飯啦...
我會直情收埋唔比食放低佢行開, 餓佢 ...

THX~

我個仔食奶時對眼仔最鐘意周圍望, 佢一望第二度個咀仔就扯住我nipple, 同佢講"NO"佢梗係當我耳邊風, 由得佢放口唔比返佢食, 佢仲响度笑......終於比我諗度個好方法"治佢" - 用手遮住佢對眼, 佢就會垂頭喪氣咁只好望住我個胸食奶

佢都係不斷流口水, 好似異形咁

...仲要吹波波, 比佢激c...

私人傳訊回覆引用

積分: 40343

好媽媽勳章醒目開學勳章陪月勳章

666^#

發表於 08-3-7 12:59 |只看該作者

原文章由 linglaulau 於 08-3-7 09:33 發表

我個仔又係咁, 唔知幾時開始食奶時最鍾意fing手,
餵左邊佢隻左手成隻手會"拮"起, 好似巨型蜥蝪的前臂咁

餵右邊佢隻右手手指不停咁"了", 又用d指甲篤我心口d肉, 搞到傷痕累累...
而放响我腰間的手仔又係不停咁"了", 唔知佢搞乜東東?

私人傳訊回覆引用

rose-mag

王國長老

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

667^#

發表於 08-3-7 13:39 |只看該作者

[quote]原文章由 方麗娟 於 08-3-7 12:59 發表

我個女就不停fing手，又鍾意抓住我件衫，有時會摸我塊面，最衰係佢Ｄ指甲好細好薄，好多時都俾佢抓損。我通常都俾隻手指佢捉住，等佢專心Ｄ食。呢兩日就開始玩我件褸粒紐同隻蝴蝶結，真係冇佢修，有時半夜三更無端端喊，換完片佢居然笑想玩。。。

花旗太太生活在花旗國，留意時差，你問我未必即時答到。

私人傳訊回覆引用

積分: 1882

668^#

發表於 08-3-7 14:05 |只看該作者

原文章由 方麗娟 於 08-3-7 10:53 發表

THX~

我個仔食奶時對眼仔最鐘意周圍望, 佢一望第二度個咀仔就扯住我nipple, 同佢講"NO"佢梗係當我耳邊風, 由得佢放口唔比返佢食, 佢仲响度笑......終於比我諗度個好方法"治佢" - 用手遮住佢對眼, 佢就會垂頭喪氣 ...

KAKAKA.... 我個女D 口水唔係流出嚟架... 直頭係"

U" 出嚟...
佢出世第二日已經玩口水波... 似佢老豆十足十

私人傳訊回覆引用

積分: 1882

669^#

發表於 08-3-7 14:08 |只看該作者

原文章由 rose-mag 於 08-3-7 13:39 發表
我個女就不停fing手，又鍾意抓住我件衫，有時會摸我塊面，最衰係佢Ｄ指甲好細好薄，好多時都俾佢抓損。我通常都俾隻手 ...

yes... 比佢抓到我d 衫"whea" 哂.... 我都比佢抓損.... 佢仲會"meet" 我....
haha... 我比隻手指佢捉住佢會拎住我隻手一齊fling....

私人傳訊回覆引用

積分: 40343

好媽媽勳章醒目開學勳章陪月勳章

670^#

發表於 08-3-7 15:48 |只看該作者

原文章由 linglaulau 於 08-3-7 14:08 發表

yes... 比佢抓到我d 衫"whea" 哂.... 我都比佢抓損.... 佢仲會"meet" 我....
haha... 我比隻手指佢捉住佢會拎住我隻手一齊fling....

3,4個月的bb真係好過癮, 識d唔識d咁, 樣樣都好奇

又有野問:
1/ 餵緊人奶可否捐血?
2/ 我而家冇刻意儲奶, 只是夜晚阿b冇食夜奶, 我要擠出來才keep起. 日頭就兩邊輪流餵. 由於近排bb又食密咗, 每餐唔會隔太耐, 所以唔會話谷奶. 咁樣餵ok嗎?
3/ 人奶b會不會冇咁易有濕疹?
4/ 全人奶係咪可以餵到6個月才餵粥仔, 糊仔等其他食物? 事緣係近日屋企人(長輩們)不斷同我講就嚟要比呢d野bb食才夠營養(又係呢句真係激死), 連老公都問過我, 4個月大係咪可以餵蘋果茸? 但我又擔心一比other than mother's milk的食物bb, 佢就會日開始唔鍾意人奶.

[ 本文章最後由方麗娟於 08-3-7 15:58 編輯 ]

私人傳訊回覆引用

Rice779

積分: 1857

671^#

發表於 08-3-7 22:45 |只看該作者

唔該曬呀! 過左easter我就要返工喇, 所以要儲定人奶. 好驚追奶追得辛苦. 都唔知到時點安排時間泵奶及埋身餵, 都好頭痕吓.

原文章由 李小B太太 於 08-3-7 09:56 發表
冰奶可以直接連奶袋解凍, 但唔係用滾水啊, 係用暖水, 大約 60度, 放得入手指果樣溫度。用滾水會殺死人奶入面0的抗體和 living cells, 徙曬啊~

(我每次都係直接解凍的, 唔係放下格解凍, 因為覺得保鮮程度高0的。)

...

私人傳訊回覆引用

rose-mag

王國長老

積分: 174325

672^#

發表於 08-3-8 13:50 |只看該作者

方麗娟 ,

1/ 餵緊人奶可否捐血? 我就唔會捐啦，一來要一排先可以保充番營養，二來我都係緊緊夠１１０磅，以前試過捐完”雲”咗，連捐血站Ｄ護士都叫我唔好捐，仲用架捐血車車我番屋企，所以成世人到而家只係捐過一次血。
2/ 我而家冇刻意儲奶, 只是夜晚阿b冇食夜奶, 我要擠出來才keep起. 日頭就兩邊輪流餵. 由於近排bb又食密咗, 每餐唔會隔太耐, 所以唔會話谷奶. 咁樣餵ok嗎?唔谷都要照餵，只有照餵先追到奶量，如果ＢＢ真係好唔夠先考慮補Ｄ啦，我諗你個Ｂ又到猛長期啦，係咪呢？
3/ 人奶b會不會冇咁易有濕疹?有冇濕疹係主要睇遺傳，如似我個仔咁，我雖然皮膚敏感Ｄ但冇濕疹，不過我老公有，所以仔仔都遺傳到爸爸Ｄ濕疹，而家兩歲都係時好時壞。囡囡就暫時都唔係太嚴重，只係皮膚好dry, 成日面紅紅，仲有Ｄ甩皮，如果密密同佢搽cream就退得好快。你最緊要唔好日日同佢沖涼，水唔好太熱，唔好沖太耐，之後同ＢＢ搽多Ｄ保濕的cream。
4/ 全人奶係咪可以餵到6個月才餵粥仔, 糊仔等其他食物? 事緣係近日屋企人(長輩們)不斷同我講就嚟要比呢d野bb食才夠營養(又係呢句真係激死), 連老公都問過我, 4個月大係咪可以餵蘋果茸? 但我又擔心一比other than mother's milk的食物bb, 佢就會日開始唔鍾意人奶.　其實好多醫生話四個月就可以餵糊仔，但我囝囝個醫生就主張等到六個月，一來ＢＢ脷仔應該發育到可以吞食物，二來ＢＢ可以sit with support，冇咁易梗親。我兩個ＢＢ都係六個月我先俾rice cereal，仲有你要先俾味道冇咁濃的食物，如果一開始就餵Ｄ甜嘢，ＢＢ習慣咗就唔肯食淡味的東西就死啦，果汁我都係到歲半先俾，仲係用一份果汁三份水開稀先俾囝囝飲。其實ＢＢ慢慢大係會食少咗奶，不過一歲前的ＢＢ都以奶為主要食糧。

花旗太太生活在花旗國，留意時差，你問我未必即時答到。

私人傳訊回覆引用

cecily88

別墅

積分: 554

673^#

發表於 08-3-8 16:19 |只看該作者

唉~ 見到妳們咁多分享我都學了不少。BB滿月前我每次都係埋身餵奶，每兩個鐘頭食奶，滿月後BB在嫲嫲處，現在只可以揼奶→冰奶→每隔三、四日才攞奶過去，飲完就飲奶粉‥
BB嫲嫲一向唔喜歡埋身餵BB，話BB食咗幾多根本唔知，又話我BB每次食1個鐘，即BB食完隔1個鐘又要再餵，埋怨我咩都唔做，加上佢又禁止在佢家埋身餵，為此我們已經爭論好多次了，我已經好唔開心

幸好，早幾日我接回BB湊一晚，BB仍很埋身食奶，但嫲嫲一見到又起勢話我令BB唔飽‥最近探BB見到塊面珠的紅粒愈來愈多，我好心痛

BB有時左拎右拎想食奶的時候，但我又餵唔到，做媽媽好心痛‥
唔知係唔係無BB埋身食的關係，不管我每日都揼奶，奶量每況愈下，試過兩邊加埋得一、兩安，我十分擔心將來BB食唔到我D奶奶

有無咩方法可以追回奶水呀？？

私人傳訊回覆引用

積分: 40343

好媽媽勳章醒目開學勳章陪月勳章

674^#

發表於 08-3-8 18:48 |只看該作者

原文章由 cecily88 於 08-3-8 16:19 發表
唉~ 見到妳們咁多分享我都學了不少。BB滿月前我每次都係埋身餵奶，每兩個鐘頭食奶，滿月後BB在嫲嫲處，現在只可以揼奶→冰奶→每隔三、四日才攞奶過去，飲完就飲奶粉‥
BB嫲嫲一向唔喜歡埋身餵BB，話BB食咗幾多根本唔知，又話我B ...

鄧你辛苦和難做, 但真係密密埋身餵才容易追返奶量, 請你唔好介意我咁講: 真係唔好理咁多, 個bb係你o既, 你先至係佢媽媽, 餵bb食奶係天經地義的事, 唔通一句唔鍾意/唔認同就可以唔比你餵?

講真, 你已經唔係自己一手一腳湊返bb, 唔通連餵奶都唔可以? sorry我可能比較激動d, 但我覺得你99有少少過份, 有乜理由連餵奶都唔准? 難得你bb仲肯埋身食, 證明bb好需要你呢個媽咪. 雖然餵人奶只係bb成長的其中一小項事情, 但既然比到佢點解唔比呢?

我明白做人新抱往往要承受唔少來自奶奶的壓力, 但只要抱著一個信念, 就係我地所做緊o既野都係為bb著想, 為佢好, 就要堅持!

加油! 餵人奶已經唔容易, 你o既選擇係正確同埋為bb好, 支持你呀!

私人傳訊回覆引用

積分: 40343

好媽媽勳章醒目開學勳章陪月勳章

675^#

發表於 08-3-8 19:17 |只看該作者

rose-mag,

我知道身體會漸漸適應而冇咗谷奶的感覺, 而同時亦因為猛長期 / "吽牙仔", 而家bb想食就比佢食. 我只係擔心如果每次只餵一邊, 另一邊冇泵出來, 會否慢慢收奶? 但如果每次又餵又泵就會頂唔順又冇得抖, 跟住又到下一餐了!

私人傳訊回覆引用

全人奶B

積分: 1274

676^#

發表於 08-3-8 23:21 |只看該作者

原文章由 方麗娟 於 08-3-8 19:17 發表
rose-mag,

我知道身體會漸漸適應而冇咗谷奶的感覺, 而同時亦因為猛長期 / "吽牙仔", 而家bb想食就比佢食. 我只係擔心如果每次只餵一邊, 另一邊冇泵出來, 會否慢慢收奶? 但如果每次又餵又泵就會頂唔順又冇得抖, 跟住 ...

邊餵邊泵呢個動作係bb2個月時已經冇做啦~你講得冇錯,真係會冇得抖~直到而家我都係輪流餵~我覺得奶量都好ok..我又唔多飲水同魚湯~而家呀b呢排每2個鐘又要食..慶幸仲夠奶奶比bb食
因為我真係懶左好多連個奶泵都收埋左

只係又時太谷先用手渣出黎留聽日沖涼用...

私人傳訊回覆引用

cecily88

別墅

積分: 554

677^#

發表於 08-3-9 01:16 |只看該作者

好多謝有妳的支持，真係『家家有本難念的經』，不過BB在99家，我實在沒有辦法，為了爭辯餵人奶已經令到大家相處有條刺，佢仲話我坐月時已遷就我埋身畀BB食，但BB根本唔夠飽，而家佢禁止在佢屋企餵人奶，我都算囉，唯有探BB時攞冰奶去。最憂慮是而家我D奶量每況愈下，BB的食量又會隨著年齡增加，我怕我想餵都無能為力了

我已經每隔三小時揼奶，又飲湯水，都唔知是情緒影響，或是BB無啜我奶頭的原因‥唉！我愈來愈失落了

原文章由 方麗娟 於 08-3-8 18:48 發表

鄧你辛苦和難做, 但真係密密埋身餵才容易追返奶量, 請你唔好介意我咁講: 真係唔好理咁多, 個bb係你o既, 你先至係佢媽媽, 餵bb食奶係天經地義的事, 唔通一句唔鍾意/唔認同就可以唔比你餵?

講真, 你已經唔係自己一手一腳湊返bb, 唔通連餵奶都唔可以? sorry我可能比較激動d, 但我覺得你99有少少過份, 有乜理由連餵奶都唔准? 難得你bb仲肯埋身食, 證明bb好需要你呢個媽咪. 雖然餵人奶只係bb成長的其中一小項事情, 但既然比到佢點解唔比呢?

我明白做人新抱往往要承受唔少來自奶奶的壓力, 但只要抱著一個信念, 就係我地所做緊o既野都係為bb著想, 為佢好, 就要堅持!

加油! 餵人奶已經唔容易, 你o既選擇係正確同埋為bb好, 支持你呀!

私人傳訊回覆引用