muffinmama 發表於 21-8-27 09:21 
我住這處的high school暑假時剛請了新一位football coach，不幸最近因為Covid過身了，工都未開就走咗。有 ...
就算有人死，好多人心態係唔關我事，冇咁好彩係我或我家人，當殺到埋身就唔同講法，網上不只一次見到有人冇打針感染COVID後好後悔，呼籲其他未打針嘅人打針，然後就唔少人走出嚟話疫苗係藥廠同政府官商勾結想賺錢，我之前唔知有冇提過，我老公朋友傳電郵同text links俾我老公，入面內容都係講疫苗先係殺人武器，所有打咗疫苗嘅兩三年後就會死，當時有嚇到我個女架，但與其求神拜佛去到群體免疫，我寧願打針等我地呢兩三年過得正常少少。
點解過咗咁耐都仲係一波接一波？多謝果D又唔打針又唔肯做多少少保護自己（都唔敢講叫呢班人保護其他人），醫護承受咗咁耐工作同心理壓力，但努力成果未見，只有沒完沒了嘅工作同潛在危險～然後經濟、治安每況愈下，我地仲要花錢搞recall呢個果個，唔好誤會，我係同意呢幾個人係值得被recall（除咗州長，而家搞緊動議recall DA同三個School Board成員），同老公傾開，佢話點解好好一個城市一個州會搞到咁，其實完全係政治操作，越差就會得到越多funding，掌權嘅根本唔想去搞好，搞好咗就唔會有資助，諗下又真係似，之前仔女讀嘅小學係學生屬於多低收入階層，於是就劃歸為underprivileged，加上有特殊班，於是每年嘅經費比普通學校多一點，後來名聲在外，多咗人識後，申請入讀嘅人多咗，人種同經濟階級亦有變動，於是學校損失咗underprivileged果個資助，後來特殊班又有變動，又少咗一筆，不過因為家長多咗較有錢嘅，PTA多咗一班想做嘢嘅家長，籌款多咗，加上新校長有心搞起學校名聲（舖路自己上位入校區），於是申請咗唔少其他sponsorship/project funding，兩三年間，學校由冇人識到有waiting list，校長就咁升職入咗校區。。。呢D種種都係幫自己上位嘅籌碼，當然呢個小學校長做嘅同時有惠及學校，但市長、州長、DA、School Board等都只係為自己，但問題係用損人利己嘅方法。
我公司暫時未強制打疫苗，但就無數次請醫生或大學醫學教授開ZOOM/Webnair同員工講有關疫苗對COVID嘅重要性，之前都有講要WFH員工都做rapid test，不過我未收到test kit，下個月東岸果邊同事要返去公司開工，我地呢邊未有消息，斷估CA、FL、TX應該有排都達到公司安全標準，而我個office有幾十層樓，每層有幾十人（或幾間公司），淨係搭電梯已經係大問題，如果好多人同時返工，冇可能做到保持距離，估計搭電梯已經要花好多時間。
花旗太太生活在花旗國，留意時差，你問我未必即時答到。
德州個州長成日話自由唔淮迫人戴口罩打疫苗，我們唯有報讀私校，不過都唔係好得幾多。delta variant講咗咁耐，私校校長上星期先話teachers and staff要戴口罩，家長接送時都要，但學生唔駛
。我個仔都算乖，又怕中招，所以只有午餐和recess在室外時除口罩。佢今日仲話indoor recess都戴住，我都叫佢唔好勉強，怕佢跑來跑去唔夠氧氣。唉！我都唔知點，唯有祈禱。希望快啲有針佢打，就算真係唔好彩病咗都希望唔會病得太嚴重。
發表於 
返回列表
