婦女醫護 今日: 0 | 主題: 34337

積分: 427

664^#

發表於 07-9-9 22:57 |只看該作者

請問有冇人在食藥治療中, 出現皮膚非常痕癢的情況?

私人傳訊

積分: 466

665^#

發表於 07-9-10 17:14 |只看該作者

原文章由 amazing9870 於 07-9-9 22:57 發表
請問有冇人在食藥治療中, 出現皮膚非常痕癢的情況?

我食藥初期每朝都出風癩, 醫生比左敏感藥我, 食左半個鍾內退, 平時都會有皮膚痕癢, 不過, 唔算嚴重.

私人傳訊

amazing9870

積分: 427

666^#

發表於 07-9-11 00:03 |只看該作者

原文章由 tpc68 於 07-9-10 17:14 發表

我食藥初期每朝都出風癩, 醫生比左敏感藥我, 食左半個鍾內退, 平時都會有皮膚痕癢, 不過, 唔算嚴重.

tpc68,

你食了藥多久? 現在還會皮膚痕癢嗎? 會用什麼方法止痕嗎?
我就一到夜晚就非常痕癢. 令我難於入睡. 明天會問問醫生了.

amazing9870

私人傳訊

大宅

積分: 2828

667^#

發表於 07-9-11 10:54 |只看該作者

我都有試過起風癩, 醫生當時係俾解藥我上，同埋轉甲亢藥(你白色轉綠字藥)。:mrgreen:

到現時已經食左半年藥，覺得皮膚好痕&乾,但又未至於出風癩，其實我怕到冬天會更加痕同乾。:cry:

原文章由 tpc68 於 07-9-10 17:14 發表

我食藥初期每朝都出風癩, 醫生比左敏感藥我, 食左半個鍾內退, 平時都會有皮膚痕癢, 不過, 唔算嚴重.

私人傳訊

積分: 466

668^#

發表於 07-9-11 20:00 |只看該作者

原文章由 amazing9870 於 07-9-11 00:03 發表

tpc68,

你食了藥多久? 現在還會皮膚痕癢嗎? 會用什麼方法止痕嗎?
我就一到夜晚就非常痕癢. 令我難於入睡. 明天會問問醫生了.

amazing9870

妳醫生有無開定敏感藥比妳?

私人傳訊

積分: 466

669^#

發表於 07-9-11 20:03 |只看該作者

原文章由 yw 於 07-9-11 10:54 發表
我都有試過起風癩, 醫生當時係俾解藥我上，同埋轉甲亢藥(你白色轉綠字藥)。:mrgreen:

到現時已經食左半年藥，覺得皮膚好痕&乾,但又未至於出風癩，其實我怕到冬天會更加痕同乾。:cry:

...

我一路都食綠色藥, 初初我都以為係藥物敏感, 不過, 醫生話應該唔係, 開左敏感藥比我, 無轉過藥.

其實白色同綠色嘅甲亢藥有咩唔同

私人傳訊

amazing9870

積分: 427

670^#

發表於 07-9-12 22:53 |只看該作者

原文章由 tpc68 於 07-9-11 20:03 發表

我一路都食綠色藥, 初初我都以為係藥物敏感, 不過, 醫生話應該唔係, 開左敏感藥比我, 無轉過藥.

其實白色同綠色嘅甲亢藥有咩唔同

藥廠不同, 所以藥的顏色會有所不同. 最緊要看藥名.

私人傳訊

積分: 466

671^#

發表於 07-9-13 18:20 |只看該作者

原文章由 amazing9870 於 07-9-12 22:53 發表

藥廠不同, 所以藥的顏色會有所不同. 最緊要看藥名.

星期一去睇一個朋友介紹嘅醫生, 佢睇左我之前報告, 要求我再一次抽血驗 pt 4 , ths, 仲有兩樣唔記得係咩

因為剛做完 t4 係正常, 所以, 未決定會唔會再驗, 但醫生講 t4 睇唔晒甲亢嘅情況, 之前醫生開嘅藥就食晒, 但今次醫生唔肯開比我, 因佢未知我最新指數, 開唔到新藥, 佢話佢無我食開嘅綠色藥, 佢用開係白色... 所以, 我唔知佢地有咩無分別?

t4 同 pt4 又有咩唔同? 我都係見妳地主要 check t4 架

私人傳訊

積分: 420

672^#

發表於 07-9-24 23:58 |只看該作者

睇左你地D對話,我一路睇就一路流眼淚:-( :-( :-(

千言萬語,從何說起........................................
係2005年既四月,我個女剛好6歲.被證實甲亢(高).
證實前唔知係甲亢.找盡醫生,什麼都檢查.身心疲慮.
證實後個兒科立刻寫紙入政府,星期五寫,星期六排
期,比我星期一9:00am去睇,以為食葯就無事,點知要即
刻留醫觀察,係個刻我一世都唔會忘記,我即時係個
醫生面前喊左出黎....................

佢入院時個時驗到T4係 73度,心跳120.TSH 0.004.
醫生唔敢比藥佢食,觀察左幾日,響我面前打開本書.
書名叫做"兒童用藥份量指引"係到計左一輪,先同我講.
佢到決定用幾多份量. 咁我個女就開始左呢D生涯.

我最痛苦既係佢每次去抽血................................
就長既時間係用左1個半小時............................
最記得既係佢比人用十字架綁實,有四個人捉實佢,而佢
係係地大叫.爸爸媽媽救命家,快D黎救我,叫左好耐.先至
抽到血...............................
放左佢之後,眼又腫,頭髮又濕,我重要死撐咁同佢講.下次
抽血就要乖乖地,咁未唔使咁辛苦law.......................
我知佢好唔開心.我都唔知點做,2個人手拖手咁行出個
抽血站.

今天2007年又係四月,佢先開始係抽血時第一次唔再喊.
唔再知道要抽血前有D情緒不穩,佢比之前好左好多.

我好想佢斷尾,唔再受呢D苦.我而家就經人介紹.食中藥
粉補身,希望佢身体強体D,唔好影響發育.

到呢一刻我都好傷心,傷心到不能用語言去表達,我只知
道佢唔醫好.我呢世都欠左佢...................

私人傳訊

happyken

積分: 117

673^#

發表於 07-9-25 10:01 |只看該作者

原文章由 LunMeiWah 於 07-9-24 23:58 發表
睇左你地D對話,我一路睇就一路流眼淚:-( :-( :-(

千言萬語,從何說起........................................
係2005年既四月,我個女剛好6歲.被證實甲亢(高).
證實前唔知係甲亢.找盡醫生,什麼都檢查.身心疲慮.
證 ...

LunMeiWah, 唔好咁啦,甲狀腺亢進係手尾長d，但至少唔會有生命危險，而且依家食藥都可以控制到，算係好好的了．比起其他人，已經算幸運....

我都有甲亢５年了，用盡中西醫的辦法都無法根治，初初都覺得點解會係我，依家諗番，都無咩野．當然，你囡囡仲細，要抽血好辛苦．不過，困難總會過去的．

正面d樂觀d去面對!

私人傳訊

szeszes

水晶宮

積分: 69113

2024年龍年勳章 wyeth冷知識勳章好媽媽勳章醒目開學勳章 2011至尊種植勳章畀面勳章 BK Milk勳章

674^#

發表於 07-9-25 23:23 |只看該作者

我以前係一個甲亢病人, 2000年開始發現自己有甲亢, 曾經試過2次停藥都覆發

最後, 醫生就叫我揀飲放射碘, 飲左1次, 之後就無事, 飲完半天後, 仲意外地有左 bb, 而家仔仔都2歲半, 好彩暫時亞仔無甲狀腺問題 (因為老公同我都係甲亢病人), so far, 都要 keep 住隔日食甲狀腺素補充劑一粒

我老公都 same case, 不過就天天食一粒甲狀腺素補充劑

其實, 這種病, 係香港好普遍, 因為香港人既壓力太大了

私人傳訊

積分: 466

675^#

發表於 07-9-27 00:59 |只看該作者

LunMeiWah,
我大人一個, 聽到自己有甲亢而且指數都唔低, 我都係醫生面前喊左出黎...
妳囡囡依家點呀? 甲亢係咪控制到啦? 其實, 我都好驚阿女會有我遺傳 :-(

szeszes,
醫生都有同我提過飲碘, 但我有d 擔心唔知飲碘係咪即係好嚴重...
我成日以為甲狀腺係女人病

私人傳訊

積分: 420

676^#

發表於 07-9-29 08:53 |只看該作者

甲亢大部份遺傳的,都傳女不傳男.而年長病發的,大多
數同情緒和壓力有關.

我個女8歲.我而家有時間就收集關於甲亢(高)的資料.
從治療到日常作息.飲食,湯水都有研究.因為我知道
條路好長.
睇政府外,重有私家check著葯既份量,同時亦開始
食中藥粉補身.
我希望佢個病唔好影響佢學習 .發育.所以係發育前調
理係關健期.

私人傳訊

積分: 466

677^#

發表於 07-9-29 17:02 |只看該作者

原文章由 LunMeiWah 於 07-9-29 08:53 發表
甲亢大部份遺傳的,都傳女不傳男.而年長病發的,大多
數同情緒和壓力有關.

我個女8歲.我而家有時間就收集關於甲亢(高)的資料.
從治療到日常作息.飲食,湯水都有研究.因為我知道
條路好長.
睇政府外,重有私家check著葯 ...

多謝妳回答!

想問下有無人知食甲亢藥有無副作用?

私人傳訊

jaycee_mami

珍珠宮

積分: 48073

好媽媽勳章

678^#

發表於 07-9-30 13:00 |只看該作者

原文章由 LunMeiWah 於 07-9-24 23:58 發表
睇左你地D對話,我一路睇就一路流眼淚:-( :-( :-(

千言萬語,從何說起........................................
係2005年既四月,我個女剛好6歲.被證實甲亢(高).
證實前唔知係甲亢.找盡醫生,什麼都檢查.身心疲慮.
證 ...

LunMeiWah, 睇完你的留言, 我都好難過, 因為我是準媽媽, 衷心希望你的女兒早日康復.

我也是甲亢病人, 今年29歲, 在六年前病發, 中間病情反反覆覆, 在兩年前(即病發後四年), 我接受了第一次碘水治療, 之後兩個多月後再飲多一次. 和其他病人一樣, 我當初聽到"飲碘水"三個字就非常非常抗拒, 不過經瑪麗醫院內科部的醫生勸道下 (我記得她是一位教授, 女人來的), 我知道我想"斷尾"就別無選擇, 最後惟有接受了碘水治療.

飲碘水前後的兩星期, 我永世難忘, 因為心情實在低落得很, 感到很無助. 幸好瑪麗醫院教授樓的醫生很好 (當時由內科部轉至教授樓跟進), 他們不厭其煩地回答我好多問題, 例如會否影響受孕機會, 而飲之前亦有護士俾錄影帶我地睇, 提醒我地要特別注意的地方, 有問題也可以即場發問.

飲完第二次碘水後, 我在瑪麗教授樓繼續覆診了一年, 一直不用食藥, 甲狀腺指數亦在正常範圍內. 那一年, 我覺得身體及精神比飲碘水前好左好多, 不再大量脫髮及消瘦, 訓覺亦有改善. 一年後, 我問醫生我可否懷孕, 結果他說可以了, 並幫我close file, 說留番個位俾更多有需要的病人, 然後轉介我到西營盤醫院 (即西環人俗稱的"國家醫院") 繼續跟進.

接著我和丈夫努力了兩個月, 終於發現懷孕了 (這真是遲來的春天!) 其實, 在懷孕前, 我真的懷疑我有抑鬱症, 因為丈夫的家人, 特別是老爺, 給予我無比的壓力, 但我又有口難言, 中間的痛苦非外人能明白.

在懷孕初期 (第三個月), 贊育醫院的醫生見我的甲指數低左少少, 就開了甲補充劑我食, 每日食一粒. 他們說補充劑對bb沒有影響, 我唔食的話, 反而會害左bb. 現在, 我懷孕七個月啦, 坦白說, 心情一直忐忑不安, 好驚bb (囝囝)出世後甲狀腺有問題, 又驚我身體唔好 (28週又發現有妊娠糖尿) 影響到他. 這七個月, 情緒一直起起伏伏, 很想這餘下的兩個月時間過得快d, 亦希望阿囝可以平安無事.

要養育一個孩子真的不容易, 不過我會努力的. 生左後我一定會再上黎同大家匯報, 大家一齊加油!

私人傳訊

積分: 420

679^#

發表於 07-10-1 01:51 |只看該作者

多謝妳回答!
想問下有無人知食甲亢藥有無副作用?

我所知道的都是按我女兒的情況及病次所知而言.
她是甲亢(高)的病人,即是話---代謝体係快.即新陳代謝快.
食甲亢藥係去減慢本身代謝快的荷爾懞.使其正常化.食藥本
身沒有太大副作用反而甲亢本身傷害還大.

私人傳訊