想生BB 今日: 0 | 主題: 109543

積分: 9490

6781^#

發表於 25-1-29 08:11 |只看該作者

nini920902 發表於 25-1-28 10:16
Hi there! I got the grading for 6 embryos:

5AC

Dear nini920902,
They are average quality. Grading is based on appearance only and it is not everything, although we can only prioritize their transfer based on this system when there is no genetic info.
Some doctors like to transfer ‘A’s first, but since that embryo is a 5AC (meaning the trophectoderm is poor), I would transfer the 5BB first before considering 5AC. After the 5’s, the order should be 4BB, 4BB, 3BB, 4BC. There’s a good chance you will get pregnant before finish using all the embryos.
Good luck!

私人傳訊回覆引用

Lsljoanna123

洋房

積分: 73

6782^#

發表於 25-2-12 14:45 |只看該作者

你好

1）如有PCOS, 請問建議gonal-f or menopur? （本身無排卵，月經34-40日）
2）值入後會用黃體銅有幫助嗎？

謝謝你(emoji)(emoji)

私人傳訊回覆引用

積分: 9490

6783^#

發表於 25-2-14 05:01 |只看該作者

Lsljoanna123 發表於 25-2-12 14:45
你好

1）如有PCOS, 請問建議gonal-f or menopur? （本身無排卵，月經34-40日）

Hello Lsljoanna123,
1) 兩隻藥嘅作用一樣，醫生開邊隻都可以，PCOS與否並不影響決定
2）植入鮮胎要用黃體酮，醫生亦會開藥。如果是雪胎，用自然周期不需要藥物，但你說你冇排卵，那放雪胎的話就應該是用人工周期了，用人工周期醫生會開黃體藥給你

私人傳訊回覆引用

poohchanns

積分: 243

6784^#

發表於 25-2-14 22:09 |只看該作者

回覆 cutecutetown 的帖子

你好cutecutetown,

多謝你之前的鼓勵同祝福。
上次有跟你講過F S H突然喺小產之後兩三個月都好高 15,16，所以冇辦法再開針。第三個月突然低返變咗8.5，所以可以再開始。
唔知關唔關當時壓力事啊。

基礎卵泡數目九粒，打針五天後只睇到3-4個左右有長得比較大，而且不太齊整。但根據過往經驗，最後都唔會有太多胚胎成功，再加上有擔心F S H會再升返, 所以繼續療程。

最後可能大大小小抽到10粒。但今次比較好嘅就係只係得兩粒不成熟。上次14粒有一半都不成熟或者外面成熟裏面不熟。

最後受精五粒，其中一粒受精不良。最後一粒DAY3 8分滿分。雪了。其他都是早期分裂有問題同慢了，到第四/五天停了。

上一次其實都係得一粒D3同D6 , D3 8Week 小產。D6未用。而家嚟緊安排食一個月避孕藥四月先放今次嘅D3。

其實今次都有啲擔心，因為上次嘅經歷。同埋了解到自己嘅pattern , 卵子本身唔靚, 可能過往作息或者工作大壓力影響。所以即使再做多次先放，都未必會好顯著多靚胚胎。

所以冇乜信心，天生整批卵比較差，擔心好難成功。不過醫生覺得係卵質素不好，但其實一批內，其中可能有d係冇咁差的，分數可能會高一點的，例如可能冇咁受壓力影響的。1) 這個你認為是不是呢 ?

我大概理解到的是，兩次成為到胚胎的，都好大機會是本身會自然會排卵最優秀的嗰一粒。所以其實針藥好像只將最好的一兩粒比較發揮到，我的情是其他卵質素太差，即是谷到都冇辦法扭轉。

1) 所以我有少少諗唔明，請問怎樣理解卵子出世已經定了，若質素差很難逆轉，每次IVF都係拎個批卵出嚟用，但又會有成功有take home baby的成功例子呢?

2)本身有諗過做多一次，睇睇可唔可以有多一兩個杯胎先放，但由於預計都唔會好好成績，所以最後都決定放咗先，就算touchwood不成功都唔會嘥太多時間。因為醫生說反正現在已經谷得個卵巢好勁，覺得要唞一唞先。我想請問一下這樣休息先，讓卵巢先回覆一下是不是比較好？

3)FSH 是不是之前高？過咗就不用再理？

感謝你 !

私人傳訊回覆引用

poohchanns

積分: 243

6785^#

發表於 25-2-14 22:11 |只看該作者

回覆 poohchanns 的帖子

你好cutecutetown,

多謝你之前的鼓勵同祝福。
上次有跟你講過F S H突然喺小產之後兩三個月都好高 15,16，所以冇辦法再開針。第三個月突然低返變咗8.5，所以可以再開始。
唔知關唔關當時壓力事啊。

基礎卵泡數目九粒，打針五天後只睇到3-4個左右有長得比較大，而且不太齊整。但根據過往經驗，最後都唔會有太多胚胎成功，再加上有擔心F S H會再升返, 所以繼續療程。

最後可能大大小小抽到10粒。但今次比較好嘅就係只係得兩粒不成熟。上次14粒有一半都不成熟或者外面成熟裏面不熟。

最後受精五粒，其中一粒受精不良。最後一粒DAY3 8分滿分。雪了。其他都是早期分裂有問題同慢了，到第四/五天停了。

上一次其實都係得一粒D3同D6 , D3 8Week 小產。D6未用。而家嚟緊安排食一個月避孕藥四月先放今次嘅D3。

其實今次都有啲擔心，因為上次嘅經歷。同埋了解到自己嘅pattern , 卵子本身唔靚, 可能過往作息或者工作大壓力影響。所以即使再做多次先放，都未必會好顯著多靚胚胎。

所以冇乜信心，天生整批卵比較差，擔心好難成功。不過醫生覺得係卵質素不好，但其實一批內，其中可能有d係冇咁差的，分數可能會高一點的，例如可能冇咁受壓力影響的。1) 這個你認為是不是呢 ?

我大概理解到的是，兩次成為到胚胎的，都好大機會是本身會自然會排卵最優秀的嗰一粒。所以其實針藥好像只將最好的一兩粒比較發揮到，我的情是其他卵質素太差，即是谷到都冇辦法扭轉。

1) 所以我有少少諗唔明，請問怎樣理解卵子出世已經定了，若質素差很難逆轉，每次IVF都係拎個批卵出嚟用，但又會有成功有take home baby的成功例子呢?

2)本身有諗過做多一次，睇睇可唔可以有多一兩個杯胎先放，但由於預計都唔會好好成績，所以最後都決定放咗先，就算touchwood不成功都唔會嘥太多時間。因為醫生說反正現在已經谷得個卵巢好勁，覺得要唞一唞先。我想請問一下這樣休息先，讓卵巢先回覆一下是不是比較好？

3)FSH 是不是之前高？過咗就不用再理？

感謝你 !

私人傳訊回覆引用

snoobie

民房

積分: 6

6786^#

發表於 25-2-16 16:37 |只看該作者

你好，
移植囊胚後第二日驗血發現黃體酮只有49，被告知需要加大劑量，請問這個水平是很低嗎？這次移植是不是機會不大？謝謝！

私人傳訊回覆引用

積分: 9490

6787^#

發表於 25-2-17 12:00 |只看該作者

poohchanns 發表於 25-2-14 22:11
回覆 poohchanns 的帖子

你好cutecutetown,

Dear poohchanns,
1) 卵子在女性出生時已在卵巢內，數目已定，不會增加，只會受著歲月和外來環境影響。每次月經係隨機recruit十數粒進入周期，呢個recruitment冇人知道有冇什麼特別籂選，但估計越早被recruit嘅卵子應該質素越好，因為這些卵子所受嘅環境影響最少，所以不論是自然懷孕定用IVF, 年紀輕的比起年紀大的受孕機會會較高，而胎兒問題、孕婦complications亦較少。
我作個較容易明白嘅比喻，recruitment就好似選港姐，在自然周期的情況下，10-12個佳麗只能有一個冠軍，沒有第二第三；但在IVF的情況下，我哋可以有5強，拿到第二第三名的其實也可以在其他方面的比試勝出的。
2）絕對可以休息一下，有時心情都需要放鬆下來反而有幫助。先放胎看看。
3） FSH唔係唔使理，佢係反映卵巢功能/儲備，數值越高，功能/儲備越低。但沒有辦法令佢降低的。你先前試過去到15、16，一方面可以係小產影響咗月經嘅周期性，亦可能係一個小警號，所以固然休息在現階段無妨，但也不要抖太久。如果放胎後不成功，就不要等半年才再IVF.

私人傳訊回覆引用

積分: 9490

6788^#

發表於 25-2-17 16:43 |只看該作者

snoobie 發表於 25-2-16 16:37
你好，
移植囊胚後第二日驗血發現黃體酮只有49，被告知需要加大劑量，請問這個水平是很低嗎？這次移植是不 ...

Hello snoobie,
49其實是足夠的。

私人傳訊回覆引用

poohchanns

積分: 243

6789^#

發表於 25-2-17 23:16 |只看該作者

回覆 cutecutetown 的帖子

Cutecutetown,
多謝你的回覆。

1)照計現在應該是剩返的都是質素不太好 , 質素好的應該一早以前就已經recruit了。對，但在現在較差的一批入面仲可以找到有潛質成功的卵嗎？

聽落好似好冇希望.. 2)係唔係就係有陣時醫生講嘅睇吓撞唔撞得中？

3)同埋我做IVF兩次最後也只有一至二個胚胎。
雖然我不知道這兩次的D3係唔係本身排出來的嗰一粒，還是第二第三名的，但想問吓做IVF 除咗係幫助了受精的一關，針藥對本身的那粒卵有冇什麼幫助呢？因為先生精子冇問題，以我的情況做 IVF打咁多針是不是好浪費，因為反正原來pattern 都只係得一粒左右會成功成為胚胎

但不打針的話是不是連本身最精英的嗰一粒都有機會冇辦法成為到胚胎？

但今次會選擇先放 , 即使不成功，也會立即再試。
希望可以成功！多謝答覆！

私人傳訊回覆引用

Lollipop78

積分: 166

6790^#

發表於 25-2-18 23:08 |只看該作者

回覆 cutecutetown 的帖子

Hello cutecutetown,
多謝你嘅回覆。我2月3號開左針，打左10日menopur 225iu，2月15號取左15粒卵，尋日醫院打黎話有10粒day 2，會再培養至day 5/6。不過醫生話因為我打嘅破卵針係decapeptyl，唔可以放鮮胎。我上網見到話QM一般放雪胎都係自然週期，而放胎前後唔會俾任何黃體針或藥。
請問我放胎前應唔應該check左黃體素水平先？再睇下使唔使自己搵個婦科開黃體素藥/打油針？同埋check內膜厚度？因為我上年11月好早期化學左，我諗緊同黃體有冇關。。

謝謝你

私人傳訊回覆引用

積分: 9490

6791^#

發表於 25-2-19 05:50 |只看該作者

poohchanns 發表於 25-2-17 23:16
回覆 cutecutetown 的帖子

Cutecutetown,

Dear poohchanns,
又唔係咁灰嘅，質素包含很多方面，雖說卵子一出世就已經定咗數目，但佢哋處於靜止狀態（你可以當佢冬眠緊），所以歲月和環境對卵子嘅影響唔會粒粒都一樣，而卵子其實都係細胞，細胞有基本嘅修復功能，一些較輕嘅影響細胞係應付得來的。換句話說，雖然較靚嘅卵子會較年輕嘅時候已經被recruit並用掉，但這並不代表餘下嘅存庫就只有差的，只不過隨住年月，每次recruitment中好與差嘅卵子比例就是會越來越不利了。
1）其實去到38、39歲都有好多IVF成功嘅例子，不過佢哋可能唔係一次IVF、放兩次胎就成功，而係經歷兩三次IVF,好幾次放胎才成功抱B。
2）「睇吓撞唔撞得中」，是可以這樣理解。
3）在自然周期只有第一名才會成熟排卵，而IVF 針藥可以令那些第二第三名都繼續生長到成熟排卵階段。而就算係自然周期、理論上排最靚嘅一粒卵，年輕如25-30歲，又沒有不育問題，每月能成功懷孕的機會也只是25-30%，要一年累積計才會達8成以上成功。我這麼說並不是叫你覺得機會渺茫；相反，經歷幾次失敗也在所難免，所以不要氣餒！

私人傳訊回覆引用

積分: 9490

6792^#

發表於 25-2-19 06:12 |只看該作者

Lollipop78 發表於 25-2-18 23:08
回覆 cutecutetown 的帖子

Hello cutecutetown,

Dear Lollipop78,
其實自然周期有排卵，黃體酮都是足夠的，這是用自然周期放雪胎嘅好處，可以完全不用藥。
化學懷孕通常都係胚胎不正常或不生長導致，在你的情況與黃體無關。
至於你所講嘅check內膜厚度、check黃體酮(progesterone)不是不可以，不過你check嚟都只係買個安心，check完都應該係唔使加藥或打油針的。

私人傳訊回覆引用

PPbabycat

積分: 174

6793^#

發表於 25-2-26 12:34 |只看該作者

cutecutetown 發表於 24-8-14 06:04
Dear PPbabycat,
其實若然仲係心大心細、拿不定主意唔知好唔好再抽卵，那就先植入那一個low mosaic胚胎吧 ...

Hello cutecutetown,

我潛水一排，而家終於有啲嘢可以update下。我喺台灣抽咗第三次卵，但成績差咗好多，培養之後只有2粒囊胚去到Day7 6BC&4CB，我唔做呢2粒pgs, 因為好似做嚟都嘥錢，直覺有9成會唔合格。
最後我喺今年1月植入咗嗰粒低鑲嵌胚胎，佢又好順利著床，今次仲要6周已聽到心跳(emoji)，之後8周、呢個星期已經10周，一切都正常。台灣醫生啲藥都剛剛用晒停晒，而家只剩下每天食1粒Bokey，我都好感恩今次暫時一切都順利。但我而家面對嘅問題係諗緊做產檢，考慮緊做T21 ，到底做普通版或進階版好？聽啲人講進階版有好多假陽性，因為我已做pgs (LMOS+4(25%)咁係咪做普通版已足夠？或其實pgs 都唔係好準確，最好做進階版？唔知你呢方面有冇建議？謝謝你(emoji)(emoji)

私人傳訊回覆引用

積分: 9490

6794^#

發表於 25-2-26 18:53 |只看該作者

PPbabycat 發表於 25-2-26 12:34
Hello cutecutetown,

我潛水一排，而家終於有啲嘢可以update下。我喺台灣抽咗第三次卵，但成績差咗好多， ...

Dear PPbabycat,
好多謝你嘅update. 依你所說，你呢胎當初PGS時只是4號染色體是低鑲嵌《LMOS+4（25%）》，其他染色體正常？如果是，我覺得可以審慎樂觀嘅。
首先，你現在是在香港做產檢吧？其實一般就算做咗PGS、放正常胚胎而懷孕，啲IVF 中心都仍會建議你要以驗羊水為準的，不過我理解有很多jm都唔做抽羊水，只做個T21、冇事就算。不過你放嘅胚胎是4號染色體mosaic，所以要關注嘅係4號染色體，而T21檢測並冇包括呢條染色體，因此，就算你T21正常，依然証實不到4號染色體有冇問題。
視乎你找了產檢醫生未，最好都係要佢知道你呢胎係從一個low mosaic embryo而來。另一方面，產檢也包括照超聲波，所以醫生若懷疑有什麼異常，「B超」都有機會睇倒，到時再決定抽羊水都可以。至於現階段如果你想做T21買個安心，我個人意見就係做個普通版已經足夠。

私人傳訊回覆引用

PPbabycat

積分: 174

6795^#

發表於 25-2-26 20:49 |只看該作者

cutecutetown 發表於 25-2-26 18:53
Dear PPbabycat,
好多謝你嘅update. 依你所說，你呢胎當初PGS時只是4號染色體是低鑲嵌《LMOS+4（25%）》， ...

Dear cutecutetown,

多謝你嘅回覆，我睇台灣俾我嘅報告只顯示呢粒胚胎係4號染色體有問題，仲有寫埋（粒線體DNA比率0.0009）呢個位我睇唔明，而睇圖係見到其他染色體位置都係貼住顯示「2」數字嘅一條中線或好緊貼呢條中線，只有4號染色體整體係移高咗少少，報告都冇提其他染色體有問題。當初台灣醫生話呢粒胚胎唔差，低鑲嵌嘅位植入後可能會自己修復等等。其實我一直都搵唔到到底4號染色體有問題個BB會出現咩問題，台灣醫生又冇提，只係話唔係啲嚴重染色體問題，你有冇一啲資料可以講講？（其實而家先問呢個問題會唔會太遲？

）

我係6周、8周、10周都喺香港搵產科醫生照超聲波產檢，呢3次產檢個醫生都係話個胎個心跳及size發展都好正常。初初香港醫生知台灣醫生有提過喺香港產檢最好做埋抽羊水，有建議我去完公立醫院照頸皮後先諮詢公立醫院醫生意見睇吓做唔做。咁我之後又問返台灣係咪一定要做抽羊水，台灣就話佢哋唔會堅持逼我一定要抽羊水，可以跟返香港醫生嘅建議做產檢，咁香港醫生就建議我做T21 進階版，話可以睇晒22個染色體問題，咁就可以睇睇4號染色體而家仲有冇問題。但照你所講，即T21進階版其實都睇唔到全部染色體嘅問題？咁抽羊水就可以全面知道所以染色體問題？我一直以為抽羊水都只係睇唐氏之類嘅病。咁nifty pro 係咪都同T21 express 進階版一樣？
唔好意思太多問題及疑問，多謝你不厭其煩咁答我哋啲問題。

私人傳訊回覆引用

積分: 9490

6796^#

發表於 25-2-27 04:47 |只看該作者

PPbabycat 發表於 25-2-26 20:49
Dear cutecutetown,

多謝你嘅回覆，我睇台灣俾我嘅報告只顯示呢粒胚胎係4號染色體有問題，仲有寫埋（粒線 ...

Dear PPbabycat,
粒線體DNA比率唔明唔緊要，因為這個項目與胚胎是否染色體正常並無關係。假如你有兩個或以上正常胚胎，那粒線體比率才用作參考，安排放胎次序而已。
如果你想找4號染色體問題，可以試用mosaic chromosome 4或mosaic trisomy 4在Google找，但因為是英文，搜尋結果或多或少都比較學術性，加上真係能夠活產嘅案例非常少，所以看了都係作參考，不要先被嚇親。我剛搜尋過T21進階版，似乎要完全trisomy先至驗倒；始終只係驗你嘅血，mosaic情況仍然有可能檢測唔倒。當然，超聲波也是產檢必做，若一切正常，是否需要做抽羊水，選擇權仍然在你，都要看你能接受嘅風險到什麼程度。
Nifty pro同T21 express一樣，大家只看trisomies,全部description都冇提過mosaic情況是否可以準確檢測到。

私人傳訊回覆引用

sandylau_21

大宅

積分: 1039

6797^#

發表於 25-3-5 20:04 |只看該作者

你好樓主，想請教下，本人有3粒雪胎，上年年尾放過一次鮮胎但fail 咗。

今早到政府醫院抽血、度子宮內膜及取藥，並約了下星期放雪胎。但下午突然收到醫院電話，話驗血某d指數太高，叫我立即停藥及取消今cycle放胎。
可是姑娘完全未能提供資訊點解要取消.. 而且要過幾天才問到醫生.. 實在有點無奈及白廢了藥物(estrofem 2mg x 2粒，因第一次度內膜未夠厚，所以加多一粒)。
想請問一下有甚麼可能性？大概是那個指標高咗而要取消？因為都想盡早改善
Many thanks

私人傳訊回覆引用

積分: 9490

6798^#

發表於 25-3-6 04:22 |只看該作者

sandylau_21 發表於 25-3-5 20:04
你好樓主，想請教下，本人有3粒雪胎，上年年尾放過一次鮮胎但fail 咗。

今早到政府醫院抽血、度子宮內膜及 ...

Hello sandylau_21,
取消原因就係驗血某啲指數太高，而呢「啲」指數是什麼、一種或多過一種，就真係要醫生話番俾你知。
我估你是預備用人工周期放雪胎？那很大機會是黃體酮偏高。你嘅月經周期是否唔準、又或相隔好耐先來一次M？有冇PCO? 賀爾蒙指數高通常都冇得改善，有時M來後新一個周期已自身調整了，有時則靠一點藥物。

私人傳訊回覆引用

Lollipop78

積分: 166

6799^#

發表於 25-3-9 18:19 |只看該作者

cutecutetown 發表於 25-2-19 06:12
Dear Lollipop78,
其實自然周期有排卵，黃體酮都是足夠的，這是用自然周期放雪胎嘅好處，可以完全不用藥。 ...

Hello cutecutetown,

多謝你，因為而家係等待下個cycle放胎有點忐忑，所以如果有野做到係幫到內膜都想試試。

請問會唔會有機會係自然周期有排卵，但黃體酮不足的？如果不足的話，放胎後塞藥係咪就可以解決？

前幾日去照ultrasound，醫生話有好多粒冇大嘅卵泡喺入面，會唔會影響我下個cycle? 醫生開左duphaston同estrofem俾我，係咪就係令啲卵泡謝左佢？

另外好奇一問，我見到原來醫院check左我AMH係 4.51，但我一開始照afc係得8粒，請問有冇反映到咩特別野？

非常感謝🙏

私人傳訊回覆引用

Pancake_Lover