想生BB 今日: 3 | 主題: 109584

積分: 733

6822^#

發表於 25-5-3 08:07 |只看該作者

cutecutetown 發表於 25-5-3 03:12
Hello mformimi,
12mm的那個卵泡真的比較大，其他卵泡大概是什麼size? 如果其他的才5-6mm, 這個大的有機會 ...

Hello Cutecutetown,

謝謝你的回覆，是公立呀！當日只只知有粒特別大，無特別問醫生，唔清楚其他卵泡size，返黎睇資料先了解多左，同埋打7日再覆診好似隔太耐@@

如果7日後，其他卵泡size 追不上，一般會如何處理？而這粒在D4開針前就特別大有冇咩原因的？

謝謝你(emoji)(emoji)

私人傳訊回覆引用

積分: 9496

6823^#

發表於 25-5-4 03:41 |只看該作者

mformimi 發表於 25-5-3 08:07
Hello Cutecutetown,

謝謝你的回覆，是公立呀！當日只只知有粒特別大，無特別問醫生，唔清楚其他卵泡siz ...

Dear mformimi,
公立是比較公式化了，政策沒變通，打7日先覆診感覺係隔得耐咗少少。不過若是其他卵泡追不上，打了7天點都睇得出，所以就算你早點覆診也起不了大作用；假設你是打5天就覆診，也可能只是觀察整體卵泡生長速度和看看是否需要加抗排藥，到第7天應該還是要覆診的。
其他卵泡無論如何都不會追到大卵泡的size, 如果佢哋有繼續生長，與大卵泡距離不太遠，療程便可以繼續，直到啱size就可以打排卵針；但如果佢哋生長太慢就只可取消療程。
基礎卵泡其實唔會等你打針才生長的，身體也有打針嘅賀爾蒙，只是針藥比身體自然產生嘅量高很多，所以未打針前，卵泡其實也是以自然周期定律在生長著。所以有一個較大卵泡並不罕見。

私人傳訊回覆引用

goodperson2021

積分: 531

6824^#

發表於 25-5-6 08:29 |只看該作者

回覆樓主：

本帖最後由 goodperson2021 於 25-5-6 18:51 編輯

點解黃澤鋒個老婆58歲仲可以懷孕？唔知佢係咪後生個陣雪過卵，就算雪過卵或者借人啲卵，佢58歲仲可以陀到咩？如果生到出來母子平安真係好西利。。。

私人傳訊回覆引用

積分: 9496

6825^#

發表於 25-5-7 09:06 |只看該作者

goodperson2021 發表於 25-5-6 08:29
點解黃澤鋒個老婆58歲仲可以懷孕？唔知佢係咪後生個陣雪過卵，就算雪過卵或者借人啲卵，佢58歲仲可以陀到咩 ...

Dear goodperson2021,
佢哋在報導中已說今次是人工受孕。我估計是借卵。捐卵人只要夠年輕，一切都容易很多，如沒有什麼遺傳病之類，配出來的胚胎亦多數正常。
懷胎者方面，年齡大小反而不算太重要，只要子宮沒什麼「奇難雜症」已可以陀，年紀大的用人工周期可以解決倒。其實久不久也有些類似報導，我印象中幾年前（如冇記錯是在印度）就有個先天沒有子宮的女人，用人工受孕配好胚胎，然後她的媽媽替佢陀，媽媽約是60歲（記不清楚），最後是有誕下健康嬰兒的。
不過黃澤鋒太太今胎其實係好高危，姑勿論中途會否

，佢上一胎已經有妊娠毒血症，要入ICU, 而家已經又老咗6年，再大肚多一次，唔單止係挑戰自己，亦都係挑戰醫療機構！

私人傳訊回覆引用

mformimi

積分: 733

6826^#

發表於 25-5-7 13:16 |只看該作者

cutecutetown 發表於 25-5-4 03:41
Dear mformimi,
公立是比較公式化了，政策沒變通，打7日先覆診感覺係隔得耐咗少少。不過若是其他卵泡追不 ...

Cutecutetown,

謝謝你解答

私人傳訊回覆引用

goodperson2021

積分: 531

6827^#

發表於 25-5-7 21:08 |只看該作者

本帖最後由 goodperson2021 於 25-5-8 08:33 編輯

cutecutetown 發表於 25-5-7 09:06
Dear goodperson2021,
佢哋在報導中已說今次是人工受孕。我估計是借卵。捐卵人只要夠年輕，一切都容易很多 ...

咁即係就算黃澤鋒個老婆收左經都可以陀到？個陣唔係話年紀大，個progesterone 太高會影響個胎定著床？

同埋，如果佢借卵，點解唔比多少少錢借埋人地個肚生，佢第一胎都攪到入ICU

佢地話向台灣做IVF, 仲同記者講舊年自然懷疑但又流左產。。。。你信唔信佢係自然懷孕？

私人傳訊回覆引用

積分: 9496

6828^#

發表於 25-5-9 04:24 |只看該作者

goodperson2021 發表於 25-5-7 21:08
咁即係就算黃澤鋒個老婆收左經都可以陀到？個陣唔係話年紀大，個progesterone 太高會影響個胎定著床？

同 ...

Dear goodperson2021,
唔係太明白你講嘅高progesterone影響什麼。如果你是指做IVF抽卵後在過高progesterone下仍放新鮮胎會降低著床率這情況，根本同用人工周期放雪胎是兩回事。人工周期就是人工artificial,周期做不好是可以不放胎的。
用代母的話，首先要找個願意嘅人，如果唔係有親屬關係，沒多少人會在沒有金錢利益下願意代替你十月懷胎吧？又當你找到這麼一個好心人，亞太地區也沒有幾個國家在法律上容許代母；又當你真的找到了，BB出世後以香港法律你是需要做領養手續的。
絕屬個人意見，其實就算佢52歲嘅第一胎我都唔信係自然懷孕嘅。

私人傳訊回覆引用

積分: 9496

6829^#

發表於 25-5-11 08:04 |只看該作者

無論你在生育路程上去到什麼階段，要成為母親絕對不是一件容易嘅事。我希望在今天特別為大家打打氣，並衷心祝大家母親節快樂！

私人傳訊回覆引用

goodvibes25

民房

積分: 4

6830^#

發表於 25-5-23 16:10 |只看該作者

回覆 cutecutetown 的帖子

Hi cutecutetown

想問一下您的意見🙏🏻

本人備孕幾年從來未懷孕，我上年中開始喺香港做ivf，抽到卵子10粒，全部成熟，只有5粒成功受精，最後有3個胚胎。先生精子形態比較低1%，motility 32+3%, 全部icsi.

放左三次胎，分別係：
1. Day 5 grade AC fresh transfer - 不成功
2. Day 3 11cell (8分 /滿分係8分）- 化學懷孕
3. Day 3 7 cell (7分）- 不成功

轉醫生後再開針，抽到卵子11粒，全部成熟，但只有4粒成功受精，最後有3個day 5胚胎。先生精子形態比較低<1%，motility 36%, 全部picsi.

三個day 5胚胎分別係，4AB, 4AC, 4BC，沒有做PGS，全部frozen

醫生話三個胚胎質素都唔錯，放咗第一個4AB，但都冇著床

想問一下：
1. 下次放胎前，我值得做宮腔鏡檢查一下及刮一下宮嗎？因為要麻醉，實在不想做非必要嘅手術
2. 已經放了四次胎都不成功，係咪胚胎染色體問題機會最大（本人及老公年齡30尾）？
3. 本身月經/內膜睇落冇乜大問題，估唔到備孕多年連做試管嬰兒都咁困難。你會唔會建議check免疫？
4. 為何我哋個fertilization rate 咁低？我見一般係有七成

感謝🙏🏻

私人傳訊回覆引用

積分: 9496

6831^#

發表於 25-5-24 06:29 |只看該作者

goodvibes25 發表於 25-5-23 16:10
回覆 cutecutetown 的帖子

Hi cutecutetown

Hello goodvibes25,
1. 放咗4次都唔得，絕對值得做宮腔鏡了。做宮腔鏡應該唔會同時刮宮，反而若照到宮內有黏連之類嘅發現就可以一併處理，這比「無差別」刮宮好好多。另一方面，我不清楚你跟誰，或哪個中心做IVF,現在有些診所（IVF的或婦產科的）會在診所做簡單嘅宮腔鏡，程序只靠止痛劑，好處就係冇麻醉、做完走得，但若發現什麼比較難處理的，就依然要再book去醫院做。
2. 女性若在38歲以上，而且仲未懷孕過，胚胎好大機會有染色體問題。我有9成病人都做PGS的，根據個人經驗，最常見不能成孕嘅原因都係胚胎染色體問題，跟住就係子宮/宮腔問題，之後就係內膜薄、又或著床窗期（window of implantation)不對,最後才會看有沒有免疫問題。
3. 年紀越大就越困難，但暫時免疫唔係首要解決嘅問題。
4. 其實我都好想知你响哪兒做IVF,我心目中有一兩個地方係受精率偏低嘅⋯⋯

私人傳訊回覆引用

chichi_pen

積分: 504

6832^#

發表於 25-5-26 22:15 |只看該作者

cutecutetown 發表於 10-2-12 11:02
Being in the ivf field for >10 years, I hope to help in a discussion format any of your questions or ...

Hello, 首先多謝你無私付出解答問題

我同先生試左兩年多點唔成功，而家排緊公立醫院IVF，想問少少意見reassure一下

我30頭，但AMH低0.9左右，超聲波照輸卵管檢查就應該兩邊都塞左，本身有免疫anti Ro +ve大約3年，暫時不用食藥，定期抽血check住，剛剛抽血發現cardiolipin IgM Ab少少高 17MPL，本人不煙不酒

先生30中至尾，精液分析結果：morphology 1%，motility A+B 14%，total count 17.6，剛剛抽testosterone 7.5nmol/L，不煙不酒

想問下
1. 有Anti Ro同cardiolipin IgM Ab是不是好影響IVF成功率？

2. 我之前照乳房超聲波，報告寫BIRADS 3 fibroadenoma，之後IVF打針hormones會否影響病情？需要有其他檢查先做嗎？

3. 先生做兩次精液分析都差不多，已經有刻意改變生活習慣同做多左運動，本身不煙不酒，但會否都好影響IVF的成功率？是不是一定要選擇ICSI的方式，但有沒有壞處？

4.依家等緊見IVF clinic醫生期間，我地有冇什麼可以做定先，幫助之後IVF過程同成功率？

5.最後私心想問下，打IVF針是不是會肥好多？有無辦法減少副作用但維持到效果？

我倆對這事情都意見一致而且正面
有看中醫幫助調理身體，期望之後希望可以成功，7月尾才見IVF clinic醫生，依家想了解定多點資料，做好準備，感謝

私人傳訊回覆引用

積分: 9496

6833^#

發表於 25-5-27 08:30 |只看該作者

chichi_pen 發表於 25-5-26 22:15
Hello, 首先多謝你無私付出解答問題

我同先生試左兩年多點唔成功，而家排緊公立醫院IVF，想問少少意見rea ...

Hi chichi_pen,
1. 太詳細嘅就留番醫生解釋俾你聽，但整體來說這兩個指數都影響懷孕成功率，若指數過高更指向自身免疫疾病，所以姑勿論做與不做IVF也需要定期check住。
2. 只能說IVF針藥是賀爾蒙，有機會影響病情，但沒有檢查可以確定打咗IVF針就一定影響惡化。
3. 先生的精子指數較差，我會建議ICSI, 因為唔用ICSI卵子不能受精的機會很大。
4. 你排公立，就算見了醫生也不一定可以即時開始IVF療程。基本檢查你亦已經做咗，還是放寛心情等見醫生和及後的安排吧！
5. 主要都係水腫，到時控制一下胃口便可以。而你AMH偏低，代表卵巢儲備低，即不會有很多卵子，所以打針也應該不會有太多副作用。
祝一切順利

私人傳訊回覆引用

chichi_pen

積分: 504

6834^#

發表於 25-5-27 21:51 |只看該作者

cutecutetown 發表於 25-5-27 08:30
Hi chichi_pen,
1. 太詳細嘅就留番醫生解釋俾你聽，但整體來說這兩個指數都影響懷孕成功率，若指數過高更 ...

多謝你的解答

想問多啲ICSI 有冇咩壞處？

私人傳訊回覆引用

積分: 9496

6835^#

發表於 25-5-29 03:18 |只看該作者

chichi_pen 發表於 25-5-27 21:51
多謝你的解答

想問多啲ICSI 有冇咩壞處？

Dear chichi_pen,
如果精子正常都做ICSI,就需要考慮好處壞處。但精子差、弱，唔用ICSI受精就很大機會完全唔受精，全軍覆沒，所以基本上做唔做ICSI,在你嘅情況係唔到你疑慮。
至於ICSi「壞處」，來自是人揀精，靠肉眼選擇精子並直接注射入卵子內，沒有了「自然」篩選。文獻上有針對活產嬰兒嘅健康狀況，例如身體缺陷、智力問題等，以自然懷孕與整體IVF 相比較，基本上沒分別。但若將整體IVF以受精方法（即IVF自然游入去同ICSI單一精子注射）拆分，ICSI比IVF的不正常率是略為高出一點點；但這個細微嘅差別無人知道究竟係技術問題還是本身導致夫婦不育嘅問題。

私人傳訊回覆引用

chichi_pen

積分: 504

6836^#

發表於 25-5-29 07:48 |只看該作者

cutecutetown 發表於 25-5-29 03:18
Dear chichi_pen,
如果精子正常都做ICSI,就需要考慮好處壞處。但精子差、弱，唔用ICSI受精就很大機會完全 ...

明白，感謝你(emoji)

私人傳訊回覆引用

Pancake_Lover

複式洋房

積分: 336

6837^#

發表於 25-5-30 00:05 |只看該作者

goodvibes25 發表於 25-5-23 16:10
回覆 cutecutetown 的帖子

Hi cutecutetown

請問係邊間Clinic可以做到picsi?
關於精子形態問題，推薦你先生食ProFertil, 萬寧同埋上網都有得買，不過就有啲貴1000頭左右一個月，不過係work嘅。我先生本身得2，飲食作息什麼都冇改變嘅情況下，淨係食咗呢個營養品半年，就變5 (emoji)你可以試吓。仁安醫院都有推薦

私人傳訊回覆引用