ypt 寫道:
all.......唉~ 話說我個囡嘔奶同厭奶既情況, 越來越令人擔心~ :-( :-( 一向ying ying 都係細食架啦, 而家3個月大仲係飲3安奶...星期四晚7點幾, 唔知點解佢又不停咁喪喊, 喊到勁淒涼, 又唔肯食奶, 只係食左2安, 跟住就唔食, 係到喪喊, 喊到人都癲, 好辛苦先曖到佢瞓覺, 收左聲唔喊, 但係惡夢仲未完, 到左10點幾夠鐘再飲奶, 我地明知佢好肚餓, 係度食沙巾仔, 食手指, 但係無奈佢就係唔肯食奶, 又係度喪喊, 喊足2個鐘都唔肯食, 我地全家出盡法寶, 開音樂、玩具、啷啷、比電視佢睇, 唱歌比佢聽, 咩法寶都冇用, 佢只係咁喪喊、喪喊再喪喊
到左星期五早上7點幾, 我個囡依然唔肯食奶, 足足12個鐘都冇奶落肚, 於是我地用針筒餵佢飲, 好辛苦咁比佢飲到3安, 點知佢一個恐佈作嘔表情, 同我全部嘔番晒出來~ :-(
佢咁既情況, 我地全家都好驚, 晨早帶佢去睇兒科醫生, 醫生檢查佢個口腔冇問題,肚仔冇問題, 佢仲識同醫生笑, 仲識同醫生玩, 我地將佢既情話比dr知, 跟住即場餵佢食奶, ying ying 又開始發癲 ---係度喪喊~
sorry呀~我唔係有心"腰膶"妳架~我係真係唔明,唔多食奶都會聽過,一放奶瓶入個bb口,佢會喊我就真係無聽過,所以我咪唔明點解會有咁囉 不過..依定ypt講完,咁我信la~原來真係有d bb會有咁情況 
話ypt個囡咁咁咁,佢都 
所以我同你做法會一樣, 既然醫生都話唔關奶粉事, 又唔關奶樽奶咀事, 咁我都係不變應萬變, 比心機慢慢餵, 慢慢"tun" 希望佢快d過左呢個階段啦~ :cry: minimon 寫道:
ypt,
既然醫生都咁講, 咁就真係唯有呢段時間辛苦小小囉, 無法. 小mon果陣都係咁, 又係不斷聽到人叫我"轉奶粉啦""換奶樽啦"終於我乜都無轉, 依然係pigeon奶樽+pigeon奶咀, A+1奶粉, 只可以做嘅, 就係俾耐性去同佢鬥智鬥力, 每餐奶我只會極其量俾1hr佢食 (由入到口開始飲第一啖計), 唔會夾硬同佢磨到飲哂成枝. 果陣佢d'朗黎'嘢, 連我mami都話佢, 樣樣嘢都好, 係飲奶最曳.
點解而家d bb先會厭奶架咩? 以前我地唔會架咩? 定係厭奶都係因bb而異? 因為至乖bb阿討唔會咁, 果陣我成日同皇阿米講小mon飲奶d煩嘢, 佢成日都唔明, 話佢唔肚餓架咩? 佢唔明點解佢會夠鐘飲都唔肯飲? 點解會喪喊? 而家你睇完醫生, 連佢咁pro.都唔明, 阿討媽唔明就更加之....加上佢係一個至乖bb嘅阿媽~
皇阿米, 你唔係先甜後苦, 你係先甜後甜, 我就係先苦後甜啦..
ypt, 你努力啦, 過多一段時間會好d架啦, 俾d耐性啦, 光明在望啦.
發表於 
返回列表
