TSX 發表於 21-12-30 20:35
我地呢度校區放假前出咗個通知, 話放完假返學可以就住學校個別情況, 唔需要mandate戴口罩. 點知一放假啲ca ...
我上星期已經見到FB谷入面家長講未放假前某D校區已經喺放假前派咗testing kit俾學生,要求佢地喺返學前自行測試冇問題後再返學,我地呢度校區後知後覺,前日至發電郵"鼓勵"家長幫學生做完測試至返學,問題係好多測試地點唔係日日開,有D係只開一星期指定日子,pick up同drop off都要特定時間,而且測試地點唔係太方便,要特登揸車去,有D地方冇得約,只可以walk in,家長要返工就難就時間,加上呢幾日都係放假時候。
其實唔駛諗都估計到學生放兩個星期寒假,唔少家長會帶仔女出遊,就算唔去遠,都有好大機會親戚朋友聚會,預計到假期後會爆,只係估唔到感恩節嘅後續發展到而家咁,呢個星期嘅新確診數字真係好驚人,雖然話Omicron冇之前Delta咁大殺傷力,但傳染力大好多快好多。
我見我FB谷友有部份話佢地住果度校區已公佈暫時virtual learning或hybrid兩個星期,西雅圖公校周一全部普篩,周二正式上課,然後有傳LA下學期先轉virtual,總之就係難為學生。見住FB同其他平台有人落大雪封路都仲問點去Lake Tahoe,心諗有冇咁恨去玩?明知大風雪都仲要去,人家果度警局話人手短缺,放假嘅放假,退休嘅退休,有咩事佢地冇人手可以救援,路上大塞車,救援都入唔到去,叫未去嘅取消行程。我喺Colorado有個朋友住果頭山火,幾乎要徹離,到今朝火勢控制到啦,個天又開始落大雪。。。我呢度係十幾廿年來最凍嘅冬天,坐喺屋企做嘢唔開暖氣唔得,著埋襪戴埋頸巾都係凍。
花旗太太生活在花旗國,留意時差,你問我未必即時答到。