其他親子社群 今日: 0 | 主題: 1218

積分: 3489

721^#

發表於 06-1-5 00:42 |只看該作者

Re: 78年"馬"會~~歡迎1978的媽媽(爸爸)! ^v^

HAPPY NEW YEAR!

HI!各位好久不見喇!尤其係 MaMa^-^Ada ~

你果3個小寶寶都好嗎?

穜穜~最近就唔多好喇!唔知係關轉天氣,時冷時熱事,定真係冇飲人奶BB抵抗力差左呢?(佢飲左7個半月人奶,就轉食粥仔,糊仔同奶粉) 佢上個月隻左眼生左好大粒瘡呀!去診所睇醫生,佢話冇乜野既,唔會影響視力好少事,唔駛食藥又唔駛搽藥膏,而家咁細個唔做得D乜野,或者遲D大個D會自己好返,或者到時先再算,不過粒瘡越黎越大粒,佢雙左眼由雙眼皮變左單眼皮呀!真係好得人驚!
而且佢好似好痕好痛咁,成日捽眼,我覺得睇'私家'都冇乜用,所以12/23 我同老公帶左佢去'急症室'睇,希望可以轉介佢去睇'眼科',好在果晚等左一個鐘就睇到,12/24仲可以排到立即睇'眼科專科',醫生話佢眼入面生瘡,好似大人既暗瘡咁,不過因為佢發炎,含'濃',所以越來越腫,如果係大人既話,就建議立即'介'眼放'濃',但佢咁細個會郁來郁去,而且會好痛,所以如果要'介',就要幫佢全身麻醉,入手術室開刀做,不過暫時唔建議咁做,而家唯有食住藥,搽住藥膏先,希望粒瘡會收細/自己爆流'濃'後慢慢好返,聽完真係嚇死我地呀! :-( ... 好在之後有一日佢自己流'濃',粒瘡細返咋!希望聽日去覆診,醫生話佢好返晒喇!

最慘係上星期佢又發燒喎!變得冇晒胃口,唔知係咪因為出上面果2隻牙仔,所以發燒呢?但係佢出下面2隻牙果時又冇野喎?...好在佢只係發燒,冇其他野唔舒服,食左退燒藥,就冇事o者! 希望大家既BB都身体健康喇!

letitbee~
嗯!時間真係覺得好快呀!穜穜~都就快十個月大lu.

你有冇睇過穜穜~影樓D相呀?我都想睇下你BB既相呀?佢影左幾多錢呀?係幾多個月大時影既呢?

palau~

HI!祝我們的小B,都快高長大!身体健康!聽教聽話!

私人傳訊

pekkle306

禁止訪問

積分: 14425

好媽媽勳章

722^#

發表於 06-1-16 14:01 |只看該作者

Re: 78年"馬"會~~歡迎1978的媽媽(爸爸)! ^v^

提示: 作者被禁止或刪除內容自動屏蔽

私人傳訊

積分: 212

723^#

發表於 06-1-17 16:10 |只看該作者

Re: 78年"馬"會~~歡迎1978的媽媽(爸爸)! ^v^

大家好，我都係78媽媽，就黎換智能身分證!

私人傳訊

積分: 3489

724^#

發表於 06-1-18 00:17 |只看該作者

Re: 78年"馬"會~~歡迎1978的媽媽(爸爸)! ^v^

pekkle306~ & elvisyolanda~

歡迎你地哦!

得閒多D入黎傾計喇!唔駛我地尼度!'靜英英'咁慘嘛!

係呀!下一期(下個月)到我地78 同 79年換智能身分證喇!) 所以我決定由聽日開始積極'減面',希望食少D野,捽多D塊面會掂喇!最搞笑係我個FD話佢已經開始敷面膜,希望可以keep住連敷一個月,以最靚姿態去換證,真係勁!! 等我都試下先,不過最緊要係唔好食熱氣煎炸野,唔係出'豆豆'就做乜都冇做lu. 大家都要'努力'呀!希望我地都影到一張靚靚既身分證喇!

私人傳訊

積分: 212

725^#

發表於 06-1-19 17:10 |只看該作者

Re: 78年"馬"會~~歡迎1978的媽媽(爸爸)! ^v^

gillianchan:

唉!我生完之後塊面仲有好多印呀!都唔知點算?
:-( :-( :-( :-( :-(

私人傳訊

積分: 3489

726^#

發表於 06-1-26 00:16 |只看該作者

Re: 78年"馬"會~~歡迎1978的媽媽(爸爸)! ^v^

elvisyolanda~

嘩!上次都唔知原來你有'孖B'架!勁呀!佢地好可愛喎!係仔定囡呢?而家佢地兩個幾月大,你揍得辛苦嗎? 係咪飲奶粉呢?(我囡囡飲左7個月人奶,轉奶粉時覺得開奶粉,消毒奶樽好煩,成日要老公輪流餵,咁你有2個,係咪同老公一人餵一個呢?

) 你'駝'佢地時辛苦嗎? 我果時駝BB都成面粒粒呀!好在最尾一個月食多左'涼'野,咁先有好轉,加上生完後勁敷面膜,D皮虜先變番有BB之前咁咋!你都唔駛擔心既,多D敷面膜,搽cream,D印就會淡番架喇!希望你D皮虜快D變番靚靚喇!

不過我都有另一個問題,就係身型減唔番,我生完後肥左三十磅,到而家十個月喇!都仲有十幾磅先回覆生之前既体重 :cry: 最慘就係我未生之前已經体重偏高,而家更加不堪入目

咁你呢?駝BB時最重去到幾多磅呢? 我重左四十幾磅,囡囡出世時8磅半,我一個都重咁多喇!你加埋二個BB既体重喎!咪仲勁? 咁你生完重左幾多呀?

私人傳訊

my1215sui

男爵府

積分: 6328

727^#

發表於 06-1-27 10:51 |只看該作者

Re: 78年"馬"會~~歡迎1978的媽媽(爸爸)! ^v^

我都係78年o既媽媽
我仔仔就快一歲lu........
現在又有左三個月

私人傳訊

積分: 3489

728^#

發表於 06-1-28 20:40 |只看該作者

Re: 78年"馬"會~~歡迎1978的媽媽(爸爸)! ^v^

各位馬年靚女~ 恭喜發財呀!祝大家年年加薪!月月健康!日日快樂!

HI! my1215sui~
我囡囡都十個月大喇!識得爬之後就冇時停!而家佢剛剛學扶住行,佢仲成日四圍爬高爬低,周圍搞野,真係睇少眼都唔得呀!

你仔仔先11個月大,你咁你又有左三個月,咁遲D你定仲辛苦喇!你要加油呀!希望你地都身体健康,你仔仔乖D唔駛你咁辛苦,你同肚內的BB都平平安安喇!

好奇想問下你,你今胎係'有心'定'唔小心'架?你上次係順產嗎?我係開刀架!所以醫生建議我要隔2-3年先好諗....

私人傳訊

積分: 212

729^#

發表於 06-2-5 19:34 |只看該作者

Re: 78年"馬"會~~歡迎1978的媽媽(爸爸)! ^v^

gillianchan:

我果兩個B係一仔一女，龍鳳胎呀!
佢地兩個由出世到個零月都係我自己一個人湊，(夜晚就老公放左工番黎湊)，之後兩個月倒我媽咪黎幫手。
而家我開始要番工，孖寶就去左姑媽度湊囉!
我而家都開始日日敷mask，希望快D變番靚靚。
我陀佢地個肚都好大，有D人都問我係唔係孖o既!不過我都係重左45磅左右，最尾果次磅差不多185磅囉!係臨生之前半個月倒腫到飛起，所有鞋都唔o岩著... :-( :-( :-(
我而家差5磅就回復之後o既體重啦!可能我湊得比較辛苦，又唔夠訓，又冇淡好食(因我一食野，佢地就喊...哈哈)
我好高，所以我未陀之前都成135磅o家!
佢地出世每個都過5磅o家!不過都唔足月出世!算係咁啦!

gillianchan 寫道:
elvisyolanda~

嘩!上次都唔知原來你有'孖B'架!勁呀!佢地好可愛喎!係仔定囡呢?而家佢地兩個幾月大,你揍得辛苦嗎? 係咪飲奶粉呢?(我囡囡飲左7個月人奶,轉奶粉時覺得開奶粉,消毒奶樽好煩,成日要老公輪流餵,咁你有2個,係咪同老公一人餵一個呢? ) 你'駝'佢地時辛苦嗎? 我果時駝BB都成面粒粒呀!好在最尾一個月食多左'涼'野,咁先有好轉,加上生完後勁敷面膜,D皮虜先變番有BB之前咁咋!你都唔駛擔心既,多D敷面膜,搽cream,D印就會淡番架喇!希望你D皮虜快D變番靚靚喇!

不過我都有另一個問題,就係身型減唔番,我生完後肥左三十磅,到而家十個月喇!都仲有十幾磅先回覆生之前既体重 :cry: 最慘就係我未生之前已經体重偏高,而家更加不堪入目

咁你呢?駝BB時最重去到幾多磅呢? 我重左四十幾磅,囡囡出世時8磅半,我一個都重咁多喇!你加埋二個BB既体重喎!咪仲勁? 咁你生完重左幾多呀?

私人傳訊

積分: 3489

730^#

發表於 06-2-6 18:58 |只看該作者

Re: 78年"馬"會~~歡迎1978的媽媽(爸爸)! ^v^

其他靚靚馬媽媽去晒邊樹呀?到我地換智能身份証喇!日期 1978 或 1979 2006年2月13日 (星期一) 2006年3月25日 (星期六) 快D準備下,預約時間換証喇!電話:1838333 / www.esdlife.com/ga/id/chi/default.asp

希望大家都影到張靚相做ID

elvisyolanda~

嘩!原來你係一仔一女龍鳳胎呀!正喎!一次過就'搞掂'晒喇!滿足晒各人的'要求',可以'收工'喇!哈哈! 因為我生女,所以成日俾人問幾時追多個(老公&老爺鐘意仔)不過我自己鐘意女多D,所以覺得唔駛追

嘩!朝早得你自己一個人湊佢地2個咪好辛苦囉!你餵奶粉要一個餵完到另一個,第二個會唔會喊得好勁架? 咁半夜果餐你地餵完都唔駛訓喇喎! 你姑媽都幾好喎!肯幫你湊孖寶,咁佢係咪得一個人湊咋?你會每日放工接返佢地,定放假先接呢?
而家你塊面好D未呀?到我地換智能身份証喇!希望我地快D變番靚靚喇!

嘩!你咁快差5磅就回復之前o既體重啦!好羨慕你哦!我諗你真係好辛苦喇!相反個個見到我,都話BB一定好乖,我好'嘆',如果唔係點會咁耐都仲係咁肥丫! :cry: 我都要努力D先得

私人傳訊

積分: 212

731^#

發表於 06-2-6 20:51 |只看該作者

Re: 78年"馬"會~~歡迎1978的媽媽(爸爸)! ^v^

gillianchan:

之前佢地細，都係食飽就訓，係到兩個月左右先至成日醒︿要多D時間抱佢地，如果一齊喊，我會睇下邊個喊得勁D囉!>.<

因為我要番工，又好多野做，好多時都會帶D野番屋企做o家! 所以我同c6放假先湊番孖寶囉!
姑媽真係好好，又有心機!

你要加油呀! 相信你可以做一個靚媽媽o家!

私人傳訊

yanwai1788

民房

積分: 60

732^#

發表於 06-2-7 17:23 |只看該作者

Re: 78年"馬"會~~歡迎1978的媽媽(爸爸)! ^v^

大家好!我係78年馬準媽媽,第時小妹有咩湊仔唔識架地方,請多多賜教.....下個月我個狗仔出世啦!

私人傳訊

積分: 3489

733^#

發表於 06-2-13 00:50 |只看該作者

Re: 78年"馬"會~~歡迎1978的媽媽(爸爸)! ^v^

HI!你地新年帶左BB去邊度玩同拜年呢?我初四同穜爸爸~ 帶左穜穜~去婆婆深圳屋企玩,初七先返黎,本來佢都玩得幾開心既,因為日日有好多人同佢玩抱佢,又可以成日去街街,不過佢既生理時鐘就亂晒籠喇!或者因為佢尼幾日都冇正式訓晏覺,只係坐車時訓半個鐘,食飽又訓一陣,所以成日到左8-9點就想訓,但俾佢訓左,佢夜晚玩到2點幾先肯訓,由2朝訓到十點先肯起身.唔俾佢訓,佢又扭眼訓喊,於是公公婆婆心軟又俾佢9點訓....

返到HK,我以為會好D喇!點知佢10點幾訓到2點又醒左,企係BB床度扶住行來行去,我唯有抱佢去同我地一齊訓,但佢都係訓下醒下,終於6點幾佢先訓到,好在我果日未返工咋!可以一齊訓到十一點先起身餵奶,尼個情況最後維持左4日,佢先冇再扭計,好在佢唔係成日咁樣,唔係我都唔知點算lu.

前幾日2月8-9日,我同老公2人世界去左澳門玩呀!不過我唔係有心掉低穜穜豬~架!而係我到2月7日拎到D'套票'先知,原來BB都要有'兒童'身份証先去得澳門架!我一直以為只要有回港証就得(我連返大陸既回鄉証都諗住帶埋去,不過原來去澳門唔用得架!) 好在我拎飛時見到咋!如果唔係去到'離境大堂'先知,就大家都唔駛去lu. 最後婆婆公公好'偉大'咁成全我地,主動答應幫我地湊穜穜豬~2日,咁我地先可以去玩下咋!
本來我以為可以過番2日'二人世界'會好開心,可以輕鬆下,但係如果係唔得架!出發前果晚,我地一家三口返左婆婆度'目訓'(貪搭車去港澳碼頭方便D),果日我不停提公公婆婆穜穜~既起居飲食玩樂時間&習慣,怕佢地搞佢唔掂,又驚穜穜扭計我會心痛...第二朝當婆婆要先帶穜穜返工,我同佢講拜拜時,我抱住佢錫左好耐,再抱佢錫爸爸,之後婆婆帶穜穜~出左門口.我D眼淚已經唔受控咁流出黎,連老公都笑我唔駛咁呀!但我真係好唔捨得佢呀! :cry: 如果唔係買左成千蚊既套票,我真係唔忍心離開佢...

係尼2日,我大約打左8次電話返黎HK,搞到好似人地'食藥',4小時一次咁,知佢好乖冇扭計,食得訓得,我先玩得開心D咋!不過老公就冇乜'特別'掛住穜穜~喎!我仲覺得佢好似有D'甩難'既感覺添!反而公公婆婆第一次湊穜穜~2日一夜,覺得好開心,仲有D唔夠'喉',叫我地下次有邊度去,都可以放心俾佢地湊喎! (本來佢地新年想留穜穜係深圳陪佢地住多幾日,不過我都係唔捨得,所以我同穜穜共同進退,一齊去一齊返

) 今次佢地可以抱/玩足穜穜~2 日當然開心喇!

咁你地有冇帶過BB去邊度玩/旅行呢? 辛苦嗎?要注意D乜呀?
定係'賣甩'BB,自己同老公2人世界去呢? 你地總供去左幾多日呀?會好掛住BB嗎?

elvisyolanda~

係呀!我都係覺得BB大大下就唔願訓,又易醒,真係做乜都要細聲D,唔係嘈醒佢就乜都唔駛做,你就俾我更慘喇!希望佢地大D都係咁乖,等你有多D時間做自己野喇!

我都要為你姑媽

嗯!我真係要加油先得喇!因為新年四圍去食野差唔多肥左2磅呀! :cry:

yanwai1788~

恭喜你呀!就黎做媽咪喇喎!

我地都好歡迎你架!到時大家一齊傾下湊B經喇!