miriam 發表於 26-1-6 14:18
我唔識講野，係度做版主咁多年，確實睇到好多野。
大力入左黎BK玩後，言行非常極端，係版面同會員嘈既次數 真係唔少。未做版主前已經收過兩次紅牌，大家都估到佢既言詞有幾過份先會收牌。
及後話決定搵佢做版主，我地成班現任版主都無人想，但決策人要咁做，希望大力可以因為版主之名改善下佢既言行，唔好再惡化到要封戶，點知就種下禍根。
一個惡晒既人加封左個名號俾佢，玩得更加盡緻，將唔係agent既會員當係agent咁鬧，個版既版主唔係佢黎喎，你鬧乜野呢？見到任何野唔合心意就嘈，比起未做版主時更嚴重。
到2014年佔中事件佢終於俾炒，又收多一個紅牌，佢被炒時我真係見證住呢個時刻，終於送走呢個引黎禍害之人。
其實當時收埋第三個牌就直接封戶啦，做乜仲要留佢條命係度喎！
2019年開始政治上身，不停咁亂發帖，同會員嘈交，惡毒言詞不知幾多，唔鍾意順便咀咒埋，從此收紅牌之路再次啟程。
仲有發帖時係標題指名道姓叫某幾位會員唔好入，我見到真係眼都凸埋，佢玩既欺凌霸道真係夠極點。
發帖時有問題，會員同佢講唔岩，引埋實證俾佢都當人無到，由得個帖係度，唔知既人睇左以為得，點知係衰硬。
有時衰左就靜雞雞改內容扮無野，再唔係就俾會員舉報令到個帖回收左，從此死無對證。
由佢開始玩BK到封戶收左既紅牌絕對係多過標準封戶既標準，加埋多過正常人一隻手既手指數，可想而知佢既言行係幾咁恐怖。
BK無俾過機會佢咩？次數多到我去問管理員點解仲唔封，夠晒籌都仲可以生存，我都拜服。
今次佢被封，對我黎講叫做封得遲，早d封咪無事囉，呢d人真係死不足惜。
呢度好多人只睇單一事件就話要解封佢，咁我睇左十幾年咁長，見佢被封不知幾開心，終於被封安樂晒。
管理員純用個別事件去封戶絕對無可能，所有野都係整體咁去睇，先至會有結論。
一個有佢講無人講，自己言論岩晒，人地話佢就係錯。總之係古板、㒼塞、口出惡言、專橫跋扈既人黎。
仲有，講欺凌，睇下自己一隻手指住人時，有幾多隻手指指返住自己！
加多句，「我都係深藍，我都係深藍，我都係深藍，唔好老屈我係黃！」，2019年暴動時期搬帖搬唔切，唔知有無會員老屈我係黃！
我預左出完呢篇野都會收皮，各位慢慢吹啦！...
Charlotte_mom 發表於 26-1-6 14:19
好, 想知丫嘛, 咁我講, 連我咁多年嚟, 應講唔應講嘅, 一次過講, 你可以唔認同我睇法, 但我唔會老作。
首先, 我嚴正聲明一樣嘢, 大力封戶唔係我決定, 我一直係建議出牌禁言, 我一路無講, 唔係我怕, 而係我唔想擺任何人上檯, 因為總有一個人負責落刀。
我無”不敢出來對質”, 係我唔想爆內幕, 唔想嘈, 今日, 唔忍了。
做版主多年, 有D嘢習慣唔講, 包括會員資料, 包括佢犯咩版規, 更包括個人資料, 我見過大力就2-3次掛, 知佢咩個人資料? 知佢係男人, 見過佢個樣, 有仔女, 阿仔讀邊間中學, 就係咁多, 我有咩個人資料可以爆 (忍唔住了, 屈長老因為私人識大力而爆大力個人資料嘅會員, 你咁係欺凌+誣蔑, 不知所謂!) 。
大力犯過咩錯, Miriam講了, 你哋口中嘅友善HELPFUL嘅大力就係咁。大力同我同期做版主, 我仲記得我第一次上BK OFFICE開會, 當時嘅話事人話, 大力就好似一個頑童, 成日同人鬧交, 不如改個方法, 俾佢做版主, 就好似小朋友曳, 俾個班長佢做, 或者佢就會知道自己應該乖D (呢番話, 大力一直唔知, 仲以為BK好睇得佢起) 。記住從DAY ONE, 佢已經係咁。
結果就係, 大力違規到連版主都無得做。 有會員講過, BK應該後悔俾大力做過版主, BK話事人點睇, 我唔知, 但好多版主都覺得係錯誤決定 。
咩係王國長老, 就係EX版主, 點解大力唔係, 因為佢違規到俾人炒, 就係咁簡單。 如果大家依然認為古往今來所有舉報投訴禁言佢嘅會員版主管理員, 全部都係集體針對, 我無嘢講。 所謂王國長老, 有咩權有咩勢? 所有RESTRICTED嘅版面(除咗幾年無UPDATE過嘅長老之家), 我睇唔到, 所有版務, 我亦睇唔到。我有嘅權限同普通會員一樣, 有咩唔妥, 按舉報掣。我可以按, 大家都可以按, 我無特權。我話”今次咁爽手”, 係指管理員對大力出手, 根本一早, 老早, 晨早就應該發生, 無會員可以收咁多牌犯咁多錯, 仲可以日日同人嘈. 當大力鬧人神經病, 咒人無運行, 串人”你無做生意你唔識”嚟拗羸場交, 你哋覺得灑花槍好好笑, SORRY, 睇住佢一把把打落人哋塊面, 我笑唔出。亦唔係我一個人講過所謂友善嘅大力, 有講過呢D說話, 只係有人選擇性失明扮無事吧了。
大力有黑粉, 我知, 我未至於, 但我係一直睇唔順眼佢對人嘅態度, 同管理員為咗流量, 對佢一次又一次嘅寬容 (唔係責怪管理人員, 人在江湖生不由己, 我明) 。
“膠帖”POST, 大力封戶前我就覆過6次咁大把, 貼埋圖又點話, 我笑佢花名, 我認; 話我小氣記仇, 我無意見, 話我欺凌, 我唔服, 我唔係欺凌佢, 我係公開地負評佢, 如果我話佢面皮厚/夏蟲不可語冰係欺凌, 咁BK幾百個對得我嘅評擊算咩? 突然又唔算欺凌?
我同佢有牙齒印, 等於我設局做瓜佢? 我要設陷阱俾佢跳, 以大力咁多仇家+EQ低, 中計容咩易, 一早設咗啦, 駛等今次? (屈長老夾埋設局嘅會員, 一樣係誣蔑, 不知所謂!)
仲有一樣不吐不快, 我係深藍! 我係深藍! 我係深藍! 重要事講3次, 由2019俾人屈到而家, 都係嗰句, 做過版主, 習慣好多嘢唔方便講, 包括自己政治取態. 我係藍, 但我唔會樣樣都覺得國家好強大樣樣誇啦啦, 例如大埔火災, 點解唔用無人機就緊係有原因啦, 我識得多過消防咩? 我就唔會咁大言不慚出POST話消房應該咁做咁做囉 (大言不慚係負評, 唔好又屈我欺凌)
咁多年嚟,大力被包庇幾多次, 我哋一班版主都唔想提. 大家唔知內裡運作, 我知, 我(包括一眾會員同所有義務版主)都只係花生友, 但BK係有員工的, 人哋要睇老闆面色出糧的, 我哋做版主俾人質疑, 俾人鬧, 俾人插, 做得快話有預謀, 做得慢話扮睇唔到, 我哋聽咗幾多年, 食埋幾多死貓, 全因我哋唔想其他管理人員難做, 我哋瞓醒又一條好漢, 唔想嘈可以扮睇唔到, 但管理人員唔得, 要面對老闆, 要面對廣告商, 要靠BK開飯。
最後, 收手啦, BK員工都係人, 而家BK都無搵義工做版主, BK員工做到隻積咁, 為咗一個大力, 俾你哋攪到日日有返工無放工了。鬧版主管理員做得慢就唔好霸住個位嘅, 唔該講嘢唔好太刻薄。
我講完呢番話都唔預有好下場, 我話唔希罕就係唔希罕, 都係嗰句應講唔應講都講晒, 要封戶的話, 隨便。 ...
miriam 發表於 26-1-6 14:18
我唔識講野，係度做版主咁多年，確實睇到好多野。
大力入左黎BK玩後，言行非常極端，係版面同會員嘈既次數 ...
發表於 
係
返回列表
