轉貼
Amaroni’s Little Italy服務好差(22/9/07)
(21/9-星期五), 去左又一城間意大利餐廳(Amaroni’s Little Italy)同朋友慶祝生日, 之前睇左d食評及朋友介紹都話唔錯, 生日仲有蛋糕送同唱生日歌, 好似幾好咁, 同埋覺得都應該會俾到個surprise俾生日個位朋友, 就係因為呢一點, 我就決定試下呢間餐廳
咁我就係(20/9-星期四)打去訂枱, 已經同訂位果個女侍應講, 我有朋友生日, 佢話會預備生日蛋糕, 佢問埋我生日果個朋友既名, 因為女侍應話會有人唱生日歌, 我係果陣都講左俾佢知我朋友既名 (佢仲話會係我地食完所有野, 會自動送上蛋糕, 當時覺得呢間野都唔錯)
今日下午收到佢地餐廳打黎confirm booking既電話, 話準時8:15pm到, hold枱只會hold 15分鐘, 我話ok, 另再次提佢地 “有人生日, 記住預備蛋糕”, 當時佢地回覆話 “我地知啦”, 咁我就收線啦!
到晚上8:15pm左右, 我地去到間餐廳攞位, 我細細聲再同門口安排座位果個女侍應講, “有人生日, 記住預備蛋糕呀”, 個女侍應答話 “知啦, 之前已經mark底左啦” (當時, 我都好放心, 應該唔會有問題, 因為我對呢間高級餐廳既期望都好大)
等左大約5分鐘左右, 就安排入座, 叫左個2人餐 ($240一位), 環境同食物都唔錯, 食埋個跟餐甜品tiramisu 15分鐘後, 都無侍應送蛋糕上枱 (心想: 唔係唔記得呀? 提左咁多次) 跟住我扮去洗手間, 上前同一個女侍應講 “我之前已經訂左既蛋糕, 仲咩仲唔黎, 我地要走啦”, 個女侍應話 “好, 即刻黎”
之後, 當我返埋座位, 生日既朋友話走啦, 不如埋單 (心想: 算啦, 當之前安排既野係白費), 係等簽賬既同時, 我地前面一張枱, 亦係有人生日, 侍應送上生日蛋糕同唱生日歌, 我既生日朋友亦擰轉後面, 望左一望……跟住我就同佢講, 其實我都有為你安排, 我唔知點解佢唔黎, 之後, 我個朋友叫我追個侍應, 咁我就同一位男侍應講, 我已經一早話有人生日, 個蛋糕仲咩無黎到” 之後, 佢真係好快咁拎左蛋糕黎, 唱生日歌前又問生日果個人叫咩名, 之後兩個男侍應好唔願意咁唱左首生日歌
離開間餐廳同朋友分別後, 我真係好嬲, 好激氣, 食左一餐幾百蚊, 但係唔開心既晚飯, 即刻打返去餐廳投訴, 同餐廳既林先生講左以上既野大約30分鐘, 大致內容如下……
(1)我: 我同左你餐廳講左有人生日, 預備生日蛋糕講左四次, 第五次先拎黎, 點解釋?
林生: 其實一日咁多人生日, 漏左真係難免, 每張枱都有一個專責服務既侍應, 可能係果個侍應唔知
(攪錯呀, 咁大間餐廳, 邊張枱有人生日, 無用電腦記低?? 抑或d侍應無帶個腦返工呀)
(2)我: 本來可以俾朋友有驚喜, 而家非常失望, 而家點先呀?
林生: 我知你個驚喜係無左, 真係唔好意思, 一係你下次帶你果個朋友再黎, 我同佢解釋呀
(仲要我下次俾錢黎幫襯?? Sorry, 係無下次囉)
(3)我: 你地做唔到既野, 就唔好應承我啦, 同你地d職員講左4次, 次次都話有, 有無攪錯呀?
林生: 其實個蛋糕係我地公司免費送俾你地, 最終又唔係無送到上枱
(免費送俾我地=咁就可以話黎就黎, 唔黎就唔黎?? 當我黎乞食呀!!!!!!!!)
(4)我: 我知你地對呢件事, 只不過係覺得係漏單咁小事, 但係我籌備既野被你地破壞哂
林生: 唔好意思呀, 你而家係咪仲係附近? 我送番2個甜品俾你啦
(無野呀, 我朋友走左啦, 我唔會再黎)
(5) 我: 我覺得好核突同好尷尬囉, 係我朋友面前催侍應拎蛋糕上枱, 之前已叮囑你地d同事有4次之多 >_____<, 第5次個男同事先做到, 而家唔係1次2次呀, 係已經4次啦
林生: 咁個4次係咪都係同一個同事
(我又點會知道呢4個同事係咪同一個人呀, 唔通下下都認住佢個名呀?? 我只知道4個都係女仔, booking, 打黎confirm booking用電話, 我又點會知呢…帶位同另一女侍應應該唔同啦…2個人做既野都唔一樣)
(6) 我: 咁你有咩補償, 我呢餐飯食得好唔開心, 你地想點做呢?
林生: 一係送$200 coupon俾你下次再食呀, 再送多2個甜品俾你啦, 下次黎再搵返我
(我都話我唔會再黎, 我唔會接受呢個補償)
(7)我: 咁一係我將呢件事, 話哂俾d報紙同雜誌知囉
林生: (問完經理後) 我已經盡力咁同我經理講, 呢餐半價啦!
(wa, 多謝哂呀……
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
