原帖由 anniechu1029 於 13-09-04 發表
至於果7張10蚊有乜意思我真係唔知
但利是就比7封,封封都係10蚊
我自己覺得你唔想比就唔好比
其實好多網友響度講咁多野講黎講去都係講緊心意冇話要幾多先係岩
誠意依家野唔係用錢可以衡量我都同意
但你地真係覺得整件事情只係咁多位所見到既七十蚊?
正所謂冰封三尺非一日之寒依七十蚊只不過係導火線
大家覺得多有多比少有少比誠意最重要十蚊都係誠意
但如果大家聽完以下事件都覺得我父母係好有誠意的話先再講
為人父母山長水遠黎到加拿大理應高興
但今次遠道而來真正目的係乜咩
大家可能會覺得個孫岩岩出世黎探下佢啦順便遊覽一下
但又唔係喎佢地先到溫哥華再轉機到卡加里
兩星期後再飛返溫哥華玩然後返卡加里再飛多倫多玩
玩完再去美國上遊輪享受海上之旅然後再返回卡家里飛到溫哥華轉機回港
來來回回都要停一停卡加里一定好掛住個孫仔想見多幾面?
但又唔係喎到今時今日黎左兩個星期掂都未掂過個孫囉
你岩岩到步同埋一齊去食宵夜比左爺爺抱但嫲嫲就用一個鄙視既眼神望過去
好我當佢搭左十幾個鐘頭機好累唔夠精神睇諒一下老人家
過左兩個星期去到個家庭聚會一見到我地黎左就閃左出去後院
正所謂禍不及妻兒BB仔無罪家嘛同我關係唔好做咩要發泄落自己個孫度呢
抱埋個孫去比你抱你又話手痛話放底個BB比你同佢玩下你又話唔好
連相你都唔肯同個孫仔影果一刻我真係好想知你今次山長水遠黎
究竟佢有無少少係黎見下我地同個BB囉
其實結婚前前後後都四年當年你又唔係唔知係你話機票貴請假唔請得耐好似好唔底唔過黎還是所有都係籍口佢根本唔想過黎只有佢本人最清楚
我老婆又坐緊移民監返唔到香港
但時到今日如果你真係咁唔想飲依杯茶既話都過左四年咪唔好飲囉
洗唔洗預先準備D十蚊利是黎比我地
如果話誠意最緊要的話我真係感受唔到囉又或者係我天生異品
感官系統同大家既唔同
定係可以仲有人覺得對人不聞不問不屑一看都是關心的一種
至於果7張10蚊有乜意思我真係唔知
但利是就比7封,封封都係10蚊
我自己覺得你唔想比就唔好比
多一事不如少一事
但自己最親既人都封得出10蚊
加上又面黑黑咁所以先嬲
既然有人鍾意拎D舊野黎講....等我又講晒出黎先~希望大家幫手評評理
我地09年12月23日結婚,你又要係12月叫老公買左屋放租先,話無首期,仲借2萬出黎同1萬話俾我地結婚用,但我地無收過現金,後來又話拎埋黎做首期.條數係點我地完全唔知.....10年9月,就叫5姨打電話黎話等錢用.打返去問你要幾多同咩用,就叫我地還錢.當時我地得1.2萬,老公仲去問老闆借,大拿拿8千,我地每月還返俾老闆...11年1月,就話老公結左婚大個仔要交租(之前又叫佢儲錢唔駛交XD),我又未返到工,又要還錢俾老闆,我寫左信同佢解釋先解決左...12年1月,我拎到工作證可以返工...12年4月,就話身體唔好設唔到工,再叫我地交租,唔想再煩,我地搬....
真係要好多謝我媽既體諒,呢4年黎我一毫子都無寄返香港,每次想寄都有事發生...仲要不斷寄野俾我地,亞囡出世出錢.出力又出心....果3個月仲要忍埋老公既臭脾氣,因為你既"家教"你個仔真係好難頂....由以前既1日發一次,到而家幾日先發小小...我真係埃返黎,我成日諗我大佢幾年,可以既都就下佢,當然加埋我媽教得好...而家都可以叫苦盡甘來^^
我媽返香港之後,得我自己湊囡,老公雖然係屋企,但佢無幫過我手,佢只係陪個囡玩下,我仲要執屋.煮飯....好彩佢對食無咩要求,飽肚就得...而家你過到黎,叫你又唔應,同人地個孫玩都唔理自己個孫...真係唔識講....
我知我打呢篇野肯定會激嬲你地全家,但我地唔怕,呢D係事實,我只係將我地獲得既雙倍還返俾你地....你地可以再叫FB BLOCK我,...但開EMAIL唔駛身分證,我可以再開好多個....
我係老婆...瞓醒見到各位既意見....
係.我地無返去係我地做得唔好...
個青蟹POST只係我既感受,我公開只係想俾男家既人知道我既感受,關係唔好無做朋友....
樓上段野係收到5E既意見加上FB俾人BLOCK左既解釋
好多野大家唔知亂估
我最怕係傷害左我媽....
你地信唔信都好,我地有努力去修補關係....只係失敗左姐
我係FB有N個媽媽會,我亦主動同谷友講,但無人好似你地咁激動
this is the last post
we don't any reply again
發表於 
其實一家唔知一家事，呢個年代，有D父母好衰係真的，有D 仔女衰又係真的。
返回列表
